الاثنين، 5 سبتمبر 2011

ولو صعبة عليكي السكة

شكرا ....
لأنك أمان ...
لأنك ثقة ...
لأنك تفاهم ...
لأنك كل حاجة ضاعت منى زمان

لأنك كل اللى بحلم بيه فى يوم يكون ليا
شكرا يا حب مش قادر أقول فيه كلام
دلوقتى ....
أتنازل عن كل حاجة ...
كل شىء ...
كل الناس ...
كل حاجة ...

عشانك ....
هسيب كل الحاجات الزبالة والحاجات اللى بتجرح فيا والمسكنات

كل الناس ...
أى حد ...
مهما كان هوا مين ...
وكل شخص مهما كان قريب أو قدم قبلك حاجات ...
هقفل الباب
كل اللى كانوا موجودين الفترة اللى فاتت
والسنة دى بالذات ...
واللى قبلها برده ...
واللى قبلها ...
والسنين اللى فاتت كلها ...
كلهم دلوقتى برا
لأن فى أفعال أول مرة تحصل أو أشوفها فى الحقيقة مش فى كتب و روايات
لأن مينفعش حد يقدر على نفسه ... وإنتى قدرتى على نفسك
كنتى موجودة فى الوقت السليم ... و أنا على حافة الشباك ( تصدقى لسه المنظر حلو من هنا :P )
كنتى عارفة تتصرفى وقت ما غلطت وبعد ما غلطت
كنتى قادرة تسامحى
كنتى قادرة تكملى
و الأعظم من كدا : إيمانك بيا
لأنك أكبر من أى مهلة ...
لأنك أحلى من كل حاجة فى الدنيا دى
لأنك حبيبتى إنتى وبس
وأى حاجة تانية فى الدنيا دى
توتو بالجنزبيل :D
أعمل إيه بس ...
بحبك :)


بحبك حب م اللي الشعر عاجز لسة عن وصفه
طريق قلبي بقاله شهور طريق مهجور
عشانك حابتدي رَصفه
تقيد نار الغرام فيّا انوّر وابقى قنديلك
ولو صعبة عليكي السكة شاوري لي وانا اجيلك
اتوج شعرك الشلال بتاج جيلك
ويكفاكي اكون عبدِك
وانا يكفاني تَبْجِــيلك
××× جزء من قصيدة شيماء يا مكة لهشام الجخ ×××
بس كدا ...
كريم فقرى