الخميس، 29 نوفمبر 2012

الحضن الناري

إمبارح بيتت برا البيت
فى المصنع سهرت فى مكتبي برتب حساباتي وبقفل حسابات عملاء لا حصر لهم وبتابع الشغل مع ريس العمال اللي جه جديد واللي المفروض يريحني بس حاسس إنه دماغه زي الجزمة مش هيعرف يعمل حاجة غير شوية الزعيق , متخلوناش نخرج عن الموضوع أنا بيتت إمبارح فى المصنع

بعد ما العمال مشيوا ومتبقاش غير واحد بس وأنا نزلت الدور الأرضي وخرجت ركبت الموتسيكل وجبت عشاء والهوا البارد بقي مفيش حاجة تقدر توصفه وبالذات فى أكتوبر مدينة الصقيع , رجعت وإتعشيت وسيبت كل حاجة وقعدت لوحدي عالترابيزة اللى بيشتغل عليها الناس وعليها شظايا زجاج كتير جدا ودخنت شوية , مش عارف ليه أصلا قعدت أفكر .... إذا كنت أنا برا عشان أنا أصلا عايز مفكرش ومتعبش نفسي ومحسش بالوحدة , إيه دا بس اللى انا فيه دا ؟؟؟ مش عارف
لكن اللى عارفه أوي إن البرد كان واصل مش بس لعظامي ومخليني برتعش , البرد كان واصل لأعمق أعماقي , مش أول ليلة أبيت فى شغل ولكن المرة دى البرد كان جوايا أنا منسجم مع البرد اللي برا والوحدة كانت رهيبة
انا فكرت كتير أوي أوي أوي
عشان كدا بكتب
كل اللى فاكره تاني يوم إني أول عامل وصل المصنع صحاني من عالترابيزة وقالي إنته إتجننت ؟ إزاي نمت وسط كل الزجاج والشظايا والحاجات دى , الراجل مستغرب بجنون وأنا صاحي ومش فارق معايه , كان النهارده يوم متعب كملت فيه حساباتي وروحت فى العربية وأنا بسقط
لما جيت عند هايبر ومدخل زايد حاولت أدور وشي الناحية التانية , لكن فشلت وهنا إفتكرت إني علي طول بواجه الألم , وسالت نفسي ما يمكن أنا بواجه الألم عشان مبعرفش أجري منه أو يمكن عشان أنا قوي أوي , مش فارق ومش مهم ومش لازم نتوصل لحقيقة
دلوقتى وصلت فى انهياري لمرحلة مهمة جدا بيظهر فيها الجوهر بتاعي أنا ومش لازمني أجوبة خالص
وأنا مروح وماشي فى الشارع البرد كان قاتل
مش عارف أوصف لكم لان كل الوصف هيبقى ولا حاجة ولا كاني قلت حاجة
انا النهارده عشان أنام محتاج حضن من نار
هوا فى حد بيحضن النار ؟؟؟
أيون أنا بحضن النار
بتطمني وبتدفيني وجروحها بتطهرني
محتاج حضن ناري يدفيني حد الرماد
يعني إيه حد الرماد , يعني النار تحرقني لحد ما ميتبقاش فيا غير رماد
هوا دا حد الرماد حضرتك

مش عارف هقوم أعمل إيه بس واثق إني هقوم أعمل مصيبة

مش فارق بقى اتكلم او متكلمش لكن مش هتفرق فى اى حاجة

ما انا ياما قلت كلام ووجهات نظر وبلاقي اللى قدامي شخصية غبية بيروح يسمع الكلام من ناس برا وكأنه أول مرة فى حياته يسمعه

فاكر إحساس القرف

أهوه انا دلوقتى قرفان بجد
من جوا كدا قرفان
الواحد لما بيحس بالقرف بيشوف هوا قرفان من ايه ويبعد عنه او مش يفكر فيه
وبالتالي
مش عارف هعمل إيه
بعض المصاير والطرق متقدرش تبعد عنها ولو عملت كدا تبقى مش بني آدم
مش هقول الضعف بيخلينا بشر
ولكنه عالاقل دليل وبرهان واطي بيساعد فى إثبات الحقيقة دى

هوا انا بس اللى شايف الدنيا صعبة وشايف ان مينفعش نهائيا نهائيا الناس تعيشسها بالشكل دا
شايف ان لو الواحد بقى فى سلام وراحة مع اللى حواليه بدون تعقيدات ومشكلات وهموم وبدون اى عقبات او حدود الناس كلها هتعيش كويسة
هوا انا اتهبلت فعلا وبحلم بالمدينة الفاضلة
مش فارق معايه والله
امبارح حلمت والقزاز والشظايا دي بتشوكني وانا نايم
مش فاكر نمت ازاى ولا امتي ولا فاكر الحلم بس كان حلم ابن كلب اكيد ملوش لزوم

****
انا قررت ابطل اكلمك
لاني ببساطة مبقتش باكل من الكلام اللي بيتقال من النوعية اللي زيك
أو الصور أو الأساليب أو الطرق أو الأفكار
زي ما تقولي كدا مبقتش الحاجات دى كلها ليها معني أو بتأثر أو حتي بتفرق معايه النوعية اللى زيك
أينعم كنت مهتم بيكي وقلت دا
بس حاليا إطلعي برا
فى ستين داهية
أنا بقرف من النوعية دي من الناس
لأنهم مصلحجية أو عايشين فى كدبة
وانا للاسف مبعيشش فى كدبة
برغم كل الخطايا اللى عملتها والمشاكل فى حياتي
إلا إني دايما كنت واضح وصريح
وبمنح للي قدامي إختيار
وانا مش همنحك إختيار لأنك بصراحة
من نوعية تقرف
كفاية إن الواحد يجرب تفاحة واحدة عشان يعرف هوا هياكل تفاح بعد كدا ولا لاء
وانتى مش تفاحة
وانا مش ادم ولا ناوي اكون
ولذلك
فمن اللحظة دي وبغض النظر عن انك مش بتقري هنا وبغض النظر عن كل ترتيب عملته عشان أبقى جنبك
فمن الآآآآآآآآآآآخر
برررررررررررررررررررااااااااااااااااااااااااااااا
****


هوا الناس بترجع تكلمني ليه ؟؟؟
شىء غريب لما تلاقى شخصية كانت عارفاك من تلات سنين وجاية تطمن عليك وتقولك انها حاسة انك مش كويسة وعايزاك تبقى كويس
او شخصية تانية تعرفك من سبع سنين بتتصل برده وبتقول نفس الكلام
لكن الغريب هوا رجوعك انتى
مش متخيل الصراحة
أول بنت تبعتلي صوتها فى ملف عشان الميك بايظ :D
أيام ما كان فى ميك بقى والشغل الحمضان بتاع النت وكنت ساعتها شغال فى الدعاية والإعلان
وساعتها إنتى أول واحدة ساعدت فى إشتعال عود الكبريت
إنتي النار اللى ريحت قلبي
إنتي اللي سبقتي أى حد والكل فى إنك تبقي هنا
الأولي ولا وصف آخر يمكن أن يقال عنك
الوحيدة اللى بتحبي كلمة ( كدهوه ) وبتسأليني بشوق دايما : هوا انته لسه بتقولها
والوحيدة برده اللى بتحب صوتي وفاكراه بكل الجنون دا وبتقولي وحشني صوتك
مش عارف بقي إيه يتقال
لكن عارف إني سعيد بيكي
مش عارف راجعة ليه  ومش عااااااااااااايز اعرررررررررررررررف
انا لسه هختار وفى اللحظة اللى هختار فيها
اللي هيبقى هنا هوا اللى هيدخل حساباتي واللى مش هيبقى هنا ويعمل فيها واحد تاني ومن بنها
هقوله الكلمتين اللى قلتهم فى الفقرة اللى فاتت
كلمة برا
واظن فى مرادفات كتير اوي للجملة دى ناس كتير سمعتها مني
المكتوب عنك هنا يا فتاتي الأولي لا يوفيكي حقك
وأيضا ليس عشقا فيكي ولا حبا فيكي
بس انا عمرى ما كتبت ولا حكيت عنك بالرغم من انك من اكتر الناس اللى فرقت معايه فى الحياة دى
يخرب بيت كدا
انا فاكر الشعر بتاعك اللى كتبتيهولي وقلتي لي فيه ( برغم كذا وبرغم كذا ... ) وقلتي فيه كل الموانع وفى الاخر قلتي قد ايه بتحبيني
من الحاجات اللى متتنسيش برده الحاجات اللى كتبتها فيكي
كنت ساعتها قبل ما اكتب وقبل ما افتح حتي مدونتى الاولي وكنت بكتب فى تكست وارمي فى السلة
تعرفي قد ايه كانت ايام حلوة ؟؟؟
انا بقى عارف
وشايل كل دا جوا قفل زمني مفيش حاجة تقدر تبوظ اللى جوا واللى جوا ميقدرش يأثر عليا
وعشان القفل دا يتكسر
انتى فاكرة الاغنية اللى قلتى لي عليها مثيرة ؟؟؟ أيون
بالظبط كدا 
****


هييجي واحد سخيف يسألني ويقولي ليه هتكتب الكام سطر اللي جايين دول
هقوله (( تباً لك )) وأكررها (( تباً لسمو عظمة فخامة حضرتك ))

وهكتفي بإني أقول إن فى ناس مكتبتش عنهم حاجة بالرغم من تواجدهم

انا مش ناسي لا خمسة وعشرين ولا ستة وعشرين تمانية علي فكرة
ومش ناسي انى فتحت لك المحفظة ووريتك صور وحاجات اول مرة حد يشوفها فى التاريخ وسمحت لك تقلبي فيها .
ومش ناسي يوم الجمعة إياه لو فاكره
ومش ناسي منظرك وانتى ماشية بالقهوة يوم المفاجأة العبيطة
ومش ناسي برده لما قلت لك هعلمك تكتبي وقلت لك تكتبي إزاي وتوصفي إزاي وتفكري فى إيه وتعبري إزاي
ومش ناسي الصورة اللى صورتها ساعتها 
ومش ناسي منظرك برده وانتى راجعة لي وماسكة الكارت عشان تكلميني فاكرة انى مشيت مع انى كنت لسه فى مكاني
ومش ناسي برده الحاجز إبن الكلب اللى إنتي فاكراه وعارفاه
ومش ناسي الكهربا
ومش ناسي الرسايل
ومش ناسي الاوفلاين
ومش ناسي السلسلة إياها ولا الوردة إياها
ومش ناسي قزازة المية والمناديل والسجاير والمنديل بتاع سلنترو
ومش ناسي برده المنديل كان فيه إيه وإيه اللي خلاه مختلف عن أي منديل تاني فى الوجود كان معايه او اديته لحد
ومش ناسي برده (( هوا الكوبري بيتهز كدا ليه )) ولا المفاجأة اللي مأثرتش فيكي ومشينا ساعتها كام ساعة
ومش ناسي ماكدونالدز
ومش ناسي النص جنيه ولا العيديه
ومش ناسي لما قلت لك ( أنا مؤمن ومصدق باللي بقوله )
ومش ناسي صوتك
ومش ناسي الإختلاف اللي حسيته عن أي بنت عرفتها قبلك
ومش ناسي مناقشتي عن الملايكة والشياطين ولا حتي الفندق اللى كنا واقفين قدامه
ومش ناسي قلت لك ساعتها إطلعي فوق السور دا ورفضتي
ومش ناسي وسط البلد
ومش ناسي القلم الأحمر واللى انا كتبته بيه وكمان مش ناسي كتبت بيه إيه ومضيت فى الآخر إزاي .
ومش ناسي الأغاني اللى بتحبيها
ومش ناسي الشاي لو فاكراه سواء اللي بعمله أو التاني اللى كان أخضر دا وعليكي تمنه لحد دلوقتي
ومش ناسي البت المتخلفة اللى طلعت تسلم عليا معاكي وقالت : هوا دا كريم بقي اللي بتحكي عنه ليل ونهار  وعاملتها بذوق عشان خاطرك
ومش ناسي الكبسة اللى كنتي مرعوبة منها فى اليوم دا
ومش ناسي القلم بتاع اليوم دا الأزرق اللى مكتبش ساعتها
ومش ناسي مكانك اللي قعدتي فيه
ومش ناسي منظرك ولا الارتباك
ومش ناسي برده قلتي لي إيه لما جيت ماشي وحاسة إني زعلان 
ومش ناسي اول مكالمة عملتها من اكتوبر
ومش ناسي كل مرة قلت لك فيها هسيب الشغل وقلتي لي كمل وشجعتيني مش ناسي اليوم اللى قلبتي فيه الدنيا عياط عشان قلت لك ماشي وممشيتش وانتى اتفاجئتي بيا تاني يوم 
مش ناسي كل مرة اديتك فيها حق الإختيار وكنتي بتختاريني وبتتمسكي بحقك فى الحياة 
ومش ناسي كل الكلام اللى قلته ومناقشاتنا اللى كانت بتستمر بالاربع ساعات فى حين انى مبكلمش اى حد تاني فى الدنيا غيرك
ومش ناسي أول يوم

ومش ناسي آخر يوم
ومش ناسي قد إيه إحتجت أتكلم وملقتكيش
ومش ناسي قد إيه من فرص وإهتمام منحتك وإنتي فى البلالا لاند ومش قاادرة تقري اللى بحاول أخليكي تقريه
ومش ناسي خناقاتك وإعتقاداتك للي فى دماغي برغم إنك عارفاني أكتر من ناس كتير ولاد ستين كلب كانوا جنبي ومقدروش يعرفوا حاجة وبرغم ذلك برده رتبتي دماغك بشكل غلط
ومش ناسي تصرفاتك الغبية والمرة اللى عملتي فيها حاجة خلتني أكره إني منحتك فرصة مفيش قبلك حد قدر يوصلها
مش ناسي كل اليأس اللى كنت بحس بيه لما ببص فى عيونك بعد ما بتقابلي ناس كتير وبتيجي وكل اللى بنيته جواكي رماد وأطلال
مش ناسي كل خيبة الأمل لما بقدر حد وبستناه يقدرني وبيتعامل بأسلوب قذر بيخليني عايز أولع فيه وانا الصراحة كان نفسي اولع فيكي كام مرة بس
مش ناسي بقي نهائيا إنك بعتيني عشان خاطر ناس ولاد ستين كلب (( علي فكرة انا بحب الكلاب بس انتى فاهمة انا اقصد ايه ))
مش ناسي خالص بقي نهائيا انى عمري ما كتبت عنك برغم كل اللى عملتيه

الأهم من كل دا
إني وأنا بكتب دلوقتى فات واحد فى الشارع مشغل الاغنية بتاعتنا وفى المقطع اللي بيقول (( البنت لسه )) اللى بحبه وبيفكرني بيكي

والأهم من كل اللى فات برده
إني مفتقدك وجدا كمان


والأخطر من كل المهم
إني قلت دا هنا وهنا بالذات وشتمت بالشكل دا وقلت كل دا عالملأ وكأني بقول للناس كلها تباً لكم يا ولاد الكلب

والأفظع والأشنع
أني مازلت مؤمن إن الأفعال بس هي اللى ليها لزوم وغير كدا يترمي فى الزبالة
ولذلك
فتأكدي إني مهما إفتقدتك
مش هعبرك فى الجزمة
مع إحترامي يعني
وخليكي فى توهتك مع التايهين وإنتي فاهمة بتكلم علي مين

صحيح يا بت
هنساكي أكيد لما الوردة اللى معاكي تدبل
وإنتي عارفة إن الوردة دي والسلسلة بتوعي
وإن عمرهم ما هيدبلوا 
زي اللى راح يقول واحدة بحبك يا غبية
قالت له متشتمش
فهماني ؟؟؟
أكيد فهماني ما إنتي شفتيني بعيط وكمان كان معاكي بث حي من دماغي لمدة محدش قدر يسمعني فيها قبل كدا
وغير كل دا
إطلعي من الضلمة لو حبيتي هتلاقيني مستنيكي فى النور برغم غباوتك اللى خليتني عايز أولع فيكي
 وإنتى حرة
وأنا حر

بكتب كل دا لان مينفعش متتسجليش هنا
وكمان من حقك تعرفي إني مفتقدك
وكمان من حقك تعرفي إن كل شىء عندي بقي له ليميت مش غصب عني ولكن بحط الحدود لاحتمالي وصبري بمزاجي وبس
وكمان من حقك تبطلي إستهبال لأني متنيل تعبان ومينفعش الغباء اللى بتعمليه دا
وهييجي لحظة قلت لك


وقلت لك ساعتها هيحصل فيها إيه

وإنتي الوحيدة اللى تعرفي

وأقسم بالله اللحظة دى لما تيجي هيتغير مليون حاجة

وربنا يستر بقي

صحيح : لو مفهمتيش حاجة إستحملي مش هتبقى أول مرة أقولك فيها ( هفهمك لاحقاً )

ومازلت مؤمن إني أقدر أخلي أي حد ينساني

بس اللى بيطلبوا بس

فهماني طبعا لانك نسيتي كتير

:)

صحيح برده : معاكي كارت أخضر لأنك أقل شخص فى الوجود قعد جنبي ومن أكتر الناس اللى عرفتني وشافتني حلو برغم انى مش مؤمن بدا عشان محبش نفسي وابقى واطي مع خلق الله ...

الصورة بتاع صوابع الواد دي هدية :D
وهوا كدا :)))
****

مش هعد في كام جرح فى جسمي أو بقالي كام ساعة مكلتش أو بقالي كام ساعة شغال أو حتي بقالي قد إيه بفكر

طبعا : فى ناس متخلفة عقليا بتروح تسمع نفس الكلام اللى كنت بقوله برا وتنبهر بيه

مع ان الناس دى لو فكرت ببساطة هتلاقي اني ياما قلت الكلام دا

اللى يحرقكم حرقتوا دمي

ودلوقتي هقوم اغسل ايديا بشوية بيتادين واشوف شوية قطن أبلعهم بشوية شوربة :D


الى كل من يقرا البوست دا ويفتكر إن فى سطر مكتوب عليه

وحيااااااااااااة أمك يا شيخ وحياة الغالية متفكرش كتير

وسيب البوست وطيرررررررر عشان لو فكرت ممكن تتعب وتموت بقهرتك

اللى هيفهم اى سطر فى البوست دا يبقى اكيد مذكور فيه سواء بالشتيمة أو بالفضل والكلام الكويس



وختاما ....

هع

قلت النصيحة ميت مرة وربنا ما هقولها تاني

وش مطلع لسانه

الثلاثاء، 27 نوفمبر 2012

ألفاظ سخيفة ومعاني لا تحمل الحقيقة


بُـــكا
شوق
حنين
وحشتيني
وجع
ألم
نار
صداع
غيرة
تعب
يأس
خنقة
ضيق تنفس
إرهاق
هتعدي
هنعيش

كل الكلام دا سخيف
وكل المعاني دي متحملش الحقيقة
لسبب بسيط جدا
إن الحقيقة أبشع من كدا ملايين المرات
إن اللي ورا المعني دا مش مجرد إحساس التعب والخنقة والشوق و و و
إن أنا بقول إن كل شىء فى العالم له قاع
عشان كدا مهما غرقت مسيرك هتوصل للقاع
فما بالك بقي
لما يبقي حاجة زى دى ملهاش قاع
وفى برد الشتا ووحدة كل ليلة
والثقوب الكتير اللى بتكتر جواك
والحروق اللى معلمة فيك
والوجع اللي مبينتهيش
والذكري اللي مش بتموت
والناس
عايز تفهمني إن أى كلمة من دول بتعبر بشكل كامل عن اللي جوايا أو اللي حاسه أو عايشه
دا إبتذال لما أستخدم كلمة من دول فى وصف أي حاجة
لأن اللي جوايا حالياً عندي يقين إن الوجود ميساعوش
ولا حتي العدم لو أصبح وجود ذات يوم
فاهمني ؟؟؟


****

النهارده كنت فى سى بي سى فى أكتوبر( منطقة صناعية )
وآخر اليوم كنت فى الشيخ زايد وهناك دخلت جرينز وقابلت شخصية مهمة جدا ويعتبر أحد أهم العملاء عندي لدرجة إني خارج بنفسي فى تسليم الشغل ودى حاجة مبتحصلش وبالذات لو أكتر من واحد طالعين عشان يركبوا الشغل للعميل اللى يعتبر أصلا كل اللي طالبه أشياء بسيطة بس الأهمية إنها فى القصر الخاص بيه
جالي أفكار كتير أوي تخص المستقبل اللى بحلم بيه وتخص اللى فات وتخص إحساسي كان عامل إزاي قدام مليون تفصيلة
مش هعرف أحكي لأن مينفعش
ولكن
(( هي فعلا بتعرف ترقص ... مش دا موضوعنا ... ركز فى العميل ))
وقفت مع العمال فى عملية التركيب كمشرف وساعدت بإيديا وهنا إكتشفت إن العميل دا هوا صاحب منتج كلنا بنشوفه كل يوم وفى كل مكان ومفيش حد إلا وبيستعمله , صاحب شركة من أشهر الشركات فى مصر وهنا وقفنا إتكلمنا لما لقاني ممكن أشتغل بإيدي عادي جدا أو أتحرك أو أشيل مش واقف أتأمر علي خلق الله
العميل : إنته صنايعي ؟
أنا : لاء حضرتك أنا مدير الحسابات والمسؤل عن التسليم النهائي ومشرف حاليا
العميل : سنك مش كبير وفي نفس الوقت ميبانش عليك
أنا : من ناحية صنايعي فأنا إشتغلت تقريبا فى كل حاجة
العميل : كل حاجة مرة واحدة ؟
أنا : حضرتك أنا إشتغلت فى الزجاج وفى الألوميتال ووقفت صبي مع نجار مسلح ومع نقاش ومع حداد ونزلت بعت خضار وشيلت طوب وحملت رمل ونضفت شقق وإشتغلت فى سوبر ماركت ومصنع ألبان وشيلت ألواح زجاج ولدرجة إني روحت إشتغلت غفير وبيتت فى الشارع وكمان وإشتغلت فى الجامعة وحطيت مراجعات نهائية للطلبة وإشتغلت مهندس كمبيوتر فى السيرفرات اللينوكس من بيتي وإشتغلت فى النتورك سيسكو و فتحت شركة إنشاء مواقع أربع سنين وإشتغلت فى الديزاين والبرمجة والدعم الفني المباشر للسيرفرات الويندوز و دربت ناس شغالين حاليا فى فودافون وفى شركات آي تي مشهورة جدا , وبكتب قصص قصيرة وخواطر ومدون حتي الآن و حاليا مدير حسابات و مشرف عمال و مسؤل عن التسليم دا غير الفنيات اللي إشتغلت فيها بنفسي فى الحاجات دي كلها وطبعا أنا مش فاكر حاجات كتير وشغل كتير نزلت فيه والله لأن للأسف أنا في آخر اليوم و عقلي مرهق من كتر الأشياء اللي لازم أخلصها قبل ما أروح وعلي فكرة أنا أصلا بني آدم
العميل : بسم الله ما شاء الله , إنته متجوز يا أستاذ كريم ؟
أنا : لا والله يا أفندم
العميل : طيب ولا حتي خطوبة ؟
أنا : دي مجرد منظر الدبلة دي عشان ذكري من الوالد الله يرحمه
العميل : مش ناوي عن قريب تخطب حتي ؟
أنا : فى النية والله وفعلا فى موضوع ماشي فيه , دعواتك معانا يا أفندم
العميل : ربنا يعينك يارب , طيب ما تيجي تشتغل معايه وتكون نفسك .
أنا : حاليا والله مش هقدر للأسف , وللصراحة فأنا رفضت أكثر من شغل من عروض فى شركات أفضل لأني حاليا مرتاح نفسيا فى المكان اللي أنا فيه وكمان انا كل يوم بتعلم شىء جديد لأني علي يقين إن اللحظة اللي هقف فيها وأبطل أعمل دا هبقى ميت
العميل : المحاسبين عندي والموظفين مقرفين , تحسهم تايهين والله يا أستاذ كريم
أنا : ربنا يعينك يا أفندم
العميل : تعرف أنا أصلا إيه يا كريم ؟
أنا : إيه يا أفندم ؟
العميل : أنا أصلا حداد و متعلم برده ومعايه بكالوريوس
أنا : يعني رفيق درب و زميل صنعة
العميل : بالظبط
أنا : تقدر تنصحني عشان أبقي زيك فى يوم ؟
العميل : مش محتاج نصيحة يا كريم بعد اللي قلتهولي , بس هقولك ( **** **********************************)
أنا : إن شاء الله  ربنا يقدرني وأستفيد من كلام حضرتك
العميل : إتشرفت بيك ياأستاذ كريم
أنا : الشرف ليا يا أفندم
حصلي كتير وفكرت كتير النهارده لدرجة تعبتني
مفيش وقت أتكلم لأني داخل البيت أربعة ونص الصبح
كفاية كلام لحد دلوقتى
وصحيح
شفرت نصيحة العميل
لأنها شىء يخصني وحدي

خلص الكلام
ومش هقول كلام سخيف ولا معاني لا تحمل الحقيقة مرة أخري ..
بيس

الاثنين، 26 نوفمبر 2012

مش النهارده

مش النهارده ..


شاب فقري

السبت، 24 نوفمبر 2012

ديناصور عامل دايت و نقطة نور

نقطة نور لبهاء طاهر
مطلوب حياً أو ميتاُ وانا مفيش وقت انزل اشتري كتب خالص :(
****


“أيها الماضي! لا تغيِّرنا كلما ابتعدنا عنك!
أيها المستقبل! لا تسألنا: من أنتم؟ وماذا تريدون مني؟ فنحن أيضاً لا نعرف.
أيها الحاضر! تحمَّلنا قليلاً. فلسنا سوى عابري سبيل ثقلاء الظل!”

محمود درويش
****

ليه بتتصرفي كدا بالسوء دا كله ؟؟؟ إتعلمتي دا فين أو إمتي أصلا ؟؟؟
عمرك شوفتي راقصة بالية بتسوق توك توكك او ملاك بيصبع كفتة او عصفور بياكل محشي



***
 ليه بنسمح للناس تعملنا تعليق( HOLD ) عالموبايل وكانها بتعلقنا فى الزمن وإزاي بنسيب دا يحصلنا فى الحقيقة ؟؟؟
ليه اللي بيضغط عالزرار مياخدش باله إن فى إنسان عالطرف التاني من الخط
***


ببعدك لانى خايف تتوجعى وفى ناس بتبعدنى لنفس السبب , أول مرة أفكر فى كدا , وبيتهيألى لو حد عمل معايه كدا وربنا وربنا وربنا كمان مرة لأولع فيه
***


أنا فى جوايا جانب غريب بحس فيه إني مفترس خطير ولكن فى حاجات تانية جوايا بتمنع الجانب دا فبيظهر للبعض إني شرير برده لأني مش بقدر أمنعه بالكامل عامل مثلا زي ديناصور بياكل الورد والفراشات فاللى هيشوفه هيقول إنه ديناصور حقير لأنه بياكل الورد الجميل والفراشات الرائعة ولكن فى الحقيقة الديناصور دا يقدر لو فتح بقه أو رفع إيده ياكلهم كلهم فى قطمة واحدة بس
أنا عامل كدا
أنا ديناصور عامل دايت

وفي نفس الوقت كل دا بيعتمد على اللى قدامي اللى شايف ايه هوا الغلط وايه هوا الصح
بيعتمد علي ان اللى قدامك إيه فكرة الإفتراس بالنسبة له
والله انا فعلا ديناصور عامل دايت

***
- بشار خليفة  لازم تسمع له
- حاضر
***

-دول يخصونا متنساهمش
الكتاب بتاع نقطة نور بيتكلم عنك وإنته عامل زي شخصية فيه وببساطة الشخصية دي  عبارة عن واحد (( قعد طول عمره يدور عالنور  لحد ماعرف ان النورفيه هوا وهوا بيدور عالخلاص وان الخلاص جواه وانه يكون مبتلي بنفسه ))

(شدي الضفاير) دي بتاعة حنان ماضي
-حاضر وإسمعي إنتي ليلة عشق برده لحنان ماضي ودي بقى من زمان من قبل ما اعرفك ومن زمان أوي أوي أوي من الحاجات النقية أوي بتاعتي , إسمعيها :)
***
خايف أشوف نفسي بعيون ناس
لأحسن أحب نفسي
وأحارب أوي عشانها
وفى الحالة دي مش عارف إيه اللي ممكن يحصل لأي حد تاني بحبه أقل أو مبحبوش
ومش عارف هيجري لي إيه

***
- هتصلي فى الحرم
وهيتفتح لك طاقة نور في بيت نوبي
وهيبقى كل حاجة حلوة
هوا بس حضن وضمة واحدة بس
وإنته هتمشي فى الطريق لوحدك
وهتروح تصلي هناك
أنا بس عايزاك تبقي كويس
- أنا بحس بعقلي شغال وانا بكلمك وبرغم ذلك برده هقولك حاضر , تحبي أتكلم عني ولا عنك ولا عن حبل الوريد
- اللي يريحك
- إنتي بتريحيني وانا نفسي حد يعمل معايه زي ما بعمل مع الناس ويقف جنبي يشجعني زي الألتراس فى المدرجات وزي ما بنيت ناس وعملتهم
-إنته مش محتاج حد وبرغم ذلك أنا هنا شحن خارجي فى أي وقت
- مش بتشحن خارجياً أنا لأني محرم أي طاقة خارجية علي روحي , لأن مفيش طيارة أو صاروخ بيطير بالسولار واي شحن خارجي بالنسبة لي سولار , بس فى حاجات من ناس بتبقى قوية أوي ولكن برده محرمها
- روحك بخير , خد بالك إنته بس منها

فقري

خلص يوم الأجازة
بس خلاص

الجمعة، 23 نوفمبر 2012

إهداء خاص جداً إلي صديقي المحارب

البوست مختلف ... جدا عن كل اللى كتبته الفترة اللى فاتت وعن كل اللى ناوى اكتبه وعن كل اللي ممكن اكتبه بس هوا دا وقته المناسب , رسالة موجهة إلي صديقي المحارب 

صديقي المحارب 


بعد التحية والتقدير والإحترام والفرح والدعاء لك بالتوفيق فى حياتك 

قبل ما تقرا الكلام دا اللي أتمني تقراه فى يوم من الأيام عايزك تعرف إننا صحاب من زمان أوي وكان أحد أماني حياتي فى فترة ما إني أقعد أتكلم معاك و أشوفك وأحكي معاك كتير , لأني بصراحة كان هيفيدني نصحك وتوجيهك بالرغم من إني أكبر منك وخبراتي أكتر منك بكتير بس كان هيفيدني جدا كلامك لمعرفتك وخبرتك بالتعامل مع الشخصية الوحيدة اللي عايز أتعامل معاها , وعايز أقولك إن صداقتنا بدأت مش عارف من إمتي بالتحديد ولكني كنت دايما بدعمك وبقف فى صفك مهما إتقال عنك لأنك ببساطة تمتلك شىء مينفعش ومقدرش أمتلكه أنا وهوا صلة الدم .

بما إننا صحاب من زمان أوي بدون ما تعرف وبنتشارك أحداث كتير جدا سواء فى الفرح أو الحزن وإحنا الأتنين عبارة عن حبل معقود وبيكمل بعضه جوا حد معين فأنا عايز أقولك إني النهارده فخور بيك جدا , إنته الإثبات الوحيد اللي أعرفه حاليا علي صحة كلامي وصحة موقفي وعلي إن اللى بيحارب عشان حاجة وبيتعب وبيستحمل بيوصل للحاجة فى الآخر , لأن المعركة يا صديقي مش نهايتها الدقايق البسيطة اللى بنتوجع فيها أو بنتكسر فيها ولكنها نهايتها لازم تبقى إنتصار طالما بندافع عن حد بنحبه بجد وبنبني مستقبل وحياة 

أنا فخور بمعركتك جدا وفخور بإنتصارك جدا وكأنك مش هقولك صديقي وبس لاء وكأنك أنا , مش عايز أقولك إني فشلت فى معركتي ولكني هقولك إني ببساطة أجبرت علي الإنسحاب لما الجيش كله إنسحب وبقيت عامل زي اللى واقف يحارب الهوا , عارف يا صاحبي يعني إيه تحارب الهوا ؟؟؟ عمرك ما هتنتصر طول ما إنته بتحارب فى هوا , عمرك ما هتقدر تحبسه أو تسجنه أو تكسره أو حتي تجبره علي أي شىء , لأنه ببساطة هوا , زمان إتسألت سؤال هوا إزاي ممكن أمسك الهوا أو أتعامل معاه أو حتي املكه وكان الرد إن الهوا محتاج يتحبس عشان خاطر حد معين , طبعا كلامي مبهم شوية بالنسبة لك وحاسس إنك مش فاهم أنا قصدي إيه 

ولكن أنا متأكد إن كلامي فى لحظة ما وإنته فى لحظة إنتصارك هتقول فعلا كل اللى عملته وحاربت عشانه عشانها كان يستحق , أنا عارف إني غلطت فى حاجات كتير أوي , لكن صدقني ومن كل قلبي والله العظيم حاولت أصلح , وقمت بدورك فى غيابك وقمت بدورك فى حضورك برده وإنته مشغول وغايب ومش فاضي وفى الشغل , قمت بدورك فى كل وقت إنته تخاذلت فيه وفى وسط أي مشكلة إنته مكنتش تسمع عنها حاجة كنت بنصر اللى قدامي دايما ومكسروش بحجة إن مينفعش اللى قدامي ينكسر ولازم اللى قدامي يكون بخير بجد مش بس كلام حتي لو دا علي حساب نفسي وروحي 

أنا مش عايزك تشكرني ولا عايزك تزعل مني ولا تلومني , أنا عايزك تفهم ببساطة إني حاليا مبسوط جدا عشان وفرحان ليك وبدعيلك كل ما تيجي علي بالي وكل ما بشوف مكان حلو بقول أتصل بيك عشان أقولك تيجي تسكن هنا بس للأسف ممعييش رقمك , ملحقتش أوصل للوقت اللي ينفع فيه أتصل بيك الصبح أقولك فى مكان كويس ينفع لك أو أتصل بيك بليل أقولك تعالي عشان هنخرج أوريك مفاجأة , أو حتي أشكي لك من حد معين 

تعرف يا صديقي المحارب , النهارده بعد معركة إستمرت من زمان أوي أوي أوي فى حياتك قدرت تنتصر وتحقق حلمك , صحيح إتكسرت كتير وواجهتك صعوبات بس القوة المستحيلة اللي شفتها فيك وقدرت تتغلب بيها علي كل الناس حتي علي أقرب الناس ليك اللي قالوا لك لاء وحرموك من حقك في الحياة وحقك فى الإختيار وقالوا إن إنته قرارك مش سليم وكانوا عايزين يهدوا حاجات عمرها سنين السنين أو عالأقل حاجة جواك مينفعش تتخلي عنها أو تنكسر , هوا أنا بكرر كلامي ؟؟؟ مش عارف , بس صدقني أنا محتاج حاليا أكرر الكلام ميت مرة وأعيده وأزيده وأفهم كل الناس إن إنتصارك هوا أعظم إثبات بإن اللي بيحارب عشان حاجة بيوصلها وإن اللى بيحب بجد وبيتمسك بالشىء اللي بيحبه فى لحظة ما هيقدر يحقق الإنتصار الأعظم اللي يتغلب علي كل هزيمة وعلي كل وجع وعلي كل تعب السنين , إن الواحد صعب يلاقى فى الدنيا حد يحارب عشانه بالمنظر دا ويستحمل نيران المعركة سنين وسنين وسنين , وإنته لقيت الشىء أو الشخص اللي يتحارب عشانه والشخص التاني قدرك ووقف جنبك ونصرك ومتخلاش عنك , حتي لو إتخلي عنك فإنته إلتزمت بكلامك وكملت المعركة للنهاية عشان تبتدي بعدها معركة جديدة تماما فى الحياة 

عايز أنصحك وأقولك خليك مرن فى التعامل لأن لما العلاقات بتتطور بيحصل فيها لخبطة ومشاكل بس أكيد إنته فاهم دا , وعايز أقولك إفرح علي قد ما تقدر لأن مناسبات زي دي مبتجيش غير مرة واحدة بس , وحاجات زي دي بتبقى فرحة واحدة بس فى العمر ولازم ترضي بنصيبك لأقصي حد وتحاول بكل طاقتك تصون اللي قدامك ومش تتخلي عنه أبدا مهما حصل , هتقولي إزاي أتخلي بعد كل دا هقولك ببساطة هيظهر عيوب صغيرة جديدة مكنتش تعرف عنها حاجة فى اللى قدامك وكمان اللى حواليك هيشوفوا غلطات أكبر والغلطات اللي هيشوفوها مش هتفرق معاك لكن اللي هيفرق معاك هي الحاجات البسيطة اللى بتغيظك , عايز أقولك تستحمل وتبقى قوي لأقصي درجة لأن المرحلة دي صعبة أوي , أنا عارف أنا بقولك إيه لأني جربت قبل كدا وعارف أنا بقولك إيه كويس أوي 

صديقي المحارب , أنا فرحان بيك , وفخور بيك , ونفسي أعملك أي حاجة بجد تفرحك أو على الأقل تكون سبب فى إبتسامتك لأن زي ما قلت الرابط ما بيننا وصداقتنا تمتد من سنين مضت ودي طبعا حاجة تشرفني وتسعدني بالرغم من كل أوجه الإختلاف والتقصير اللى حصلت أو بتحصل مني ومنك , ولكني معتمد عليك كإثبات وبقولك كمل للنهاية وبقولك حارب وبقولك مش تستسلم أبدا , بقولك خليك قوي أوي أوي أوي , وبقولك إوعي تسيب حاجة تكسرك وإتحرك دايما وإعتمد علي نفسك لأن لو إعتمدت علي غيرك هتلاقى نفسك بتقع ولازم تبتدي علي قدك , وعايزك مهما كانت الصعوبات متخليهاش تأثر علي فرحتك وإوعي المشاكل تأثر علي درجة رضاك بالموضوع , خليك قوي يا صديقي المحارب , أنا عارف إنك تستاهل كل خير لأن الأصل طيب أوي ولأن فى ناس طيبين أوي بيحبوك أوي وأنا عن نفسي هبقي مبسوط أوي فوق الوصف لما أشوفك بتحب الناس اللى حواليك وبتتحملهم ومش بتتعصب عليهم وبتسيبهم يعيطوا وهاتلهم حاجات بسيطة تفرحهم وتبقى شبههم ومتنساش تعمل أهم حاجة بيعملها كل واحد فى اليوم دا مع أقرب حد ليه فى حياته , فاهمني طبعا , بالرغم من إعتراضي علي النقطة دي بس هقولك إعمل كدا , عشان يبقي فى شىء ميتنسيش , إهتم باللي حواليك يا صديقي المحارب لأنهم يستاهلوا جدا أوي جدا أوي أوي أوي .

أنا خلصت كلامي يا صديقي ويا إثبات الفكرة والنظرية وبطل المعركة , إثبات إننا لازم نحارب حتي لو واثقين من الفشل , إثبات لفكرة إن مهما تعبنا أو إنكسرنا فى حاجات وناس مينفعش نتخلي عنهم , إن لازم نتعب وفى لحظة التعب نلاقى شخص واحد بس يسندنا , أنا والله العظيم عارف إنك فى الحالة اللى انا فيها وإنك برده لما بتحب بتحب بجنون وبتحارب لآخر لحظة لدرجة إن اللي قدامك بيقولك إزاي إنته كدا , إزاي بتعمل كدا , إزاي بتحب بكل الجنون دا وبتتحمل وطبعا يا صديقي المحارب السر معروف , إحنا إتخلقنا كدا 

يشرفني تكون صديقي ويشرفني فى يوم تقرا الكلام دا ويسعدني إننا نخرج بعدها ونتمشي شوية أو نسهر علي قهوة أو نسافر إسكندرية ونقضي شوية وقت هناك ونرجع برده كلنا وإنته فاهم أقصد إيه , مفيش كلام يتقال تاني غير إني فرحان وفخور وبدعيلك وبجد نفسي أشوفك فى يوم فى خير إن شاء الله , وسلام دلوقتى بقي عشان رايح أحارب :) .

صديقك المحارب برده 
كريم
فى 23-11-2012 
فى إحدي اللحظات الحاسمة فى المعركة واللى نفسي منتصرش فيها
ولكن نفسي الكل ينتصر , لأننا كلنا واحد 
ودي لحظة من اللحظات اللي بتفرق بس مش هي اللي هتحدد النهاية 

الخميس، 22 نوفمبر 2012

حضن بضمير

نفسي فى حضن بضمير

نفسي أنام فى الثانية دي

بفكر فى مفاجأة ...

بفكر بس


مش أكتر


ثانية واحدة بس

أنا كتبت عن الناس كتير
بشكل لا يمكن وصفه
وصفت كل حاجة فيهم بكل شكل ممكن
قلت إحساسهم ووصفت أفكارهم بشكل محدش عرفه أو سمع عنه قبل كدا
لكن هل فى مرة كتبت عني ؟؟؟
أنا عن نفسي مش فاكر
لكني هحكي عن مبدأ وجزء من جوهري
أتمني يكون يستاهل الكتابة لأن الوقت ضيق أوي ولأني مفيش فيا أي شىء يخليني أكتب
مفيش أحداث
باكل لوحدي
وبنام لوحدي
وبسمع مزيكا دا لو سمعت برده لوحدي
وبحكي لنفسي حكاية كل يوم يمكن
يمكن بفتكر االقطة وعبد الرحيم وحكاية العصفور وبعدين أنام
أنا تعبان أوي بشكل لا يوصف
:(
:(
:(
مش قادر حتي أبتسم

سيبوني أتكلم عن نفسي بقي

***  ملاحظة : شبهها أوي ****

ثانية واحدة 
كل شىء وكل فعل وكل رد فعل أيا كان بيفرق فيه ثانية واحدة بس , كل موقف بنمر بيه وكل كلمة حلوة بتتقال وكل مرة بتقول فيها بحبك وكل مرة بتتحرك فيها أو بتقدم أي شىء فى الوجود , كل اللى بيفرق ثانية واحدة هي اللي بتحدد ما بين رد ( أي إنسان ) عالموبايل أو إنه يكنسل أو ميردش , بتفرق بين ضغطة زرار وبين قرار وبين عالم وعالم ودنيا ودنيا
بتفرق كتير
الثانية اللي بتسبق أي حاجة وبتغير أي شىء
الثانية اللي بيتمحور حواليها كل حاجة
اللي بتخليني أكتم غيظي وغضبي ( صحيح اللي بيكتم غضبه بيخش الجنة بس هقول إني عندي أمل لأن حرام أقول معنديش )
خلينا نهدي كدا وبراحة

كل مرة بتمر فيها ثانية
كل مرة بتخانق مع حد فى الموبايل وبقفل فى وشه جامد جدا وبعدين بعدها بدقايق بتصل تاني لانى ببساطة مش بستحمل فكرة انى سر وجع حد وبرجع اتكلم تاني وبسامح عادي جدا

كل مرة باخد فيها موقف باني اقف جنب حد أو أكون مع حد بأي شكل والحد دا ميقدرنيش وبكون عارف إني مش هتقدر وبرغم ذلك برده باخد موقف كويس وبتصرف بطيبة وحسن نية وعبط

كل مرة بلاقي إنسان بطاريته الروحية خلصانة بقف فيها جنب الناس

لاء كدا مش هعرف أتكلم عن نفسي
هحاول اتكلم بشكل أوضح حتي لو هذكر مواقف


****

ثانية واحدة

الثانية اللى بتفرق بين انك تردي عالموبايل أو مترديش

الثانية اللى بتفرق فى اني لما تقولي لى خبر زي الزفت تلاقيني بستحمله وبصبر وعادي

الثانية اللى بتخليني فى كل مرة أرجع لك عادي جدا وانا واثق ومتأكد ان دا هيحصل تاني بس برجع برده وبستحمل وبكمل

الثانية اللى بيتخطي فيها قلبي حاجز وبستحمل مشاكل انا مليش علاقة بيها وبستحمل حاجات متخصنيش وبحاول اخليكي اقوي وفعلا كل مرة كنت بنجح

الثانية اللى بكتم فيها غضبي وبقرر اكون هادي واتعامل معاكى بعقلانية واصبر واقول هتفهم اللى بقوله حتي لو مش شايفاه لانها حساني

الثانية اللى بتخليني لما ابقى منهار امسك نفسي قدامك واقابلك او اكلمك وانا مبتسم وعلى وشي اجمل معالم الفرح والحب

الثانية اللى بعبر فيها عن شوقي بشكل ميجرحش ولا يوجع

الثانية اللى بسيطر فيها على نفسي وكام مرة بدوس علي نفسي عشان خاطر حد

الثانية اللى بكون حنين فيها اوي واقدر احتويكي مهما كانت مشاكلك واساعدك ومش اتخلي عنك

الثانية اللى بقرر فيها متخلاش عن حد واستناه والثانية تجر ساعة والساعة تجر ايام وشهور وبتوصل لسنين وقلبي وروحي مكسورين ومنعزل عن الناس ومش عارف ولا قادر اتحرك

الثانية اللى بيحصل فيها شىء مجنون مني بيمنح فرحة ملهاش حد

الثانية اللي بقول فيها انى هبقى كويس مهما كان وجعي عشان بس متتكسريش ومتحسيش انك مش قادرة تحتويني

الثانية اللى مش بتفهميني فيها وبقول لنفسي مش مشكلة هتقدر تشوف دا وتصدق كلامي لما تتحط فى الموقف وتجرب بنفسها

الثانية اللى بقول فيها بحبك فى وسط اى خناقة جبارة ما بيننا وبنتماسك وبنبقي اقوي

الثانية اللى بتكسري فيها كل حاجة جوايا وما بيننا وبقدر ارجعك واصلح كل حاجة وأربط الحاجات المتكسرة زي عيل صغير بيصلح لعبتة بس بربطها بشرايينى ونفسي اللى بتنكسر عشان اصلح دا

بيقولوا انى مبنساش

انا نفسي الاقى حد يفهم انى بنسي بس الحاجات اللى مش بتتكرر
عارفة لو كنت واثق ان الغلطة مش هتكرر والله العظيم هنساها تماما وليوم الدين وعمري حتي ما هفتكرها تاني
لكن المشكلة
ان الكل لما بيعرف ان الحاجة دي بتوجعك بيقوم يعملها عادي جدا

بيقولوا انى مبسامحش , طيب لو مبسامحش بطلب الرجوع او برجع ازاى ؟؟؟؟

بيقولوا انى وحش ؟؟؟
طيب الثانية اللى بتظهر فيها رعشة ايديا او حتي دمعة فى عيوني او بحافظ فيها علي حد اوي دي بتيجي منين ؟؟؟

بيقولوا اني مستاهلش , طيب لو انا عملت كل الحلو ليه اشوف كل الوحش ؟؟؟ هوا مفيش عدالة فى الكون ؟؟؟ من حقي فى الوجود كإنسان إني اتعامل كإنسان بيحس والناس تقدرني وتخاف علي مشاعري

الثانية اللى بشفك فيها وبنسي كل حاجة او بكون معاكى فيها وجوايا مكسور اوي وانتى وجعاني اوى اوى اوى وفى نفس الوقت بقدر ابتسم واكون كويس بدل ما اقلبها نكد عشان خاطرك وعشان الوقت اللى بتقضيه معايه اغلى من الوجود كله فى عيوني

الثانية اللى بتقولي لي فيها انا غلطت ومعترفة بغلطي واسفة وبتقبل اسفك او بقولك خلاص مش مهم

الثانية اللى بكبرك فيها لحد ما بتبقى شخخصية قوية وبشوف جواكي وبلمسك اوي وبخليكي تثقى فى نفسك وبشحنك بكل طاقتي لحد ما اموت انا مكاني من البعد

الثانية اللى بشوفك بتعملي حاجات بتدايقني بس عادي بقول هتاخد بالها ومش هتكررها تاني

الثانية اللى انا مكسور فيها دلوقتى والحيطة اللى جوايا متكسرة

طيب بلاش
خلينا فى الثانية دي

الثانية اللى بقول فيها لاء عشان برده خاطرك
بلاش دي عشان بتتفهم غلط
الثانية اللى بحاول فيها اكون احسن واغير نفسي
طيب بلاش دي كمان
الثانية اللى بتعب فيها معاكى اوى واقولك نهدي ثواني واهدي كدا وبراحة واتفاهم معاكي
بلاش دي برده
الثانية اللي بوعد فيهااااااااااااااااااااااااااااااا
اللى عمري ما وعدت بحاجة وخذلتت حد فيها
ليه الناس بتقضي عمرها توعدني وبعدين فجاة تلغي كل الوعود ؟؟؟

انا اعترف انى عملت كتير غلط بس دا مش معناه انى اقضي عمري فى غلط او انى هتغير فى يوم وليلة او انى مستاهلش
بالعكس
لما الواحد يشوف حاجات وحشة كتير ويختار يبقى حلو ويختار يبقى كويس ومش بيعمل حاجة وحشة يبقى احسن بكتير من حد متميز جدا واخلاقه حلوة ومتعود عالحلو , لانى ببساطة اخدت قرار اكون كويس برغم كل السوء اللى شفته

انا اعترف انى غلطت فى حاجات ملهاش حصر
لكن هل دا معناه انى افضل انادي علي الناس كل دا ومحدش يعبرني ؟؟؟

طيب

انا اعترف انى عبء
ولكن هل معني انى عبء فالناس ترميني جنب اى حيطة زي اي لقمة وقعت منهم ؟؟ أو زي شنطة من الطوب عشان يتحركوا اسهل
من كام يوم فكرت فى واحد قالي انا حلمي فى الحياة اركب اتوبيس واقضيها رحلات جوا مصر والف واشوف واتعامل فى كل حتة
طيب
هوا متجز ميقدرش يعمل دا
لكن هل اللى الجواز هنا يعتبر عبء ؟؟؟
هل الاستقرار عبء ؟؟؟
هل الراحة النفسية ومراته اللى مستنياه وابنه اللى بيحبه اكتر من الدنيا كلها عبء وفى الحالة دي يرميهم ويدوس عليهم ؟؟؟

هل انا عمرى وعدت بشىء ومش وفيت بيه
انا عمرى ما خذلت حد
حتي لو عملت بيبقى بدون قصد وبتبقى مرات نادرة وقليلة جدا
يوجعني جدا لما الاقى حد جاي يقولي ( اصل انا كنت فى مود حلو وانته طلعتني منه ؟ ) طيب وبالنسبة ليا حضرتك ؟؟ وبالنسبة لوعودك ؟ طيب وبالنسبة لحالتى انا كإنسان طول الوقت كان بيححافظ عليك ويعاملك كويس .... اروح ادور لي علي موتة ؟؟؟

يوجعني جدا لما حد يقول تشبيه يعني مثلا ( هحبك لاخر عمري ) وبعدين الاقى نفس الشخصية فات يومين وبتتعامل بقسوة منقطعة النظير , أو ألاقى حد بيقولي ( انا بحبك بس مش هكون هنا )
معلش يعني انا هيفرق معايه ايه كلامك دا بدون افعال ؟؟؟
وانته واقف شايفني بموت وبتتفرج
كانك بالظبط راكب عربيتك وماشي فى طريق حياتك وشفتني مقلوب بالعربية بتاعتي وبنزف والعربية بتتحرق وحضرتك عادي جدا مش فارق بتروح دايس بنزين وتجري وكأن مش فارق معاك أي حاجة اتعملت عشانك

عارفين ليه مبسامحش او مبنساش ؟؟؟؟

عايز حد يقولي انسي اللى انا فيه دا ازاى ؟؟؟

أنسي ازاى الوحدة دي
طيب كسرة النفس
طيب القهر دا
طيب الوجع دا
اللى السبب فيه ناس عملت عشانهم كل حاجة واديتهم حتي روحي واجزاء مني لدرجة انى لما بنهار بقول فى حتت مني مع فلانة والحتت دي هتعيش طول ما هي عايشة
ازاي انسي حاجات زي كان ممكن تنتهي بمكالمة تليفون او رسالة فيها كلمة واحدة او حتي ابتسامة
ازاي انسي حالات زي الزفت كدا كان ممكن تنتهي والله بضغطة زرار ؟؟؟

طيب ازاى انسي انى كل يوم بكتب هنا وبحس كل يوم اني لوحدي اكتر واكتر واكتر
؟؟؟؟؟؟؟

بلاش دي

إزاي انسي انى ناديت علي الدنيا كلها وبرده فضلت لوحدي

ازاي انسي ان فى انسان كان بايده ينهي وجعي كله من الاول للاخر بقرار او بكلمة او بثانية واحدة
ورفض وكأني مليش لزمة ؟؟؟

ازاى طيب انسي الخيانة ؟؟؟
مع انى نسيتها قبل كدا واستحملت اللى عيوني شافته واظن شهر عشرة يشهد بمليون حاجة وحاجة وطبعا معروف سنة كام وكنا فين وايه اللى حصل وانا صبرت لحد ما الايام دارت والحياة اتعدلت

وزي ما انا مبنساش اللحظات دي مبنساش اى حاجة حلوة مهما كانت تافهة ولو حتي صباح الخير
وبقدرها جدا فوق الوصف
وبفتكرها وبحافظ عليها مهما حصل من كسور
لانها بتبقى جزء مني
انتى واللحظة واللي جوايا واللى بيننا


يفرق ايه الحب فى قلوب الناس لو مش هينور للي بيحبوهم طريقهم

يفرق ايه كل الافعال الحلوة لو كانت بتروح فى الهوا ومش بتتقدر ؟؟؟

يفرق فى ايه كل كلام الحب او الشوق او الإحساس لو مفيش فعل يدعمه ؟؟؟؟

تفرق ايه بقي كل السنين اللى فاتت دي عن اللى جاية

تفرق ايه الناس اللى باعت عن الناس اللى جاية ؟؟؟

كله هيمشي

انا مبقتش قادر اثق فى حد او اتمسك بحد لانى بقيت شايف ان بعد كل الثواني دي برده بفضل لوحدي

مهما عملت بلاقى نفسي مكسور فى النهاية


هوا انا عايز ايه ؟؟؟

عايز شوية امان واستقرار وروحي تهدا بس

مش عايز مليون حاجة بتتقدم ليا مش تناسبني
انا عايز بس ارتاح كدا واعرف ان اللى عملته او اللى بعمله اتقدر او بيتقدر

عايز اشوف الطريق معاكي حتي لو عارف وواثق انك ممكن تمشي فى اى لحظة واكمل لوحدي

عايز حد يمسك فيا ويقولي انا هنا برغم كل شىء ومعلش يعني مهما طردتني هفضل هنا

هتبقى احسن مني ؟؟؟

ما انا ياما انطردت

ما انا ياما اتكسرت

ياتري انا استاهل ان اللى قدامي يستحملني

طيب ما انا بستحمل غيري

كل الثواني دي
حتي اللحظات البسيطة والعبيطة اللى ممكن يتبعت فيها رسالة او رنة موبايل او حتي مكالمة او مقابلة فجائية
كل الثواني دي هي اللى بتغير التاريخ
مش الاوقات اللى بنكدب فيها على نفسنا ونقول احنا كويسين وبنعيش ونعيش زي الجثث اللى بتتنفس ونقول كلام ملوش معني ونحاول نبعد اللى بنحبهم او نكرههم فينا

انا اتعلمت ان لو فى بني ادم واحد بس مؤمن بفكرة ممكن الفكرة دي تغير مسار الكوكب بحاله ويمكن الكون كله

انا حاليا موجوع ومسكور وبنهار وكل يوم بتغير اكتر وحالتي النفسية بتسوء وحالتي الجسدية بتتنيل اكتر والنهارده مكنتش عارف امشي علي رجلي الشمال وكل يوم بتأذي أكتر بشكل لا يمكن تخيله
مش عارف اعيش كدا انا
مش عايز اعيش كدا

فى حتت مني مكسورة وضايعة وتايهة وحاسس انى بجد مبقاش فيا حاجة تقدر تنتج اى شىء ولو حتي هتستنفذ

مين اللى هيديني الامان بكلمة
بضغطة زرار ؟؟
ولو حتي نفس واحد بس

انا محتاج اتنفس

محتاج اعيش

النهارده فكرت فى الموت وقلت لنفسي انى فعلا مش خايف الموت لكن نفسي اقابل ربنا
يمكن هوا يبقى حنين عليا ورحيم بحالي بعيد عن كل الناس ومش يخليني اتوه قدامه بين الصح والغلط ويبقى فاهمني وعارف اللى جوايا ويبقى أحن عليا من كل دول ويرد لي حقي ويقولي انته كنت كويس او جواك كان طاهر ومكانش ليك ايد فى حاجات فى حياتك

انا مليش يد فى حاجات كتير اوي

وانا حاليا لوحدي اوي

ها

ثانية واحدة هي اللى هتفرق دلوقتى

كل الناس اللى يقدروا يقوموا يمسكوا الموبايل وبكل سهولة يضغطوا اتصال ممكن ميعملوش دا

ليه الناس بتعاملني انى غريب فى حين انى كنت اقرب حد ليهم فى الوجود بالكامل والوحيد اللى قدر يشوفهم ومتخلاش عنهم وقواهم وخلاهم احسن قدام نفسهم عالاقل

انا موجوع
مفياش مكان حتي والله قادر يقول اه

انا تعبان ولوحدي
هقوم الف فى الشقة شوية وارجع انام عشان صاحب الشغل بيصحيني كل يوم

انا معروض عليا شغل فى فودافون
ومش رررررررررررررررررررررايح

الشغل اللى انا فيه مليان بهدلة وتعب برغم انى مدير

ولكن انا مش هقدر اتخلي عن الناس اللي شغال معاهم

وهي دي الثانية اللى بتخليني امسك فى حد او اسيبه وبختار انى امسك

ياتري إنتي إخترتي إيه أو فينك دلوقتى ؟؟

بحق كل الثواني

S.O.S



كريم

الأربعاء، 21 نوفمبر 2012

الحيطة وقعت



هي : إزيك
أنا : كويس
هي : مالك
أنا : مليش
هي : كريم إتكلم
أنا : أقول إيه ؟؟؟
هي : قول أي حاجة
أنا : طيب انا الحمد لله فى الشغل ومضغوط بس الحياة عادية
هي : إنت متغير
أنا : معاكي يعني ؟؟؟ والله عمري ما عملتها
هي : أقصد كلية , كريم كله متغير
أنا : تقصدي إيه ؟
هي : يعني إنته فيك حاجات متغيرة
أنا : هي إيه ؟؟؟
هي : (**************************************)
أنا : بس مش دي الحقيقة أنا فى الحالة دي لأني فارقت ناس كتير وناس كتير مشيت وناس كتير وجعتني وانا مبقتش بثق فى حد أو فى حاجة وفشلت وإنهرت
هي : قول الكلام دا لحد تاني لأني معاك من سنين , شفتك والناس مفارقاك وشفتك وإنته بتتوجع وشفتك وإنته بتفشل ووإنته بتحلم وحلمك بيضيع وشوفتك وإنته متحمس وقوي ومتنساش كمان إني شفت النار اللي جواك وحرقتني , أنا أول مرة أشوفك فى حياتي فى الحالة دي
أنا : قلت لك فارقت ناس حبيتهم أوي وحاولت أعيش وفشلت وحاولت ومشيت فى طرق كتير وقربت من ناس وناس وجعتني وبس
هي : أنا شفت دا كله قبل كدا بس اللي انته فيه إنك متغير فى حتت ناقصة ومهزوزة
أنا : لو سمحتي أنا مش عايز أشوف حقايق , مبقتش مغرم بيهم
هي : هتهرب ؟؟؟ دا انته عمرك ما عملتها
أنا : لاء هتعمي
هي : العمي مش هيغير حاجة
أنا : ولا البصر ولا البصيرة
هي : الحركة هتغير
أنا : تعرفى انى شفت يافطة وانا مروح النهارده مكتوب عليها ( إتحرك ومتبصش وراك , والحركة تبدأ من عندك ) ؟؟؟
هي : دي إشارة أهيه
أنا : مبقتش عايز أشوف إشارات
هي : صدقني إنته جواك حلو أوي وكتير أوي لدرجة إنه هيكفيك ويفيض وتوزع عاللى حواليك فيكفيهم ويزيد ويتاجروا فيه كمان
أنا : مبقتش قادر علي حاجات كتير
هي : إنته اللي عملت فى نفسك كدا
أنا : مش هتبقى أول مرة , فاكرة رسالة شهر تلاتة اللي بعتهالك  من كام سنة ؟؟؟ و كلمتيني وأنا مروح ساعتها وإتحايلتي عليا عشان معملش اللي عملته , فاكرة عملت إيه ؟؟؟
هي : لو عملت كدا تاني وربنا أقتلك
أنا : ما إحنا قتلنا بعض كتير قبل كدا
هي : لاء المرة دي هقتلك ومش هحكي لك على أي نبؤة تاني
أنا : مش هتقدري
هي : هقدر
أنا : تفتكري النار اللي جوايا هتقدر تصمد قدام النبؤة وتتصرف مع الأشخاص اللي فيها , بما إنك شوفتيها وجربتيها
هي : النار دي ممكن تفني الوجود , بس ممكن الضرر اللي ييجي عليك يكون بإنك تتغير لحاجة زي ما انا شفت
أنا : انا مش قادر أخد القرار بتاع انى ابقى كدا واعيش كدا برغم انى بفكر فى كدا ليل ويا نهار
هي : دي نقطة من النقط المتغيرة فيك
أنا : وليكن , بس انا قوي وقادر
هي : عارفة بس إنته مش هتعمل دا , عمرك ما هتحرق حد
أنا : بس ...
هي : عارفة هتقول كتير يستاهلوا بس صدقني الموضوع مرهون باختيارك , ياتري هتسمح لهم يعملوا كدا فيك ؟؟؟
أنا : هتصرف
هي : ربنا يستر

***

الحيطة اللي دايما مشروخة من يوم ما وعيت عالدنيا ودايما بداري الشرخ بصورة أو بذكري او بحلم أو بموت
الحيطة إتكسرت تماما
وقعت تماما
حاسس ب
مش عارف
عايز إيه
برده مش عارف
ياتري حد هيقدر يصلحني ؟؟؟
هل فى حد فى الدنيا يقدر يصلحني ؟؟؟
مش عارف
بس اللي واثق منه إن الحيطة إتكسرت تماما
عارف إن فى ناس محتاجاني دلوقتى (( قصدي عليكي ))
وعارف ان اللي كلمتني فوق دي من نبرة صوتي بس تقدر تفهم كريم من أعمق أعماقه فيه إيه
وعارف إن النبؤة هتتحقق لأن دي سنة الحياة
وعارف إن كل حاجة هتعدي وهتعدي بصعوبة ووجع والكلام دا كله
بس الموضوع أكبر من كل دا والله
أكبر من أي امل أو ألم أو فكرة أو وجع أو حتي حلم
الموضوع كبير لدرجة إني متأكد وواثق وموقن من إن الحيطة وقعت وإتكسرت تماما ومبقاش فيا حتة تتشرخ
مش هحاول أشغل موسيقي انام عليها ولا هحاول افتح عيوني علي شىء جميل ولا كل دا
أنا تراب ورماد حاليا
عفرة
تعرفوا العفرة ؟؟؟
أهوا أنا حاليا عفرة
انا تعبان اوي وبقالي ايام بروح متاخر ومباكلش وبنام متاخر اوي
بروح متاخر عشان مش عايز حد يشوفني او يكلمنى
ومباكلش لان مفيش رغبة ولا سبب ولا شىء يخليني اعيش
وبنام متاخر لان دماغي مبتفصلش
انا تعبان بشكل مسمعتش عنه قبل كدا
ولا اتخيلته قبل كدا
هوا انا فين مكاني ؟؟؟
هوا انا مين هيصلحني ؟؟
هوا انا مين هيشد إيدي ؟
طيب مين هنا ؟؟؟

***

والله العظيم عارف انى مقصر
بس الحكاية كلها إني طالع عيني حتي لو كنت مدير وماسك حسابات وعمال
والحكاية كلها انى بجد مش فاضي بس بحاول بكل طاقتي
طبعا عاصفة الرسايل هتلاقيها بكره
وطبعا هتعرفي اللى عايزة تعرفيه
بس للاسف مش هسمحلك تشوفي دا
انتى متستحمليش كل دا ومينفعش ارمي همومي عليكي
سخني شوية ميه وحطيهم قدام الكنبة اللى قدام الشاشة الكبيرة وانا هبقى اريح رجليا فيهم بقى وخليكي جنبي
انا تعبان لدرجة انى مش فاكر حتي سبب واحد خلاني استمر فى الحياة من قبل كدا


فكرت كتير اوي انن نهاية حياتي جاية
لكن اول مرة فى حياتي
اخد قرار فى نهايتها وارتب الفكرة للدرجة دي
انا هقوم بقي

مش هقول انا خلصان لان حاليا حاسس ان الحاجة الوحيدة اللي بتمثل تعريف لكريم وبتخلي له معني او اسم او حياة ضاعت مني وكان عقاب ربنا ليا ان الحاجة الوحيدة اللي بتقول انا مين تضيع مني واعيش من غيرها ميت , الشىء اللى بيقول انا مين حاسس بضعف شديد جدا مخليني موقن ان الشىء دا بيضيع مني
زهايمر بقي

انا مؤمن بان الحيطة انكسرت تماما ومتبقاش منها غير عفرة
وبس

انا انتهيت تقريبا

شكلي مش هبقي انا

ربنا يستر

لان بجد كل شىء 44444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444يييييييييييي44444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444444

منهار
حتي انا بكتب وانا بقع من طولي

مش لاقي سبب يخليني اكتب تاني واحكي تاني

:(

الثلاثاء، 20 نوفمبر 2012

هي و نبؤتها و الرؤية

تحدثه وكأنهما كانا معاً بالأمس القريب وكأنه لم يمر أزمنة منذ آخر محادثة دارت بينهما وكالعادة فى آخر محادثة بينهما يتشاجران بعنف ولكن آخر مرة كان الشجار عنيفاً لدرجة رحيلهما معاً عن كوكبهما المشترك والأرض التي تكونت بهما

هي  : إزيك
هوا : أنا كويس وإنتي ؟
هي : عايشة
هوا : إيه اللي فكرك بيا
هي : رؤية

تبدأ تقص عليه كل شىء ليتضح أنها تعلم كل شىء عنه حتي بأدق التفاصيل عنه وعن الأشخاص الموجودين بحياته , رؤياها دوماً رؤيا حق ونبؤتها دوما تحمل الصدق

هوا : أنا ناديت لك كتير أوي وكتبت عنك وليكي علي فكرة
هي : إنته عارف إني باجى لما بتحتاجني مش لما بتعوزني
هوا : بس برده ناديت لك كتير وكان المفروض تسمعي
هي : وآديني جيت
هوا : خايف أتكلم
هي : ليه بس ؟
هوا : لأني خلاص فوتت آخر قطر رايح للسما ومبقاش فى قطارات تانية والطريق بتاعي بقى مليان مصاعب لا تتخيليها
هي  : أنا عارفة كل دا
هوا :وبتسألي عشان تسمعيني كالعادة
هي : عشان أحس كلامك
هوا : إنتي عارفة أحلي ما فينا ؟
هي : إيه أحلي ما فينا ؟
هوا : إننا عاملين زي أفاعي بتلاعب بعض وفى نفس الوقت سمنا بنشفي منه بعد ما بنحرق بعض وبنرجع تاني لبعض وفى كل مرة بحكاية مختلفة و أخبار لا نهائية وتفاصيل لا نهائية برده
هي : الرؤية فكر فيها
هوا : انا مش عارف والله عرفتي كل دا منين لأنه مستحيل حد يعرف الأمور دي
هي : أنا مستحيل زيك بالظبط ولا نسيت ؟
هوا ( فى عناد ) : مفيش مستحيل زيي
هي : متهربش من الحقيقة
هوا : ممكن مهربش منها بس مسموحلي أغلس
هي : هستني تتكلم
هوا : مش هتكلم لأني مش عايز أبوظ حياة حد
هي : أنا هنا
هوا : وأنا كمان هنا واللينك ما بيننا عمره ما كان كلام دا حبل أفكار ووريد واصل ما بيني وبينك
هي : يعني لو مرجعناش فى مرة هنموت
هوا : كلنا هنموت
هي : لو كدا كدا هنموت لو الوريد إتقطع يبقي أقتلك الأول وبعدين أقطعه
هوا : طول عمرك مجنونة
هي : مش أجن منك
هوا : وراكي حاجة النهارده ؟
هي : لاء
هوا : يبقي ليكي نصيب تسمعي صوت فخامة عظمة سمو جلالة حضرتي
هي : عادي عادي
هوا : مبتقدريش النعمة
هي : دا أنا ؟؟؟
هوا : تعرفي غني وأنا بكلمك سامع صوت البحر بيحلف بينا , بيقسم بينا قدام كل البشر
هي : طيب
هوا : شكرا
هي : هولع فيك
هوا : لاء دي شكرا عادية
هي : أيون كدا
هوا : أحييييييييييه
هي : دي بتاعتي متقولهاش
هوا : قلت لك التفسير ؟؟
هي : لاء لسه لأنك مازلت نفس الشخصية الرخمة اللي بتأجل كل حاجة
هوا : (يقول التفسير بشكل كامل )
هي : يعني باقي نقطة واحدة والنبؤة تتحقق
هوا : انا مؤمن بكلامك ونبؤاتك زي ما مؤمن بغدر البحر وقدم الزمن و عينيكي
هي : هلبس لانسيز
هوا : وليكن
هي : سلام ناو
هوا : هجيبلك عيش وجبنة
هي : طيب إبقي إبعتهم دليفري
هوا : سلام

#نبؤة #حقيقة #صدق #رجوع #خطر_و_مصيبة_فى_الطريق

النهارده لفيت علي تلات مصانع وإشتغلت حد الموت وبرده دماغي لسه شغالة
محتاج أتعب أكتر وأكتر وأكتر وأجري كمان لحد ما ملاقيش وقت :D


حمدا لله بالسلامة 

لسه متفاجئتش علي فكرة بس مبسوط فى وسط كل دا (( كل الإنهيار والمصايب والخساير والقلق والتعب والشغل وطلوع الروح )


الصورة شبه الفستان أوي وشبهك أوي أوي أوي

الاثنين، 19 نوفمبر 2012

عشر أسباب

بفكر نفسي بالنهارده وهستني يوم الخميس عشان :
1- أعرف أحكيلك عنه كويس لما تيجي يوم الخميس
(( عشان لو عملتي كدا فى يوم أكون حنين بس وأولع فيكي ومعملش زي اللي عملته النهارده  ))

2-  منساش مشاكله وأزماته و روقان البال
( الوحدة فى المصنع والحياة فى اكتوبر و المشوار بتاع الصبح ومكالمة الصبح وخناقة الصبح واللي جري بالظبط )

3- أعمله علامة لليوم اللي رجعت فيه مبادىء قديمة أوي قوية جدا
(( اللي ميقدرنيش ميلزمنيش))
(( بيع  بكل قوة وبكل عزم وبكل طاقة ممكنة ))
(( قرب تتكهرب ))

4- عشان أفكر نفسي ممكن أغضب قد إيه وأنا فى قمة الهدوء
(( فى ستين ألف سلامة ))

5- عشان أعرف أحكي لك عن الكراهية بين الصحاب والناس اللي بتخسر الغالي وتشتري الرخيص والناس اللي مبتقدرش اللي معاها بجد
(( كلهم كدابين حتي بينهم وبين نفسهم ولو كل شخص عرف عن التاني حاجات مش هيكلمه بقية عمره , وإسمهم أصدقاء ))

6-  إني أبعت رسالة من بين السطور لأكثر مكان موحش فى العالم وفى التاريخ بأكمله , أكتر مكان فيه شر وإنعدام للحقيقة وكدب وخيانة وعبث طفولي
(( متصدقيش أي حاجة ))

7- لأنك وحشتيني وبجنون
(( الأولي والتانية والتالتة مش بس الأولي ولا بس التانية ولا حتي التالتة اللي مش قلت عليها قبل كدا ولأول مرة ببتكر معناها فى حياتي ))

8- عشان تعرفي إني مرضيتش أتكلم النهارده
(( مش مطنش ومش متجاهل بس في حاجات متنفعش تحصل غير فى أوقات معينة وكل حاجة فى وقتها ))

9- عشان تعرفي إن فى حاجات مبسامحش فيها
(( أكيد واثقة من دا وعارفاهم كويس أوي ))

10- عشان لما تقري الكلام دا تعرفي إن ميهمنيش طول الأسبوع لكن يهمني لحظة واحدة بس وحقيقة واحدة بس وتعرفي إني أقدر أكتب عنك فى أي لحظة بس أنا اللي مبحبش دا .
(( إنتي حرة فى أفعالك وتصرفاتك وقراراتك لكن معاكي أنا بحس إني مع حد مش من صنعي وإني مع فطرة زي فطرتي وبالتالي ميهمنيش كل اللي موجودين لكن يهمني حقيقة إن جواكي أوي إنتي معايه أوي , وبس كدا ))

***

أي شخص فى الوجود مينفعش يتصرف بدون علم ومعرفة ولو عمل كدا يبقي مجرد طفل بيجري ورا لعبة
أول مرة أشوف جوا الناس كمية الكراهية دي اللي حسيت إنها ممكن تحرق الكون كله
مش عارف هيفرق فى إيه بس حاليا أنا مبسوط من كل لحظة عشتها الفترة اللي فاتت لأني إتعلمت منها وشوفت القدر أو الزمن عايز يقولي إيه , كل الإشارات والتفاصيل البسيطة واللي مستحيل حد يركز فيها لكن أنا بشوف كل حاجة

وأولا وأخيرا والله العظيم مقدرش أقول غير إني بجد بشكر التكنولوجيا
لأول مرة بقول كدا
بس فعلا حاليا بشكر التكنولوجيا
:)

***
صحيح

هي وغيرها
فى ستين ألف سلامة
***

بفكر فى حاجة ممكن تخليني أبطل أكتب بالشكل دا ....

مش مهم

أنا بجد مش عايز أكل ولا أنام

مش إكتئاب
بس روقان بال
مين قدي فى الوجود دا يا أفندم ؟؟؟

***

ختاما
هي فعلا ينفع يتقالها أحسن تستاهلي وكذلك الكل .

أنا ...
ومش هقول أنا مين

#عشر أسباب لإنتظارك يوم الخميس

الأحد، 18 نوفمبر 2012

النهارده عامل كدا ليه ؟؟؟

سؤال واحد بس :


هوا النهارده عامل كدا ليه ؟؟؟

وبس كدا ...

وزي ما قلت الإجابة متهمنيش


لو فيا

ياريت ...

لو فيا ...



#مروان_خوري
#لو
#حكايات_قبل_النوم




خليه معاكي

قلت : خلي بالك
خليه معاكي
وحافظي عليه كويس
خبيه
وإخفي الخبر
ومتقوليش الحقيقة
متقوليش إنه معاكي
متجيبيش سيرة لحد
خليه بعيد عن الدنيا كلها

وقلت : معاكي دلوقتي ؟؟؟ متأكدة ؟؟؟ هتحافظي عليه ؟؟؟ دا كل ما أملكه فى الحياة, مفهوم ؟
ردت الرد المشهور بتاعها
إبتسمت لآخر مرة وسكتت
وأغلقت الصندوق وأعطيته لها
وخبأت المفتاح بداخلي

ودلوقتي

وقت الغضب  و النار و الموت ...


أن تكون قبيحاً معروفاً بالشر ومعرف بإسم الشيطان وبداخلك حشود الملائكة خير لك ألف مرة من أن تكون بمنظر الملاك الهادىء الوديع وبداخلك القبح كله والشياطين .


ودلوقتي

أقبل الموت بصدر رحب فى هذا الوطن
أقبل الموت بصدر رحب من أجل أشياء لا معني لها إلا عندي وحدي
أقبل الموت بصدر رحب

وأنتظر الدعوة بفارغ الصبر

 تصبحون علي حي آه وأصبح علي موت

ولأكمل إنهياري لليلة ..


منين ولفين وليه ؟؟؟

منين بتيجي الحاجات دي ؟؟؟

كنت زمان بسأل ودايما بسأل بتيجي منين القوة اللي بيتمتع بيها بعض الناس
فى البداية عرفت مكان سهل وبسيط
وكان الموضوع رائع لاني فهمت مصدر قوي البعض  وإحترمت الناس دول
وبعدها
إضطريت أفكر تاني
لقيت الإجابة بتتغير
صراحة إحتقرت الناس دي لأن بعض الينابيع مخصصة للكلاب فقط للشرب منها وللمخلوقات الأقل تطوراً

وبعدها
إضطريت إسأل مرة تانية
والإجابة إختلفت
الإيمان ؟

الإيمان قوة
بس الإيمان المفروض يديك الأمان ويخليك تتصرف كإنسان مع بقية البشر وتعاملهم من المنطلق دا
ولا إيه ؟؟؟
ولكن لقيت إن البعض بيحول طاقة الإيمان لطاقات أخري
وللأسف أنا مفيش مصدر إلا وجربته كويس اوي أوي أوي
بس فكرت تاني
ولقيت إن فى مشاكل بين المؤمنين بأي شىء
اللي مؤمنين بحاجات كتير بينهم مشاكل
فلقيت إن الناس بتحول طاقة الإيمان لأشكال كتير
قسوة , كره , عناد , جنون , معاملة , هجر وفراق وكل الشرور الأخري التي يتقنها البشر
يا هلتري هل النور اللي نابع من  الإيمان يقدر يتحول لنار تحرق اللي حوالينا ؟؟؟
وياتري هل آدميتنا هتسمح لنا بدا
؟؟؟؟
أنا مش هاممني الصراحة
لأن الإجابة لا تعنيني فى شىء
الإجابات لا معني لها حين تختلف الأفعال
دا مبدأ أساسي ومبيتغيرش
فكرت كمان شوية
هوا يا هلتري زي ما النور بيتحول لنار تحرق اللي حوالينا هل النار جوانا تقدر تتحول لنور ؟؟؟
نور ينور للي حوالينا ويظهر جمالنا وروعتنا
ولكن باغتتني نقطة إن النار اللي بتندلع جوا البشر مينفعش تتحول لنور
يعني الكلام دا مينفعش
يعني مينفعش الشر يطلع منه خير
مينفعش واحد يبقي موجوع ويائس ويقدر ينور ويبهر الناس
ولا إيه ؟؟




ولفين يتم توجيه الأمور دي ؟؟؟
الأهم هوا كل حاجة بتتحول مهما كان مصدرها بتروح فين
وهوا دا مصدر كل شىء حلو ووحش فى حياة البشر
هوا دا كل حاجة فى كل حاجة
اللي هتعمله هتوديه فين ولمين ؟؟

مين يستاهل النور أياً كان مصدره ؟؟؟
مين يستاهل النار والشرور ؟؟
مين يستاهل المفيش ؟
مين ملوش تمن ؟
مين اللي واللي واللي ...؟

مشترتش جرنال ومش هشغل مزيكا ومش هعمل قهوة

***
قالت : ليه مش كلمتني لما كت فى الحالة دى ؟؟؟

قال: لأنك كنتش مشغولة ومش فاضية ووراكي حاجات كتير وكدا يعني وعشان مش أخنقك

قالت : بس أنا نفسي تخنقني



((
كان أحمقا حين أخفي عنها حقيقة الأمر ولم يقل لها أنه قرر أن لا يتصل بإنسان آخر إلي أن ينتهي الزمن كما ينتهي كل شىء آخر وسيظل هكذا إلي أن يموت
))

***

فى تكملة لكل جملة كتبتها

يكفيني إني أكتب الأسئلة وأنا مش عايز أجاوب لأن :
فى فيلسوفة وعالمة زمان قالت إن الحقائق لو وصلنا لها ومش إستفدنا بيها ونورت جوانا وحسينا بيها فهي مجرد كلام لا فائدة منه

ولأن :
 أنا بقول إن : الإجابة لا تعنيني فى شىء
الإجابات لا معني لها حين تختلف الأفعال
دا مبدأ أساسي ومبيتغيرش

تعرف النيل بليل شكله عامل إزاي ؟؟؟
آه لأني بشوفه كل يوم وببص للنجوم كل يوم

تعرف إحساس التلجاية اللي قعدت فى الشمس ؟؟؟
آه لأني النهارده لما ركبت الموتوسيكل و فردت دراعاتي فى الهوا عيوني دمعت وحسيت إني طاير والتلجاية قعدت فى الشمس

تعرف ...
مليش نفس أعرف
أنا نفسي أحس
زي ما حسيت اللي فات
ويمكن أكتر شوية


ونفسي أتنفس
لأني مخنوق أوي والحبل بيضيق والصندوق بقي خنيق أوي

ونفسي أغمض عيوني وأنام وأنا واثق إن بكره لما أصحي فى حدث هفتكره وأقول ( أنا بجد مش مصدق , طيب إزاي ؟؟؟ ) وأضحك بصوت عالي وأغني فى الحمام وأرقص في الصالة





حد جه ؟؟؟
حد سأل ؟؟؟
حد فهم حاجة ؟؟؟

منين ؟؟؟

و لفين ؟؟؟

وليه ؟؟؟؟

و هاو ماتش تايم ؟؟؟؟

أنا زهقت

تصبحوا علي خير

رايح أبتسم فى وش الموت

وأكمل إنهياري




***
تحديث

انا دايما عامل حسابي إني خارج ومش راجع ومن قبل التحرير والثورة بنزل من البيت وبحضن وببوس البيت كله
ويمكن امي بس
ولو فى يوم ركبت أتوبيس أو قطر أو عبارة أو حتي زي ما بركب اليومين دول ملاكي وميكروباص وموتوسيكل وإتقلب بيا
هبقى راضي عن نفسي جدا
بس بالأمانة
كنت هتمني أرجع أسلم عليهم أوي وأحضنهم بضمير
ويمكن أحضن ناس تانية وتالتة وعاشرة
ويمكن أعمل حاجات مستحيلة بجد بجد يعنى

تعليقا على كومنت عالفيس علي حادث القطر والاطفال بيقول إن فى أب إتصل يحكي عياله عملوا إيه قبل ما ينزلوا من البيت ...

****


السبت، 17 نوفمبر 2012

عاصفة الجنون

لحظة عايشها
لام أسجلها
بسمع قصايد
وشعر
وموسيقي ( اللى بنام عليها )
ودرويش ( أنا لست لي )
والجخ ( أيوة بغير وحظك كدا )
وفى حاجة غريبة
ملامحي بترتعش
مش عارف مرحلة من مراحل إنهياري ولا إيه
بس عارف إن دا بيحصلي فى أوقات معينة

حاليا
الأودة عتمة
وأنا بتشعلق عالدخان زي ما كان الشريعي بيقول

بيقولوا الحياة حلوة
وعلبة الشاي فى النيش
ولكن

مفيش سكر فى الأودة

السكر والنار والمية فى المطبخ

لحظة وعدت زي سنين

مين فاكر البوست دا ؟؟؟

أنا فاكره أوي

لأنه كان موجع أوي ومجنون أوي وكتبته من سنين

غيرة الراجل نار فى مراجل

واللي تخلي الفقري يحبها يبقي يا غلبها

بس انا حاليا
بلعن اللحظة اللى بدأ فيها أول تلات صفح فى كتابي اللى مفيش مخلوق يعرفني يعرف فيها حاجة
علي رأي هشام ( يلعن أبو دا اليوم اللى طلعت لقيتتني صعيدي )
بس أنا بلعن بداية التكوين والتلات صفح الأوائل اللي حوادثهم عمري ما حكيتهم

زمان كنت بدخل شات بايميل عملته من دقيقتين واكلم حد معرفوش واحكي لها كل حاجة

بس كدا

معملتش دا من ست سنين

بس ياريت حبة تقدير

واللحظة فاتت وملامحي سكنت خلاص وبطل الجنب دا من وشي يرتعش

ولسه منمتش وصحيت فجاة برغم ان فى شغل بدري بكره عشان اكتب

واديني بكتب

فى تغيير ؟؟؟
لاء

يبقى أقوم أحاول أنام

لما لا أسافر ؟؟؟
ألف أرض تحتويني
ألف متكإ ودار

حاسس بمصيبة جامدة أوي أوي أوي بتقرب

ربنا يستر

عمر إحساسي ما خاب

ويمكن دا الخوف اللى اتكلمت عنه فى البوست اللى هنشره قريب واللى ضروري للحياة واللى لازم تتقبله

بس دا خوف جامد اوي

وانا مبخافش

ببتسم فى وش الموت

:)
إنتوا بقي تصبحوا علي خير وبس
وأديني ببتسم فى وشه
:)
:)
:)


الجدول

أكتوبر
الفيلا
الباب
الفوم
المرايا
الأكل
سناني
الكاكا
الطريق
النور فى الطريق وانا مروح
كشافات الشوارع
الضلمة والعتممة فى الصحرا
رعشة البرد
بكره
النهار
الجري
المشي
الجروح
النيل
البحر
الفرصة
والجري تاني
والموت
الموت
الموت
الموت
الموت
الموت
الموت
الموت
الورق المرمي علي جنب الطريق
الهوا بيلعب بالرمل
والميه دايما بكتسب لانها بتمشي براحة اوى
الزرع فى الارض
البعد الزمني لكل شىء
بنت بترقص
واحدة بتجري
عالم مستخبي
حاجة معرفهاش
صورة
فكرة
مسج
اللاب
التكسير
الحفرة اللى فيها الكسر
نضافة ايديك
الضحكة علي وشي
الفكرة وهي بتجري وبتبقى واقفة بعيد زي سراب
الخطط
الموت
الموت
الموت
الموت
الجري
بجري
بجري
بجري
بجري
بربط الخيوط
بزعل
بضحك
ببتسم
بزهق
المزيكا
الموبايل بيفصل شحن
ابتسامة
ابتسامة
ابتسامة
الموتوسيكل
الطيار
السبوبة
السواق
الجري
الجري
السواقة ا
إلقط
فكر
ولع
دخن
النار
العتمة
العتمة
التفاحة
حضن
سلامات
الغربة
البرد
الانهيار
الانهيار
الانهياررررررررررررررر
الانهياررررررررررررررررررررررررر
الانهيارررررررررررررررررررررررررررررررررررر
وبس
ممكن اسيب بس
مش ممكن امسك فى الواو بعد البس
هوا بيفهم
كان عنده حق
بجري
بجري
رجري
بجري
و ...
 

نفس

محتاج أتنفس

....


إنتهي يوم الجمعة .

وبكره راجع من تاني أكتوبر


كريم

الخميس، 15 نوفمبر 2012

مدينة السقيع

اليوم كان بادىء بداية غلط خالص
المترو عطلان وانا رايح شغلي والمكان اللى هركب منه أروح أكتوبر مزحوم كأنه يوم الحشر
والناس كتير وزحمة يا دنيا زحمة , مشيت بالعربية مسافة قليلة اوي فى ساعة الا ربع
طلعت بعدها على اكتوبر
والجو هناك شتا بجد وبرد بجد بسرعة مليون رعشة فى الثانية
انا مبسوط بالناس الجديدة اللي إتعرفت عليهم واللي واضح إنهم جدعان جدا ومحترمين



برب نكمل بكره

وآدي بكره جه

عارف لما تصحي الصبح وتروح الشغل أول يوم ليك فى مكان جديد وإنته مبسوط ونفسك تكتشف الكون وفجأة تلاقى ان المترو عطلان ومع إنك مش هتركب مترو ومش فارق معاك فى حاجة تلاقى الطريق منيل خالص ومليان ناس وتمشي بالعربية مسافة 500متر فى ساعة الا ربع ؟؟؟
شلل ...صح ؟؟؟
بس مفرقش معايه
عارف بقي لما العربية بنت الحلال تقف بيك عند جهينة برا اكتوبر وتقول مش هندخل جوا وتقعد فى العربية وتتخانق وتتكلم بقلب أسد و تمشي كلامك فى الآخر وتوصل الحصري بالسلامة وتطلع من هناك علي الشركة والمصنع
قفلة لليوم صح
بس مفرقش معايه
عارف لما تبقى متعود كل يومك حركة وفجأة تلاقى يومك بقي هادي وعادي وبسيط وسهل ؟؟؟
وتلاقى نفسك فى الآخر حابب المكان والشغل ؟؟
بس برده مفرقش معايه
عارف بقي لما تفتح عيونك علي عالم جديد
أهوه دا بقي اللي فرق معايه

كلمتين : الحلم بيكبر
***
خلونا نتكلم فى حاجة تانية :

هي جميلة جدا ورائعة وتفاصيلها فى منتهي الدقة وكل جزء من التفاصيل فى منتهي الروعة
بس متنساش إن نفس ذات الوصف ينطبق علي القنبلة الذرية أو علي القنابل العنقودية أو علي ذرة اليورانيوم أثناء التخصيب

















الموضوع مش محتاج , هوا بس عايز

وعايز تفرق كتير أوي عن محتاج 


***
البراح

الواحد بيمنح الناس البراح اللي محتاجينه حتي لو عارف إن دا هيخلق بعد وفراق لن ينتهي بس دا حقهم فى الحياة إنهم يقدروا يقرروا بدون ضغوط
ناس بتقول إني زنان وإني بارع فى الضغط
ولكن أنا بقول إني مهتم بزيادة
وحياتي بحاول أخليها تمشي زي ما أنا عايز
الموضوع صعب
بس ربك بييسر الأمور
فاهمني إنته ؟؟؟

أنا بحاول بكل شكل ممكن أمشي صح
بس الطريق مكعبل ومليان حجارة وفيه مليون توك توك كل شوية يحاول يخبطك وكمان الموتسيكلات والحرامية وقطاع الطرق
بس دا كله مش فارق معايه
لأني قبل أي حاجة كريم
من كام واحد بيقولي عملت إيه مع السواق اللي دايقك
قلت له هوا صحيح سواق ميكروباص
بس فى الأول والآخر أنا كريم وفيا عرق شبراوي
وطبيعي جدا إني يجري فى دمي طبع إني انا اللي أعلم عالناس مش الناس اللي تعلم عليا
وطبيعي برده يطلع وشي التاني الشرير فى الشغل لما أبقى شغال بكلم عملاء وبتابع تسليم شغل وبنزل بنفسي أتنقل بالعربية وشوية أخد الموتوسيكل وشوية أروح أستلم من فلان وشوية أنزل المصنع الرئيسي لأن الناس دي محتاجاني هناك وشوية وألاقي نفسي فى المكان الجديد وشوية عالقهوة مع نسايبي وشوية بييجي لي رسايل وشوية بتعامل فى الشغل تاني مع شخصيات جديدة وبسستم الناس صح وشوية والحسابات فيها مشاكل وشوية وفى شغل متأخر وشوية وفى شغل خلص بدري ولازم يطلع قبل ميعاده وشوية وفى ناس عشمانة وشوية وفجأة بقيت مسؤل عن كام شخص شغالين معايه فى المصنع الجديد والقديم وشوية وبرد علي تليفونات ناس عايزة مشاكل وبتتخانق بس بعرف أتعامل وشوية وواحد من الشركاء فى الشركة بيتصل يبلغني إني فى نعيم لأنه بيتمني مجلس الإدارة يسمحله بالمكان اللي أنا شغال فيه وشوية فى خناقة وشوية وبتعلم السواقة وشوية وبطبق القاعدة الذهبية بتاعتي
إبتسم فى وش الموت
وشوية وبفتكر قاعدة أهم : لا تخف من صوت الرصاص فالرصاصة التي ستقتلك لن تسمع صوتها
وشوية وبفكر فى النقط اللى هتبقى متواجدة بعد الإنهيار الحاد اللي أنا فيه
وشوية وبكتشف إن زمايلي أصغر مني ومتجوزين والحمد لله وربنا يكرمهم كمان وكمان
وشوية وبجري وبجري وبجري وبجري وبعافر فى عز ما طاقتي مستنفذة ومنتهية وبعاااااااااافر
وشوية وبهتم وبركز فى كل شىء وبيتضاف بعد جديد ليا فى نظرتي لكل شىء
وشوية و سيد الزمن بيتكلم ...

***
سيد الزمن :
أنا أخدت وقت طويل جدا لكن فى الآخر عرفت وإتأكدت إن القواعد ملكي وبتاعتي وأنا المسؤل وإني أقدر أغيرها أو أبدلها
سيد الزمن مينفعش حاجة توقفه
لأنه قانونه الأساسي دايما فى طريق ودايما فى حل ودايما فى حاجة بتكتشفها لما بتفكر مع نفسك بشكل سليم أو بتنظر من كذا بعد فى نفس الوقت وبتحسبها صح بطريقتك وبطرق الآخرين
***
النهارده الخميس بقي روحت المصنع القديم والناس خدتني بالحضن ووحشتهم مع إني سايبهم من يومين
حاجة غريبة بس كنت مشتاق لهم جدا
الأروع إن فى ناس كتير قالت لي إن الشغل محتاجني جدا جدا جدا
بس مجلس الإدارة قرر والقرار صدر وإنتهي الأمر بإني إترقيت ومش هرجع المصنع القديم تاني
بس أنا من خوفي بروح المكانين فى نفس الوقت
بخلص المصنع الجديد آخر النهار وبطلع عالقديم أقعد هناك ساعتين أقدر فيهم أظبط الحياة وأطلع عالبيت
صحيح داخل البيت إتنين بليل
وفى وقت أنا نفسيا فيه مش مستعد ومينفعش كل دا
بس هعتبر إني حاليا مش ماشي بطاقتي كلها وإني بجد بجد بجد لسه متعبتش بل بالعكس مرتاح
***
اللي تعبني النهارده أوي الجرح اللي إكتشفته وجلدي اللي إكتشفت فيه مشكلة خليتني طول اليوم رجليا الشمال متعطلة
واللي تعبني أكتر سناني وجعتني اوي
مش لاقى وقت لدكتور السنان بس هخلق وقت إذا لزم الأمر
الموضوع صعب بس عمره ما هيبقى مستحيل لأني أنا المستحيل
حاسس إني فى وسط كل الإنهيار دا فى قوة
بس مش عايز إستغلها , عايزها تضيع عشان النقط الجديدة هتبقي أقوي بكتير
أنا ككريم إتخلقت عشان أبقي أقوي كل يوم وأفتكر كل ما أبقي أقوي إن دايما فى قوة خارجية أعلي مني وأقوي مني
وأفتكر إني مهما تعبت فأحيانا لازم أتعب أكتر
قابلت ناس كتير ووحشني توفيق ونفسي أنزل إسكندرية
بس مفيش مشاكل أنا عارف أنا هتعامل إزاي
كريم عارف هيمشي إزاي
النهارده ستاشر حداشر
مشكلة يمكن بس مش معايه
***
تعبت من كتر الرغي والكلام لكن النهارده إتعلمت كتير أوي وإستفدت كتير وكشرت عن أنيابي وظهرت المخالب بس هستعملها من أول يوم السبت فى الشغل
بس حالتي النفسية والفكرية مازالت كما هي
إنهيار تام ومطلق وكامل وشامل وبس خلاص
وبس كدا ..


تحديث تاني بعد النشر بربع دقيقة
نسيت أقول الصورة ومعناها
واللي حاسه
مقطع من أغنية لعمار الشريعي فى فيلم البرىء

(( فى العتمة بتشعلق , حتي علي الدخان ))

الأربعاء، 14 نوفمبر 2012

ستة أكتوبر

فى وقت قليل أوي
مش هحكي كتير
ومش عارف إيه اللي هيجري
لكني واثق إن بكره هيكون أول يوم أترقي فيه فى حياتي من وظيفة مدير لمصنع محلي لمدير لمصنع أكبر
بصفتي محاسب ومدير للمكان الحالي
فأنا مستغرب جدا من طريقة توديع الناس ليا , ناس كتير قعدت تحضني وتسلم عليا وتاخد رقمي
ناس كتير قالت لى خد بالك من نفسك وإبقى إسأل وفى ناس أكتر قالت لي إنته مش هتنساني
أنا كنت دايما بتصل بالناس أقولهم كل سنة وإنتوا طيبين فى اوقات مفيهاش أعياد يقولوا لي بمناسبة إيه أقولهم بمناسبة ستة أكتوبر أو بطريقتي إياها ( السادس من أكتوبر ) دلوقتي بقى فعلا بقى فى مناسبة حلوة فى حياتي إسمها ستة إكتوبر وهي إسم المناسبة ومش تاريخها
مش عارف أقولكم إيه عن إحساسي لأني ببساطة حلمي مكمل وماشي فيه وخطوة الترقية حلوة وجميلة لكني برده مصر علي الحلم
كريم هيفضل هوا كريم
صحيح
أنا فى أقل من شهرين قدرت أكتسب ثقة صاحب المكان وأصاحب الناس كلها وأتعامل مع كل الناس بثقة وأنا عارف أنا بعمل إيه والشغل حبني وأصحاب الشغل والعمال والمصنع كله كان بيهتف بإسمي وأنا ماشي والبعض مكانش مصدق إني رايح المصنع الرئيسي فى ستة أكتوبر
النهارده أول ترقية فى حياتي بعد ما الكل عرف إن أى مكان عايز تنجز فيه مصلحة أو تعمل فيه شغل لازم تبعت كريم
كأن كريم هوا العفريت اللي يقدر يعمل أي حاجة ويحل أي مشكلة ويقف فى أي موقف ويتصرف مع أى حد
الحمد لله أنا راضي جدا عن اللي وصلت له
ولكن
كريم هيفضل هوا كريم
أنا داخل أقولكم إني إترقيت وإن اللحظة التاريخية دي لن تنسي وإني داخل علي تحدي أعظم
واجهت صعوبة فى النار الصبح بصراحة
لكن كريم هيفضل كريم وبرده هيقدرو يتصرف فى أي موقف ويحل أي مشكلة مهما كانت
ودا الفكرة اللي وصلت للكل عني
إنك تكون محاسب ومدير علي العمال ومسؤل عن العملاء ومسؤل عن المقابلات الشخصية وعن كل حاجة
تحس إن فى مليون حاجة بتجري حواليك وفى دماغك حتي فى عز الهدوء
بيتهيألي هما عرفوا مين كريم
وكريم مبسوط بدا
من بكره هبتدي أركب كل يوم لطريق المصنع فى أكتوبر
خايف من الدائري وقلقان منه ومن الطريق وانا اصلا بكره المواصلات بس لما ربنا يكرمني هعرف أتصرف فى الطريق
دلوقتى أنا أقوم أكل البيتزا والحلويات وأعمل لنفسي احلي كوباية شاي فى التاريخ
ومنساش طبعا عود الكبريت والعلامة
ومنساش طبعا حاجات أهم بكتير

كنت عايز أكتب بوست بإسم خطير

بس قلته خليه لبعد أول يوم ليا فى أكتوبر

كلمة أكتوبر بتفكرني بفيلم سويت نوفمبر
ربنا يستر ومقابلش البطلة هناك
أصلي عارف نفسي
فقري
مينفعش أشوف البطلة بتاعة فيلم حياتي غير فى الوقت الغير مناسب
مش هتكلم كتير
انا هروح أنهار وأجهز النور عشان يبقى أقوي الليلة دي
ويوصل لكل الوجود
وأجهز للنار عشان بكره تبقى علي آخرها

صحيح : من اللحظة دي أنا لبعض الناس إنسان مختلف

وبس كدا
مش هقول أكتر
هما سمعوا بما فيه الكفاية مني
ومش محتاجين أكتر

تصبحوا علي خير

ولو فى تحديث هبقي أقولكم

نفسي أبقى مبسوط زي السطور
أو أكتر منها حبتين
بس دي مجرد أمنية
وزي ما ديكستر قال : الأماني طبعا للأطفال وبس

هكمل إنهياري بقي

تصبحوا علي خير 

الثلاثاء، 13 نوفمبر 2012

الأرواح والنور

لأن الأرواح جنود مجندة
فأنا لأول مرة فى حياتي
فى عمري كله
هطفي النار اللى بتزيد طاقتي واللي بتخليني أكمل فى طريقي واللي عمرها ما إنطفت جوايا
هطفي النار اللى بتخليني أجري وبتخليني أبقي أقوي واللي بتزيد من حركتي وحماستي
هطفي النار اللى جوايا واللى بتخوف ناس كتير أوي
وفي وسط كل الإنهيار دا
جوهري بس اللي هيظهر
أتمني يطلع منه قبس بسيط من النور تشوفيه مع إنه هينور كألف ألف شمس
بدون خطط
بدون توقعات
بدون أماني
بدون ترتيبات
بدون أساليب
بدون طرق
بدون إستراتيجية
بدون معادلات
هسيب روحي
ومش هستني النتيجة
برغم إني حاسس بالفشل التام فى التعامل مع البشر
وإني مختل فى نقطة التعامل إجتماعيا أو التعرف علي أي حد
وبرغم كل حاجة
حتي التلات مشاهد اللي كل ما أفتكرهم حرارتي بتعلي واللى حصلولي النهارده وإمبارح
هطفي النار كل ليلة جوايا وأسيب النور يضوي وينور الدنيا كلها فى عز برد الشتاء
هطفي النار إزاي دي بتاعتي
أما عن نقطة هتعامل إزاي
فدي بقي مش عارف حتي اللحظة اللي بكتب فيها السطور دي هتعامل إزاي ...
بس عندي أمل إن روحي تقدر تتعامل
وأنا الحمد لله أخدت قرار
(( أنا هنزل من البيت بعيد عن الشغل وهآخد أجازتين ))

ومتأكد إن الخير إن شاء الله جاي
أصل أنا فى وسط إنهيار
وفى وسط وفى عز كل دا
لابد من تغيير
لابد من شىء يختلف حاله
دي سنة الحياة يا صديقي

أنا ..
أنا هسكت وأحاول أنام

النهارده مكلتش
والخدعة بتاعة إمبارح منفعتش
لما طلعت الاطباق مليتها شوية أكل صغيرين ومكلتهمش
أمي برده عرفت انى مكلتش
والنهارده بتصحيني تقولي
انا بقالي تلات تيام مش بشوفك , مالك يا ( **** <إسم الدلع بتاعي>)
والنهارده قلت بصراحة إني مش هاكل
أنا هسكت بقي ومش هبني أي حاجة غير لما روحي تعرف تتصرف بقي
انا خايف افرح مقدما
خايف اتشغل عن انهياري ووجعي
البرد شديد اوي الليلة دي
وانا مخفف اوى
ودا إسمه غباء
عالاقل افكر بالمنطق والعقل
بس من إمتي المنطق والعقل بيودي لأي حتة كويسة ؟؟؟
أقولكم
أنا هفرح فى سري كدا
بيني وبين نفسي سر عميق مستخبي بين خيوط الشمس اللى بتهرب من السحاب وبين النجوم بليل وبين نسمة الهوا البارده اللى بتخلي جسمي يرتعش ويحس بالحياة
هفرح فى سري في عز وجعي ولخبطتي

مش عارف ليه حاسس إن لو فى شخصية معينة قعدت تقرا المدونة دى
هتبطل تعرفني
بس الحمد لله إنها ملهاش أي علاقة بالمدونة ومبتقراهاش

النهارده نجحت فى إني أقولها كلها ( أنا مهتم بيكي )
برافو
شكلي حلو انا دلوقتى لما نجحت
مش هفكر فى الأثر والتأثير والفكرة ولا فى اى شىء
هفكر فى النجاح الصغير دا وهحاول أمسح التلات مشاهد بتوع ( الدبوس بتاع الطفل والبنوتة فى الشارع والهمجية فى التعامل )
مع إني واثق من فشلي بس فى نفس الوقت قادر إني أمسحهم

صحيح هوا انا قلت لكم انا صليت الجمعة من تلات شهور فين ؟ طيب قلت لكم صحيت يوم الجمعة من ست شهور وكتبت إيه ؟؟؟
تمام
يبقى هقولكم المرة الجاية على الفكرة المجنونة بتاعة النسيان وعلامات الطريق
تصبحوا علي خير
ويارب تصبحي حلوة
يا أحلي من الحياة

إسمحي لي أشغل مزيكتي بقى وأنهار وأنام
بكره هحط برده أغنية منير اللى بحبها 

الاثنين، 12 نوفمبر 2012

معادلة زمنية





النهارده الشغل خلص بدري بس أنا فضلت فى المصنع
ومرضيتش أروح
وقعدت مع صاحب الشركة وسهرت مع بعض العمال
الموضوع كان لذيذ لكن المشكلة فى إن كله عمال يقولي هوا إنته مش هتروح ؟؟؟
هوا انته مش هتطلع تمشي ؟
هوا انته مش وراك حاجة يا أستاذ كريم ؟
بقيت عايز أقولهم مفيش حد أراعيه لما أروح بالإضافة لأني معنديش أدني إستعداد أتكلم مع أى شخص فى الوجود
كنت عايز أقولهم إني من إمبارح مكلتش ونمت بالعافية بعد ما إتشعلقت فى ميت خيط دخان من دخان سجايري
كنت عايز أقولهم إن اللي موقفني علي رجليا هوا شوية الشاى والسجاير والتفكير المستمر
كنت عايز أقولهم إن أنا مش عندي حد أكدب عليه وأقوله إني كويس ( أنا بقيت لوحدي وفي نفس الوقت بقيت حر )
كنت عايز أقولهم إني مقدرش أكدب عالناس اللي حواليا دلوقتي لأني بحبهم أوي وفي نفس الوقت مقدرش أكسر فرحتهم
بس إختصرت كل دا وقلت إني مكسل أروح
وفى الآخر صاحب الشركة ذات نفسه قرر يقوم يروحني بعربيته لأني مازلت مكسل أروح
مش مرتاح أو مش عارف أتكلم أو مفيش حد أكلمه أو مبقتش عارف أتعامل مع الناس زي الأول
مش عارف
لكن الأهم فى النهارده
إني قدرت أفكر فى فكرة واحدة بس فى آخر لحظات فى اليوم
من ساعة ما نزلت من عربية الراجل لحد ما روحت البيت
ماذا لو ...

ركزت فى الخط الزمني أوي وفى كل الجمل اللي مكانش ليها معني ودلوقتى معناها ممكن يكون فكرة كبيرة اوى
فكرت فى كل الأشياء اللى حصلت
إفتكرت ( الكل أكبر من مجموع أجزاؤه )
إفتكرت إن عشان توصل لمكان معين لازم تلف حوالين الميدان وتطلع من شارع فى إتجاه عكسي
وبعدين إفتكرت إن فى سبع أشواط بتطوفهم قبل ما يتغفر لك أو تقوم بالفريضة
وبعدين إفتكرت إن فى حاجات صغيرة أوي ممكن تصنع حدث عملاق بشكل غبي
وبعدين إفتكرت كلام تلاتة ميعرفوش بعض
وبعدين إفتكرت الخطة
وفى وسط كل دا حاسس إني بنهار بس فى نفس الوقت فى أكتر من زاوية وجدار وعامود رافضين ينكسروا
بحاول أفتكر صوتها وهي بتقول : I break the rules so I don't care
***

معرفتش أقول لها حاجة
غير انى بكسر كل الانماط
وبتصرف بدون توقعات او افكار او اساليب او خطط او اى حاجة
قلت انى مهتم
وبس
قلت انى مش عايز اضيع اى فرص نهائيا
وانى
عايز استغل كل فرصة ممكنة
معاكي

وهعمل كدا فعلا

ويمكن فى عز إنهياري

انام علي ضهري علي سحابة

وابص للكون كله ولحلمي البعيد

وابتسم
وبإختصار شديد
هحس بنفس اللي كنت بحسه كل مرة كنت ببص فيها للسماء وانا نايم علي الارض واحس برغم انى ايديا ورجليا ماسكة فى الارض الا انى بقع لفوق للسماء لحلمي وبطير له بسرعة الضوء وكل المسافات ممكن انى اعديها

هاخد بالي كويس أوي وبعدين هقول ...
Geronimo
وبس

وأنفذ اللي قلته واطير لحد هناك ...

انا قلتلها انا مهتم وسكتت...

معرفتش اقول ( بيكي )

بقيت فاشل إجتماعيا ويمكن حالة الإنهيار دي مش نافع فيها إني أقول كلمة ( بيكي )

والحمد لله إنها مبتقراش هنا :)


وبس كدا

نكمل بعدين بقي

بعدين ... بقي

تصبحي حلوة

وهي حلوة ف كل صباح وكل لحظة وكل يوم وكل مرة بكلمها فيها بحسها أحلي , هي الشتا والبرد والدفاء والأمان كمان


لسه بقي حاجة أهم
لسه مقولت حاجة عن المعادلة الزمنية

فجأة إتوجعت دلوقتي ...

أنا هقوم احاول انام

هكمل الشاي وأنام

تصبحوا علي خير

ويارب تصبحي حلوة بجد

***
تحديث 1

خايف اقولك مبسوط
لاني مش مصدق
وفي نفس الوقت مش عارف أعمل إيه
أنا منعزل إجتماعيا وفى حالي ومش بتكلم مع حد
ممكن يكون بالنسبة لك دقيقة
بس بالنسبة لي اللحظات دي هي اليوم كله ...
***

الأحد، 11 نوفمبر 2012

دا اللي في إيدينا

قال لها : دا تناقض

قالت له : وإيه المشكلة

قالها : طيب تفتكري ...


قالت له : مفتكرش

قالها : طيب إحنا فى إيدينا إيه بمنع كل دا ويخلينا سوا أو يوقف القدر أو الدنيا كلها , إحنا ممعاناش أي حاجة تمنع كل دا, مفيش فى ايدينا اى قرار ولا اى حاجة ولا اى شىء يخلينا سوا واللى بتفكري فيه دا هيطلب قوة مستحيلة

بصت له بقوة وثقة وحنين وقالت بإرادة صادقة : أنا مش هسيب حد ياخدك مني ولا هسيبك ولا هتخلي عنك  ولا هسمح لك تتخلي عني ولا عنك دا هوا اللي فى إيدينا واللي الدنيا كلها متقدرش تكسره او تحطمه مهما كانت قوتها , قوة تجاذبنا أقوي من الوجود كله .

ومسكت إيده أوي لأول مرة فى حياتها وضمتها قوي فى عناد أقوي من أي فعل أو رد فعل فى الكون كله

وبصت فى عينيه وإبتسمت أوي وضي عيونها ملي الحياة فى عيوني وقضي علي كل العتمة واليأس والوجع والتعب اللي كاسره من جواه أوي وقالت : هوا دا اللي فى إيدينا

و بدأت تخلق معاه المستحيل  ..


لأنهم أصلا فى الحقيقة ...مستحيل .

***
ونزل الستار
***

#إيميليا_بوند

****
تحديث : مليش نفس أكل بعد اليوم المتعب دا كله , ولا ليا نفس أنام ولا حتي أشرب شاي
هحاول أطفي النور وأشغل المزيكا المفضلة ليا وبس ...
#ليلة_بكل_حاجة
***

تحديث:
أول مرة أستغطى الشتا دا
خلي الكون يغني يلا ...
#برد
***

تحديث:
مش عايز أروح هناك
مش عايز أفكر فالخط
ولا فى  اللي هيتعمل
هحاول أهدي أعصابي وبس

#الخط #الحد #السور #الجنون #فكرة ما

السبت، 10 نوفمبر 2012

فايدتكوا إيه ؟؟







فايدتكوا إيه بقي ؟؟؟

إيه لزمتكم بالظبط ؟؟؟


بعد العمر اللى فات

وكل الأيام والشهور والسفر والإهتمام والكلام والوقوف وعدم الرحيل والثبات على الموقف وحمايتكم

فايدتكوا إيه بقى ؟؟؟

بعد كل اللى حصلي وعملته

؟؟؟؟

بعد ما كنت هنا سنين وسنين وسنين

بعد ما جيت علي روحي ؟؟؟

فايدتكوا إيه بقي ؟؟؟

لما ألتزم وأهتم بيكم وأراعيكم

وفى الآخر

أنا هنا من غيركم جميعا

مش محتاجكم ؟؟؟

مين الذكي اللى قال كدا ؟؟؟

مين الفالح اللي قال كريم مش محتاجني او هيبقى كويس

مين العبقري اللي شاف انى هبقى تمام

مين اللي خرق كل القوانين المنطقية والغير منطقية وقال اني هبقى كويس ؟؟؟

انتم خونة ؟؟

يمكن

إنتم كدابين ؟؟؟

يمكن

إنتم مش تستاهلوا ؟؟؟

إحتمال

أنا عملت كل دا ليه معاكم وكنت كويس للدرجة ؟؟؟

عشان انا طبيعتي حلوة وبتعامل بطبيعتي ؟؟؟

عشان خاطر ربنا ؟؟؟

عشان خاطر مكانكم ؟؟؟

دا إيه حضرتك ؟؟؟؟

علي أساس ان القسوة بتنهي القسوة ؟؟؟

بالعكس دي بتمدها وتزودها

علي اساس انى وحش ؟؟؟

علي اساس انى شرير

؟؟؟؟

طيب اعيش دور الشرير بجد بقي

طالما كدا كدا انا شرير وكدا كدا انا وحش

يبقى اتعاقب فى الحياة على حاجة عملتها

اسيبكم تفلتوا من ايديا عادي جدا

واكسركم بكل قوة وبكل قسوة

طالما كدا كدا هبقى شيطان وابن ستين فى سبعين فى عيونكم


أنا مش عارف لما هي سألتني ليه مش بتقرب لفلانة برغم انك معجب بيها , مش عارف ليه مش قلت لها السبب

قلت لها ان البنت دى برا نطاقي , مش ينفع ابقى معاها بأي شكل , يدوبك كلمتين كل كام يوم وشكرا

انا مش ينفع ابقى اكتر من كدا

مش ينفع ابقى مع حد

عارف لما تبقى مسافر للسماء وقاعد فى محطة القطر مستني القطر وكل شوية ييجي قطر ولما ياخدك ويطلع بيك للسماء فى السكة يفتح الباب ويوقعك ؟؟؟
عارف لما يبقى بينك وبين السماء نقطة واحدة وبعدين تقع ؟؟؟
كل الناس بتحكي عن وقعة سابع سماء قد ايه هي موجعة , بس انا بتكلم عن وقعة سادس سما
اللى وصل سابع سما ووقع عالاقل حقق جزء من الحلم وبعدين وقع
انما انا حتي مقدرتش ادوق الحلم ولا اقربله ولا اعمل اى حاجة
انا بس قربت منه وكان قدام ايدي وكنت خلاص بمد ايدي وهقفل صوابعي وامسك فيه
وبعدين وقعت
اتحرمت من كل حاجة قبل ما احصل علي اى حاجة
عارف لما تبقى قريب اوى اوى اوى اوى كدا من حلمك ؟؟؟
وبعدين تقع من فوووووووووووووووووووووووق اوى اوى اوى اوى ؟
عارف لما تحس اوى اوى اوى اوى اوى وتقول انا فعلا بقيت كويس
وبعدين تقع اوي اوى اوى اوى اوى اوى
وبعد ما القطر يوقعك من اخر سما وتقع وتقعد تعالج فى نفسك وفى الاخر لما تقعد عالكرسي تلاقي ان خلاص اخر قطر فارق المحطة ومفيش قطارات تانية رايحة السماء
يعنى خلاص مش هتوصل لسكتك مهما عملت
الا لو كنت بتعرف تطير
بس انته جناحاتك اتكسرت
وروحك نفسها إنزوت وخافت
وعجزت وبقيت عجوز اوى
احساس الوجع اللى مش بيقل بل كل شوية بيزيد وكأن فى حد ماسك سكينة وكل شوية يغرزها فيك اكتر وانته بتحاول تتحرك بس مش عارف ولا قدر لان مفيش حركة جوا القبر بس حاسس بكل حاجة

مش بقي فيه فرصة تانية ولا قطر جاي , عشان كدا مش هقرب لواحدة معجب بيها واقولها اهلا وسهلا انا معجب بيكي
انا مش ناقص
كفاية اللى عشته اوى
معادش في قطارات تانية وانا عجزت اوى اوى اوى اوى اوى

مش بفكر فى سارة
ومحدش يسألني ليه
معادش ينفع
انا بقيت مقتنع بدا

عايز انده بصوت عالي واغني وأقول ( إبقي إحساس الأمان اللي عمره ما يبقى خوف )
بس حاسس كأن الدنيا كلها واقفة ضدي , ودا مش احساس بس دي حقيقة
لما يحصل دا
بحس ان الحل فى حركة وحل مجنون واحد بس
بس بيصعب عليا ناس كتير اوى
فبقول لاء بلاش الحل دا
وبقول لنفسي كل مرة بعدي فيها الطريق انا تعبت اوي ومحتاج ارتاح وانام , فيها ايه لو غمضت عيوني ووقعت نايم فجاة هنا ؟
فيها ايه لو بدل ما بعدي الطريق وانا مش ببص , اروح اعديه وانا مغمض عيوني ؟؟؟
فى ايه يعني ؟ أيه المشكلة ؟؟؟
مش عارف المشكلة
واحد من كام يوم بيقولي ( إنته يا كريم متقدرش تعمل لفلان حاجة )
قلت له ( انا اقوي من اى واحد خلقه ربنا لاني ببساطة مبخافش من الموت ولا راغب فى الحياة للدرجة اللى تخليني تفرق معايه , ولذلك فنصيحة مني ليك : لا تتحدي إنساناً ليس لديه ما يخسره )
انا تعبان اوى ومخنوق اوي ونفسي انام اوى ومصحاش بكره او بعده ولما اصحي اروح اسكندرية واحس بالشتا بيجدد كل خلايايا وكل حتة فيا وكل ركن مليان تعب ووجع فيا
نفسي أحس بهوا الشتاء بيطبطب عليا زي زمان وبيقولي ( لو بردان فمعني كدا انك لسه عايش ومش ميت واكيد زي ما انته بردان يبقى اكيد هييجي يوم تحس بالدفاء )
نفسي اغمض عيوني واريح اعصابي شوية من كل الحاجات اللي مدايقاني
سناني مكسرة ونفسي اروح للدكتور عشان يصلح لي أي حاجة بس للاسف مش حاسس انى مستعجل علي دا بعد زيارتي الاولي له
تعرفوا ؟؟؟
انا اعصابي بايظة خالص
برغم اني حاسس بقوة جسدية اليومين دول
إلا إني بجد حاسس انى ضعيف ومكسور وبنهار اوي اوي اوي اوي اوي

كان ايه فايدتكوا بقى ؟؟؟
كان ايه لزمة كل دا ؟؟؟؟
كان إيه المبرر لكل شىء طالما انا دلوقتى كدا
؟؟؟

بفكر فى تمن حاجات كتير اوي
عايز اشتري حاجات كتير اوي
بس مش عايز انزل اشتري اى حاجة لوحدي
:(
اعصابي هتتعب اكتر
وهتخنق اكتر
الشغل بيريحني
بس مشكلته انه بيخلص
وبقعد لوحدي بليل
بفكر كتير اوي
بس الوصول لنتيجة مش بيجيب حل او مش بيحسس براحة
الراحة تيجي منين ؟؟
حتي لو عارف مقدرش اجاوب السؤال دا

ميفرقش ايه اللى حلو وايه اللى وحش

او ايه الصح وايه الغلط

لكني ككريم بدفع ديوني كويس

والحمد لله مش مديون لحد فيكوا

ولو ليا حاجة عندكوا

فملعون ابو الدنيا الف مرة لو خليتني اطلب منكم حاجة او احتاج حاجة منكم

اللى عايز يبقى موجود بيبقى موجود

وانا زهقت وتعبةت واتخنقت

وحاليا مليش نفس حتي اكتب

أففففففففففففففففففففففففففففففففففففففففففففففففففففففففففففف