.jpg)
من فترة كنت انا وفاطمة قاعدين مع صديق مقرب لينا وطرح فكرة حلوة للنقاش لما كان بيتكلم عن حياته والفرص اللي بيقابلها وقال ببساطة طيب هيحصل ايه لو مكنتش عملت كذا او كذا او مروحتش المشوار الفلاني او مشوفتش اعلان معين او ببساطة خالص مكنتش نزلت من البيت فاليوم الفلاني او مدخلتش الشارع الجاي يمين اللي لقيت فيه واحد عرفني علي فرصة حلوة او اتعرفت علي بنت بحبها ، الموضوع بصراحة كان دار في دماغي زمان مليون مرة وكان بالنسبة لي مهم لانه سيطر علي تفكيري فترة ، طيب لو مكنتش رديت علي مسدج او كومنت معين او حتي استاتس معينة او حتي اترفضت في كلية معينه او الفيزا لسفر بلد معينة ، ياتري كان هيحصل ايه ؟
موضوع المصاير والاقدار احنا مسيرين ولا مخيرين وازاي في حاجات مصيرية ممكن تتغير في لحظات بسيطة وتكاد تكون معدومة الاهمية وتافهة ومش بس كدا ممكن تبقي روتينيه، اللي دايما بقوله ان في الاول وفي الاخر بترضي بما قسم لك وبتسعي وبتبني عليه بس ياتري لو في افعال بسيطة وتافهة ممكن تغير حياتك طيب لو بكل بساطة زي الشبح روحت كدا عملت حاجات بقصد او بغرض ، يعني خدت بعضك وروحت المكان الفلاني واتعلمت او المكان الفلاني ودرست او خططت لبلان عظيمة ياتري ايه الاثر العظيم اللي هينعكس علي حياتك وعليك ، النهارده بطرح الفكرة دي للتفكير مرة تانية والسبب هوا مشكلة كبيره بحاول احلها بقاليراكتررمنوستوشهور مبتتحلش وبعملها حلول لوذعيةووبنت مجنونة لكني في الاخر بلاقي مشاكل اكتر لدرجة اني بفكر اسيب البلد وامشي اساسا من خنقتي لاني فعليا تعبت من الانتظار والصداع والستريس المفرط ولاحساس الدايم انك مشغول حتي لو موراكش حاجة تعملها ، انا اينعم بحب نفسي وحياتي ولكني في نفس الوقت بفكر في طرق تانية ، يمكن اللي بتطلبه مني المرحلة الجاية هوا عصايه الساحر انك تبذل مجهود جنوني وفي نفس الوقت تتعبرعشان تحقق شيء حرفيا خارق للطبيعة ، يمكن مصايرنا تتغير في اوقات معينة او متتغيرش ويمكن نستمر في نفس الطريق او نفس البلد لو بنفس التفكير انا معرفش المستقبل في ايه لكني واثق اني ولو بشقاء هتقبله وهقدر اتعامل معاه بكل الحب زي ما بعمل دايما حتي لو الصداع بيمنعني من التفكير والنوم ،ومش عارف سهران بهبب ايه لكني فعليا مطمن اني معايا حد يسندني في وسط كل العتمة اللي جوايا قبل ما تكون في الدنيا وفي شقاء الحياة ( الكبد ) اللي ربنا ذكره فالقران وفي رحلتي اللي طالت او قصرت اتمني يكون لها عظيم الاثر في حياة كل اللي بحبهم وحبيتهم وسعيد اني بوجودها هقدر ابقي سعيد يوما ما ، بفتكر دايما كلام ترينتي لديكستر وهوا بيقوله انت طفل صغير بيحلم بالجنة ، ايوا معنديش مشكلة احلم بجنة عمري ما شفتها ولا عشتها مين عارف ما يمكن تتحقق جنتي زي ما اللي انا فيه دا قبل كدا حلمت بيه وبقي اعظم من كل احلامي
بالمناسبة محبتش اتكلم عن عقدة وبند الاختيار وعقباته لو قابلت فرصة او غيره فالطريق او اي حاجة مشابهه لكن دي قصة لوقت تاني
دمتم بخير
كريم
