ازاي ها ؟
خد بايدي ياغرقان
بكره راجع مدينتي تاني
وهقعد اطبخ واعمل اكل واروق واخرج واقابل ناس واغسل هدومي واروق نفسي في كل حاجة
هيوحشني المدينه الجميلة بتاع الجامعه دي بس عادي راجعين اخر الاسبوع الجاي
هانت والله
دلوقتي لازم اركز في الميتنج بتاع دورتموند واشوف لبس حلو واروق علي نفسي
انا مش وطن للخوف ولا الضباب علي الشوف
خد ايدي ياغرقان
خد من الفؤاد حته تبقي الحياة انت
وانا مش هكون غيرك ، غيرك ، غيرك انت
تضبح علي خير يا كيمو ياحبيبي ياغالي يارب يطمن قلبك الطيب الحنين دا يارب
النهارده تعبت جامد من كتر الشغل وومن كتر الحاجات اللي ورايا وكمان مكنتش نايم وكمان دخلت في مناقشة ساعتين عالفون
مهدانيش غير ليزا اخر اليوم وهي عماله تهزر وتهرج وتتصاحب عليا ونرغي سوا
بنت لطية بس للاسف انا مليش دماغ ولا باور لاني اتعامل مع حد عالمستوي الشخصي
حكيتلي قصص كتير نصحتها بهدوء وبعدت
كان نفسي زمان والله ياليزا يا بنتي
بس الحمد لله اني بطلت من زمان
قعدت اقولها خدي وقتك ومتدخليش علاقات واهدي علي اعصابك وريحي بالك واستكشفي الحياه واتعودي تعيشي مش عارف ازاي
المهم اني بعدتها عني
بس مظنش هتقتنع
اللي فيه داء مبيبطلوش
اسهل طريق بالنسبة لي واللي ممكن اديله عينيا وعمري كله اللي ييجي سالك
اسهل طريق هوا خط مستقيم يتوصل بين نقطتين
طريق سهل وسابونا ومشيوا
# هما مين دول يا كريم
- المهندسين ياسطا
امال احنا بنحكي في ايه
بقولك ايه روح نام يا حبيبي ويارب يطمن قلبك ويسعدك
بحبك جدا والله
ليلتك سعيدة واحلام حلوه وطيبة وجميلة زي قلبك ونيتك والله
يارب
بقالي شهور كتير مبدعيش باي حاجة غير صلاح الحال والاحوال
يارب هوانا كدا مقصر عشان بطلت ادعي بالبيت والحب والاسرة
هوا انا كدا وحش ؟ ولا انا معطل رزقي ومضيع نفسي بعدم دعائي
ولم أكن بدعائك ربي شقيا
يارب انت بتستجيب لي وترزقني وتساعدني وتقف في ضهري وتحميني وتراعيني وتشفيني
وبتحنن عليا قلوب الناس وبتخلي اي حد يشوفني يحبني ويراعيني ويضحك في وشي
يارب انت عاملي كل حاجة وانا ملحقتش اشقي بالدعاء لانك بترزقني من قبل ما ادعي
معرفش دا طيبة قلبي ولا صدق النية ولا محبتي ليك
والله يارب ما اعرف
ولا عندي علم سوي ما علمتني
وما اوتيت اي شيء علي علم عندي ولكنه فضلك وليس حتي العدل
يارب انا من النهارده هدعي بكل ما اتمناه
هدعي تجبر كسر قلبي وتتم شفائي علي خير
وهدعي ترزقني الحب والزوجة الصالحة وتعمر بيتي وترزقني الذرية الصالحة
وادعي تخلي روحي زي ما هي شباب وقلبي قلب طفل طيب طاهر ونقي ميعرفش الغل ولا الحقد ولا يسعي في ضرر ولا يشيل لحد حقد
يارب هدعيك باكتر حاجات بتمناها من هنا وجاي
###
النهارده يوم جميل ، الشغل حلو واالدنيا كانت مطر واتحدد ميعاد الحفلة الجاية وعندي الاسبوع الجاي يومين حلوين احتفال برده ، تقريبا مفيش حاجة كدا محروم منها
النهارده قعدت اتناقش مع واحدة صاحبتي في سورة من القران وقعدت اقرا معاها من المصحف وفي البلكونه الكبيره واحد شافني وابتسم وكان سعيد اوي وطلع مسلم ورحب بيا وضحك في وشي كتير
انا سعيد لاسباب كتير ويمكن النهارده بمناقشتي مع صاحبتي دي عرفت اني مقصر في الدعا
علاقاتي اختلفت عن زمان وحياتي اختلفت برده وكل حاجة
حاسس اني ربنا بعتني هنا عشان اتعالج واتاقلم علي الجديد واشوف المستقبل وابعد عن كل مصادر الالم بكل شكل
للدرجة دي ربنا بيحبني وانا سعيد جدا بدا
وامبارح والنهارده رزقني من وسع ودا فضل كبير اوي وعظيم عليا ومش عارف اقول فيه ايه
بس الحمد لله
النهارده اشتغلت كتير واعصابي استحملت جامد النهارده ودا ساعدني جدا جدا جدا اني اقف علي رجليا واعيش واكمل يومي
دماغي معادتش زي زمان بتاكل نفسها ومحتاجك حد يضحك عليها ولا حتي عادت بتزن
لاول مره بحس عقلي حر ونشيط
انا سعيد جدا والله بكل دا
خلص اليوم بس مخرجتش ومذاكرتش لكني انبسطت
كنت محتاج يوم فصلان زي دا اتمشي قليل واكل قليل وانام كتير
انا عارف ان العمر بيجري وعارف ان كل رزق بميعاد بس معادش قلبي متعلق وموهوم زي زمان ولا عاد بيزعل علي الوقت ويقول ليه ومش ليه
قلبي بقي مطمن سواء اتجوزت او حبيت و خلفت في اي وقت فانا هكون سعيد
زي بالظبط ما مش مستعجل علي الرزق
الرزق عامل زي النوم
له ميعاد متحرقش اعصابك وهننبسط ونخرج ونعيش احلي ايام والله
كل حاجة لها وقتها
ليلتك زي العسل يا حبيبي
والله يشهد ربنا اني بحبك يا كيمو
تصبح علي خير يا كيمو وليلة سعيدة واحلام حلوة وحنينة علي قلبك الطيب الحنين دا
❤️
امبارح نمت متاخر بعد ما ظبطت كل حاجة وصحيت بدري جدا علي خمسة لبست واستعديت وسافرت
ووصلت مكاني ، مدينة جميلة هادية وليزا النهارده بقت لازقة فيا طول الوقت ، مش عارف معجبة ولا دا العادي بتاعها ولا بتلعب بيا مع فش ، بس مكنتش مبين اني قلقان او فارق معايا اساسا
بس فضلت طول اليوم رايق والنهارده في كلامي مع المعالجة اكتشفت اني خفيت تماما من التعلق واني بصحة جيدة واني خلاص استريحت من كل المرض بس لازم اكمل كورس الدوا وابقي فايق واخلص علاجي علي خير
النهارده اكتشفت اني خفيت من تعلقي مرضي ، للحظة سالت نفسي لو كان انت نسيت فالطبيعي اننا بننسي لكن خدنا وقت
في نقاشي مع واحد صاحبي قالي انت عامل زي اللي بيذاكر لازم يستفيد بكل كلمة عشان ميدخلش الامتحان يرص الكلمتين وخلاص
انت يا كريم كويس استفيد بعلاجك والحمد لله عملت كدا ،
النهارده قابلت إسنا البنت اللي من تركمانستان وقعدنا نرغي كتير كالعادة ، هي مرتبطة وسعيدة وهي طفلة اساسا
بتبسط من كلامي معاها بتديني امل بتفكرني ان لسه في براءه في الدنيا وخير
قابلت كام واحد بصورم واستلمت بلان للكام شهر الجايين مش متخيل هخلصها ازاي ، لازم امشي زي الصاروح والجمد لله اني فايق ومستعد لدا
اول امبارح مع صحابي قلتلهم اني طول السنة دي كنت عامل زي اللي نايم وكنت محتاج افوق والحمد لله فقت وعقلي اشتغل عامل زي اللي راجع من السفر وبياخد اهله بالحضن
انا بدور علي كل طريقة كويسة اقدر اكون بيها كويس مع الناس اللي وقفوا جنبي بدون ما اضر نفسي
الحمد لله الدنيا جميلة والنهارده اعترفت اعتراف صغير اني بعاكس وبهزر وبصاحب اي بنت اقابلها ، تقريبا كريم بقي احسن وثقته في نفسه رجعتله ، انا مبسوط بدا ، خد مني وقت ومجهود وصحة لكني فعليا اخيرا وقفت علي رجليا ، الحمد لله
انا تعبان ومرهق ولازم انام عشان بكره يوم طويل
تصبح علي كل اللي تحبه يا حبيبي وليلتك زي العسل
واللي تقولك هديك ايجابيات بس بعد كدا قولها لا عايز نودز 😂😂😂
تصبح علي خير يا حبيبي وليلة سعيدة
ارتاح
انت تستاهل كل الحب والامان والراحة اللي في الدنيا
بحبك والله يا كيمو
احلام سعيده وطيبة زي قلبك الحلو ❤️
انا عندي استعداد اخسر الشخص ولا اني اعيش تحت ضغط سواء ميعاد خطوبة او قراية فاتحة او حتي زيارة للبيت
لو في حاجة حاطط لها ميعاد معنديش مشكلة ان يبقي عندها ميعاد تاني دا يخصها ميخصنيش ومفيش حاجة اسمها لازم ، انا اكتر واحد عارف معني خساره الشهور والسنين في الانتظار ومعنديش استعداد اعمل اي حاجة غير في الوقت المقتنع بيه تماما
معنديش مشكلة ادوس علي قلبي بالف جزمة واخسر اي حد باي شكل مهما كانت غلاوته عندي طالما بيحطني تحت ضغط او بيخليني احس اني متاخر في عمل شيء وانا واضح وصريح من اول دقيقة
عادي بالنسبة لي مشوفكش تاني ولا اكلمك تاني ولا حتي اسمع صوتك تاني عادي جدا عندي
خسرت ناس كتير وصحاب ومعارف وعلاقات وناس حبيتها بجد حب حقيقي مش هيبقي عندي مشكلة اضيف اسم كمان للسته عادي وهكمل واعيش والاقي تاني ، انا لو كل واحدة قالتلي يا كريم انا موافقة عليك لو اعجبت بيا وانا معجبة بيك ، لو رديت وقلت اه كان زماني متجوز عشر مرات السنة اللي فاتت دي بس ومفيش اي حاجة بتمنعني غير اني بدور علي راحتي وعلي الامان واللي يرضي ربنا ، مش عايز واحدة ابهدلها ولا عايز واحدة تيجي تشتغل وتضيع عمرنا في الشغل والفلوس ومساعده حبايبها او في كلام فاضي ملوش اي قيمة واحنا مش بنلحق نعيش مع بعض
كفايه اللي انا فيه انا بدور علي اللي يريحني ، مش هكون في مكان مش مرتاح فيه انا ما صدقت اتعالج وابني دماغلي واريح اعصابي وابقي قادر اخد قرار ، كفايه كل دا تعب عشان ابني نفسي واتعافي من خسايري واللي الحمد لله ربنا عوضني بدالها مليون مرة
الحب بحب والفلوس بفلوس والصحبة بصحبة احسن مليون مرة والشوق والتفاهم بشوق وتفاهم احسن مليون نرة
بس مازلت مصمم مليون في الميه كريم مش هيمشي خطوه غير في التوقيت اللي اتفقت عليه ، قولي لي زي ما تقولي واهلك يعملوا ما يعملوا وكرمي مش بيجري ولا يهرب ولكن من الاخر مش عايز دلوقتي ومش داخل علاقه رسمي مستعجل عشان حاجة
كدا كدا العمر فات والخلفة النهارده زي كمان خمس سنين وكذلك الحب والغرام والسكس والونس والحضن والامان ، كدا كدا كله بالنسبة لي معادش فارق وبالذات بعد ما وقفت علي رجليا ، انا مش هسمح لحد يلعب بيا او يضغط عليا وعادي مكن ارتبط الصبح بكام مكالمة في دقايق بمجرد اني اقول اه او طيب او حاضر
#####
بكره الصبح بدري مسافر علي هناك
مدينة كبيرة وحلوة وعتيقة ونضيفة ومفيش عرب كتير وحرفيا خياليه وحتي لو غاليه شوية مش فارق عندي المهم اني هقدر اعيش انبسط عادي جدا ويمكن دا اللي مخليني بفكر انقل هناك بدل قعده الفندق ، مبسوط والله العظيم يمكن لاول مره من سنين ويمكن اول مره في حياتي امشي اضحك مبسوط في الشارع عشان حابب المكان بس
كفايه تعب هنا في النوردراين ونروح عواصم الولايات التانية نعيش فيها ، عايش ملك اه وسعيد بحالي وحالتي وبكل ما فيا وعندي ودا لوحده كفايه، الحمد لله رب العالمين حالة رضا عظيمة
هسافر واتبسط وابعد عن البيت
النهارده فكرت وقلت لنفسي هوا ياترب انا بوحش البيت …؟
يعني الاماكناللي بحبها هل بتحبني ؟ هل البيت بيشتاق ليا طول الاسبوع لحد ما اجي انام تاني علي سريري وكنبتي ؟
الاجازه بتخلص بسرعه جدا وراجع تاني وزي اول ما دخلت النوردراين صابني النم كذذلك مدايق جدا وانا ماشي عادي بقي
دي سنة الحياة
ومش زعلان بالعكس بعشم نفسي الحاجات اللي بحبها وربنا قادر يطبطب علي قلبي ويريح بالي ويبسطني
اينعم بقطع علاقاتي بناس كتير وواخد قرارات هشوف لسه هيجري ايه
النهارده جت سيرة كذا نوضوع وسالت صاحبي اللي عاش تاني مع مراته
: انت مبسوط ؟
قالي اه
غريبه ومش مصدق باي شكل بس خليني ادعيله ربنا يوفقه ويسعده
نفسي اتبسط بحاجة تفرح قلبي بجد قبل ما شهر تمانيه يبتدي
يارب يجعله خير ومتعبش زي كل سنة
هشوف لسه واللي كاتبه ربنا هيحصل
دلوقتي عيني بتقفل وبنام
مش عايز انام والايباد في حضني واصحي بالسماعات في وداني مفيش حد سهران جنبي النهارده لاني خلاص خدت قرار
زي ما ربنا يقرر
الرزق له ميقات واكيد كل حاجة وفيتها
احلام سعيدة وليلة زي العسل يا حبيبي
ربنا يخليك يا كيمو ويفرح قلبك ويشفيك ويتم شفاك علي خير يا حبيبي
مقابله صحاب ، شوي ، مشروب حلو ، روقان مع مزاج مع اجازه حلوة بعيد عن الشغل
اليوم نروح نشوي بقي
وحشني كنبتي والله وقعدتي رايق الحمد لله
عملت اكل حلو وفشيخ امبارح وخرجت خروجة حلوة
ولسه
علي الهادي بقي ❤️
ولازم تفتكر كل ما حد يقولك بحبك تمشي
مش عايزين ناذي حد
ايام هادية
خلينا نعدي ونروق ياجميل ❤️
النهارده خلصت شغل وروحت البيت وضوء وصلاة عشان قررت احارب شيطاني والتزم بشكل او باخر بجدول معين عشان اعرف اعيش مستريح
الاسبوع دا فرق معايا جامد
- النوم : بقيت بنام كويس جدا
- الاكل : باكل كل يوم اكل بحبه وبستنتع بالاكل وانبسط جدا وصاحبتي بتقولي يا كريم انت بتتكلم عن الاكل كتير وشكلك يا اما هتبطل طبخ يا اما هتبقي بتاكل من برا بس للاسف مدينتي مفيهاش اكل حلو زي دا ، هنا تعامل الناس واسلوب الحياة مخليني مبسوط جدا ومش بفكر في اي فلوس خالص ، سعادتي وراحتي وبس واي حاجة تانية مش فارقة
- الهدوء ، بقيت هادي اكتر وسيطرت علي اي تعب بشكل اوفر بحيث اني بقي بالي ودماغي بتشتغل ومخي بيسيح مع الماك بوك والويندوز سوا في نفس اللحظة بركز في اكتر من حاجة ومخي راكب الطيارة
- المذاكرة والكورسات : اشتريت كورس ب ١٥٠ يورو ومركز فيه جدا وبذاكر كويس جدا دا غير كورسات الشغل دا كورس اضافي ليا انا وبستعد للامتحان كويس ورايق جدا بكل شكل وقادر اصلح واحل مشاكل واعصر مخي مع الماك بوك واراجع علي كل الاساسيات بكل هدوء
- السلام النفسي والهدوء العاطفي : دي بقي نكتب فيها شعر
تقريبا تقييمي ان بعدي عن بيتي ومدينتي خليتني احسن وخلاني احط في دماغي اني ممكن انقل علي مدينه حلوة زي دي انبسط فيها واعيش ايام جميلة ومش مهم غير راحة بالي ، مش عارف هوا انا بقيت بحبني فجاة ولا فعلا الحياة احلي واهدي كتير ، هنا بمشي مطمن فالشارع ، مش خايف من حاجة ودي اهم حاجة ، وكمان بركز واسمع كويس وانا ماشي واللغه بتاعتي بتتحسن لاني مبتكلمش عربي او انجليزي خالص ودا مخليني عايش نع الالماني بس بيتهيالي ان كريم لازم يرجع يذاكر لغه اسباني او ياباني من جديد عشان دي حاجة بتسعدني وبتنور قلبي
انا حرفيا لو كنت في مصحة مكنتش هتبسط كدا وفي هنا نقطة مهمة نتكلم فيها وهي الجسم
جسمي والصحة الجسدية : جسمي بيبذل مجهود خرافي فالشغل وفوق كل دا بيركز في الحركة وبدخل جسمي اكل متنوع وبكميات ودا مخليني شيك ومش بكرش وفوق كل دا صحتي بتزيد ، ممكن ابقي اروح جيم او انزل السباحة من تاني مش عارف لسه ، بس النهارده خدت بالي ان جسمي بيحرق كمية اكل وبروتين رهيبة لان جسمي متعود علي اوبرهاوزن ودي مكانتش حاجة حبوة
النهارده اتعرفت علي ناس جديدة واتصاحبت عليهم وبقالي ضهر في المدينه وحد اكلمه ودي نقطة كفيلة ان كريم بتطمن هنا
اتوضيت وصليت ونزلت اتغدي وبعدها شربت شاي وقعدت اعمل مكالمة لطيفة وبعدها قعدت علي كافية وكلت حلويات وكابتشينو من سنين مكلتش الحلويات دي واكيد دا لحكمة من ربنا
النهارده بعد ما خلصت رجعت الفندق وقعدت استريح في التراس باشا وصورت صوري المفضله وكمان خلصت وخدت بعضي وصليت تاني وقبلها عيطت ودموعي نزلت وانا بدعي ربنا
يارب اشفيني يارب مليش غيرك
بيتهيالي كنت محتاج دعا ربنا بالشكل دا عشان قلبي يتطمن مش قلة ثقة فيه او خوف اني هضيع
اللي جابني لحد هنا قادر يساعدني ويسعدني
بكره مسافر اوبرهاوزن وهروح اقعد في شقتي والف فالشارع واقابل صحابي وهروح اشرب كابتشينو في اكسترا بلات وهروح لصحابي الشيشة يشيشوا واقعد اشرب انا مشروبي المفضل
وممكن اقابل صاحبي وهعمل مكالمات كتير في الطريق وههيص
الفتره دي عندي كام مشكلة مبيره جدا مش عارف احلهم ازاي بس انا اكيد ربنا في ضهري وبيحبني وبيحميني
انا حاليا محتاج بس انام كويس
بس خلينا اقول سر خطير
بقالي اكتر من تلات سنين عندي مشاكل فالنوم وبسهر غصب عني وعقلي مبيفصلش
وبرغم ان عندي مهدئات دلوقتي ومنوم الا اني مش بستعمل كل العبط دا
وبعمل ايه بقي ؟
بتخيل اني عندي جناحات بتفتح وانا بتنفس وبشهق وبتقفل وانا بخرج النفس
كنت كل يوم اقعد مع نفسي اتخيل جناحاتي واتخيل نفسي روحي بتخرج منوجسمي وتطير في العالي بجناحاتا
واللهوكنت بحس بالهوا عليهم حرفيا
وبعدها روحي بتسافر لابعد مكان فيه احلامي
للبيت والاسرة واحيانا ناس بحبها واجيانا عالم بحبه
دا اللي كان بيخليني اعرف انام ، مجرد الخياار
تصبح علي خير ياكيمو ياحبيبي
عيني بتقفل والله
احلامك سعيدة نحنينة زي قلبك الحنون
واه لازم نجري طبعا
امال هنرد نقول ايه
تصبح علي خير يا حبيبي واتمني لك كل خير ، خد بالك من نفسك واتطمن
ربنا يسعدك ياكيمو
- لا مليش مزاج
خلصت ومروحت وعايز اكل ولسه هنزل اروح اكل بس هطقم الاول ومليش مزاج اتكلم حتي متصلتش بيها
هوا المفروض لما اكتر من حد يقولنا بحبك المفروض نعمل ايه ؟
نجري ولا نطير ؟
- طيب احكي لي
لا عايز انزل اكل عشان مرهق اوي النهارده
خير ياحلو
هتاكل وتروق ونتمشي ونكمل الكورس بكل هدوء ❤️
اكل كتير النهارده في كل حاجة بحبها ، روقان مبالغ فيه ، مكالمات هادية ، حل مشكلات كتير
رمي الزباله وتنضيف الشقة وشوية غسيل ينشفوا عالصبح وعالهادي ناخد بعضنا ونطير
بكره اول يوم هخرج واسافر واخلص اللي ورايا
سفرية مهمة هتساعدني كتير ، صحيح هسيب بيتي وشقتي ومكاني ودي حاجة توجعني لكني خلاص البيت صبح جوايا
مبقتش بحلم بوطن وانا اساس الوطن اساسا والبيوت
الوطن هو المكان اللي بتستريح فيه وبتنتمي له وبنتنتهي كل محاولاتك للهرب
الحمد لله بكره سفرية جميلة وخروجات جامدة وهيصة واجتماعات ودنيا
قد ايه كنت محتاج دا ، ربنا يسهل ويعدي الفترة دي علي كل خير واحسن مما اتمني كمان
وساعتها هيبقي كل شيء اسهل بكتير مليون مرة
ساعتها هنحقق حلمنا في فيللا زايد بجنينة ، المبلغ مش كبير وسهل ان شاء الله
وغير كدا هنحقق حلم تاني في الانتقال لبيت بجنينه هنا
ونخلص الدنيا وممكن نشتري البيت هنا كمان ، دا يبقي فضل وعدل من ربنا اسنعم هياخد وقت بس ربنا هيسهل انا متاكد
ونقعد فالجنينة بهدوء في ركن حلو بتجهيزات جميلة نشرب الشاي ونبص عالسما بليل والاولاد حوالينا ونبني الاسرة اللي بنتمناها
كله جاي في وقته
الامان والطمأنينة والراحة والحب والدفا اهم حاجة الدفا
دلوقتي كله ماشي مظبوط بس عايز اتدفي اكتر
ربنا يسهل
المهم ان بكره نلحق مواصلاتنا ونلحق مواعيدنا ونقضي احلي وقت هناك
يلا هنصحي بري لازم نلحق ننام 😀😀
مفيش ابديت مفيش اي حاجة غير اني ابقي مبسوط وفي رضا ربنا ومن بكره سيستم جديد لكل حاجة
يارب اشملني برعايتك ونجيني واحميني من كل شر وارزقني ما اتمني ولاتذرني فردا وانت خير الوارثين
يارب
اخر يومين النهارده وبكره وبعدها سفر
قررت اطبخ حاجات حلوة وعزمت صاحبي بمناسبة عيد ميلاده
كبده وموزه ضاني وصينيه بطاطس وقلب ورئة ضاني ورز وسلطة وكانت هيصة
انا بحب الطبخ جدا ، النهارده كنت سعيد بنفسي وانا بشتري الحاجات دي كلها
مفكرتش في اسعارولا في اي حاجة غير اني اكون سعيد
وقعدت اطبخ خلصت كل حاجة في ساعه مش عارف بقيت سريع كدا امتي
برافو عليك يا كيمو
ودلوقتي في تعب في معدتي من امبارح ومرهق جدا ، اليوم عدي حلو
رتبت الشقة وكنستها ومسحتها وبكره يوم المكوي العالمي هكوي كل هدومي واجهز الشنط وصاحبتي هتساعدني ودي حاجة عظيمة
وغير كدا بفكر الاسبوعين الجايين اسافر سفرية حلوة غير بتاعة الشغل
اينعم الفندق هيبقي حلو جدا واليوم هيبقي لطيف
كلمت كارير كوتش عشان اظبط نفسي ودي حاجة حلوة
طالما بتحلم حلم كبير لازم تدي العيش لخبازه
انا شاطر في التخطيط والبنت الكارير كوتش كانت مبهورة بيا حرفيا من كتر الاستعدادات والترتيبات والحاجات اللي مجهزها ومخططاتي
فخور جدا جدا جدا بنفسي
جرعة العلاج عمالة تقل وصلت دلوقتي لاربعين في الميه من الجرعة اللي بدات بيها
فجاة بقيت حاسس ان عقلي رهوان ملوش حدود عمال يجرب ويسبق المكل في المذاكرة والشغل والعلاقات
وصديقتي بتقولي كريم انت عبقري وما شاء الله عليك ، طبعا عشان انجازات كتير عظيمة بلا حصر
بقي عندي القوة دلوقتي وعقلي فايق مكنتش متخيل اني ممكن ابقي كويس كدا ، سبحان الله علي عظمة ربنا والطب والدوا ، اقدر اقول اني في طريقي عشان اتماثل للشفاء تماما
مبقاش يهمني حاجة في الدنيا غير مستقبلي وبيتي واسرتي اللي هبنيها قريب ان شاء الله
هانت
عمال ءاجل في كل حاجة وماشي براحة ومباخدش قرارات حاليا وعايش بمزاجي وبراحتي
عندي التقدير والاحترام لفلوس والشغل والمزاج والروقان الجامد جدا اللي ملوش زي
للدرجة دي ربنا كريم ورحمته عظيمة
الفترة الجاية هركز في الصلاه عشان التحدي كبير في وظيفتي الجديدة كلها بنات صغيره في الجامعه والدنيا هتبقي كلها عرض ازياء كل يوم وانا مبحبش دا فهركز في الصلاة واقرب من ربنا وصديقتي واقفة جنبي بتدعمني بقوة ودي حاجة فخور بيها جدا والله
هبقي اكتب تاني او اكمل البوست النهارده
لازم اشرب حاجة سخنة عشان برد المعدة
مش هقول تصبح علي خير ولا ليلة سعيدة عشان هكمل كتابة هنا تاني قبل ما انام
هيييه يلا
#تحديث##
الليلة كانت طويلة رغي كتير ونقاشات كتير كتير
مش عارف ليه الناس بتصاب بالعبط بليل
بس النقاشات كانت لطيفة وهادية
الحمد لله الليلة هادية ورايقة
مكانش له لزمة التحديث لكن النقاشات كانت كبيرة ومعناها ان في ناس متعرفش حاجات كتير وان التوهة شديدة
والحمد لله ان ربنا منور عقلي
تصبح علي خير يا كيمو ياحبيبي ❤️
استعدادات للسفرية والفترة الجاية وافكار كتير ، عمال اجهز الشنط والحاجات اللي ممكن احتاجها وكل حاجة تخصني بكل شكل عشان خاطر اروح رايق وبمزاج ومظبوط ، كل حاجة بيتم تجهيزها ، الهدم لازم تتكوي عشان المنظر ، الشنط اللي تاخدها ، الحاجات الخاصة وبرفان سوفاج و الورق والماك بوك والشنطة الجديدة هحط فيها ايه عشان كل يوم ابقي جاهز في مكاني ومحتاجش حاجة ، كتير كتير كتير ، كالعادة عمال افكر ممكن احتاج ايه عشان اقدر اسند نفسي هناك سواء اكل او شرب او قهوة ، بخلص المخزون بتاعي كله في التلاجة ، كلت لحمة استيك من يومين وامبارح عملت نص بطة وملوخية وبجهز حالي
الطريق طويل والموضوع هيبقي حلو وممتع ورايق ، احساس الانجاز والثقة بالنفس والتعامل بالالماني واني المهندس الجديد اللي جاي يحل اي ازمة في المكان ، المدير لطيف ولسه تحضيرات المذاكرة كمان هرتبها مع ماتياس وجوليان والشهادات والامتحانات وغيره ، تقريبا انا ببذل مجهود في كل حاجة عشان ابقي مستريح ، بعد تخفيض جرعة الدوا وخلاص قربت اقفل وانهي موضوع المرض وخلاص بخف ، عقلي فايق وقلبي رايق ، انا كنت مستعجل علي اليوم دا بشكل كبير جدا للدرجة اللي خليتني مش مركز احيانا في العلاج ومش مركز في حاجات كتير ، دلوقتي الحمد لله خلاص قربنا ، امبارح قابلت شلتي الجميلة وقعدنا نضحك وصوت الضحك كان عامل هيصة في الكافيه ، بقالي زمن مضحكتش بالشدة دي ، واحد منهم قالي انه رجع لمراته وعايش سعيد والحمد لله وشايفه مبسوط ورايق ومزاجه عالي قعدت ادعيله واتمني له كل خير ، ، ، مفيش احلي من لم الشمل مع الحبايب قعدت اقوله خد بالك واهتم بكل حاجة وراعي بيتك ، كنت سعيد عشانه جدا لاني عارف هو تعب قد ايه وقد ايه مشاكل اتحط فيها وتعب ازاي وكان كله قدامي ، ربنا يسعده ويوفقه
الحياة ابسط بكتير من كل التعقيدات اللي الناس بتعملها ، وجهة نظر كيليان ميرفي في الحياة وانه قافل علي نفسه ومريح اعصابه وعايش مع زوجته واولاده بالدنيا ، الحياة بسيطة ، اذا احببت شخصا قوله انك بتحبه واذا تعبت من شيء اعتزله واذا لم تجد نفسك في مكانك او مضغوط وتعبان امشي بكل شياكة و ذوق ، متحاولش تضر او تأذي حد ، سعيد ان فلسفتي في الحياة حلوة وجايبة نتيجة والفترة الجاية هتطبق بشكل اعمق ، امبارح قعدت احكي في تفاصيل لصديقتي ، قالتلي انت ازاي فاكر كل دا يا كريم ؟ هي تقريبا زي ما هي لعنة ان الواحد مبينساش الا انها رحمة بتخلي الواحد يحس ان حياته نراحتش هدر ، كنت بحكي لها عن تفاصيل حياة عشتها في اربع ايام وتفاصيل غاية في الدقة والمصيبة انها بتقولي مش فاكرة حاجة ، هو الناس بتنسي ليه ؟ هما مش مهتمين بحياتهم واعمارهم وسنينهم ؟ ياتري هل الموقف مش غالي وقيم عشان تفتكره ؟ معرفش لكني مهتم جدا بكل التفاصيل عشان كدا بشيلها في صناديق جوايا وبفتحها في وقت الاحتياج ليها ، امبارح كنت مشتريح جدا بعد قعدتي مع صحابي وكلامي معاها ، احسانا معني الوطن بيكون عبارة عن كام يوم عشتهم محدش يقدر يلمسهم او يوصلهم ولو اتنسوا انت فاكرهم ، ايام حلوة جدا السنة دي ساعدتني ابقي احسن واحتفظت بيهم جوايا عشان كدا
الحياة بدون تعقيد مع اللي بنحبهم اسمي من اي حاجة خلقها ربنا ، الرحمة والحنية والمودة والاحترام والتقدير والطيبة والراحة والامان كل دي حاجات لا تقدر بثمن ويجب الحفاظ عليها ، طبيعي مفيش حياة تخلو من المشاكل ودي حاجة اكيده لكن دورنا كبشر هو اننا نعدي المشكلات ونبص قدامنا ، لو فضلنا متعلقين بالمشكلات كبشر عمرنا ما هنحقق حاجة ، عشان كدا مش بخوض صراعات ومعارك تجرحني او تضرني او بلا فايدة ، بقول كلمتي مرة واحدة وبس ، حددت موقفي فخلاص مش هحارب في اراء او معتقدات الاخرين ، يمكن عشان كدا صحابي قلوا وبقوا ناس عاقلة ومتزنة وعارفين يعني ايه حياة وواقفين جنبي بكل شجاعة لانهم عارفين موقفي ، انا بحمد ربنا علي اللي وصلت له كانسان هادي متزن سعيد ، بعيد عن الدوا واي حاجة بقيت قادر اشوف نفسي واشوف علاقاتي بهدوء واخد قرارات بدون ضغط وقادر اتجنب الضغط في الحياة من خلال اني بقول موقفي وبحل مشاكلي بهدوء وراحة وطيبة وسعادة مع منح الامان لكل الاطراف وعدم تضييع وقت في محاولات بلا داعي ، النهارده صاحي سعيد برغم ان جسمي مكسر من السفر اليومين اللي فاتوا وقلة النوم بسبب المواعيد بس جسمي بيدلعني كل شوية ، وزني مثالي ، كرش اصغر ، شعر منسق ، لبس حلو ، برفانات جميلة ، شغل حلو ، مرتب حلو ،وطبعا حققت هدف من اهم اهدافي اني مبصش علي سعر اي حاجة قبل ما اشتريها ، بشتري علي طول ، ودا مش غباء ولكنه راحة بال، اليورو مش هيغير وضع الوجود ببساطة ،فبقيت بشتري ومش مهم ، بعمل الاكل اللي بحبه ، بكلم اللي بحبهم وبكلم صديقتي وببعت رسايل لاصحابي واتطمن عليهم ودي حاجة فشيخة
النهارده يوم لطيف ورايق وجميل زي عيون نفرتيتي ، امبارح قلت لصديقتي انها نسخة طبق الاصل من نفرتيتي ودي حقيقة فعلا واللي يقول غير كدا يبقي اعمي ، ملامح مريحة تليق بملكة ، عيون هادية تحمل الحب والطيبة والسعادة ، لون بشرة برونزي اسمر يخطف الروح ، كل حاجة حلوة فقلت كدا بكل سلاسة وقالت ميرسي وبس ، احيانا التقدير والاحترام والكلمة الحلوة بتفتح اصعب ابواب في الوجود وبتحل كل مشاكل الدنيا ، الموضوع سهل بس محتاج حد شجاع
هتوحشني شقتي اوي وهيوحشني الشارع والطبخ والحاجات الحلوة كلها اللي بتفرح قلبي ودي هيكون لها شوق يسعدني ويفكرني اني عندي بيت ووطن ولو حتي بعيد عني
والحمد لله رب العالمين ربنا يطمن قلبي ويسعدني ويكمل كل الحاجات الحلوة علي خير ويكتب لي اللي يرضيه ويراضيني بيه ويرزقني كل ما اتمني قريبا
الصحيان بدري متعب والحمد لله ان شغلي وحياتي ماشية من غيره ، النهارده كان لازم اصحي بدري بس مش زي امبارح ، امبارح كان القطر عشان اروح هيسن والنهارده عشان الدكتور بس مش بدري اوي ، سبعه ونص كان كافي جدا ، في العادي اصلا بصحي قبل كدا لوحدي لما ابقي نايم كويس وهي معايا عالخط بتطمني او بتذاكر او بتحكي لي حاجة او بعترفلها بسر خطير محكيتوش لحد قبل كدا ، المهم اني بصحي رايق ودي اهم حاجة ، تقريبا عمري ما لقيت حد في حياتي اعرف اكلمه او احكيله بالشكل دا او نسمع بعض ونتناقش ونحل اي مشكلة بالطريقة دي ، التفاهم معاها حلو احلي حتي من اني اجيب احلي بنت في العالم وانام معاها ، كون انك تبقي علي تناسق مع حد في التفكير وفاهمين بعض وفوق كل دا مصدقين بعض وبتآمنوا لبعض فدا فعليا اكثر متعة ولطف من الجنس
روحت وزرت الدكتور وجالي اخبار كويسة ونظام جديد وان شاء الله هتماقل للتعافي قريب جدا وهبقي قادر اخد القرارات اللي نفسي فيها ، هقدر الاقي اللي بتمناه ومش هيبقي في ضغط ومشاكل تانية في المكالمات بسبب اي حد ، ان شاء الله هتعافي قريب وشكل طبقا للجدول الزمني فاحنا علي قريب اوي هنفوق ، زياره النهارده اديتني الامل وفوق كدا زياره امبارح للشغل واللوكيشن خليتني سعيد من كمية البنات اللي هناك ، انا كدا كدا بحاول اطيع ربنا وامشي كويس ومش بعمل حاجة غلط عشان اخبي ولا بعمل حاجة اتكسف منها قدام ربنا بس احساس حلو اني اعيش في وسط ناس محترمة وشكلها لطيف وبتضحك ودي اكثر الاماني وكمان مش مهم الشكل
البنت السمرا اللي مجنناني الحمد لله شجعتني علي مشوار النهارده بالرغم من تعبي وارهاقي وقلة نومي لكنها شجعتني وروقت اعصابي وبالي جامد جدا ودا اللس بتمناه مش اكتر وهو السند
الحمد لله حمدا كثيرا طيبا والله
مفيش حاجة تفتح نفسي قد اخبار حلوة لصحتي وعقلي وقراراتي و انا الحمد لله سعيد بكل دا وراضي جدا
صباح الورد يا كيمو
اكبر من كل تخيلاتي وامنياتي وكل اللي كنت بتمناه
باب الاحترام والتقدير
باب الغنا والسيط
باب الروقان والعيشة كملك
كل حاجة في خبطة واحدة
التمن بسيط قوي قدامه
مكنتش احلم ولا اتخيل حاجة زي كدا
بس الحمد لله
عالرايق وعلي الهادي وبكل مزاج
وبكل روقان
الحمد لله رب العالمين
المهم اني كان عندي الونس
كان عندي الايمان من جوايا برغم ان التعب كان شديد اوي الكام يوم اللي فاتوا
الا اني والحمد لله قدرت اقف النهارده واثبت نفسي واظبط الدنيا
كان عندي حد يآمن بيا ودا اللي كنت بحلم بيه من زمان
كان عندي حد يدعمني ويسندني
صحاب كويشين وبنت حنينة وكلام حلو وروقان مع موباية نسكافية وسفرية نلف المانيا في يوم ونرجع البيت باشا
النهارده وان شاء الله وبعون الله جزء كبير من حلمي ان لم يكن كله اصلا علي بعضه اتحقق
اينعم لسه عندي شوية حماقة وتعب
بس في فسح كتير فشخ كنت بتمناها جاية
ولف وسفر وفلوس
الحمد لله
النهارده بقيت مسافر ومستمتع والله
الكلاسيك لايق عليا ولسه
النهارده كنت بسال نفسي ياتري هعمل ايه وهصاحب مين وهتعرف علي مين في الدنيا دي
النهارده كان كل حاجة حلوة
وفي كريز كتير لازم يتاكل
بس يعني
هنظبط
بس عالهادي
بحب انام بوضع معين وبحب الاكل بطريقة معينه وبحب امشي وانا بعمل حاجات معينه ، بحب اخش في المود بطريقة معينه برده وبحب احط رجل علي رجل وانام عالكنبة واريح بعد الاكل وانام علي صدر اللي بحبها واحضنها طول الوقت والعب في الموبايل بدون فيديوهات واقرا مقالات واتفرج علي مسلسلات وفي النص بشرب شاي وسيجارة وبلبس هدوم البيت بطريقة معينة
في حاجة اسمها تفضيلات شخصية
بتعملها عشان دي شخصيتك
التخلي عن الامور اللي بتكون شخصيتك عشان ترضي اي حد في الدنيا مهما كان هو مين فدي حاجة غلط ومدمرة ليك قبل ما تكون للعلاقة
لان شخصيتك بتتمحي مع الوقت وبتتحول لشخص مش انت وبتكره نفسك مع الوقت
والكلام هنا مش علي اوقات العصبية اللي بنعمل فيها حاجات متخلفة وبنرجع نندم عليها لان دي مش تفضيلات شخصية دي وقاحة لان في حاجة اسمها حدود عليا وسفلي او حد ادني للسوء وحد اعلي مينفعش اتخطاهم عشان مينفعش ساعاتها ابص في وش الشخص دا تاني لاني مش هقدر اعرف نفسي معاه
الحياة سهله وبسيطة بالتفاهم والحب والمودة ومحاولة انك تريح الطرف التاني بهدية بسيطة ببوكية ورد بكلمك حلوة بحضن خاطف ولو حصن برضاعة في وقت صح او غلط من حلمة تدوب زي الكريز
كل حاجة سهلة وبسيطة في الحياة ويمكن دا اكتشفته النهارده
الحياة حلوة بضحك خليعة ورسالة تجنن في وسط اليوم ومكالمة شوق وحب خاطفة ونظرة رضا وبوسة عالخد بتقول انت عندي بالدنيا
الحياة حلوة
النهارده الحمد لله حققت كتير اوي اوي اوي من احلامي ورضيت عن نفسي بدرجة مكنتش اتخيلها
كل الهاردوير اللي كان نفسي فيه جبته وكل الحاجات اللي كنت بتمناها حصلت عليها وباحسن شكل كمان وفوق كل دا كلت كريز كتير 😂
ربنا رحمته بتساع الدنيا كلها بس المطلوب منك تفهم وتعرف انها بتساعك وان في دنيا قدامك
كله حلو بس نقول يارب ❤️
يسعد صباحك يا حلو ويسعد مساك ومساء النور علي البنور يا قلب كريم يا كوة في سور بيعدي منها الامل في ارض صحراء متشققة من العطش والجوع وبتشرق منها الف شمس علي قلب طيب حنون
مضطر اتشعبط في الامل واحارب عشان خلاص النهارده دخلت ليفل كبير اوي
اكبر حتي من اكبر احلامي
تقريبا احلامي كلها بتتحقق ورا بعض زي الصاروخ
الحمد لك يارب
تصبح علي خير يا كيمو ❤️
عزيزي كريم
قريت رسالتك الأخيرة وبصراحة قلقت عليك كتير ، مش عارفة انت كويس ولا لا ، بس بتمني تكون بكل خير ، وحشني هدوءك والعاصفة شغاله جواك وانا برغي معاك رغي فاضي ، كنت دايما بتحب تحكي كتير وتتكلم بدون فواصل وكأن مفيش بكره وعايز تلحق تقول كل حاجة ومش عايز تمشي وانت في نفسك كلام، عارف يا كريم انا فكرت في معني الحب الحقيقي زي حالاتك كتير ويمكن اللي اقدر اقولهولك ان الامان الحقيقي والاطمئنان انك تحب حد يعرف يقول الحق حتي لو مستفيد من الباطل ، ، عارف صعوبة انك تمنع استفادتك من الباطل سواء شغل او مصلحة او علاقة عاملة ازاي ؟ الحياة صعبة يا كيمو وكل واحد بيدور علي اللي بيتحامي فيه ، في ناس بتجري ورا الفلوس عادي جدا وناس بتجري ورا حد يفضل يتعبد عند محرابهم ليل نهار لكن انت انسان قلبك نقي ونضيف واصيل ومهما اتقال عليك هفضل اصدق انك قلبك طيب لاني سمعت دقاته قبل كدا والقلوب مبتكدبش
كريم المشكلة انت جزء منها مش هقدر اقولك ان المشكلة مش فيك ، سواء لوري او اي حد تاني فانت عندك برده مشكلة يا حبيبي ، متنساش كل اللي عشته و افتكر كويس ان الحب الحقيقي بينور قلوبنا وحياتنا وبيبان علي وشنا ، مش حبنا احنا يا كريم لكن حب الطرف التاني هوا اللي بينور وشنا يا كريم ، القلوب متعلقه بين ايدين الرحمن ، فلان النهارده ميعرفكش وبكره بيكرهك وبكره بيحبك لكن الحب الحقيقي مع اي حد مبيقولش الحق فهوا مش حب يا كريم دا مجرد قناع زايف وباطل يراد به مصلحة واستنفاع
عزيزي وحبيبي كريم ، عارفه ان كلامي تقيل وان صعب الواحد يعيش في الحياة بدون ونيس يحس بيه يراضيه بجد وعارفه الوحدة متعبة قد ايه علي قلبك ومتنساش اني اول من صدق قلبك وصدقك ومتنساش لما قلتلك انك هتوصل لدرجة من النجاح انت ذات نفسك مش هتصدقها ، من رحمة ربنا بينا يا كريم هي الجهل بامور كتير جدا ، متفكرش للحظة ان ربنا هيسيبك يا حبيبي اتطمن
لو مش عارف الحب مع لوري حقيقي ولا لا فاحب اقولك انه حقيقي بس ياتري في الالتزامات والحياة الشخصية هتقدروا تعيشوا سوا ، الحياه مع شخص زي انك تنصهر فيه بشكل تام ، ازاي تنصهر في الناس وينصهروا فيك يا كريم ويطلع منكم حاجة حلوة ، بيت هادي امان طمأنينة اطفال حاجات تقدر تمسكها بايدك وتحسها في كل لحظة في يومك ، انك تكون عايش في بيت حقيقي هوا دا اللي هيطمن قلبك
حبيبي واسمحلي اقولك حبيبي لاخر مرة في الجواب دا علي الاقل ، قوم ارتاح ونام ومتنساش كلامي وافتكر اني عايزاك كويس وبخير واتطمن كل حاجةهتبقي كويسة يا كريم وافتكر اني انا كمان بحبك
تصبح علي خير يا حبيبي
لوري جميلة وحلوة هادية وطيبة بتضحك الدنيا بتنور ، بتهزر الحياة بتختلف
لكنتها ركيكة ومضحك في اي لغة بتحب الحياة والجري والتنطيط والشوبينج
بتلبس عريان ومكشوف تقريبا طول الوقت
بتقعد تتمسح فيا زي ما يكون انا الراجل الوحيد علي الكوكب
بتبتسم بهدوء وبتنطق كلمتين معناهم لطيف ، باي لغه كل كلامها حلو
زي ما يكون السكر اتخلق من علي شفايفها
بنقعد نلعب لعب عبيط ملوش علاقة باي حاجة بتسخسخ من الضحك معرفش ايه السر او الخلطة السرية لضحكتها كانها بتجمع الكون بكل ما فيه من روعة زي لوحة لفان جوخ بحبها وبعشقها بتصور النجوم في السماء
بترحب بيا برضا لما بتشوفني بتحضني بعمق كانها اخر مره شافتني من عشر سنين بتضمني وتبتسم وتقفش فيا كاني هجري
متعرفش خصام ولا تعرف زعل بتقف جنبي وتقول بلهجة ركيكة جدا عايز ايه او اعملك ايه عشان تبقي مبسوط ، بتسمع الكلام برغم انها مش مجبرة
عنيدة جدا مع كل الناس وبتطلب طلبات غريبة في اوقات غريبة
بنزل في عز المطر واجيبلها حاجة او ابعتهالها لحد البيت
بتقابلني عالباب بابتسامة وتضحك وتتعلق في رقبتي
هوا دا الحب ؟ معرفش
قلبي بيتخطف لما بشوفها بس مكشرة عشان اي حاجة مهما كانت تافهة
نظرة عيونها ليا وسط اليوم وكأنها بتقول خطفتك وطايره بيك وانت الدنيا ، مبتقولهاش بس في عينيها
بتاخدني اماكن اول مرة اروحها بتمشي معاها بالساعات ، بقف اعيط علي جنب احيانا من شدة التعب من الحياة ، بتبوس عينيا وتقولي انا هنا وبما معناه نتزعلش من الدنيا ولا من اي حاجة مزعلاك
بقولها متبوسش عينيا لكنها مصممة كان دا قمة الحب بالنسبة لها
بنروح نشرب قهوه بتتعلق في ايدي ووتلف في الشارع دايره حواليا وحوالين نفسها وتحضني وتبوس راسي وكانها لقت كنز
بسالها كتير ليه كل دا
بتقول بحبك
بغلس عليها وبعاندها ، بتاخر في الاكل والدوا وبقعد في مكاني مبتحركش احيانا بلاقيها جايه بشنطة كبيرة
تخبط وافتحلها وتقعد تقولي الشنطة فيها ايه ونقعد نلعب حتي وانا مبردش لكن عيوني بترد عليها
بتبتسم
بتحضني
لحد ما كل الحمول علي كتفي بتختفي
كاني مولود من اللحظة دي
كل اللي عشته في حياتي بيختفي في لحظة وهي بتحضني وبتطبطب علي قلبي
علمتها ازاي تطبطب عليا وعلي قلبي
بكل هدوء بتطمن ليا في اوقات تعبها وتيجي تتكوم جنبي وتدفي فيا ولو حتي الجو حر
تقعد تقولي سقعانه لمجرد تاخد الحضن
تبصلي في لحظة وتقولي كريم عايزه طفل
اقعد اهزر معاها واقلد الاطفال وتقولي هحبه برده
بنعمل اكل سوا وبقعد اعدل عليها وتقولي انا عارفه بعمل ايه وتحرق الاكل واقعد افهم فيها وننزل نشتري غيره او ناكل من برا
سريعه في ردود فعلها ومجنونة وعنيدة جدا ومتمسكة للنهاية
مش عارف هل انا فعلا حلو ؟
بتحب شعري وضحكتي وعيوني وملمس وشي حتي والدقن متحددة واحيانا تقيله وبتحب طولي وضلوعي وقلبي ونفسي وريحة ايديا وريحة هدومي وبتفضل تشم فيا وكاني ريحتي من مسك
برن علها كتير وبترد كل مره بكل حنية وتقول حبيبي
نتخانق عشان الشغل ونتصالح قبل ما نقوم من مكاننا
هوا انا فعلا حلو ؟
لوري لغز عقلي مش قادر يحلله ولا يفهمه
عاملة زي ما اكون نمت وحلمت ببنت ملهاش مثيل ولا زي
وفي النهاية صحيت لقيتها قدامي
فاكر اول مره واحنا ماشيين سوا وبتتعلق في داعي وبنضحك جدا واحنا مش فاهمين ليه بنضحك
لغز ملوش نهاية
الحب ايه وازاي ؟
اذا مكانش دا هوا الحب يبقي هنعيش الحياة ليه ؟
هوا معلش انا عايز افهم ، هوا انتي شايفة ايه ؟ -
شايفاك أحن وأطيب راجل في الدنيا ، شايفاك راجل محترم -
انا بدور علي الحنية ممكن ابيع الدنيا بكل ما فيها واشتريها -
حاضر -
النهارده كان يوم لطيف ، في حد اتصل صحاني بعد تعب امبارح والصداع استمر للصبح والحمد لله لكن ان حد يصحيني عشان عندي مشوار شغل فدي حاجة جميلة بتسعد قلبي
صحيت اساسا صاحي من قبلها بس الموضوع كان لطيف اسعد قلبي وبالرغم من الكول جاتلي وانا بشرب القهوه وسيجارتي الهادية فالشارع
والحمد لله النهارده اكتشفت اني غير مؤهل للتعامل مع البقر ولازم اخد بعضي واجيب حد يتعامل بدالي عشان مليش مزاج في التعاملات دي اللي تدايقني ، انا اهم من كدا والله ❤️
انطلقت في مشوار اليوم وروحت عملت مشكلة والحمد لله حققت اللي انا عايزه بشكل ما
بس اللي اكتشفته مكانش لطيف بس اليود عدي علي الهادي
الصداع طلع زي ما حد قالي سببه المخدة والنومة وناوي اخد بالي بنام ازاي برغم اني بحب اتشقلب فالسرير 😂😂
المهم ان يوم جميل وعملت اوردر حلو لحاجات حلوة هتسعدني في المرحلة الجاية ويارب يكرم ويسعد ويسهل 😎
بس خلاص
ويوم سعيدة يا كرمللة ❤️
امبارح للاسف وبدون سابق إنذار نمت عالكنبة
طبيعي بعد كل المشاوير ، تقريبا كل يوم قضيته شواء
يوم العيد مع محمد في الجنسنه وتاني يوم جالي دعوه لبادربورن
وروحت واليوم كان عظيم بشكل مبالغ فيه
ميتنج طويل خد مني بتاع ست ساعات وبعدها خد عندك بقي حفلة طويلة عريضة حاولوا يستعرضوا فيها
عشان يكسبوا كريم 😂😂😂
طبعا الموضوع بالنسبة لي كان حلو جدا وسعدت بيه للغاية والناس بتهزر وتضحك والمدير بياخد سيلفي
اللي هوا احا في ايه 😂
وكانت النتيجة الحمد لله ان اليوم تم بنجاح تام وسهرنا سوا لحد بعد نص الليل بساعه
وبعدها روحنا الفندق مشي عشان مكانش ينفع حد يسوق وانا مبعرفش اسوق
والحمد لله رب العالمين ربنا كرمني ونمت تلات ساعات وتاني يوم صحيت و فطرت في الفندق
الفطار كان تعبان بس بعد يوم كامل تعامل ومناقشات و اجتماعات بالالماني تعبت جدا
وركبت العربية مع زميلي وروحنا علي ايسن ونزلت هناك اتمشيت شوية وشربت قهوه
ومحمد كلمني نشوي تاني والشباب اتجمعوا
كان يوم مسخرة وطبعا وديت حاجتي كلها البيت و خدت شاور ونزلت رايق
الحمد لله انا والله العظيم ما كنت اتخيل عظمة كرم ربنا للدرجة دي
الحمد لله رب العالمين راضي والله يارب
وهضطر انزل ايسن كل اسبوع يوم او اتنين اقضي يوم فالمكتب علي الهادي كدا واقابل الناس وارجع البيت تاني
الموضوع حلو جدا وخصوصا اني وحشني جدا اتمشي واقعد في المدينة والحمد لله مش هحتاج مواصلات وعيني علي طول هتفضل علي الاشتادت
مبسوط وراضي والله يارب
النهارده حتي جبت واحد زميلي اعدله السي في والموتيفيشن
الحمد لله قدرت افهمه ان الحياه سهله وان ممكن يشتغل
طبعا بتحرك معاه وبساعده بكل شكل
ومرضيتش اكتب اي حاجة عن مشوار بادربورن
مش عارف المره الجاية هوصل لحد فين او ربنا هيعملي ايه
بس متطمن جدا لان ربنا بينقلني من نقطه للتانية بكل سهولة وكل شر بيخليني بعيد عنه
واكيد اي حاجة بتروح ربنا بيعوضني وينجدني ودا كرم واسع منه
ودلوقتي هقوم اطبخ النهارده واشوف البشاميل الرايق بقي 😂
اليومين دول سعيد برده لان في ناس كتيره جداد بيدخلوا حياتي ودي حاجة تسعدني وفي اهتمام مبالغ فيه
فراضي وسعيد والحمد لله
يارب
قعدت ادعي يوم عرفه اكتر دعوة ب يارب اشفيني وطمن قلبي وارضي عليا وارضيني
يارب اكتبلي اللي يرضيك وارضيني بيه يارب سلمت امري اليك
مبسوط برده عشان اكتشفت كام اغنيه وشوية مزيكا حلوين ❤️
اروح اطبخ بقي 😎
طبخ رايق يا كيمو ❤️
.jpg)
