سويت نوفمبر وتايم اوف ذا كوليرا واشياء أخري

زمان يعني زمان من فتره بعيده مكنتش بطيق كيانو ريفز وللاسف مش هعرف اقول السبب لانه تافه جدا بصراحة بس في وقت ما مش فاكر هوا امتي اصبح كيانو ريفز هوا الممثل المفضل وبتابع افلامه ومركز معاه وحاجة اخر جمال والله

كيانو ريفز الممثل الجميل اللي هوا يعني نقدر نقول بينزل يتمشي فالشارع ويركب المترو ويقضي يوم لطيف في نيويورك مع الناس العادية ودا يومه الطبيعي وفوق كدا بيروح يقعد عالنهر ياكل حمام ويرمي اكل للسمك 

ياجدعان كيانو ريفز ياجدعان دا عندي حاجة كبيره اوي 

الانسان والتواضع والاحساس والاحترام 

كيانو ريفز يعني عظمة الماتريكس وروقان  محامي الشيطان و حاجات حلوه كتير بس مهما كانت حلوه ف سويت نوفمبر في قلبي نور والله

البطل التايه في الشغل والحياة واللي بيتدفن بالحياة عشان مش قادر يتخلي عن احلام متساويش عشان خاطر مخطوف من الدنيا ، البطل اللي بيجري طول الوقت فبيفوته كل حاجة بكل شكل وعاجز عن فتح قلبه والتواصل مع الناس 

كيانو ريفز اللي اقنعني بالدور واستفزني بزياده 

كيانو ريفز الاداء الجامد جدا 

 ولذلك نقدر نقول بالفم المليان سويت نوفمبر يا قوم يا بشر 

بيتهيالي اني مبقتش اعرف احكي زي زمان بالشكل اللي يبسط ويريح ويدي تفاصيل بس الفيلم دا بيريح اعصابي ويسعدني جدا مهما كانت حالتي 

اه صحيح انا متكلمتش ومش هتكلم عن تشارلز ثيرون البطلة 

عشان ميصحش  لكني هقدر اوصفها في سطرين … خلاص جملتين بس  : اما انتي جميلة  ، ودا اعظم ما قيل في الغزل من وجهة نظري يعني من ايام ثانوي 

والجملة التانية برده  وتنطبق عليها فالفيلم برده 

She is like waking up 

النور اللي جه يصحي البطل من العتمة ونورت النور في قلبه وعقله وحياته وخليته يدرك الحياة حلوة قد ايه ويستمتع بالحاجات الحلوة ويتبسط باتفه الامور ويقدس الحاجات الحلوه اللي عايشها 

والله ياجدعان مش عارف ازاي الفيلم دا بيعدي عادي دا المفروض يتشاف مرتين كل يوم من اجل حياة سوية

مفيش حاجة توصف 

بس الخلاصة يعني ان الفيلم حلو وبالفم المليان نقدر نقول : سويت نوفمبر اقسم بالله ياجماعة 😍😀😍😀🙂😀❤️❤️

ودي زي عيد سعيد كدا وهاف فن بقي وكدهون 

نوفمبر شهر غالي علي قلبي بدون سبب ولكن عشان بس الفيلم دا برغم اي شيء والله انا سعيد بيه

ومش هشوفه النهارده ولا اليومين دول 

بس الحالة اللي بتخلقها البطله فالفيلم بتفكرني بقصص الحب الاسطورية الموجودة في الحب في زمن الكوليرا 

مهما خسرت ياصديقي تذكر انك لسه عايش والحمد لله وكل يوم في انجاز وحاجات حلوة بتتعمل وان في عمر كبير جاي والرضا بايد ربنا  وربنا هيبعت الحلو كله والله 

سويت نوفمبر وحالة حلوة بطعم الجنة  وايام احلي وحاجات احلي كتير لا يوجد مساحة لذكرها 

احيانا بسرح في تلات حاجات وبلاقي ان نوفمبر هيعدي بس يناير جاي 

مهما حصل ف يناير جاي 

مش هشغل بالي باي حاجة طالما يناير جاي ، الجنة كلها في يناير بعون الله

سويت نوفمبر وحاجات حلوة كتير تكريما للحلوين الجامدين اللي بيفتحوا نفسي عالحياة 

اول ما بدات اكتب البوست كنت بفكر اتكلم عن تاك و كيل 

بس مسحت الصوره وش وجريت جبت حاجة حلوة تناسب المود والحالة وكدا يعني 

انا مش عارف اعبر عن سعادتي ازاي بس روحي منورة وقلبي مبسوط وراضي اوي اوي اوي النهارده

وحاسس ب نور وكرم ومحبة ربنا محاوطاني 

النهارده يوم جميل والله العظيم فعليا حلو وبطعم السكر والجنة حرفيا 

خلاص بقي خلص الكلام 

 يارب يتم شفاء امي علي خير 

اما عن الاشياء الاخري فقد وضعتها كلها في حقيبة واحدة تجمع كل ما تاه  وحجبتها عن العالمين

من ضمن الاشياء الاخري اني اكتشفت اني مش محسود 😂😂😂

وكان السب طبعا اني بقالي سنة تقريبا بلاقي حاجات غريبه جدا حشرات غريبه في اماكن غريبه زي مثلا سوس او فراش صغير   او دود لكن اتضحلي اليوم ان السبب مش حسد السبب هوا كيس سوداني اتركن  لحد ما سوس ودود والحشرات سرحت منه في كل حته 

الموضوع دا مسببلي سعادة لا توصف اقسم بالله  لاني كل دا مكنتش فاهم ودا كان مجنني وعمال اشغل قران واقرا كل يوم كام جزء من القران  

جدير بالذكر بقي بالمناسبة يعني كيس السوداني دا كان بيتباع في الماركت هنا ومكتب عليه مستورد من مصر 😂😂😂😂 

مصر حبيبتي فكراني وبتطمني علي نفسها 😂 والله هم يبكي وهم يضحك زي الافلام الكوميدية حرفيا والموقف دا فكرني ببابا لما كان بيلاقيني عامل مصيبة فالبيت فيبصلي ويقولي بيت المهمل بيخرب قبل بيت الظالم 😂😂😂 كنت ببقي عايز اقوله والله ابدا مش مهمل ومش بايدي ، الحالة دلوقتي بقي اني بنضف كتير لاني بشتغل في نفس المكان وبقضي وقتي كله فيه فالموضوع مضحك فشخ بس واقسم بالله دا ريح قلبي فشخ

المهم يعني كل حاجة حلوة خير ومهما كان كل اللي بيجري فهوا خير وربنا يرعاني ورحمته محاوطاني والحمد لله دا لوحده كان تنفيس  من ربنا ليا 

انا من كتر ما الموقف معلق معايا عايز اعمله فيديو عالقناة والله 😂 بس مينفعش كدا هقلب علي حمدي ووفاء  ودا مش توبي خالص 

وسويت نوفمبر يا كيمو  وبس كدا يعني 

وسويت دريمز يا كيمو 

بالدنيا واقسم بالله