ايه يا ولاد

 مكتبي ، اجهزتي ، الروقان بتاعي كله 

الدماغ الرايقة تماما وكلية 

وجه يوم السفر وسافرت 😎😎

هيييه وافرحوا يا ولاد 

الحمد لله 

ايام حلوة وليلة حلوة برغم انها قصيرة 

قعدت روقت علي نفسي جامد عشان ابقي رايق الصبح 

نضفت كل حاجة وسيبت كل حاجة حلوه وخدت بعضي ومشيت 

والحمد لله وصلت بالف سلامة 

وجهزت وكويت امبارح اللبس بتاعي كله وطلعت لبس امريكا من الدولاب 

بتبسط اوي لما بلبس اللبس اللي جايبه من هناك 

بحس ان الحياة احلي وان الدنيا اروق بكتير 

معرفش بس دي طبيعتي 

والحمد لله ركبت كل القطارات السريعه ووصلت طيارة 😂😂😂

وشربت قهوه من اللي بحبها و دخنت وشربت عصير وكمان فوق كل دا يا مؤمن فطرت متاخر بس سعيد برده 😂

الحمد لله اللي فضله غمرني وفرح قلبي 

النهارده صاحي تعبان خدت شاور وسيبت الموبايل مفتوح وبعدها ابتديت اتكلم 

اينعم خدت وقت عشان افوق بس كان يوم حلو لما ابتديته وانا مرتب كل حاجة

النهارده كنت معجب بيا 

اه والله 

صدق او لا تصدق 

والحمد لله دقني متدرجة وشكلها حلو ونضارتي معايا 

وانا الباشمهندس كريم 😂

امبارح لما سهرت برغم اني هصحي خمسة الصبح اشتريت الكورس اللي كان نفسي فيه

المفروض دا خطوة اساسية عشان امشي فالطريق اللي بحلم بيه من سنين 

وان شاء الله نذاكر وناخد شهادته قريب 

انا كنت هاجل شراء الكورس بس قلت علي ايه الوش ووجع الدماغ اشتري من ناو وذاكر بدري بدري وعيش حياتك وانبسط وفعلا عملت كدا 

والحمد لله دي كانت من النقط اللي قلتها للكارير كوتش وعجبتها 

وامبارح دفعت الفلوس مبلغ بسيط وعلي قلبي زي العسل 

ولسه باقي اختبارين كمان واجيب العربية وابقي رايق 😎 

هانت كل حاجة في وقتها 

ربنا يوسع علي قلبي ويشرح قلبي ويسعدني 

المهم ان المدينة حلوة بشكل مبالغ فيه 

والناس كويسين ومكتبي حلو جدا وانا سعيد خالص وهييه بقي وكدا وافرحوا يا ولاد ❤️❤️❤️

يارب تم نعمتك علي قلبي واسعدني كمان وكمان وسهلي حالي وحياتي يارب ❤️

هنزل اعمل شوبينج بقي ومش هلف كتير لسه قدامنا وقت وبراحتنا وعلي الهادي خالص 

يارب يا مسهل 

صباحك ومساك ورد وسكر يا كيمو ❤️

ليلة السفر

 اكل كتير النهارده في كل حاجة بحبها ، روقان مبالغ فيه ، مكالمات هادية ، حل مشكلات كتير 

رمي الزباله وتنضيف الشقة وشوية غسيل ينشفوا عالصبح وعالهادي ناخد بعضنا ونطير 

بكره اول يوم هخرج واسافر واخلص اللي ورايا 

سفرية مهمة هتساعدني كتير  ، صحيح هسيب بيتي وشقتي ومكاني ودي حاجة توجعني لكني خلاص البيت صبح جوايا 

مبقتش بحلم بوطن وانا اساس الوطن اساسا والبيوت 

الوطن هو المكان اللي بتستريح فيه وبتنتمي له وبنتنتهي كل محاولاتك للهرب 

الحمد لله بكره سفرية جميلة وخروجات جامدة وهيصة واجتماعات ودنيا 

قد ايه كنت محتاج دا ، ربنا يسهل ويعدي الفترة دي علي كل خير واحسن مما اتمني كمان 

وساعتها هيبقي كل شيء اسهل بكتير مليون مرة 

ساعتها هنحقق حلمنا في فيللا زايد بجنينة ، المبلغ مش كبير وسهل ان شاء الله 

وغير كدا هنحقق حلم تاني في الانتقال لبيت بجنينه هنا 

ونخلص الدنيا وممكن نشتري البيت هنا كمان ، دا يبقي فضل وعدل من ربنا اسنعم هياخد وقت بس ربنا هيسهل انا متاكد 

ونقعد فالجنينة بهدوء في ركن حلو بتجهيزات جميلة نشرب الشاي ونبص عالسما بليل والاولاد حوالينا ونبني الاسرة اللي بنتمناها 

كله جاي في وقته 

الامان والطمأنينة والراحة والحب والدفا اهم حاجة الدفا 

دلوقتي كله ماشي مظبوط بس عايز اتدفي اكتر 

ربنا يسهل 

المهم ان بكره نلحق مواصلاتنا ونلحق مواعيدنا ونقضي احلي وقت هناك 

يلا هنصحي بري لازم نلحق ننام 😀😀

مفيش ابديت مفيش اي حاجة غير اني ابقي مبسوط وفي رضا ربنا ومن بكره سيستم جديد لكل حاجة 

يارب اشملني برعايتك ونجيني واحميني من كل شر وارزقني ما اتمني ولاتذرني فردا وانت خير الوارثين 

يارب