الاثنين، 28 يونيو 2010

السقوط فى بئر سبع

فكرت كتير وأنا بشوف مسلسل ( السقوط فى بئر سبع ) وأنا صغير
إيه اللى يخلى اتنين زوجين يخونوا وطنهم
كنت بقعد أتخيل أفلام حرب أكتوبر وأشوفهم بيحملوا جواهم شىء من القذارة والخسة
بالظبط زى الجندى اللى ممكن يعذبوه ويعترف بتفاصيل تضر وطنه
أو بالظبط زى المواطن المتغرب عن وطنه لما بتيجى له فرصة أن يبقى جاسوس وبيقبل
طبعا شفت دا فى (( مين اللى ميحبش فاطمة ))
صراحة مكنتش بلاقى تفسير
أحيانا كنت بقول الطمع وقلة الإنتماء وبرضة أفتكر أفلام حرب أكتوبر وأحس بالعزة وأعد من واحد لميه وأنام
لنا كبرت شوية وظهر إهتمام جوايه بمجال الجاسوسية والروايات البوليسية
وقريت إنه فى مثلا موظف أمريكى ممكن يبيع وطنه عادى جدا لصالح وطن تانى
أو مواطن أو مسؤل عسكرى روسى ممكن يبيع بلده بمقابل شوية شوكلاته وسيجار فاخر وفلوس
كنت بستغرب قد إيه الناس دى شايفة وطنها رخيص أوى ومش بتحبه
ولما كنت أقرا عن مواطن بيحن لأصوله اليهودية أو الألمانية وبيخون أمريكا أو أى بلد تانية
كنت بحس إنه برده بيبيع وطنه
شىء غريب عالإنسان إنه يبيع وطنه
شوية شوية وقريت عن الجماعات المتطرفة الإسلامية فى مصر قريت شوية طراطيش كلام
الناس دى برده بتخون أوطانها
فكرت كتير فى السر الرئيسى ورا كل دا
إيه اللى يخلى الواحد يبيع أرضه وشرفه وعرضه قدام أى مقابل
فكرت فى وضع الانسان والمواطن سواء أمريكى أو حتى يوجوسلافى او مصرى جوا بلده
إيه مكانه فى البلد ؟
بمعنى أصح لما بنقسم الوطن بيكون تحت أى شريحة ؟؟؟
هل الشريحة دى بتتعرض لظروف إجتماعية معينه ؟
لكن لقيت إن فى عهد السادات فى ظباط جيش تحولوا لجنود فى جماعات إسلامية متطرفة
الجهاد وغيره
طيب ظابط وظروفه مرتاحه وأهله مرتاحين وعنده زوجة وأولاد وعيشه زى الفل
يمكن بتكون الظروف الاجتماعية ظروف تانية ؟
زى مثلا تخلى الوطن عن قضية بيدافع عنها الشرع والدين
ساعتها بيحس المواطن بخيانة وطنه ليه
دا اللى ممكن يدفعه إنه ياخد مدفع ويقتل أولاد بلده وهوا شايف إنهم أعداء
دا اللى ممكن يدفع المواطن للشعور بالإغتراب والوحدة فى وطنه
إن أفكاره تتغير ويحس إن اللى هوا بيفكر فيه هوا إتخلق عشان كدا
أو هوا مش شايف لنفسه مكان جوا المنظومة اللى عايش فيها
يعنى مثلا
حاجب المحكمة
إيه وظيفته فى تنفيذ العدل فى المجتمع ؟؟؟
هوا مجرد ترس
حاسس إن وجوده لا هيقدم ولا هيأخر
ترس زوغير وقليل لدرجة الضآلة وبكرر كلمة (( زوغير مش صغير ))
حاجة هامشية
ساعتها ممكن يتخلى عن القضية السامية اللى بيجرى وراها ويتابع قضية تانية هيحس فيها بمكانه
هيلاقى فيها دور حقيقى لنفسه
بالظبط زى اللى سافر أفغانستان وإنضم لجماعات هناك للجهاد ضد السوفييت
هوا فى بلده مش لاقى لنفسه مكان ولا هدف ولا قيمة
وفى أمثلة كتير لوظائف أو حتى أعمال بنحس إنها يا إما بلا قيمة أو إنها مش بتؤثر بقوة فى حياتنا
الرغبة فى تحقيق الذات والوصول لهدف مستحيل فى ظل واقع ألم فى إستحالة لتغييره أو التأثير عليه
حلو السطر اللى فات دا إقراه تانى هيفسر كل اللى فات
يعنى ببساطة المواطن بيحس بإهمال وطنه أو خيانة وطنه له زى ما البعض بيشوفها
قد يكون بقى دا من خلال ظروف إجتماعية أو بطالة أو إدمان أو حتى تعطش للجنس وإستحالة الزواج
زى الشاب اللى ملقاش حل غير إنه ينتحر أو اللى قطع ال ... فى سوهاج
الظروف دى بتحول الإنسان لأى شكل ممكن يخطر فى باله يقدر يحقق له احلامه
سواء قاتل بيتقم أو مجرم بيسرق أو بينصب بغرض المكسب السريع أو مغتصب شايف إنه بياخد حقه من الجنس الآخر لأنه يستحق أو مسؤل بيبيع نفسه ويبيع كرسيه للى يدفع له أكتر فى مقابل إنه حتى فى مكانه الكبير دا مش لاقى الإحترام أو الراحة اللى بيدور عليها وعلى طول شايف قضايا الفقرا والنظرة الاشتراكية لمنصبه من الناس بتخليه يحس إنه لازم يخدم كل الناس بدون مقابل
كل دا بيعتبر سقوط فى بئر الخيانة أو ضياع الشرف من وجهة نظرى
الإرهاب الإجرام والخيانة
مش كدا وبس
أحيانا بشوف أشباه الرجال ( الشواذ عموما ) وببص لهم وأحس بالقرف
من غير ما أخد بالى نهائيا من أن أى إنحراف جوا الإنسان سببه البيئة المحيطة بيه
أو الحياة اللى بيعشها
عجزه عن القيام بشىء بالشكل الصحيح
بلاقى إن أحيانا كل المذكورين هنا فى اللى كتبته دا
كلهم أبرياء وإحنا كمجتمع المجرمين
مجتمع بيصنع الشذوذ والإرهاب والإجرام
المفروض إن مجرد فكرة الرفض بتحمل معها بديل آخر
يعنى مينفعش تيجى تقولى بطل كتابة فى المدونة تماما
لاء لازم تيجى ببديل ...مثلا : بطل كتابة فى المدونة وإكتب فى اليوم السابع أو مجلة حرة أو حتى فى ورق طعمية
المهم إن البديل اللى بيتقدم بيكون بيحصل على نفس القدر من الرضا اللى بحاول أوصله
يعنى مثلا مينفعش مجتمع بالكامل بيشتكى من فكرة الإرهاب والإجرام والشذوذ والتحرش الجنسى والإغتصاب والإدمان
وبيدين كل دا وبيتوعد له بالعقاب وفى نفس الوقت مش بيقدم بدايل
العقاب فى الحالة اللى مش بيقدم فيها بدايل بيتحول لمجرد تحجيم الشخص عن القيام بالخطأ
زى بالظبط لما تلاقى حرامى فى بيتك وتوديه السجن ويتسجن تلات سنين
هوا هنا مش لاقى قدامه بديل تانى
بالعكس هوا لقى دافع أقوى للسرقة
الإنتقام من المجتمع متمثل فيك إنته لما مسكته وهوا محتاج
أو السنين اللى ضاعت من عمره هدر فى السجن بدون شهادة أو حتى إحتراف مهنة هوا بيحبها
مينفعش نقول إن إحنا ضد الشذوذ ولازم نعاقب الشواذ أقوى عقاب ممكن ونفضحهم بقوة إذا ملقيناش حل بديل
يعنى مثلا الجواز وتسهيل الجواز
طبعا اللى بتكلم فيه دا مستحيل
لأن كل طبقة فى الزواج بتطمح للصعود لطبقة إجتماعية أعلى
يعنى مثلا البنت بتدور على حد يرفعها من مستواها يكون بينقلها لفوق نقله أحسن
مش مجرد عريس وشقة فى نفس البيت أو بيت شبهه وبيت أولاد زيها هى وأخواتها
مشكلتنا مش فى السرقة أو فى الإجرام عموما أو حتى فى الشذوذ أو الخيانة للوطن أو الإرهاب
مشكلتنا بتكمن فى تحريم البدايل وجعلها مستحيلة
بل وحتى فى حالة وجود بديل بنحاول نحط له مليون إطار ومليون قيد خوفا من بكره
أنا مقتنع إن القيود اللى بتقيد الناس زى العادات والأعراف والتقاليد والقانون حتى الدستور
زى ما بتقيد الناس وبتحددهم وبتحدد أعمالهم وحياتهم كلها فى إطار معين
زى ما بتحميهم
الناس بتلجأ لحاجات زى دى بغرض القيد والحماية
محاولة منها للسيطرة على ما لايمكن السيطرة عليه
ببساطة
محاولة تفادى أى نسبة خطأ تعكر عليهم صفو حياتهم المقيدة اللى بيحاولوا يرضوا فيها بأنصاف الحلول
أنا مش بتكلم عن الجريمة بغرض الجريمة أو الشذوذ كرغبة داخليه أو السرقة بدافع نفسى
أى حاجة تحمل دافع نفسى ملهاش حل غير بالتفاهم ومحاولة الإقناع
إنما لو هترتكب الغلط وتقول الظروف
يبقى لازم اللى قدامك يقدم لك بدايل
المجتمع
الناس اللى حواليك
إحنا والحمد لله نجحنا فى قتل البدايل وتحويلها لنجوم فى السماء يصعب على الخلق الوصول لها
قوم بص فى المراية .......
شوف نفسك وقعت فى البير ولا لسه ؟؟
هل عندك أخطاء ؟
هل عندك مشاكل ؟؟
حاول تناقش نفسك
وتحط لنفسك بدايل
يمكن تلاقى مفر من متاهة الفأر اللى إنته فيها ...
شاب فقرى
على فكرة ملاحظة جانبية : من وجهة نظرى الشخصية إن كل من ذكرتهم فى المقال أبرياء لأننا من يصنعهم بتحكماتنا وأفكارنا التى نحاول فرضها على الاخر ..بداية من الجندى الذى يعترف على وطنه تحت ضغط ( على فكرة كل واحد له طاقة إحتمال ) وحتى المجرمين والخونة والشواذ والقتلة والمغتصبين والمتحرشين ... الظروف نحن من يصنعها وهى من تصنعهم ...فكر شوية يمكن تلاقى نفسك اللى بتصنع الظروف ...ب سكوتك عالأقل ...

الأحد، 27 يونيو 2010

حجر فى مياه راكدة


الإستمرارية
هى إستمرار حال معين أو فعل معين إلى مدة لا نعلم نهايتها
ربما تكون الحالة دى هى الثبات
ولكنها دائمة بشكل يمنعنا من التفكير فى إن دوام الحال من المحال
الإستمرارية فى حد ذاتها هى عذاب
تكرار الشىء أو مجرد ثباته الدائم بيعتبر عذاب شديد لا يحتمله بشر
فى أثناء تفكيرى إفتكرت إنى قريت أو سمعت قبل كدا عن ملائكة خلقهم ربنا من أول نا خلق الخلق والملائكة فى حالة سجود
وملائكة تانية فى حالة ركوع أو تسبيح
الأمر فعلا مستحيل تخيله بالنسب لبشر
موضوع صعب جدا
وقد يكون مستحيل
يمكن عشان كدا حياتنا دايما الثبات فيها مستحيل وإن إستمر فترة
بيسبب الزهق والخنقة لصاحب الحال دا
ممكن تدفعه للإنتحار
حتى فى حالة الثبات فى مستوى العيشة اللى بيتمتع برفاهية كبيرة
الدول المتقدمة واللى فيها مستوى معيشة شديد الرفاهية لسكانها
بيكون فيها حالات إنتحار بشكل كبير جدا
المشكلة فى الثبات
الروتين
الإستمرارية
ياترى هل من الجميل إن الحال يتغير يبقى حاجة تانية ولو حتى للأسوأ ؟؟؟
من وجهة نظرى إن فى حالات الإستمرارية وقلة التغيير
أى تغير ولو كان سىء جدا هوا تغيير بيحرك المياه الراكدة فى حياة البنى آدم
فالتغيير دا عامل زى حجر بيحرك المياه الراكدة حتى وإن كان بيعكرها فهوا بيدفعها للحركة وبيبعت فيها حياة وبيكسر الثبات الدائم اللى هى فيه
عالأقل بيخليها تتحول لشىء تانى
يمكن شىء يدفعه للتغيير للأحسن وكسر الثبات
ويمكن يكون دا طريق لإستمرار حال آخر منعرفش بوجوده لسه فى حياتنا
وتظل الإستمرارية عذاب
شاب فقرى

الاثنين، 21 يونيو 2010

هى النهاية



كنت زمان بسمع عن معبد أبو سيمبل من أثار النوبة
اللى تم نقله بالكامل لمكان تانى للتفادى من غرق المعبد أثناء إنشاء بحيرة ناصر
المعبد كان كله على بعضه جزء من الجبل منحوت فى الجبل
أنا شفت له صورة عالنت
تخيل معايه لما يبقى بيتنقل جبل بالكامل
وكل قطعة ليها مكان محدد ومن غيره مش هيتم الشكل
ولا هيبقى الجبل ولا هيبقى المعبد بقيت حاسس إنى زى المعبد دا كدا
أو الجبل اللى إتنقل بالكامل دا
أنا بقيت حاسس إنى مفكك بالكامل إلى قطع بنفس عدد القطع للجبل دا
كل واحد فى حياتى شارك فى دا من بداية حياتى
بس للأسف غير قابل للتجميع
عشان كدا أنا بقفل المدونة

عشان مينفعش أستمر وأنا كدا
ولا ينفع أقول حاجة وأعمل حاجة تانية
أو أبقى مؤمن بمبادىء مستحيلة
غير موجودة فى الحياة
موجودة فى عقلى أنا بس
يا إما أخالفها أو أمشى بفكرى الخاص اللى كنت بكتبه هنا واللى كونته بيها
أكيد أنا قلت قبل كدا إنى بحب أمشى بدماغى
حتى لو فشلت فأنا سعيد إنى مشيت بإختيارى وتفكيرى الخاص
لكن مش هتحمل مسؤلية حد تانى
أى حد تانى يمشى بتفكيرى أو يقرر يفكر بيه ويستعمله فى حياتى

فكرى الخاص هحتفظ بيه لنفسى وبس
أنا متأكد إن الفكر بيحرك شعوب
بيكون إيمان وبيكون إعتقاد وبيشارك فى حقائق

مينفعش حد يمشى بالفكر بتاعى اللى بنشره وإنه يتضر

أنا مسؤل عن نفسى

لكن مش مسؤل عن حد

ولحد ما أجمع الجبل دا
وأجمع نفسى وأعالج كل دا
السلام عليكم

شاب فقرى

الاثنين، 14 يونيو 2010

لأن كل شىء بعيد


لأن كل شىء بعيد
الواحد بيختار أنه يستمر فى البعد دا كمان وكمان
الواحد بيختار البعد لما بيكون كل ما بيتمناه فى حياته بعيد ومستحيل التلاقى
لما تكون الحقيقة مستحيلة وغايبة وبتجرح
ولما يكون الحق هوا الغلط
ولما يبقى كل شىء بعيد
لازم نختار البعد
لازم عن نفسى
أبقى لوحدى
بعيد
شاب فقرى

السبت، 12 يونيو 2010

الداخلية تنفى مسؤليتها عن وفاة خالد سعيد

نقلا عن اليوم السابع


أكد مصدر أمنى عدم مسئولية وزارة الداخلية عن وفاة المواطن خالد سعيد صبحى بالإسكندرية، واتهم المصدر الأمنى فى بيان صدر اليوم عناصر ودوائر بعينها فى الترويج من خلال وسائل إعلامية متعددة الإدعاء بأن رجال شرطة سريين قد اعتدوا على المواطن خالد سعيد صبحى وتسببوا فى وفاته على نحو مخالف للحقائق وينطوى على مغالطات صارخة.

وقال المصدر الأمنى فى البيان إن العناصر المشار إليها تمادت عن قصد واضح فى الادعاء بمسئولية الشرطة السرية عن وفاة صبحى، مضيفا أن حقيقة الواقعة تمثلت فى أن فردى شرطة من قوة وحدة مباحث قسم سيدى جابر بالإسكندرية خلال ملاحظتهما للحالة الأمنية بتاريخ يوم 7 من الشهر الجارى بأحد شوارع منطقة كيلوباترا التابعة للقسم، قد شاهدا المحكوم عليه "خالد محمد سعيد صبحى" يرافقه أحد أصدقائه ولدى توجههما لضبطه بادر المذكور بابتلاع لفافة تبين بعد ذلك أنها تحوى مادة مخدرة مما ترتب عليه حدوث اختناق أسفر عن وفاته.

وأضاف بيان المصدر الأمنى أن وفاة صبحى بعد تعاطيه لفافة مخدرة أكدها الشهود الخمسة ومنهم صديقه الذى كان يرافقه المواطن محمد رضوان عبد الحميد ورجل الإسعاف الذى حاول إسعافه قبل نقله من الطريق العام بسيارة الإسعاف إلى المستشفى، كما أكدته أيضاً على نحو قاطع تحقيقات النيابة فى الواقعة والتى توافقت مع نتيجة التقرير المبدئى للطب الشرعى الذى تضمن أن الوفاة نتيجة اسفكسيا الخنق نتيجة انسداد القصبة الهوائية باللفافة التى حاول ابتلاعها.

وأضاف المصدر الأمنى أن المذكور كان مطلوباً لتنفيذ حكمين بالحبس صادرين فى القضيتين الأولى تحمل رقم 7439 جنح سرقات 2009، والأخرى لحيازة سلاح أبيض، وأنه سبق ضبطه فى أربعة قضايا سرقات وحيازة سلاح وتعرض لأنثى كما أنه مطلوب فى القضية رقم 333 لسنة 2008 للهروب من الخدمة العسكرية، فضلاً عما تضمنته أقوال والدته فى التحقيقات من أنه معتاد تعاطى المواد المخدرة.

ونوه المصدر الأمنى إلى أن تلك الإدعاءات المُغرضة قد تغافلت عن عمد جميع الحقائق وتمادت فى الترويج للكذب والتضليل، فى محاولة للإساءة لجهاز وطنى يضطلع بمهامه رجال الشرطة بكل مثابرة ودأب التزاما بواجبهم بالإسهام فى تنفيذ القانون وحماية المصالح العامة والخاصة، بل وذهب الأمر إلى حد أبعد يستهدف الإساءة لأوضاع حقوق الإنسان بالبلاد بتنظيم وقفات احتجاجية والدعوى للتظاهر وتوجيه رسائل إلكترونية لدوائر رسمية وغير حكومية أجنبية تطالب بوقف التعاون مع مصر لانتهاكها حقوق المواطنين.

كما أشار المصدر الأمنى إلى أنه من الملفت للنظر أن تتبنى بعض وكالات الأنباء والقنوات الفضائية الأجنبية هذه التأويلات وعلى نحو مُبكر دون تدقيق أو ترقب لمسار التحقيقات وقرارات النيابة، خاصة أن الأمر أصبح فى إطار متابعة وتوجيه مباشر من السيد النائب العام بناءً على بلاغات تقدم بها البعض.

وأنهى المصدر الأمنى بيانه الذى تلقى اليوم السابع نسخة منه، بالتأكيد على التزام أجهزة الشرطة بالقانون وبمبادئ حقوق الإنسان فى إطار سياسة الدولة وعلى أنه لا مجال لإخفاء الحقائق، كما أكد أنه لا تراجع مهما تمادت الادعاءات والحملات المُغرضة عن التزام رجال الأمن بواجبهم بكل حزم وفق ما تمليه أحكام الدستور والقانون.

لماذا قتل خالد سعيد ؟؟؟



نقلا عن الشروق
((((((

كشفت السيدة ليلى مرزوق والدة خالد محمد سعيد (شهيد الطوارئ) للشروق، الأسباب الحقيقية وراء مقتل ابنها على يد ضابط شرطة ومخبرين اثنين، وقالت إنه "حصل على فيديو يحتوي على لقطات لأحد ضباط قسم سيدي جابر والمخبرين، وهم يقومون بالاتجار في الحشيش وقام بنشر الفيديو بين أصدقائه وذلك منذ حوالي شهر، وقال إنه سوف يدشن مدونة لفضح الضابط والمخبرين"، وتتابع والدة خالد "قمت بتحذيره أكثر من مره من نشر هذا الفيديو حتى لا يقوموا بإيذائه"، وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة وانهالوا عليه ضربا".

وأضافت لم يصدر حتى الآن تقرير الطبيب الشرعي، ولكن ما صدر هو تقرير الإسعاف الذي قالوا فيه إن خالد انتحر نتيجة بلعه قطعة حشيش، وأن به عدة كدمات نتيجة عراكه مع المخبرين، وأشارت "المخبرين وبعض الشهود قالوا إنه عندما شاهد المخبرين قام ببلع قطعه حشيش واستنجد بالناس، وقام المخبرون بضربه، ولكن التقرير نفى أن تكون الوفاة نتيجة الضرب"، وتتابع بمرارة "خالد كان يجلس إمام الإنترنت 24 ساعة، فالإنترنت حياته وكان يجلس ساعات عديدة في النت كافيه".

من جانب آخر، تحدث جيران شهيد الطوارئ بالإسكندرية عن خالد سعيد، وأكدوا أنه كان مثالا للشاب المحترم، وأنه كان يعشق الموسيقى ولم تكن له علاقة بأي من أنواع المخدرات، وأضافوا أنه ينتمي لعائلة محترمة وميسورة الحال.

وروى صاحب مقهى الإنترنت الذي شهد الحادث تفاصيل سحل خالد، وأكد أن شهيد الطوارئ دخل المقهى كعادته إلى صديقه نبيل الذي كان يمارس نشاطه على الإنترنت، حيث فوجئ الجميع، بكل مخبر يدخل من باب مختلف للمقهى بحيث حاصراه ومنعا الخروج منه، ثم قاما بتكبيل خالد وأوسعاه ضربا، وحين حاول مقاومتهما ضربا رأسه برخام المحل، حاول صاحب المقهى التدخل لطرد المخبرين ظنا أنهما يحاولان اعتقاله، فسحبا خالد معهما للخارج بينما كان غائبا عن الوعي، وظلا يضربان رأسه بالبوابة الحديدة المجاورة لمقهى الإنترنت حتى لفظ أنفاسه الأخيرة، فألقيا به في سيارة الشرطة وابتعدوا لمدة عشر دقائق، قبل أن تعود السيارة محملة بعدد من أفراد الشرطة وتلقي المجني عليه في الشارع.

وأضاف شهود العيان أن سيارة إسعاف وصلت بعد قليل وحملت الجثة، لتكتب تقريرا تدعي فيه أن خالد سعيد توفي نتيجة جرعة مخدر زائدة، وأكد الشهود أن عدداً من معاوني الشرطة شددوا على أصحاب المقاهي المجاورة بعدم تقديم أي شهادة لوسيلة إعلامية، وإلا تعرضوا للاعتقال والتعذيب.
))))))

تعليقى ورأيى الشخصى
يعنى الدنيا كلها وكل الشهود وكل اللى إتنشر بيقول إن خالد مواطن عادى وشاب عادى ولا عليه أحكام ولا مسجون سابق ولا هوا مسجل خطر وجهاز الأمن هوا بس اللى شايف كدا

حتى لو كان خالد مجرم ومغتصب اطفال وقاتل
مش من حق أى بنى آدم يعمل فيه كدا ولا يعذبه ولا يسحله ولا يقتله بالطريقة دى

مهما كانت تهمته
دول مخبرين وظابط اللى قتلوه
مش بحكم محكمة جاله إعدام

تقرير الطبيب الشرعى اللى بتتكلم عنه الشروق واللى هيروح النيابة دا
بيقول إنه مات من الخنق لأن كان فى حاجة جوا زوره
طيب بالعقل كدا بقى نتكلم
لو انا واحد معايه حشيش وماشى بيه فى الشارع وقابلت ظابط
هل هبلع الحشيش بورقته بالكيس بتاعه ؟
وبعدين الظابط يقعد يضرب فيه 20 دقيقة ويكسر جمجمتى وانا عايش ؟؟؟
وكل دا الكيس فى زورى
وبعدين ياخدنى القسم وييجى يرمينى فى الشارع تانى ؟؟؟؟
دا لو كان الشاب دا مختل عقليا فهوا مستحيل يعمل كدا
ببساطة كان هيسلم نفسه
داا لو رواية الشرطة سليمة
ولو هوا مجرم كان هيقول إيه يعنى كام سنة سجن وأطلع ببراءة ولا محامى خبيث يطلعنى
طيب
لو كلامهم سليم وان خالد مات من الخنق
وان الكيس اللى كان محشور فى زوره دا بتاعه
إزاى بقى فضل يستغيث ويصرخ طول التلت ساعة اللى اتعذب فيها فى الشارع دى ؟؟؟
ولا هما سابوا الكيس فى إيده وضربوه وبعدين خدوا منه الكيس وحطهوله فى زوره
طيب
نيجى بقى للكلام اللى إتقال واللى بيدعمه الفيديو اللى فوق دا

واللى على لسان والدة خالد


(((((

كشفت السيدة ليلى مرزوق والدة خالد محمد سعيد (شهيد الطوارئ) للشروق، الأسباب الحقيقية وراء مقتل ابنها على يد ضابط شرطة ومخبرين اثنين، وقالت إنه "حصل على فيديو يحتوي على لقطات لأحد ضباط قسم سيدي جابر والمخبرين، وهم يقومون بالاتجار في الحشيش وقام بنشر الفيديو بين أصدقائه وذلك منذ حوالي شهر، وقال إنه سوف يدشن مدونة لفضح الضابط والمخبرين"، وتتابع والدة خالد "قمت بتحذيره أكثر من مره من نشر هذا الفيديو حتى لا يقوموا بإيذائه"، وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة وانهالوا عليه ضربا".

وأضافت لم يصدر حتى الآن تقرير الطبيب الشرعي، ولكن ما صدر هو تقرير الإسعاف الذي قالوا فيه إن خالد انتحر نتيجة بلعه قطعة حشيش، وأن به عدة كدمات نتيجة عراكه مع المخبرين، وأشارت "المخبرين وبعض الشهود قالوا إنه عندما شاهد المخبرين قام ببلع قطعه حشيش واستنجد بالناس، وقام المخبرون بضربه، ولكن التقرير نفى أن تكون الوفاة نتيجة الضرب"، وتتابع بمرارة "خالد كان يجلس إمام الإنترنت 24 ساعة، فالإنترنت حياته وكان يجلس ساعات عديدة في النت كافيه".

من جانب آخر، تحدث جيران شهيد الطوارئ بالإسكندرية عن خالد سعيد، وأكدوا أنه كان مثالا للشاب المحترم، وأنه كان يعشق الموسيقى ولم تكن له علاقة بأي من أنواع المخدرات، وأضافوا أنه ينتمي لعائلة محترمة وميسورة الحال.

وروى صاحب مقهى الإنترنت الذي شهد الحادث تفاصيل سحل خالد، وأكد أن شهيد الطوارئ دخل المقهى كعادته إلى صديقه نبيل الذي كان يمارس نشاطه على الإنترنت، حيث فوجئ الجميع، بكل مخبر يدخل من باب مختلف للمقهى بحيث حاصراه ومنعا الخروج منه، ثم قاما بتكبيل خالد وأوسعاه ضربا، وحين حاول مقاومتهما ضربا رأسه برخام المحل، حاول صاحب المقهى التدخل لطرد المخبرين ظنا أنهما يحاولان اعتقاله، فسحبا خالد معهما للخارج بينما كان غائبا عن الوعي، وظلا يضربان رأسه بالبوابة الحديدة المجاورة لمقهى الإنترنت حتى لفظ أنفاسه الأخيرة، فألقيا به في سيارة الشرطة وابتعدوا لمدة عشر دقائق، قبل أن تعود السيارة محملة بعدد من أفراد الشرطة وتلقي المجني عليه في الشارع.

وأضاف شهود العيان أن سيارة إسعاف وصلت بعد قليل وحملت الجثة، لتكتب تقريرا تدعي فيه أن خالد سعيد توفي نتيجة جرعة مخدر زائدة، وأكد الشهود أن عدداً من معاوني الشرطة شددوا على أصحاب المقاهي المجاورة بعدم تقديم أي شهادة لوسيلة إعلامية، وإلا تعرضوا للاعتقال والتعذيب.

))))


الموضوع خلاص إتفهم
الله يرحمك يا خالد

الجمعة، 11 يونيو 2010

بعيدا عن قذارة النظام




شهداء الشرطة

شهداء الشرطة دلوقتى هما مدنيين بيتعذبوا من جانب ظباط الشرطة والعاملين فى الداخليه
خالد سعيد فى آخر من نعلم إنهم عذبوه
فى غيره كتير
قبله وبعده ولسه الجاى أعظم واللى جاى هيبقى أكتر
ياترى مين السبب فى اللى بنمر بيه دا ؟؟؟
ياترى مين اللى بدل مفهوم رجال الشرطة خلى هدفهم الوحيد هوا تعذيب الناس بحجة حماية الأمن ؟
ياترى مين اللى غير الهدف بتاعهم بقى كبت الشعب بدل الحماية للشعب
خلاص مبقاش رجال الشرطة أمان لا لمصر ولا للشعب المصرى
جهاز الداخلية بسبب الأحداث الأخيرة دى بقى مجرد جهاز بيحاول إرعاب الشعب
نسى رجال الشرطة إنهم مجرد رجال قانون
غير مسموح ليهم بممارسة اى تعذيب أو حتى إهانة الناس
ياترى الحل إيه ؟؟؟
الحل معروف كويس أوى أوى أوى
ومسيره يتعمل
مقدرش أقول فى الآخر غير حسبى الله ونعم الوكيل فى اللى قتلوا كل شاب من شباب مصر
وفى اللى عذبوا شباب مصر وإضطهدوا المصريين جوا بلدهم
حسبى الله ونعم الوكيل
لمن لا يعلم من هوا خالد سعيد
بالإقتباس عن جروب عالفيس بوك
((

خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في سايبر في وقت متاخر بالليل
و دخل بتوع المباحث بيفتشو كل اللي قاعدين باستخدام قانون الطوارئ
خالد اعترض و قال احنا بنتفتش ليه
كان تمن السؤال البرئ ده ان اتنين مخبرين مسكوه و نزلو في ضرب في المحل و في الشارع و في مدخل عماره جنب السايبر قعدو يرزعو وشه في الرخام بتاع السلم و في مدخل العماره الحديد
و خدو جثته و حطوها في البوكس و بعد 15 دقيقه رجعو رموها ف الشارع و مشيو
كل واحد فينا ممكن يكون خالد
حنسكت ؟
ده لينك الإيفنت بتاع مظاهره للمطالبه بالقصاص
http://www.facebook.com/?ref=logo#!/event.php?eid=133981783285657

لينك الخبر في اليوم السابع و الشروق
http://www.youm7.com/News.asp?NewsID=239233
http://www.shorouknews.com/ContentData.aspx?ID=245294

It's a tragic story about a young man, he was brutally murdered ! why ? because he refused to be treated inhumanly by two savage Cops who had no right to do what they were doing ; to treat people like sheep and consider the citizens inferiorly .
The story began on 7th June 2010 when Khaled Saeed went to his usual Internet cafe in Sidigaber ... See MoreAlexandria Egypt.
Then two wild detective cops - Mahmoud Alfallah and Awaad Elmokhber/the detective - ambushed that cafe asking people for their IDs which is totally out of their authority and without legal permission He - Khaled - did reject that way of inhumane treatment and conequently was attacked so viciously , was kicked in his chest and belly severely, and his skull was smashed with the marble bar before all people and witnesses in the cafe while khaled was bleeding. Then savage cops abducted khaled and put him inside the police vehicle to continue torturing him to death in the police station .Finally, they had thrown his corpse in the street to claim that he was attacked by some strangers in order to avoid responsibility.

According to the what we have known that there's systematic campaign to terrify the witnesses and prevent them from testifying what they saw in the cafe....

Khaled's not and won't be the only case, there are lots of people who had the same fate and disappeared and became dead on arrival.
All of this is a result for the oppression system that Mubarak control Egypt under emergency law which gives the police the upper hands to treat the residents as slaves.

Thus we the group of the change in Egypt supporters urge you to interfere and to force the authorities to investigate and explain what happened to the public and to condemn it strongly.

)))

ودا فيديو من اليوتيوب



ودا لينك للجروب عالفيس بوك



)))


وبكدا خلص الكلام
إنتهى

الخميس، 10 يونيو 2010

تاج زى الهوا

السلام عليكم ورحمة الله وبركاته
إزيكم
يارب تكونوا بخير
يارب يكون الكل بخير
مدونين أو أى حد بيقرا
الواحد مش بيتمنى الشر لأى حد (( ناس معينين بس بنتمنى تحقيق العدالة الإلهية فيهم ))
بقالى فترة مش قادر أكتب ولما بكتب مش بنشر
لأنى بمر بظروف مش تمام
بتتعلق بالمستقبل و فى إختيارات كتير أوى
معلش إذا كنت بطلت أتابع أو أرد عالتعليقات
بس غصب عنى
مش هقول الظروف
لكن يكفى أقول إنى بحاول أحقق أهم حلم فى حياتى
يعنى مشغول حتى عن الشغل والمدونة والصحاب
ولو حد بعتلى مسج مش بقدر ارد ولو حتى عالميل أو الفيس
بقيت بحس إنى لما بطمن حد وأقوله الحمد لله إنى بكدب
وانا بكره الكدب والكدابين ومستحيل أكدب
فمش بقدر أرد لأن مينفعش أقول تمام وخلاص عالفاضى للناس
ونفسى أخرج من البيت أروح أقابل نفسى وأقعد معاها فى مكان مهم وأعزمها عالغدا
لأن فى مكان نفسى أروح أتغدى فيه بجد
بس مفيش وقت
ونفسى زعلانة وأنا مش قادر أراضيها
ولا قادر أرضى حد
لأن لما الواحد بيحاول يحقق حلم بيفكر فى الحلم وبس وبيبعد عن أى متع أو أى حاجة هتشوش عليه
والنهارده بعون الله لما لقيت إن مفيش أى حاجة تخلينى أستنى لما ألاقى حد يخرج معايه
لأنى طبعا معرفش حد ومليش صحاب ولا غيره
فقررت إنى أكتب المهم هنا الاول وبعدين أفكر فى الخروج والعزومة الرهيبة
بس يارب نفسى مش تدبسنا فى عزومة تدفعنى اللى ورايه واللى قدامى
أنا بجد كنت مأجل رغبتى فى الخروج والغدا فى المكان دا لحد ما ألاقى حد يستاهل إنى أقعد أتغدى معاه
بس مش لاقى
وحاسس إن مش قادر لا أكل ولا أشرب
فلازم أروح
صحيح
جالى تاج من ( زى الهوا )
اللى بدعى ربنا من يوم ما بدأت تدوين إنى كل ما أزورها ألاقيها تفتح التعليقات
لكن بيخيب ظنى وكل اما أروح مش بعرف أعلق
نرد عالتاج ونزود عليه شوية كلام من عندى وشوية أسئلة ويارب نقدر نرد
شكرا ليكى جدا جدا جدا جدا
إفتكرتينى فى وقت مفيش حد بيقول صباح الخير حتى
ربنا يحفظك ويعزك يارب
نبتدى


السؤال الاول
:
رتب الاتى حسب اهميتها بالنسبه لك
الصداقه _ الحب _ العائله_ المستقبل _ المال

الإجابة من شاب فقرى :
العائلة __ المستقبل __الصداقة __ الحب __ المال

السؤال التانى
:
اجب عما يلى
:
1_ عرف الحب فى جمله صغيره ( حب الحبيب و الحبيبه) ,

الحب إحساس جميل جدا وكل اللى أعرفه عنه إنه مش منطقى وغير متوقع وغير آمن البتة وعشان يعيش محتاج إنسان بجد


وهل يمكن ان نعيش بدون حب (الحبيبه او الحبيب برده ) ؟؟؟

الحياة مبتقفش على حد
يعنى من وجهة نظرى وتجربتى شايف إنى كل أما بشوف حد وأسيبه وأمشى بودعه وداع الموت عشان مش ضامن هشوفه تانى ولا لاء
وشايف إن الحب بيمنح القوة للحياة حتى لو مشى وسابنا

2_ ما الرساله التى تريد ان تبعثها لحبيبك او حبيبتك ( زوج /ة المستقبل ) إن وجد أو لسه ماوجدش ؟

فى رساله مهمة بجد

(( ياريت متبقيش زى كل البنات عشان مولعش فيكى ))


3- ياترى إيه أكتر حاجة بتكرهها فى الحياة ؟؟؟
حكم النفس عالنفس
الظلم
القهر
قدرة بعض البنات إنهم يطيروا كل لحظة حلوة ويحولوها لكابوس
الإنتقادات الدائمة
التعنت والتسلط

4- لو هتتمنى أمنية قبل ما تموت هتبقى إيه (( ملهاش علاقة بالدين )) ؟؟؟
أتمنى إنى أدفن لوحدى زى ما حبيت العيشة لوحدى

5- مين أكتر حد محتاج تشوفه وترتاح فى حضنه أو تبص فى عنيه ؟؟
البنت اللى هتجوزها فى يوم من الأيام
أو
بنتى الصغيرة لما إتجوز ويبقى عندى عيال

6- مين أكتر حد نفسك تخسره ؟؟؟
أكتر حد بيحبنى
عشان مينجرحش لما يشوف إنى إنسان هوائى ومتقلب ويكرهنى
وساعتها هندم على اللى بعمله واكره نفسى
فنجيب من الآخر

7- من وجهة نظرك ... إيه هى الحياة ؟؟؟
بحر كبير وفى اللى بيعرف يعوم وفى اللى بيغرق وفى اللى لابس مايوه وفى اللى بيكافح عشان المايوه ميتسرقش
وفى اللى راكب سفينه وماشى فى البحر تايه مش لاقى بر ولا مرسى

8- ياترى هتقع فى الحب تانى لو حبيبك/حبيبتك سابك أو لو كان سابك بالفعل ؟؟؟؟

أنا حبيت مرة ومن ساعتها مش حاسس إنى إنسان بيعرف يحب
لأنى خسرت حاجات كتير أوى وعمرى ما لقيت حد يعاملنى نفس المعاملة ولا يفهمنى بنفس الدرجة أو يقدرنى أوى كدا

9- ياترى تقول إيه للعالم كله ؟؟
....
أحتفظ لنفسى بإنى مش هرد عالسؤال دا

10- ياترى لو هتخسر كل اللى حواليك فى سبيل حلمك ؟؟؟ هتكمل وتحاول تحققه حتى لو كان مستحيل ؟؟؟
طبعا

11- ياترى إيه أكتر إحساس عشته الايام اللى فاتت ؟؟؟
عرفت بالظبط الانسان اللى بينتحر بيحس بإيه
لما قعدت مع نفسى شوية شفت الموضوع كويس وحسيت بنفس الإحساس كويس أوى
===============

إنتهى التاج
وشكرا للإهداء الرهيب دا :)
والتاج بهديه للناس الطيبة دى :
1- شيما والشعب اللى قفلت مدونتها
2- دموع القمر اللى برده قفلت مدونتها
3- زى الهوا
4- اختى
5- بيطرية
6- سكوكرة
7- مى رحيق الورد
6- أى حد ليه نفس يجاوب ورايق ومخنوق وعايز يتكلم زى حالاتى كدا

خالص التحية ولنا عودة
شاب فقرى