السبت، 27 أبريل 2024

الليلة الكبيرة

 صفر 

انتهي العد التنازلي 

Rise 

انبسط 

افرح 

طير 

Rise 

- كيمو 

= عيون كيمو 

 قرب البعيد وهون علينا وارزقنا الصبر واتم علي نعمك كلها وارزقنا الصالحات واكرمنا فيها 

يارب العشم فيك كبير 

والنبي يارب تتمها علي خير 

والله يارب صبرت وعملت كل اللي في وسعي والنبي يارب تتمها علي خير 

والنبي يارب ما حاجة تتعطل 

والنبي يارب الدنيا تمشي واحقق اللي نفسي فيه ويارب نور قلبي 

يارب عمر بيتي وفرح قلبي ونور دنيتي 

الليلة الكبيرة

Los los los 

باقي من الزمن صفر 

واقسم بالله ما عارف هنام ازاي 

 يارب خير يارب يارب يارب 

يارب تمم بخير يارب تتمم بخير يارب تتمم بخير 

الثلاثاء، 23 أبريل 2024

تلاتة يا كيمو

 - تلاتة يا كيمو ؟

- - تلاتة يا عيوني

الاثنين، 22 أبريل 2024

Rush

 Rush 

Going to the other side

Calm 

Peace

Honey 

Love

He bad wolf 

Nice

Five


الجمعة، 19 أبريل 2024

Prepare

 Counting on watch and calendar

Waking up early

Office

Shower 

Food

Mad

Nariman manar nour eman 

Alles geht 

Old and young version 

Fight is not yet started 

Single battle 

Fire and light

Blut 

Ehre 

Light 

Wanna 

Just small window

Time itself 

Marrige

Fire

Money

الاثنين، 15 أبريل 2024

الحياة التي أريد

 صوت العصافير في حديقتي الهادئة صباحا، قهوة صنعت بأمل وبعض الفطور بالكثير من الشغف وكأنها آخر وجبة في التاريخ ، بضع دقائق تفصلني عن موعدي الأول في يومي كثير من الحب والتخطيط للمستقبل ، مكالمة صباحية هادئة ، بعض الرسائل ، ، كثير من المودة والود والهدوء ، عودة النسق الطبيعي للحياة ، رحمة الله تسع الجميع حتي قلبي العاصي ، يوما ما ينظر الله الي قلبي ووجهي حين ألقاه ويعفو عني ويصفح ويغفر وتمحي عني كل الخطايا ، الآن علي فقط أن أنعم بالهدوء والسكينة وبعض المهام البسيطة ، أرسل الكثير من الحب كل صباح من نافذتي ليحملها الهواء إلي تلك البلاد البعيدة ، سوما ما سأكون هناك سألمس حلمي وشغفي بكل ما عندي وما لدي 

الحياة بسيطة عمري ما حاولت ألعب وألاوع وبحاول اكون مباشر لكن تقريبا بتكسف احيانا اقول اني مقدرش علي شيء فبأجله واقول حاضر وبلبس في شجرة لاحقا بسبب دا ، مفيش اكتر من اني في جملة قلتها خسرت مبلغ كبير عالفاضي والشخص اللي خده طالبني بكلمتي وبس ، تقريبا عشان الشخص دا اقرب حد ليا وفاهم كويس طبيعتي ، مش مهم الفلوس اي حاجة بنشتريها بيها سهله بتتعوض وبنعمل تاني مش قصة ، بس يهمني اخويا يبقي مبسوط وسعيد واي حاجة تانية مش مهمة 

كنت دايما بقول الحياة بسيطة والصراحة والمباشره احلي من نور الشمس ، مفيش حاجة بتتبني علي لوع ولف ودوران وخداع وتلوين ، يمكن دا انا منتبه له من زمان ويمكن صراحتي طعمها وحش لانها زي الحقيقة مرة جدا ولكن ميهمنيش كل دا يهمني اكون ماشي في طريقي مكمل ناحية حلمي وبسعي بكل طاقتي عشان اوصل لهدفي ، مبعرفش الاوع ، من شوية حد بيكلمني علي ميعاد نتقابل وقعد ينبه عليا قلتله والله لو مش عايز اقابلك عمري ما هديك كلمة ، انا كلمتي بتبقي واضحة ورغبتي معلنه ، يمكن اكتر حد اتفاهمت معاه في حياتي وقدرت اتواصل بشكل مباشر كان نفس الحاجة ، مباشر ين بنفس الشكل وواضحين وفي صراحة ومفيش حاجة تستخبي ، كنت بتناقش امبارح في اهمية النقطة دي وفي نقطة ان كل حاجة بالنور اكثر وضوحا وراحة ، التفاهم والتفاق بيكون زي العسل لما بنرسح نفسنا واللي قدامنا ،

امبارح سمعت تعليق عليا اني تقريبا اتغيرت تماما وانا ذات نفسي مش مصدق لا اللي وصلتله من خير او شر واللي وصلتله في حياتي ولا تغيير شخصيتي وحياتي ، تقريبا بقيت السوبر كوكو زي ما كنت بتريق زمان

انا الحمد لله حاليا بخلص كل حاجة عشان افرض حالة السلام بدون وش وصداع في حياتي من اي حته ، اخلص كل مشاكلي في خلال كام يوم واقعد اتمتع بثمار الهدوء والسلام والسكينة ، معدتش مستني اي حاجة غير اني ابقي كويس وبس ، مش عايز اي حاجة تانية غير حبة الروقان دول ، حاجات كتير بتمثل للناس اهمية بس بالنسبة لي لا تمثل شيء ، مبسوط بالوضع والحال والاحساس والفرحة والعيشة واللي عايشينها وبالسكينة والراحة دي ،بعيد عن المفروض واللي حصل والي بيحصل قدرت اخلق لنفسي مربع ذهبي والحمد لله 

بحب اكتب واحب افرح ولو بابسط الحاجات واحتفل كل شوية بحاجات عبيطة واخيرا ربنا كرمني واشعدني ونولني كل احلامي وامنياتي ، فرج من ربنا ونصر عظيم 

خلينا نكمل ايامنا بهدوء وشوية ضحك ومحبة وراحة بال و روقان وصراحة ومباشرة ومعاشرة ناس بتعرف وبتفهم في الكلام العبيط بتاعي دا ، خليني استقر زي ما بتمني وانا بخلص كل حاجة علي الهادي 

يارب الف حمد لك يارب 

الأربعاء، 10 أبريل 2024

ليلة العيد ياحبيبتي

 كل سنة وكل عيد نفس البوست مزهقتش من الحب والحياة مزهقتش من الفرحة والأمل في بكره مزهقتش ولا زعلت ولا تعبت من فرحتي ببكره ولا زهقت من الحلم ولا راح من العمر ولا الوقت الباقي قليل، ثواني ايه العك دا البوست مش عني اساسا 😀

خلينا نحلم

عزيزتي ، سوري حبيبتي 

معرفش انتي فين ولا مين ولا اعرف فينك دلوقتي ، بتاكلي بطيخ ولا مانجه ولا ايه يا احلي مانجه ، مع فش يا عسليه اسمك ولا شكلك ولا اعرف نايمة ولا صاحية 

لكن بكره العيد 

كان نفسي نتقابل كام شهر بدري ، تبقي موجودة في حياتي ونفرح سوا ونرتب للعيد 

نشتري اكل مخصوص وفطار حلو ونستعد ليوم العيد واحنا شغالين ، قبلها بكام يوم هحضر كام طلب اونلاين وهاخدك واشتريلك احلي لبس ل الليلةوتاني يوم برده لبس عيد بقي وكدا 

هاخدك وافرحك بكل اللي اقدر عليه هنسهر ناكل مكسرات وبطيخ ومانجه يا مانجه ، هتنامي علي كتفي واشيلك  والاقي حد يطبطب علي روحي ويحن عليا بدون مرار ويفرحني ويسعد قلبي ويطمني ، 

هندهلك كتير لحد ما تتجنني واقولك بحبك اكتر يمكن عشان تامين لاوقات الزعل عشان لو مقدرتش اقولها وانا زعلان ، هجيبلك هدية بمناسبة ان رمضان خلص وادعي زي ما بدعيلك علي طول وابوس راسك الصبح واحنا بنلبس ورايحين نصلي العيد سوا ، هبتدي غشلي متاخر ساعه ايه المشكلة ، او ساعتين كمان وهاخدك ونصلي سوا ونتمشي سوا ونشرب قهوه ونروح الجنينه ونشبك ايدينا ومهما كانت حالة الجو هنجيب ايس كريم ، عارف انها ساقعه شوية علي كدا 

بس اهوه احلي من كل حاجة هوا وجودنا ، نخلص الصلاه ونخلص لف ونفطر عالسريع فالبيت وهروح اخلص شغلي والتاسكات بسرعه واستاذن بقية اليوم او اخرج واستني نتكلم سوا 

هفرح بيكي زي يوم العيد واكتر شوية ، هطير بيكي حلم استنيته وصبرت عليه سنين وسنين 

مفيش احلي من قلب حنين يراعيك وحد متهونش عليه وبيتهيالي مش هسيبك مهما كان حتي لو فيها الموت 

هنخرج ونقضي وقت في مكان مفتوح قبل ما اخدك بالعربية مكان حلو نتغدي فيه ونفطر سوا تاني وتالت قبل الغدا وناخد السيلفي اللي بتحبيه عشان تطبعيه وتشيليه علي التلاجة 

انتي حلوة واحلي من اي حاجة في الدنيا ويمكن اماني ووجودي جنبك يفرحني اكتر من اي حاجة خلقها ربنا 

اوعدك وعد ميتكسرش وانتي عارفه وعودي 

هخلي النور مني ومنك يساع الدنيا وينور الوجود كله 

هحكيلك حكايات وهفرح قلبك وهطمنك 

حبيبتي البعد وحش ، معرفش هقابلك امتي وفين ولا اعرف حتي انتي مين

لكن يشهد عليا ربنا بحبك اكتر من النفس اللي بتتفسه وعندي استعداد اسعدك بكل شكل وحال واحقق امانيكي الحلوة واللي بتفتح نفسك علي الدنيا بكل شكل 

مش عارف اقولك ايه بس العيد بالنسبة لي جنة وانتي جنتي 

يارب يخليكي ليا ويسعد قلبك وقلبي 

صحيح

هبعتلك عيدية علي البنك وهبعتلك عيدية علي كل حساب وهديكي عيدية واجيبلك حته دهب حلوة تشخلل عشان تشخللي وانتي بتقطعي البطة ياعسلية انت ياقمر 

الحمد لله اللي هيجمعنا وجمعنا في قلبي ونور حياتي بيكي من قبل ما تيجي الحمد لله اللي شفاني وعافاني وكفاني شر الناس 

الحمد لله اللي انقذني ونجاني 

الحمد لله العلي العظيم الرحيم 

الحمد لله عليكي يا اعظم نعم ربنا عليا ويارب يخليكي ليا يارب 

هابي عيد ياروح القلب 

السبت، 6 أبريل 2024

توقعات وحاجات فوق بعض

 الخيانة وحشة ، فعل قبيح مهين مزري مقرف ، مقدرش في يوم من الأيام أغير المبدأ دا مهما جري او حصل في حياتي بأي شكل 

من زمان من أيام الشقاوة والصياعة وانا المبدأ دا ثابت عندي 

لكن النهاردة هحكي ازاي وقعت فيه زي العبيط 

خلينا نحكي الحكاية من المكان والتوقيت اللي ينفع تتحكي فيه ونشوف الخيانة كانت ازاي وللاسف مش ندمان ولا زعلان لانه مش طبع فيا لكنه طبع في كل البشر مش رجالة ولا ستات بس 

من فترةدخلت نقاش طويل عريض اتقالي فيه ان احد اسباب ان الجواز بيبوظ هي التوقعات فسالت ازاي ؟

اتقالي 

ببساطة يا كريم الراجل عنده توقعات واحلام كتير جدا عن الحياة والست كذلك ، الراجل بيكون مستني الحياة الحلوة والست الهادية اللي بتراعيه وتحن عليه وتديله اهتمام وحب بلا حدود وبتسهر علي راحته وبتطبطب عليه وتراضيه وتبقي رقيقة وتحفظ لسانها ونفسها وسر بيتها وتسانده في حلمه وامنياته وتراضيه وتسعده ، الراجل بيكون عنده صورة منقحة مكونة من كل احلامه في الشباب والطفولة ولقطات كتير متجمعة ومن كل الستات الحلوة مع اجوازها و من كل المواقف اللي شافها عالنت والسوشيال والفيديوهات والافلام الاجنبي والعربي والدلع في كل اللقطات دي وضيف عليهم اكل بيحبه من ايد امه وفوقهم حنية من اخته وعلي شوية بقي مورنينج تكست من حبيبته وزود عليهم بقي احلام المراهقة واديها بقي شوية حلوين كدا من صباح الخير يا حبيبي علي كلمتين طيبين من الدين عن الست وواجباتها وفوق كل دا شوية كمان بقي من صبر الست اللي في خياله عليه وقت تعبه ودعمها له زي فاطمة كشري واديها بقي فوق كل دا  جمال حبيبته  اللي هيموت عليها في الخطوبة ومش طايلها وتضرب دا كله في الخلاط

هي دي توقعات الراجل 

البنت بقي بسيطة خالص : دلع ابوها وكرم اخوها و حنية صحابها عليها وجدعنه ناس تعرفهم وموافق ناس شافتهم في الحياة علي شوية تصورات عن الحب من الافلام والمسلسلات علي حبة روقان كدا من احلام الطفولة وزود عليها محبة ابوها ليها وعلي شوية من هنا ومن هنا من الكام مليون معجب والناس اللي بتوعد وبتجري وهي بترفضهم لكن بتقبل احلامهم بس مش بتقبلهم هما وتحب فيهم صفات وخصل وتصنع الراجل المثالي ، طريقة ابوها في الحياة علي التزام ابدي دايم من اهلها تجاهها تبص تلاقي صورة للراجل ملهاش زي 

وهي دي توقعات البنت 

التوقعات دي بقي يا سيد كريم بتعمل صورة في خيالها عن الحياة ، في الاول كل واحد بيدي احسن ما عنده  وبعد شوية بيبتدي يقارن ويلاقي نفسه مش قادر يفضل يمنح ليل نهار بالشكل الرهيب دا ، هوا كل واحد وواحدة بيكونوا مستنيين ومش بيعبروا ويقولوا عايزين ومحتاجين بيعتبروا دا ضعف وغباء وعايزين الحاجة تيجي لوحدها ودا غباء لان ببساطة لو عمرك ما قلت الاكل ناقص ملح هتفضل تاكله طول العمر دلع ، انا هعرف منين انك بتحب الملح او تكرهه بدون تعليق ، في المشاكل كل واحد بيكون عايز يجري علي طول يخلص المشكلة ويعديها ومش مهم بقي الحل اراضي الطرف التاني ولا اقوله ايه ، المهم هو بس ان اليوم يعدي وفاكرين ان الحياة هتستمر وكل واحد مخبي توقعاته ومخبي نفسه في ايه ومخبي احتياجاته 

وهنا بقي تلاقي تلاتين قلم علي قفاك فجاة ، اللي قدامك مش بيبطل ياخد لا وكمان عايز زياده ومش بيديك اللي نفسك فيه وانت ياعيني بتتحرق في صمت واللي بتاخده مش كفايه فبتبطل تمنح وتبطل توفي اي حاجة وبتركز بس في اقل القليل اللي يخلي وشك ابيض قدام ربنا لحد ما في طرف ينكسر وطرف نفسه تتسد ووكل واحد خلاص مبيبقاش عايز البيت 

طيب فين الخيانة ياعم كريم ؟ 

وانت ازاي وقعت فيها 

اقولك انا 

انا وقعت فيها لما عيشت فترة طويلة اوي في قصة حب من طرف واحد مع بنت جميلة ، احلي من نور الشمس واحلي من انك تصحي الصبح علي كلمة حلوة وبوسة ، بنت تنور الدنيا الف مره ضحكتها زي شروق الف شمس وابتسامتها وضحكتها تخليك تفرح كانك لسه طفل وليد بيبتسم بصفو  نية وقلب صافي لأمه حبيبته ، عينيها تدوب قلبك بنظره وتشدك من اخر الدنيا علي قفاك وتجرك متقدرش تهرب منها ، بنت حبيتها كانها هي البنت الوحيدة في الدنيا ، مهمنيش اي حاجة في الدنيا غير رضاها ولا فرحني شيء في الدنيا قد مسكة ايديها ، بنت بتنور حرفيا ، مليش عذر بنت كلامها بلسم وصوتها وهي بتقول : ايه يرضيك او وهي بتقول : حاضر وبحبك ووحشتني ، بنت يقف الغزال يشرب من كف ايدها ويتمسح فيها من طيبة وبراءة قلبها ، بنت غيرتها نار تولع الدنيا و عقلها صغنن شوية بينور بيك وبكلامك وبتحب افلامك والسينم بتاعتك ، بنت تبقي ملاك نزل من السماء عشان تحتويه وتفرح قلبه وتصونه وتشيله في عينك ولا دلعها اللي ملوش زي 

انا كنت عايش قصة حب مع البنت دي ، مع صورة من نفس الشخصية بس من زمن فات ، صورة بهتت ومتبقاش منها حاجة غير لخبطة الغربة والزعيق والخناق والقفش وحاجات كتير 

نسيت زي اي راجل واي شخص ان الانسان بيتغير مع الوقت ولازم تقبل اللي قدامك علي الترابيزه وتكون صريح وواضح وبرغم صراحتي ووضوحي الا اني قضيت ساعات قاعد مبحلق في الشات والصور والفيديوهات والكلام اللي كانت بتبعته وتقوله ، مبطلتش لحظة ابص لها واقرا كتبتلي ايه 

في حين اني معايا نفس النسخة ونفس الشخصية لكن مخي عطلان مع التوقعات وضيف عليهم حبي الرهيب الفشيخ لبنت كبرت ونضجت وبقت بتعور وعايشة معاك تتخانق وتعمل مشاكل ولها توقعاتها 

يعني مجرد محبتك لنسخة قديمة من الشخص اللي معاك خيانة 

ساعتها كنت فاكر ان دا هو الجوهر والاصل وغاب عن عيني مفهوم الانسان اللي بيكبر ويتطور ، وكنت مصمم اوفي بكل توقعات الطرف التاني في ظل طروف صعبه ، انا عن نفسي مش ندمان علي الخيانه دي لان بصراحة كدا ربنا مش هيحاسبني علي ساعات قضيتها بقرا في شات قديم ، هي هي نفس البنت اللي معايا لكن انا عايش مع النسخة القديمة في خيالي وبستناها تسعدني وتنور وتيجي تبسطني وتسعدني 

يعني انت خنت ولا مخنتش؟ 

لا عمري ما خنت ، كنت بحن زي العبيط لايام الحب والدلع والفرحة والبنوته الصغيره اللي كانت بتجري عليا وتفرحني 

بالرغم من اني عايش معاها 

هي دي تتحسب خيانة ؟ انك تفضل راهن حياتك ومستقبلك لنفس الشخص وفاكر له كل حاجة لان العمر عندك له قيمة ؟ هل خيانه انك تفضل مفتكر لحظات الحب والدلع والشوق والرسايل والرغي ،والمشي والهزار والضحك والفرح 

تتحسب خيانة دي لما تحب نسخة من نفس الشخص اللي معاك وتوحشك عشان صعان عليك ان الحياة دمرت الشخص اللي معاك وبتدمرك كل يوم ؟

لكن كل يوم كان بينقص مني حته وروحي بتنطفي شوية بشوية وبينطفي معاها وجودي وهي كمان بتنطفي  وبتعب اكتر وخلقي بيضيق اكتر ونفسيتي بتدمر اكتر واكتر وبدور علي راحتي وعلي حبيبتي ومش لاقي غير المشاكل ومرضي بيزيد وضعفي تجاه الحياه بيزيد وتجاهها لاني عايز اراضي الشخصية اللي قدامي عشان البنت الصغيره تطلع تلعب معايا زي ما اتعودت وزي ما نفسي لكن مش طايل ، الموضوع ملخبط لكنه حقيقي 

حقيقي انك تفضل في سجن توقعاتك واوهامك 

وطبيعي ان تفضل تفتكر لحظات الحب الاولي لكن بالنسبة لي كنت قاعد ليل نهار بدقق في كل اللحظات بكل شكل عشان ارضي نفسي واصبر نفسي 

لحد ما تعبت

في النهاية التوقعات وحشة ،مينفعش تسيب نفسك ليها ، يمكن اتعلمت حاجات كتير اوي من حياتي السابقة ويمكن هاخد بالي في كل احلامي الجاية عشان مقعش في الكام مليون غلطه ، هفضل اتعلم واعيش واحاول ابني وادور علي حلم جديد 

الحمد لله ان كل حاجة انتهت وخلصت ودا كان درس صعب من ربنا عشان الواحد يكبر ويبقي بالمنظر دا دلوقتي مش ندمان ولا حزين والله بالعكس فرحان جدا جدا جدا باللي وصلت له

الحمد لله رب العالمين

وختاما حابب اقول اني الحمد لله لاول مره من سنين رجعت اكتب علي انغام موسيقي بسكاليا لراجح داود 

واني خلاص كلها يومين واحقق اكبر انتصار في حياتي ومفيش انتصار اعظم من دا حققته وهوا معركتي مع المرض 

انا سعيد جدا باني خلاص ببعد عن الادوية وبخف وبستقر وبهدي وبفرح وبكون سعيد وبدور علي حلم وحياة جديدة والمرة دي وانا متعلم كل الدروس دي 

الحمد لله

عارف انها مش معركتي الوحيدة دلوقتي ومكنتش عايز احارب اي حاجة كان ممكن اعمل كل حاجة بدون معارك ولكن دا قضاء ربنا 

ولكن المرض هيفضل يعاند معايا وعارف هيخلص ويرجع في اي وقت لكن ربنا هيساعدني اقف علي رجليا بدل المره مليون واللي معاه ربنا يمشي علي الميه

وعارف برده اني اخيرا حاسس ان انا موجود وعايش وحقيقي وسعيد وراضي 

كأني كنت في غيبوبة وصحيت والحمد لله

لكن صحيت انا 

كريم اللي عقله يوزن بلد ورايق وهادي ومعاه فلوس ومش خايف من حاجة ومعليهوش ديون وله قيمة وقامة ومحقق احلامه 

مبسوط اني قابلت كريم تاني 

وان الطفل الصغير اللي جوايا بقي مبتسم وسعيد وبيحبني وبيفرح معايا وعايش بسعادة 

وفوق كل دا راضي 

والاهم 

لسه بيحلم

الخميس، 4 أبريل 2024

رجعت

 عدت من المعارك 

راضي 

عملت كل اللي في وسعي 

مفيش باب مخبطتش عليه 

استحملت كل الاذي بما فيه السجن اللي مكنتش استاهل فيه حكم واهانة 

حاولت كل المحاولات 

كفرت عن اي ذنب وبذلت كل مجهود 

عدت راضي ، دا مش نصيبي لو كان نصيبي كنت خدته زي اي شغل او فلوس او رزق ، طالما مخدتوش يبقي مش بتاعك

عمل كل حاجة وقرت كل لحظة حلوة واشتريت كل الناسباغلي ما املك ، سنين انتظار 

خلاص 

معادش في حاجة تتعمل ، معادش في وسيلة ، معادش في مودة ورحمة معادش في ذكري حلوة او عشم 

طهرت قلبي وحياتي 

كان لازم يحصلي كل دا عشان ارضي واتنازل ، كان لازم اكلم الاهل نفر نفر ، كان لازم اتنازل كان لازم اضحي كان لازم احاول عشان مجيش قدام اقول معلش الغلط عليا اصلي محاولتش ولا اندم علي حاجة 

مفيش حاجة ممكن يعملها انسان الا وعملتها وبكل قلبي ومشاعري وجوارحي ولكن مكانش في نصيب 

الطرف التاني كان عنده حاجات اهم من البيت وحياة مستقره واسره 

حرية وهم مش حقيقية في مجتمع مليان نفاق 

فلوس وشغل واقامة في بلاد التلج 

منظر وقيمة وحاجات ملهاش لزمة

اللي له قيمة فعليا اللي هيقف قدام الدنيا عشانك واللي هيضحي ويتعب سنين عشانك ويصالحك ويراضيك ويسايسك ويحبك ومتهونش عليه وبرده يفضل يراضي فيك ، التقدير الزايد والمحبة الزايدة والحنية الاوفر عملت فيا كل دا 

هل انا غلطان في دا ؟ لا 

لان كل دا حلو مع اللي يستاهله ويقدره ويحافظ عليه ،

اللي ميرضاش يشوفك تعبان ويقف مكانه واللي ميرضاش يشوفك بتترحل او بتعاني او في مستشفي او في ازمة او في مصيبة 

اللي ميرضاش عليك كلمة وحشة ويصون العيش والملح ويذكرك بالخير حتي لو مبهدلين بعض 

زمان كنا بنبقي متخانقين واشكر فيها قدام الناس ويتقالي دا نفاق ومنظره متعرفش ان دا الصح ان دا اصل وتقدير ومراعاه للعشرة

انا الحمد لله بعد كل مجهوداتي دي فهمت ان البعد والقسوة كان هدفها البعد فعليا مش دلع ولا عقاب ولا تعزيز ورفع قيمة ولا حتي لعبه عشان تنتصر فيها 

مفيش حد بيحب حد ويسجنه او يفضحه قدام الناس او حتي يقول عليه كلمة وحشة او يدوس علي كرامته ولو حتي بينهم وبين بعض 

الحب مفهوم كبير اوي وانا للاسف كبرته فوق قيمته بكل شكل 

والله ما زعلان ولا ندمان ولا حزين ولا حتي لحظة واحدة علي كل المجهود دا ولا علي الانتظار ولا علي الصبر ولا علي اي حاجة حصلت لي باي شكل والله خالص 

بالعكس 

يعلي قيمتي في نظر نفسي محبتي لبنت اعرفها من سنين من ايام ما كانت كتكوتة وكنت بعلمها كل حاجة لحد ما كبرت عليا انا واتكبرت عليا انا ونسيت سنين وسنين 

عقلي كان واقف قدام البنت اللي شفتها اول مره وحافظت عليها عقلي كان عاجز ومش راضي يفهم ان الناس بتكبر وتتغير وتتطور واقول لنفسي يمكن تتغير ما انت اتغيرت 

في فرق بين انسان عنده انك زايتي وديبريشن بيخف زي حالاتي كدا وانسان مفاهيمه غلط و افكاره بتعتمد علي الناس والسوشيال ميديا والمظاهر وكدب ونفاق اللي حواليه 

والله العظيم ما زعلان بالعكس 

هتبقي قصة حلوة احكيها لولادي في يوم في بيت هادي ومشتقر وزوجة طيبة وحنينة بتصدقني ومآمنه فيا وشارياني وعايزاني وبتدعمني وتحبني بجد بدون اي تدخل من اي حد ، وهيبقي بيت جميل وونس يدفي ال وح ويريح القلب ويتعافي كل جروح القلب 

هقولهم يا ولاد حبوا وعيشوا الحياه بصدق متخلوش الحياه تكسركم ولا معادن الناس وافعالها تغيركم ، هقعد احكيلهم واضحك مع امهم علي سنين التوهة والمرض واحكيلهم ازاي نجحت في ظل ظروف زي دي 

هقولهم يا ولاد العشره والعيش والملح والاصل وهيبقي بيت علي ارضي الجميلة بيطل علي جنينه زي ما بحلم وفيه شجرة زيتون ومانجو وبرتقال وليمون وكل الشجر المعمر اللي بيقول ان البيت دا فيه دفا وامان وحنية وحب وعشرة ومودة ورحمة

كل اللي فات خد مني سنين فاتت لكنه مش هيعرف ياخد الجاي لا بالاثر ولا التأثير ولا حتي باي شكل 

خسرت شوية حاجات مش مهم وكل حاجة هتتدفع في ميعادها وخلاص هيبقي حياتي ملكي الشخصي انا ومراتي وبيتي مش ملك حد تاني مش راسم لي حتي خطوه في خطته 

الناس بتتعب وتسافر وتعاني وتعدي بلاد عشان حب زي دا وانا ابقي حمار لو اديت فرص او رميته علي الارض لحد مش فاهم اصلا ولا مثدر ولا شايف 

عارف اني عندي عيوب لكنها زي اي حد فيه عيوب عادي بتتصلح وبنتعايش ومره نعدي ومره نصالح ومره حضن ومره كلمة خلوة والحياة بتمشي 

مش زعلان علي العشرة ولا علي كل التعب ولا كل الذكريات ، كنت في غيبوبة وفقت واوقات التعب والوجع الشديد عندي ناس تقف تطمني وتطبطب عليا وتسندني واعدي كل دا ، صحيح تعبان بس بخف وكلها خلاص كام يوم واحتفل باعظم حدث في السنتين دول 

انا اشتريت كتير وقدرت كل حاجة فوق الوصف وعملت كل اللي في طاقتي وقدمت كل عروض الصلح وتعبت عشان اشتري بس خلاص 

مفيش فرص تاني 

مفيش امل تاني في ان الميت يصحي ولا ان حد يقدر الحب والشخص النقي اللي قدامه 

زمان كنت عبيط فاكر ان لما يبقي معايا فلوس مش هيبقي في مشاكل وكل حاجة هتتحل لكن الحقيقة ان المشكلة مكانتش في فقري ولا في ضيق الحال بالرغم اني كنت بجيب وبعمل كل حاجة ومش بتحشر في رزق حد لكن اتضح لي ان التواصل والتفاهم والتقدير والحب والمودة حتي في الخناق ضرورية

انا كنت مريض بالموضوع دا عشان بقاله سنين وسنين 

لكن ربنا رحمني ورحمته واسعه واعطاني كل العمر الجاي وكل الرزق الجاي عشان ابني بيت جديد وانبسط واعيش 

فلوس كل حاجة موجودة ومرصوصة ومحطوطة وجاهزه للتسليم في يوم الدفع ودي حاجة مش قلقاني وفي قد كدا اضعاف والحمد لله كرم ربنا واسع 

انا في نعمه عظيمة اسمها الفوقان وتقدير الذات 

مينفعش اتحايل علي حد عشان يفضل في حياتي او يكون معايا 

مينفعش اضحي لحد مش شايف 

مينفعش اقدر حد مبيقدرنيش 

مينفعش اجري ورا حد مش فاهمني ولا فاهم انا بتحرك ليه وعشان ايه

انا دلوقتي عندي امل في بكره بدون كل اللي فات في مستقبل في بيت دافي وناس بتحب بعضها فاهم مع بعض 

دلوقتي بس ادركت نعمة ربنا عليا 

الحمد لله

انا في نعيم وقفلت الباب ورضيت يارب وسلمت امري ليك ووالله يارب وعزتك وجلالك راضي جدا ومش هسمح لحد تاني يدوس عليا او يلاعبني او يلعب بيا و يضحك عليا او حتي يدوس عليا 

والله يارب هحافظ علي نعمتك وهطلع جري علي بيتي واولادي وزوجتي وابني لهم المستقبل والحياة والدفا والامان

وهي دي اهم حاجة في الوجود 

الباقي كله زايل 

والحمد لله علي نعمة البصر والبصيرة والرزق الموجود عشان اسدد الدين دا واخلص منه 

بقالي سنة ونص مستني اللحظة دي اللحظة اللي اسدد فيها فيخلص كل دا واقدر ابتدي حياه بسهولة واعرف ان اللي فات خلص وخلاص معادش في امل ولا فايدة والحمد لله ربنا كرمني وحصل وعرفت ان كل حاجة انتهت ودلوقتي مش هعرف الوم علي نفسي ولا اشتكي ولا اقول الناس بوظت موضوعنا ولا اقول الحب هينتصر ولا اقول هي راجعه ولا اقول بتحبني 

دلوقتي هقفل كل باب وانا متطمن اني عملت اللي عليا وزياده وضيعت سنتين تقريبا بحاول استعيد الموضوع ولكن علي راي حد قالها مرة ، كل اللي فاتك مش رزقك فالحمد لله انه معادش رزقي وهقبل وارضي وابني من جديد ونقطة ومن اول السطر 

الثلاثاء، 2 أبريل 2024

صورة وآراء

 الحق مفيهوش رأي لكن كل صورة او موقف في الدنيا كل واحد بيشوفه من ناحيته وبطريقته وبخلفيته وثقافته وتجاربه ، ممكن اتنين يقفوا قدام نفس الشيء وكل واحد يشوف حاجة مختلفة والاتنين مش غلط والاتنين مش صح لكن الحقيقة واحدة ممكن يكون حتي الأتنين مش شايفينها ، ومفيش حد طول الوقت صح ولا حد طول الوقت غلط 

———

- كريم عايزه كذا 

- والله ما معايا 

* هل كريم بخيل ولا ممعهوش ؟ هل تجارب وافعال وتصرفات كريم في اللي فات كله كان بخيل ؟ ولا كان بيتداين عشان يراضي وبيبذل أقصي مجهود وبيضحي بعمره ودراسته ومستقبله وحلمه عشان يراضي الناس ؟ هل دايما كان بيحاول بكل شكل يظلم او يسرق او يشتغل في الحرام ولا كان ماشي بما يرضي الله ؟ دي القصة كلها 

هل كل تجاربنا معركريم بتقول ايه ؟ 

———

- كريم انت بتدايقني 

- وربنا ما قصدي ولا في نيتي 

هل كريم شخص مؤذي ؟ هل كل تعبه وشقاه عشان يرازي في حد ؟ هل كريم حنين ولا لا ؟ هل كريم مش بيهون عليه وبيدلع ويسايس وينزل يشرب سيجاره ويطلع يدلع ويصالح ويراضي ولا بني ادم مجنون ؟

———

- كريم انا زعلانه منك 

- من اير ما توضحي ولا تقولي هديكي حقك واراضيكي زي ما اتفقنا من اول يوم وهصالحك وبعدها نتفاهم 

هل كريم قاصد هل كريم فعليا بيزعل حد ولا بيكشر ويبوز لما حد يدوس عليه وياكل حقه او يطلب حق مش حقه ويجبره علي حاجة ؟

——

انت شايفها قصة حب سنين وبنت اتربت علي ايدك ومعاك وفي حضنك وقفل والمفتاح بتاعه ودفا وامان وثقة وحب وعشق تاريخي مبيحصلش كتير غير مره ف يالعمر وبيت وونس واولاد نفسك فيهم وحنية وكل حاجة حلوة

وهما شايفنها جوازة وطلاق وشكرا 

انت هتقدر تمنح كل دا وتبني لان الورق سهل والجواز سهل لكن العشرة والحب والحنية والتعامل الحلو واللي كنت بتعمله اغلي مليون مره من اي حاجة تانية وفي ناس بتفني عمرها عشان تلاقي حد يحبها او يحن عليها كدا او حتي يتعب عشانها لللدرجة دي ويبقي حقيقي للدرجة دي ودا اللي اكتشفته ، محدش زيك واللي بتقدمه ولو بس من ناحية المشاعر والونس والرحمة والحنية اهم مليون مرة 

انت اللي رومانسي والحمد لله علي نظرتك 


وفي كل الاحوال النظرتين مش فارقين في خيانة الامانة والظلم وبعد الصبر والمحاولات دي كلها 

من آمنك لا تخونه ولو كنت خاين 

——-

بقعد افكر كتير بلاقي اني في كل موقف مهما كان تافه كنت بتصرف التصرف السليم الهادي الطيب الحنين العاقل ، لا عمري طردت حد من البيت ولا شتمت ولا ضربت ولا افتريت 

بلاقي ان كل حاجة عملتها ربنا شايلهالي في كتاب عنده بتترد لي مع الوقت وهيراضيني ببنت الحلال ويجبر بخاطري بعد طول شقا وغربة ووحده ، حد يشتريني بتعبي واديله اعظم حد اقدر اقدمها لشحص في الوجود ، قلبي وحنيتي ومحبتي 

——

هل كريم يستاهل الفضايح ؟ وان الرايح والجاي يتكلم عليه وعلي بيته في كل حته ؟ هل ينفع ان اسرار البيت تطلع برا ؟ هل دا عدل ربنا ؟

هل كريم يستاهل السجن والبعد عن وطنه وارضه واهله ويعيش متغرب ؟ 

هل كريم وحش للدرجة دي ؟

الاجابة اكيد حقيقتها عند ربنا 

يمكن عشان كدا ربنا بيقول ان من انفسكم اتخلق لكم ازواج ، هتاخد الشخصية اللي تركي علي شخصيتك واللي بتركب علي شخصيتك بهدوء ، 

في بعض الاحيان بيكون الوضع ان حضرتك بتكون ممتاز لكن بتقع في شخصية متفهمكش ، مهما كنت ممتاز فبدون تقدير هتتشاف وحش 

مهما كنت كويس طالما في اطراف كتير في العلاقة هتتدمر وتبوظ ، اي علاقه لها متابعين بتخرب ، يمكن عشان كدا علاقتنا استمرت زمان سنين في ظل ظروف زي الزفت 

بقعد افتكر اول تلات ايام في اسطنبول كنا سعدا وفرحانين جدا لحد ما اعلننا اننا سوا ، بفتكر مواقفنا الحلوه والطبخ والبوتجاز رالشوبينج والخروج وكل حاجة ، كانت جنتي اللي الناس دنستها 

طول ما في ناس في النص كل حاجة هتخرب 

انا معادش عندي امل واحد في المية في حاجة ويشهد ربنا علي كلامي ، فقدت الامل والرغبة في اي شيء ، كله طار بعيد معادش في امل ، والناس كدا كدا بتشعلل في النص 

في كل الاحوال هدافع عن نفسي وهدافع عن حقي وحياتي ورغبتي في اني اعيش والحمد لله ربنا كرمني وعوض صبري خير في كل حاجة والحمد لله كله استقر والنفسية بقت تمام والشغل كويس والدنيا حلوة وبقي عندي اللي مش عند حد ، وربنا كرمني بالسلام والاستقرار والهدوء 

انا معدتش زعلان علي حاجة ومعادش فارق معايا حاجة وحتي الامل البسيط في خير معادش موجود وحتي الامل اللي كنت عايش عليه ضاع ودا من كرم ربنا 

علي رأي ما قالت فيروز : زاهدا فيما سيأتي ناسيا ما قد مضي 

مش المره الاولي اللي اعيش فيها حياة كاملة واتخطاها واعدي وابتدي من جديد ، فات سنين وعشنا 

انا هدافع عن نفسي ضد خيانة الأمانة وهاخد حقي من اي ظالم ومش هسمح لحد يدوس عليا 

حتي لو في حب ، اتعلمت ان مسمحش للحب دا يخليني اتهان واتبهدل ، 

كان كل حاجة سهله تتحل سواء تتحل عشان نعيش او عشان كل واحد يبعد ويمشي في طريق ونبقي ناس محترمة تراعي ربنا في بعض 

لكن خلاص متبقاش حاجة خالص 

والحمد لله ربنا كرمني بمعادن كويسة في ناس كويسة ، ناس مبتنقلش كلام ولا تكدب وناس صريحة وبتقول الحق وناس مش فاضحيني وبينقلوا عليا كلام في كل حته وناس بتراعي ربنا وبتقول الحق 

الحمد لله رب العالمين


الاثنين، 18 مارس 2024

مودة و رحمة

 وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ


الحمد لله


من أنفسكم … 

مودة ورحمة 

بالفضل لا العدل 

الحمد لله

الأربعاء، 24 يناير 2024

الحمد لله رب العالمين

 الحمد لله رب العالمين


الاثنين، 22 يناير 2024

Day 1001

 مخي مشلول ،الهدية وصلت ، مخي هينفجر ، فجاة هدوء شديد ، فجاة تعب، فجاة مبلم، مش عارف ازاي كل دا حصل ،مش عارف في ايه، مش عارف ليه،متخلف او غبي او اهبل يمكن ، كنت فاهم غلط ، كل حساباتي باظت، كل حاجة باظت، اليوم بلا وطن بناء علي مكالمة جاتلي، اليوم في حاجات بتعافر فيا عشان تعيش من ضمنهم الامل، بس مظنش عاد في امل ، معرفش ، عمري ما حكيت ولا شكيت لحد،عمري ما دخلت حد حفاظ علي بيتي وسر بيتي ، النهارده مفضوح وسري مكشوف وقلبي مكسور ، معادش في اهل تاني يعني خلاص …؟ معادش في امي ابوس ايدها واحضنها؟ طيب معادش في دفا بيتنا؟ معادش في نيل ؟ معادش في فايده؟ معادش في حب بيقهر الزمن والزعل والخصام والقضايا، كنت بجري زي المجنون فاكر ان كل دا هينتهي وانها زعل وهيخلص وقلبي بينط من صدري مع كل محاولة

معادش في حاجة كدا خلاص ؟ مش قادر اكتب تاني ، يمكن دا أسوأ عيد ميلاد وأسوأ يناير عدي عليا في حياتي مفيش أسوأ من كدا ، تقريبا كدا متبقاليش غير شوية الحاجات اللي هنا ، معادش في غير اني اشتغل زي الحمار واعيش والسلام، مفيش ونس ولا بيت ولا اهل وا فرصة ولا اي حاجة

طيب 

كنت هموت ونتكلم ونتفاهم ولو حتي باي شكل 

بس معادش في فايده اظن كدا خسرت كل حاجة

لسه عارف دا النهارده

خير

Friend

 My best is finally back  aand here ❤️

Than you love 

مكانش ممكن  من غيرك ياجميلة ❤️


لسه عندي يقين وقناعه ان اي حد في مقارنة معاكي مظلوم ومينفعش يدخلها عشان هيتظلم والله

شكرا علي قلبي اللي بينور بعيونك وانتي بتقولي بحبك ليه


الأحد، 21 يناير 2024

Hands

 There are hands 

And


the hands that guide the hands


الجمعة، 19 يناير 2024

مكالمة من معرفة

 حد مهم بحترمه جدا واليوم دول بنبعت لبعض كتير في هواية بنحبها كلمني امبارح قالي اني ماشي اتكلم علي الناس ودا عامل مشاكل وبيتقال عليا اني بتكلم من ناس يعرفهم ان في ناس قالت لهم عليا اني ماشي اتكلم عن حد 

طيب انا اعرف مين او علي تواصل مع مين ؟ 

حرفيا محدش ، قفلت كل علاقاتي علي شخصين بعيد تماما عن كل الناس محدش يعرفهم ومش بحكي معاهم في اي حاجة 

قلتله لو في حد نطق عرفني هوا مين وانا اديله بالجزمة ، اي حد يتكلم عني او عن اي حد يخصني او كان يخصني حتي عرفني مين بيتكلم

انا مش بحكي مع حد في اي حاجة وقافل علي نفسي تماما من سنة ونص ومش بنطق ولا حتي بكلم اي حد باي شكل ، بس هوا كدا الناس في كل الاحوال هتتكلم ، اخلاق القرية اللي الناس عايشة بيها هنا ، مجتمع الفلاحين اللي بيتحشر في كل حاجة وبيولع الدنيا ودا خلاني اشوف شوية حاجات : 

- هي فاهمة غلط او فاهمة صح بس شايفه كريم وحش ومش راضية

- الاهل مشاكل شديدة وبرده مش راضيين 

- الناس في النص سوس وشياطين حرفيا بيخترعوا كلام وبيولعوا النار كمان وكمان و الواحد اصلا منعزل عن كل الناس 

- محاكم ومشاكل في النص 

كل دا ممكن يتحل لو كنا قعدنا سوا لو كان في بيننا طريق او سكة او اي حاجة نقدر من خلالها نتكلم او نتفاهم ونحل مشاكلنا ونتكلم بصدق لكن دا مش متاح لان المفروض كريم وحش وبيتعاقب عقاب ابدي وكأنه كفر ، وبالتالي مفيش قعدة ولا كلام وحتي لو كلمت اي حد من الاهل محدش بيدي رد نافع او بيحاول يصلح 

كله خربان ومن كل ناحية ، مفيش صاحب في النص عشان يحل ولا في حتي سكة ولا في اي وسيلة ولو قعدنا كدا في نفس الحال والله لو الف سنة طالما كل دا زي ما هوا كالتالي : 

- طول ما في اصحاب سوس وشياطين وفلاحين في النص تسخن الدنيا 

- طول ما كريم متشاف وحش وكل حاجة عملها وحشة ومنفتكرلوش اي يوم حلو وحد مينفعش نتعامل معاه ولازم نحتقره ونعاقبه

- طول ما الاهل واخدين فكره اني وحش وشيطان برغم ان محدش شاف مني حاجة وحشة

- طول ما هي فاهمة علط وانا عايش عالاشارات والتفسيرات لحاجات ملهاش معني وعايش في الوهم مع نفسي كدا 

- طول ما  هي مش بتحب كريم او مش عايزاه، لان اللي بيحب حد مبيستحملش حاجة عليه

كل السكك واضح انها مقفولة ومفيش فايدة ولا حل حتي لاي مشكلة محدش راضي حتي لو الواحد خسر اعز صحابه وناس كتير ملهاش حصر وسمعته ونفسه ونفسيته وصحته ، وبرده مش كفايه

بطلت اسال واقول ليه كل دا انا عملت ايه مهما كان الغلط اللي عملته ميستاهلش كل دا ، ودلوقتي يتم اتهامي اني بتكلم في كل حته علي حد 

وانا كاتم كل حاجة واشتغلت علي كل المشاكل حليت مشكلة الدبريشن والانكزايتي وحليت مشاكل الشغل والاقامة والفلوس وكل حاجة وحتي الحب اتضاعف مليون مرة ، بس مفيش فايده 

انا حزين اوي علي الحال دا اللي مكانش هيكون كدا لو كان في اي طريق او اي سكة مفتوحة

بس معلش عادي 

المهم ان في رضا ربنا واي فعل بعمله هتحاسب عليه قدام ربنا مظلمتش حد غير نفسي 

طول ما في ناس في النص متتوقعش ولا تفكر في اي خير عشان مستحيل وطبقا لكل شروط الواقع مستحيل تماما ، محتاجين معجزة حرفيا 

تخيل محتاج معجزه عشان تتواصل مع حد ؟

عشان كدا مفيش امل وعشان كدا مفيش حل وعشان كدا لازم نعيش وبس 

نكمل في حياتنا ونبص قدامنا ونعرف هنعمل ايه والحل لحياتي ايه بدون ما ندور علي حلول عند حد 

نستقر ونهدي ونروق ونبص لبكره ونبني من جديد 


الخميس، 18 يناير 2024

يابني …

 …

كريم …

 …

الأربعاء، 17 يناير 2024

قعدنا وكدا

 قعدنا نضحك من شوية في الكوول وانا عمال اقول الحياة بسيطة 

اتضح اني كنت عايش في اوهام كتير 

متكلمناش فيها كلها بس اكتر حاجة افتكرتها بيني وبين نفسي  ضحكتني اني مثلا زمان كنت واخد بالي ان المسافة كلها كليك ماوس 

او ضغطه في زرار الموبايل او اوبشن عالفيس او المسنجر 

ولكني كنت علي حق في ان المسافة قريبه جدا وسهله العبور 

وفي نفس الوقت صعبه ومستحيلة عشان محدش عايز يعدي 

الحمد لله والله

الموضوع بسيط والحياة بسيطة 

وسهلة

زمان كنت بستغرب من فلان بيحب مراته وعياله بس قليل الاختلاط 

وبستغرب من فلان  قافل علي نفسه ومركز في مراته وبيحبها اوي برغم انه واضح انها مش جميلة ولا فيها اي ميزه ولا حتي اسره كبيره ولا اي حاجة بيحبها علي ايه

اتضح ان اللي بيشتري رضاك وبيجبر بخاطرك وبيراضيك  تديله قلبك وعمرك ومشاعرك ومالك وكل حاجة وانت متطمن انه امين عليهم علي حياتك ذات نفسها 

الحمد لله رب العالمين

انا دلوقتي مستعد للخطوة الجاية 

نرتبلها علي الهادي بدون اي حسابات اخري وكله هيبقي زي الفل 

يارب 

الثلاثاء، 16 يناير 2024

يناير والدكتور

 الحمد لله بشاير يناير بتهل علينا 

دا كرم كبير من ربنا وفرج ملوش  حصر 

الصحة بتتحسن وزي الفل وكل الادوية هتبقي قريب مجرد ذكري 

مكنتش قادر استني لحد ما اروح عشان اسجل الانجاز دا 

الحمد لله رب العالمين 

اخلص شوية  الاجاعات اللي ورايا واقعققد اروق واركز في الجاي  

نعمل احلي بلان واقعد  اكتب واقرا شوية

يومك زي العسل يا حلو 

مبروك

الاثنين، 15 يناير 2024

ما بين المنح والمنع

 من العالم الآخر 

مبدئيا انا عارف ان دي تقريبا اخر مرة اتكلم فيها في اي حاجة تخص السيرة دي باي شكل بس عايز اطلع كل اللي في دماغي عشان ابص علي بكره وانا مطمن ومرتاح ومش عايز افضل احارب في طواحين الهوا وفي المفيش كتير 

لان مفيش حاجة تستاهل بني آدم يعيش في كل العذاب والبؤس والتلاعب والانتظار 

لان حياتنا أثمن وأغلي قيمة من إننا نضيعها لاي سبب سواء كان مشاعر او حتي افكار عن الماضي 

وعشان يمكن في يوم من الايام الكلام دا يهديني ويفكرني ايه بعد سنة ونص عملت كل دا 

قبل اي حاجة : 

- الحب قبل كل شيء والحب مش عيب ولا غلط ولا يستاهل اي قسوة او جحود ومينفعش يتقابل باي حاجة وحشة

- انا لسه فاتح قلبي وروحي ومقفلتش ودا مش عشان حاجة غير زي ما قلت الحب 


اتنين عايشين بيحبوا بعض ، علي فرض يعني 

لكن : 

- طرف بيعاني من الاكتئاب والانكزايتي والديون ومطلوب منه دائما فوق طاقته ومهما عمل هوا وحش ومقصر وحرفيا بيحارب عشان يبني مستقبل ومش واخد باله حتي من ان صحته بتروح او بيعاني وعمال يحاول بعزم ما فيه يساعد الكل سواء صحاب او قرايب او معارف او حتي ناس تانية 

- طرف تاني بيعاني من تروما الحياة 

- ايه دا هوا انا عليا مسئوليات ؟ 

- ايه اللي جابني هنا ؟ 

- مشاكل نفسية من اللي حصل في العمر كله وضيف عليها من الناس وضيف عليها من الطرف الاول وضيف عليها حاجة تعتبر مصيبة كبيرة زي السوشيال ميديا والشغل وفي مصيبة اعظم وهي الناس الكتير 

- كل الناس بتصقف لك : انت شاطر انت حلو انت كويس انت تستاهل اكتر  انت جامد جدا انت ازاي راضي بكل دا انت تقدر تاخذ اكتر دا غير تجارب الناس دي سواء منبعها الحب او منبعها علاقات مشوهه بتأثر عليه ، شلل صحاب في البلد والشغل والسوشيال ميديا والاهل والصحاب والماضي ، في دائما input رهيب عظيم يشكك في نفسك وفي الطرف الاول 

- سواء هدفهم الحب او الاحسن او الغيرة منك عشان في ايدك حاجات يحلموا بيها ( زوج بيعظم فيها ويبوس ايدها قدامهم حتي لو زعلان منها ، محبة اوفر وحنية اوفر وحد عنده استعداد يبيع نفسه عشان يرضيها بس ، شغل او فلوس او اي حاجة ، امل في مستقبل احسن و ضحكة حلوة وشكل حلو ، كل حاجة كانت بالنسبة للناس ازاي فلانه معاها كل دا ، نسلطها علي جوزها عشان ازاي تبقي عايشه برا ، ازاي تبقي لاقيه واحد بيستحملها للدرجة دي ، ازاي في حد حنين عليها ، ازاي جوزها بيقولها كلام حلو او حتي بيعلي بيها ) مليون input كل يوم وياعيني الطرف دا متخبط اصلا بمشاكله ومشاكل الماديات ومشاكل البيت العادية

- كل حاجة بسيطة بتتحول لمشكلة كبيرة 

- فاكر لسه مسلسل امل فاتن وانا بتهزأ برغم اني معملتش كل دا : لا سرقت فلوس ولا ضربت حد ولا شتمت حد واتطردت واتبهدلت عادي جدا وشفت الذل بعيني اكتر من مرة 


طرفين كل واحد فيهم تايه عايزهم يبنوا بيت ازاي ؟ 

افتكر كدا اول تلات ايام سوا او اول فتره سوا افتكر كان في مشاكل ولكن كان كله سهل ، دخول الناس والوسواس والشيطنة لكل افعال الطرف التاني خلت كل حاجة بيعملها الطرف الاول شر زي : 

- جابلي هدية 

- خروجة

- فسحة

- سفرية

- كلمة حلوة 

- اي طلب او اي كلمة كويسة 

كل دا بقي شر 

ليه ؟ 

عشان ال input الداخل من الدنيا كلها : جروبات صحاب وقرايب واهل ومعارف و اذي كتير بكل شكل 

في الحالة دي احنا هنجرح الطرف الاول وندوس عليه ولو مش عاجبه او لو رد علينا ساعتها يبقي وحش 

طيب فين سر البيت ؟ 

طيب ليه نفضح نفسنا ؟ 

طيب ليه نحكي للناس ؟ 

طيب ليه نسمع كلامهم ؟ 

طيب ليه نأوي الراجل دا ؟ 

عشان شتمنا ؟ طيب ما احنا شتمناه هوا واهله بدل المره الف 

عشان مش عايز يجيب او بيطلب فلوس ومبياخدهاش اساسا لو اتعرضت ؟ 

ولا عشان مزنوق وحالف يفلح في الدنيا ؟ 

عشان مريض وبيتعب وعنده قلق شديد ؟ 

ليه كل دا ؟ عشان في واحد غلط ؟ 

طيب خلاص خلينا نستني وناخذ قرارات ونسيب البيت ونمشي ونعمل مليون حوار 

وبعدين ؟ 

ايه دا الجدع دا اتخلي عننا ؟ 

طيب مش هنعبره ولا نرد عليه

ايه دا هوا بعد بعيد يصلح حياته ؟ 

طيب خلاص هنهزقه اكتر ونحرمه من حقه شرعا وقانونا وهندوس عليه

ويستمر المسلسل 

الناس تتكلم وتسخن وتقوم الدنيا وكل واحد بيتكلم في حاجة مايعرفهاش اصلا 

الفتره اللي فاتت بس عرفت  واتاكدت ان مفيش حاجة هتتصلح 

ان كل حاجة هتفضل غلط طالما محدش قال الصح فين ، طالما في ميت حد بيتكلم 

مين كل الناس دي ؟ 

كانوا فين زمان اول تلات سنين ارتباط ؟ كانوا فين في اول سنة سفر ؟ 

اه معلش احنا حاضرين في الصور والكلام عشان بس المنظر حلو 

في ناس كتير موجوده عشان ملهاش مكان تاني 

اللي قاعد يشتكي ليل نهار او يضيع اللي قدامه او يوقع اللي قدامه في دوامة 

واللي مش عايزك احسن منه 

عارف ان دي نظريات مؤامرة لكن علي ارض الواقع مش دا اللي حصل ؟ 

اللي بيحبك هيبقي عايزك مع حد يقدرك 

اللي يتمني لك الخير بجد هيبقي عايز حد كويس جنبك ويحاول ينسيك الوحش ويعرفك الصح من الغلط ويعاديك عشان تمشي علي شرع ربنا وتقف جنب حد كويس يستاهلك 

لكن هل حد عمل كدا ؟ حد قالك اللي عملته صح ولا سخنك اكتر ؟ 

دا كان المعيار الحقيقي ومازال 

الصديق الحقيقي او الانسان الحقيقي في حياتك هيبقي عايزلك الخير مش هيبقي عايزك تعيش في وحدة وتعاسة

وزي ما قلنا كل الجروبات وتجاربهم والصحاب والمعارف والعلاقات الكتير خربت الدنيا 

دا غير نظام انا واقف لك علي الواحدة ومستني ام غلطة : اللي هوا انا هسجل كل حاجة 

طيب هوا ربنا قال كدا 

دا ربنا ذات نفسه بيسجلنا ويمسح ويعفو ويصفح ويغفر 

لكن غلطات كتير بسيطة وكبيرة ويلا نهرب من الشخص دا بالرغم ان الشخص دا اكتر حد بيراعينا 



هل انا كنت ملاك ؟ 

لا طبعا 

لكني في كل الاحوال كنت بسعي لاني اعمل الحاجة اللي تبني بيت سليم

بصيت لبكره ولقيت ان المستقبل تيت 

هييجي طفل يلاقي اهله في خناقات ومفيش احترام ولا في تقدير وفي تهزيق وزعيق بسبب كل اللي اتقال دا 

هيكبر ازاي ؟ هيشوف اهله ايه في وسط مجتمع زي دا في الغربة ؟ هيروح فين ويبقي ايه وهيعمل فيهم ايه 

دي مش حياة سليمة لابد من وقفة تخلي كل واحد يعرف ان كل حاجة ممكن تضيع في لحظة وان وجودنا سوا نعمة 


دا كان الحل الوحيد عشان كل الحلول التانية حاولت فيها  

نقاش : لا دي دروس وانت بتنكد 

تفاهم مع الاهل : يقولوا عندك حق مره ومره لا بنتنا تعمل اللي عايزاه ، طيب فين انصر اخاك ظالما او مظلوما بان تمنعه عن الظلم ؟ 

تفاهم من خلال صحاب ( ودي كانت غلطه برده ) : بوسوا راي بعض وحبوا بعض يا جماعه ويلا نكنس مشاكلنا تحت السجادة


تخيل مفيش طريق او باب الا وخبطت عليه

تخيل مفيش حد كلمته الا وسمعت منه ما اكره 

تخيل مفيش حد كان موجود الا و مسعاش في صلح وسعي في خراب وبس 


هل واحد زي حالاتي يستاهل كدا ؟ 

لا 

هل افعالي مهما كانت تستاهل كدا ؟ 

برده لا 

هل الطرف التاني ينفع يعاملني بالقسوة والعزلة والجحود دا ؟ 

لا برده 


امال ليه كل دا بيحصل ؟ 

إرادته 

الحمد لله 

انا كنت فاكر المشكلة في الفلوس فاشتغلت 

وفاكر المشكلة في الحب والسعي ورا اللي بتحبه وبرده سعيت كتير فشخ 

وفاكر المشكلة في ميت حاجة تانية 

حليت كل حاجة ووقفت علي رجليا علي امل اني اقدر اقدم حاجة تصلح كل دا 

لكن 

الحياة مش بتمشي زي ما احنا عايزين : 

- عشان إحنا مش آلهة 

- عشان مش من حقنا نخلي الناس تعمل حاجة عشان خاطرنا او عشان نفسنا فيها 

- عشان معدناش اطفال 


دور بابا كريم اللي بيستحمل ويحب حب صافي اللي بيجري ويتشقلب دا 


الحمد لله فقت منه 


كان عندي مشاكل كتير والحمد لله ربنا حلها 

وبقيت في دنيا تانيه ومكان تاني 

وارادة ربنا محاوطاني برده 

وبرغم اي تقصير قصرت فيه اعتذرت

لكن محدش عايز يسمع ولا يسامح 

معادتش مشكلة 


كل واحد سبب الضرر للتاني واللي حصل حصل

الخطوة الجاية انا عارفها كويس بس مش وقت الكلام عنها دلوقتي او مش النهارده تحديدا 

ليلتك سعيدة يا كيمو 

ليلتك سعيدة يا حلو 

الأحد، 14 يناير 2024

الاحد وسفرياته

 في العادي السفريات كلها بتبقي السبت لكن بقالي فترة الاحد بالنسبة لي ميعاد مهم لكل سفرية مليانة حاجات حلوة 

اليوم هيبقي طويل وهيبقي ورايا حاجات كتير اوي وحرفيا مكسل جدا 😂

بس هنرتب البيت ونظبط الدنيا اكل وشرب وناخد معانا سناكس حلوة للطريق ونطير بقي 

ربنا يجعل ايامنا كلها حلوة بقي 

محضر كام حاجة حلوة للمشوار جنب السناكس بس اهم حاجة نحجز الاول 😂

يلا يسعد صباحك يا كيمو ياعسلية 

السبت، 13 يناير 2024

الباب والطريق

Yes 

الحمد لله رب العالمين

 الحمد لله رب العالمين

فضل ربنا واسع وكبير 

مكنتش أحلم بكل دا 

هحكي بعدين 

بس الحمد لله

الجمعة، 12 يناير 2024

كريم ليه

 النهارده خلصت شغلي وروحت اليوم كان طويل جدا ومتعب بس الحمد لله عدي علي كل خير والحمد لله علي كل أحداثه، هبقي احكي يوما ما عن التواصل بالمشاعر بس مش دلوقتي لان دا في حكايات كتير يعتبر جنون ، انك تحس بالناس والناس تحس بيك ، بس مش قصتنا دلوقتي بس جه في دماغي فكرة وانا مروح والجو ساقعه وايديا دافية وقعدت اقول لنفسي اشمعنا كريم او ليه كريم او ايه الحلو هنا او ايه المميز يعني فجه في دماغي شوية حاجات اسجلها من اجل رفع المعنويات وعشان متتنسيش 

- الدفا في عز الساقعه حرفيا ببقي مركز إشعاع نار وحرفيا بتدفي في ايدي وكل جسمي ومش عارف الاقي سبب لحد دلوقتي 

- الحنية الزيادة الي مش هينفع يتقال عنها غير كل خير بس يمكن دي اعظم منح ربنا ليا 

- الحب عندي حقيقي وقوي زي الموت

- بعرف ادفي واحضن كويس بشل الانسان هيلا بيلا كدا ويقعد  في حضني متقوقع كدا ويمكن عشان كدا اطفال كتير بتحبني 

- العصبية اللي بتنزل علي مفيش ، مهما اتعصبت بهدي بسرعه وكله بينزل علي الفاضي 

- الطيبة ، اني مبعرفش ءأذي حد 

- الصبر وقوة التحمل الزايدة ، بتحمل بلا نهاية دايما وبحاول اكمل في الشيء مهما كان فوق طاقتي او بيتعبني 

- بتأسف بسرعه اذا كنت صح او غلط لان طالما الحاجة زعلت اللي قدامي فأنا بعتذر للمحبة والمراضية والحنية ، مهما كان بعتذر عشان بحب بجد 

- الحب الصافي اللي تحسه طالع علي ضحكة حلوة كأنه قلب طفل صغير 

- بعمل مفاجآت صغيره وعبيطة بس مهما كانت صغيره بعرف افرح اللي قدامي 

- ضحكة حقيقية بتنور المكان وتنور قلوب اللي بحبهم 

- مخلص وملتزم بشكل تام تجاه اللي بحبهم 

- محاولاتي الكتير في اي حاجة وكل حاجة عشان انا مش بسيب حد بسهولة وبتمسك جامد ودي ميزة

- بحب بيتي وبحلم باولاد وبحلم وبتعب كل لحظة عشان اعيشهم احلي دنيا 

- بتكسف ودا بيحرقني وبيخليني مقدرش اقول حاجات كتير عشان مش عايز اوجع اللي قدامي 

- بحط نفسي مكان الناس وبتعاطف معاهم ودا بيخليني احس بالشخص بشكل تام

- براضي اللي قدامي مهما كان التمن ودا بيوديني في داهية بيخليني اوعد واقول حاجات تعب في تحقيقها 

- مش مزيف ، كل كروتي علي الترابيزة ، مبقولش حاجة غير الحق وبس مش بلاوع ولو غلط بتراجع زي ما قلنا 

- بقدر قيمة العمر والايام وبيبقي همي كله نعيش وقت حلو وكويس وسعيد مع اللي بحبهم 

- بعمل المستحيل عشان اللي بحبهم وبتعامل بالمحبة والفضل قبل العدل والحقوق ودا اكتشفت انه ميزة عظيمة بعد ما سمعت ياسر الحزيمي 

- عندي امل وبعرف اعمل بلان كويسة وبحققها مع الوقت بتوفيق ربنا 

- مشاعري حلوة وحقيقية

- خيالي واسع وبعرف اسعد اللي قدامي 

يمكن دي حاجات كتيتها عشان خاطر ابقي بيني وبين نفسي عارف اقدر اقدم ايه من ناحية الحب عشان لو تهت اعرف انا ايه الحلو اللي فيا ومخسروش مع الايام لاني بحاول بكل طاقتي افضل زي ما انا مسيبش الايام تغيرتي 

مش عارف اكتب عنها بحبها قد ايه ياما كتبت ولا عارف اقول وحشتني قد ايه ولا عارف حتي لو كنا سوا في يوم هوعد بايه او هقول ايه كله ملخبط لكن الحقيقة ان المحبة والشوق حقيقيين واني فعليا بحاول بكل ما فيا وبكل صفو نية

والله خير معين 

الخميس، 11 يناير 2024

كله بأوانه

 كل حاجة في الدنيا لها وقت وأوان 

أتمني ان الوقت يكون جه وان الحال يتعدل 

اتمني يكون في فرص حقيقية 

اتمني يكون في أمل 

أتمني يعدي الوقت وأسمع أخبار حلوة 

أتمني اشوف واعيش وارسم مستقبل حلو ليها ومعاها 

اتمني يكون الحب كفاية  عشان الاحوال تنصلح وتتغير 

اتمني يكون الوقت مناسب لعيشة حلوة تستاهل 

اتمني وبدعي 

ويارب يجبر بخاطرنا ويراضينا 

يارب 

النية صافية والقلب راضي ومستعد ومستني وقادر ينور الكون كله بس لو ياخد الفرصة

اتمني ان نعيش سوا ونفرح سوا وانا هعمل كل حاجة حلوة

اتمني بعد ما غيرت كل حاجة وحشة اني ابقي كفايةواقدر اراضيها 

اتمني 

الأربعاء، 10 يناير 2024

عارف يا كيمو

 هتفضل متوتر ومتعلق وقلقان وحيران 

اكيد مش زي زمان لما كان المرض بياكل في جسمك لكن برده هتفضل في نفس الحالة بدرجة ما 

هتفضل تفتكر حاجات حلوة وتحلم وتتمني الزمن يرجع وتتمني تغير حاجات كتير وتتمني تصلح وتحلم بانك وصلت لها وبان النور قريب وان الفرج قريب وهيفضل الامل ياكل في روحك

يوم بعد يوم 

هتنشر بوستات وتبين علامات وترفع بلوكات وتحط صور وتحاول تبين وتظهر عشان الشهر دا مهم بالنسبة لك وبتنور فيه وكله ذكريات حلوة ، هتفضل تحلم 

واحلامك بعيد عن ايدك 

تتمني باب مفتوح وتقعد تغرق في التفسيرات وتحاول تحاوط نفسك بهدايا وحاجات تجيبها وتجهزها لليوم الموعود 

هتجيب هدايا من دول تانية وتدور علي كل ما تتمناه وترتبهولها حتي نمط الحياة والعيشة ذات نفسه وتقعد تحط في افكار ازاي تراضيها وازاي تسعدها وازاي تبقي معاها وهتفضل تغير في نفسك وتبقي احسن واحسن واحسن وتقعد تتمني 

بس عارف انك برغم كل مجهوداتك دي لوحدك

برغم انك بتحلم بس مش طايل 

برغم انك نفسك في مليون حاجة وكلها ترضي ربنا بس هتفضل لوحدك

عارف ليه ؟

لان معادش في ايدك حاجة تعملها ، انت عملت كل حاجة تقدر تعملها ، اتصلت بكل الناس وحاولت توسط ناس وحاولت تسعد اللي قدامك بكل الانجازات والحاجات اللي تثبت انك خلاص مش هتجيب وجع او زعل تاني 

حاولت تظهر بكل شكل انك اتعلمت الدرس ، وانك غلطان ، وملناش دعوة مين غلط ومين صح يا كريم لكن لينا علاقة بالواقع

هتصحي من النوم هتلاقي في يوم العمر جري والسنين فاتت ، فات سنة ونص ، عايز ايه تاني ؟ قلبك لسه متعلق ؟ مش بايدك انا عارف بس هتيحي ايام تلاقي نفسك لوحدك كمان وكمان

ومهما بلغ محبتك وصدقك ورغبتك في انك تغير الحال وتصلح 

ممكن تفضل لوحدك

قابل المخاطرة؟ يبقي ربنا يهون عليك

لو هي دي الحياة فانا قابل 

وعارف كويس اوي ان ربنا كاتب عنده كل حاجة ومفيش حد بياخد حاجة مش بتاعته 

كله بأمر الله

ونعم بالله ربنا يهون عليك ويسعدك ويرضي قلبك وينور بصيرتها ويهديها ويجمعكم علي خير يارب 

تصبحوا علي خير 

الثلاثاء، 9 يناير 2024

بالرضا

 نعمة… رضاك علينا نعمة

اي حاجة بالرضا حلوة

كل حاجة في ايدي عملتها، ولو كان في ايدي حاجة تتعمل كنت عملتها

بس من كتر ما سعيت وبذلت مجهود في الطريق فالموضوع معادش في حاجة تانية تتعمل 

كل حاجة دلوقتي في إيد ربنا 

مقلب القلوب بين يديه

وكل ما هو متروك لله مضمون

ياريت كان في طريق او وسيلة او حاجة

ياريت الشهر دا بكل ذكرياته وايامنا الحلوة فيه بيمثل اي حاجة او يقدر يغير اي حاجة

كله في ايد ربنا 

ونعم بالله

تعبت من كتر ما لمحت وقلت ولو صعبة عليكي السكة شاوري لي وانا اجيلك

وتعبت من كتر الانتظار والمفيش 

وتعبت من كتر ما سعيت وحاولت

كله في ايد ربنا دلوقتي 


الاثنين، 8 يناير 2024

TAM

 متسألنيش مفيش أسرار 

خروج الدم لو يفدي 

في صفك يلا صفيني 

دا صوتي عبال ما يوصلك 

أكون بالموت طلع ديني 

بحبك غير جميع الناس 

ودا تقرير عليه سري 

متستاهليش يموتوا الناس 

عشانك وانتي بتسيبي 

* من ديوان العشق السادي لأحمد العايدي

***

- بتحبها ؟

= أكتر من روحي وأكتر من بنتي 

- والدنيا ؟ 

= متسواش 

- والناس وكلامهم ؟

= يولعوا بجاز , كل واحد هيروح بيته آخر اليوم وهنفضل لوحدنا وكل واحد هينصح من وجهة نظره لكن الصح ميعرفوش والخير بتاع ربنا وفي ايده ربنا مبيعملش حاجة وحشة

- وروحك؟

= روحي سكناها لحد آخر العمر 

- نسيتها ؟

= منسيتهاش 

- الحق نفسك هتموتك 

= وليكن، مش فارق الروح بأمر الله

- تسامح وتنسي ؟ 

= اسامح وانسي لنفسي الاول وبعدين هي كدا كدا فداها عيوني اسامحها وانسي لي اي حاجة

- غفرت ؟

= بلا حدود وبدون قيود 

- هي تستاهل ؟

= في عيوني ، خدوا عيني شوفوا بيها 

- هتكسرك 

= بأمر الله كل شيء 

- يابني عيش ، والله هتعيش 

= عايش وخفيت وبقيت أحسن نفسيا وجسديا وبكل شكل ، وشغل وحياة وكل حاجة بقيت سوبر كريم والحمد لله

- خد قرار 

= واخد قرارات لنفسي في حياتي بسبس مش هتحرك في اتجاه يأذيني 

- روح لها 

= اديها روحي والله بس الباب مقفول  في وشي 

- وابوابك ؟

= فاتحلها كل الابواب ولو صعبة عليكي السكة شاوري لي وانا اجيلك

- خلاص خليك في حالك

= اوريدي في حالي 

- حبيت قبلها او بعدها ؟

= عمري والله من اول لحظة عرفت وشفت حياتي بالكامل معاها وشوفتها تاني من كام يوم

- الحل ؟

= بإيد ربنا انا مش في ايدي حاجة تتعمل عملت كل حاجة 

- عايز ايه ؟ 

= نعيش وننبسط بالحياة

- لسه نفسك في اطفال ؟

= نفسي اوي اوي اوي واكتر من اول يوم 

- مش خايف ؟

= متأكد ان كل واحد اتعلم وهيراعي ربنا فيهم ويحافظ عليهم 

-كريم انت كويس 

= جدا

يتبع لاحقا

احلام سعيدة

 ❤️💃🏼💃🏼🌹

السبت، 6 يناير 2024

في رحاب ال

عزيزتي 

بعد التحية …

تنتهي الأجازة سريعا، لم يبقي منها شيئاً ويناير مازال حاضراً ، هنالك الكثير من الأشياء العالقة ، حققت كل الأهداف المنشودة علي بعض المستويات ، اليوم أعود من جديد إلي صالة التدريب ، أنفض غبار الكسل والتعب ، أمارس هوايتي المفضلة في الإنصات إلي عقلي وخيالاتي وأفكار كثيرة تعدو في مخيلتي ، لا أبحث عن اليقين كما أخبرني البعض ببحثهم عنه، ولا أبحث عن الحقيقة لأني أشعر بها ها هنا بين ثنيات عقلي ، ولا أريد شيئاً ، لا أدري حقاً متي تخليت عن كل شيء ، عن كل الأحلام والأموال والطموحات ، لا شيء يبدو ذات قيمة في عيني اليوم ، ربما هو الطقس السيء أو ربما هي عادتي في الحياة بالتخلي عن الأشياء وقت المرض والألم ، هنالك الكثير من الأشياء اللي تدور في مخيلتي ، ليست طموحات ولا أحلام فكما ذكرت هي المخيلة فكلها خيالات باهتة ، لا أدري هل عشت ما مضي حقا ، هل مرت علي كل تلك الأحداث ؟ هل تعبت لهذه الدرجة ، أظن أن هذا ما يجعلني رائعاً ومناسباً لمستقبل سعيد ، هو التخلي عن الذكريات السيئة والعدو نحو المستقبل ، اليوم أعدو ولا أعلم إلي أين يكون العدو وأين الهدف وأين حتي الطريق ، كمن يعدو في الظلام باحثا عن أشياء لا يعرف مكانها ، تنتابني الآلام كثيراً ، فراق الكثيرين والوحدة وحديث الحمقي من الناس من خلف ظهري و غباء الآخرين وحقد البعض و أشياء لا أدري هدفها سوي أنهم جميعا يعانون من الفراغ ، اليوم أعدو نحو المستقبل ، يناير ينادي علي قلبي كالعادة ويفتح أبواب لم أحلم بطرقها يوما ما، أنا سعيد يا عزيزتي بالروتين والحياة البسيطة وبالأسفار والعائلة، لا ينغص بالي خيانة بعض الأصدقاء ولا حتي حماقتك أنت شخصياً ، لا ينغص بالي الزمن ولا أي شيء طمحت إليه ولم أناله، اليوم ياعزيزتي برغم تخبطي إلا إني سأكون في قمة سعادتي بالروتين البسيط الذي أحلم به، الحمد لله رب العالمين علي هذا الهدوء ، حياة بلا رفيق ولا ونش ، فقط خيالات والوحدة تؤنس روحي ، حتي لم أعد أتذكر أحلامي ،لعله خير بل هو الخير ، وختاما لا أطمح سوي في السلام والهدوء والراحة بلا منغصات 

دمتي ودامت أيامك

كريم

عدي اليوم

 الحمد لله كان احلي عريس في الدنيا والدهب كان حلو والميعاد ظبط وانا طايرله وفرحان من السعاده وعملت كل اللي اقدر عليه وزياده لكن مفيش مكالمات فيديو ولا حد فرجني ولا فرحني ولا اي حاجة تقريبا انا في اخر العالم بعيد عن كل حاجة ، مش مهم انا مش ليلتي ولا قصتي ولكن يناير بيجيب حاجات حلوة ، يمكن في يوم ما او لحظة ما ينتهي السنجلة بتاعتي دي يمكن السعادة والفرحة والونس والبيت ينتظرني في مكان ما يمكن اتبسط يوما ما يمكن افرح يمكن يكون لي مركبة وحضن وصبيه يوما ما ، يمكن يبقي في فتحة خير وسعاده تفرح قلبي يمكن انبسط يوما ما ، صحيح رتبت لليوم دا كتير وساعدت وعملت كل اللي في طاقتي يمكن يكون لي وليف يمكن في حد يونسني يمكن احقق حلمي في يوم يمكن ويمكن ويمكن مين عارف لكن النهارده مش عني ولا يخصني النهارده يوم عريس كان زي القمر منور ومبسوط وفرحان وسعيد ودا عندي بالدنيا والف دنيا 

عقبال يومي 

عقبال ما تخلص حالة السنجلة دي ، يمكن في يوم القي البر والبيت والعيله والونس ، يمكن في يوم يطلع من عتمتي قمر يمكن في يوم حد يفهمني يمكن في يوم ارتاح يمكن ابطل اعيش في خيالي يمكن ابطل اعيش لوحدي يمكن في يوم الاقي اللي بحلم بيه وبتمناه وعندي استعداد ابيع روحي عشانه 

يمكن 

بس اليوم عدي وخلص ومكنتش موجود باي شكل ولا حتي حد اهتم اني ابقي موجود للدرجة دي بقيت غريب 

مش مهم 

المهم انه مبسوط وفرحان وسعيد ودا بالدنيا 

ليلتك حلوة يا كيمو بدون دموع وبدون وجع او تعب 

ليلتك حلوة زي قلبك الطيب وعيونك 


الخميس، 4 يناير 2024

من بلاد غريبة

 الطريق للخروج والسفر لبلد تانية علي قد ما هوا شاق بس ممتع بصراحة واتبسطت بكل لحظة في الطريق ، وقاعد بسمع اغلني واشحن الباور عشان لسه الطريق طويل ، تجربة حلوة واكيد هفضل اتدلع كل اسبوع كدا الموضوعرلذيذ اوي ، اكتشاف حياه تانية ودنيا تانيه احلي بكتير  ، ياتري فعلا في حياة جديدة تنتظرني في مكان ما وكل حاجة فيها زي احلامي جميلة وطعمها حلو ؟مش عارف لسه لسه يناير مقاليش حاجة بس انا مبسوط ويمكن بعد سفرية راس السنة اشكر ربنا واحمده علي كل النعم دي ، تقريبا مكانش في فترة في حياتي فيها حاجات حلوة واستقرار للدرجة دي غير الفترة دي ، بحقق كل حاجة ومستمتع بالطريق ، اينعم احيانا بييجي حد اهبل يدايقني بس الحمد لله اجتسبت مناعة وبقيت اقوي مليون مرة ويناير هيجيب الخباصة ومسيره يخلص وتنقفل شبابيك الشتا والفرحة ونرجع تاني للنمط العادي بتاعنا ، وبرده في النمط دا اتعلمت ازاي افرح وابسط قلبي بكل بساطة 

كرم ربنا ملوش حدود 

هروح اكمل رحلتي بين البلاد بقي 

بيس 

Sweet kiss 

الأربعاء، 3 يناير 2024

احكي لي حدوتة

 - كريم 

* احكي لي حدوتة 

- ياه عيوني بس كدا

* بس مؤدبة مش قبيحة

- ماشي ينفع برده بس هتدفعي ؟

* لعينيك هدفع

- اذا كان كدا ماشي 

###

كان ياما كان وما يحلي الكلام الا بذكر النبي عليه الصلاة والسلام ، كان في ملك بيحكم مملكة ، علي مد البصر ، وكان كل  يوم يخرج يفتح بلاد جديدة بسيفه وقوته وعزيمته بدون جيوش ، كان مشهور في الحرب والقتال وبيتضرب بيه المثل ما طبعا هوا قدر يوحد ممالك كتير بضربة سيفه  ورمحه وقدر يسافر لاقصي الغرب والشرق ويسيطر بدون معارضة علي بلاد كتير ومحدش اتظلم من سيفه او اتقتل غدر ، الملك كان بيحارب بشرف وكرامة و نزاهة ، لاعمره ظلم حد ولا عمره افتري ، كان بيدخل البلاد ويعلن نفسه حاكم ويسلم له اهل البلد الهدايا مقابل فرضه العدل والرحمة والحماية ، وكان عنده كنوز في كل مكان وكان بيشتهر بانه مبيخافش من إنس أو جان وبيحارب لحد آخر نفس ، قرب من الموت كتير ومتأسرش أبدا ولا عينه انكسرت أبدا 

- وبعدين 

وفي ليلة من الليالي بيخرج الملك علي حصانه بعد استلامه رسالة من بنت فقيرة وغلبانه  بتطلب منه ينقذها وتسترجي حكمته وعطفه ومحبته وقوته ولان الملك كان يتيم وبلا اولاد ومفيش في حياته حب او حنان ، سافر لاخر المملكة وعلي حدود ارض السحر اللي عمره ما حارب فيها وقابل البنت الفقيرة ، كانت جميلة لابسه فيتان اسود ولسه في بداية الشباب وسحر عينيها ياما وقع ممالك وخرب بلاد ولكنها بتركع قدامه وتطلب منه زي ما قلنا الحماية والحكمة والأمان ، بيرفعها من علي الارض ويحارب عشانها كل الاراضي المحاوطة لارض السحر ويمنحها من حكمته وقوته بدون حساب لكن بعد يوم واتنين وتلاته في ارض المعركة كانت البنت هي ملاذ المحبة والامان وبيحبها الملك وبيقع في غرامها وبيحلف لها بشرفه وسيفه ورمحه ان محدش يدخل قلبه غيرها وبيطلب ايدها وهي بتوافق ولكن بشرط تشرب من ايده  المجروحة شربة ميه مخلوطة بالدم وبيوافق الملك عشان كان قلبه اتعلق بيها وبيشرب من ايدها كمان وبيتعلق روحه بيها وبتسكن فيها ويتجوزها وتسافر معاه لاخر البلاد لقلب قلعته وقصره ومملكته وبيعملها ما اتعمل لحبيبة او عشيقة او زوجة قبل كدا من الانس او الجان ، بيسخر لها عبيد و ارض الشمس نورها بيطلع عليها في ايام وايام ويمنحها من كنوز الفترحات لكن الاميرة بعد اول شهر بتطلب منه طلب  غريب انه يسافر ويحارب وميبطلش فتوحات وبتحلف انها هتراعي المحبة وتصون القصر والبيت والمملكة ، بيكون الملك اصلا تعب من كتر السفريات لكن بيسافر وبيرجع لها منصور وفي المره دي بيجيبلها هدايا من الولي والياقوت ويركع قمها والدم مغرق ايديه وكل جسمه من المعارك والفتوحات وبيطلب منها وقت راحة وبتستجيب وتطلب تشرب من كفة ايده التانية نفس شربة الميه المخلوطة بالدم 

بيوافق الملك وتشرب الملكة من ايده ويعيش جنبها في تبات ونبات لكنها بيلاحظ قوتها بتزيد علي شعبه ومملكته ومش مهتمة بانها تجيبله وريث يحكم من بعده ولا مهتمه براحته ، بيزعل الملك ويتقهر ويفكر يطلع همه في الفتوحات لكن للاسف قوته بتكون خارت وصحته بتكون ضعفت بسبب وبدون سبب ومعادش قادر يحارب ، وبيخسر الملك مع الايام محبة الشعب وقال ايه بيتقدم للملكة فرسان وعرسان وهي لسه زوجته وهوا مقهور لانه اصبح صوره بدون كيان  وبتظل الملكة مسيطره علي الشعب والبلاد وبعدها بيخسر كل ملكه قدامها ويبقي مجرد صوره وبيطلب منها كل شيء وهي قاسية وجبارة عليه ودا بيحز في نفسيته ويقهره ، معقوله كل دا كان عشان الملك ؟ عشان العظمة والقوة والامتلاك ، بيقعد يبكي الملك لكنه بيصحي الصبح يقرر يهجر الملكة ويبعد عن المملكة ويرجع يعيش يتيم في الكهوف بدون شعب او صحاب او وزراء او حتي انسان ، بتبصله الملكة وتلعنه بلعنه الدم وتقوله عمرك ما هتنسي ولا تقدر ترتاح وهتعيش لوحدك في كهفك ومفيش من بعدي نجاح ولا فلاح وهتلعن اللحظة اللي ركبت فيها وسافرتلي وقابلتني وشربت من ايدي ، وفي لحظة اللعن بتههجره الملكة وبتامر الحرس يطردوه ويبينكسر سيف الملك وبياخد بقاياه ويروح يعيش في الكهف وفي ليلة اللعن بيلاقي الملك نفسه متكبل بحديد في كل ايد  وسيفه المكسور مرمي قدامه علي الارض وفي غريشة حديد في كل ايد تقيله ما يقدر يرفع الملك ايده ويتحرك بسببها 

بتضعف صحته وقوته وبيهجره الكون كله ، لحد ما ربنا بيبعتله طاقه نور متمثله في حكيم بيقوله ان الملكة ساحرة وان اتملكتها شهوة الامتلاك وانه عشان يشفيها لازم يرجع قوي زي الاول ويحارب ويفتح بلاد وان ضعفه مش من سحرها ولكن هي مريضة زيه بالظبط ولازم يتعالج ويحارب ويقدر ينقذها من المرض ولعنه الدم والقسوة هي كمان وان الفرسان حواليها سمموها وتعبوا صحتها وعقلها وصارت مجرد سيره علي كل لسان ومعادش فيها قوة لا تحكم ولا تبني بيت ولا ملك وان الدوا هيكون في ايده وقت ما يسترد قوته ، وبتختفي طاقة النور والحكيم

بيقعد الملك يفكر في كلام الحكيم وانه لازم ينقذ نفسه وملكته وانه خلاص معادش له غير نفسه وبعدها يمنحها من قوته ، وبالتالي بقي يتدرب الملك كل يوم ويخرج بقطعتين السيف يحارب وينهزم لحد ما ربنا كرمه ويقدر يلاقي حد يلحمله السيف ولكن بيطلب منه جزء من روحه وبيوافق الملك وبيدفع بقلب راضي ويكمل حربه ويكسب في كل معاركه ويعود لمملكته رافع الرايات بنفسه ويستقبله الفرسان يدبحهم علي خيانتهم وعلي جرحهم للملكة ويمشي لحد باب القصر ويكسره برجليه ويدخل علي الملكة اللي بتكون ضعفت ووهنت قوتها ويقولها انها وحشته وانها نوره وناره وجنته وانه هيساعدها تتشفي ، بتعاند الملكة ومبتصدقش انها مريضة لحد ما يمسك الملك ايدها ويبوسها ويصب عليها ميه ودم وساعتها بينور وش الملكة وترجع سنين في العمر وينور قلبها وروحها وتحضنه وتوعده ما تجرحه تاني ابدا ولا تبعده ولا تهجره ولا تزعله وبيوعدها الملك ان قلبه دايما ملكها وروحه ومملكته وعمره كله وبيعيشوا في تبات ونبات ويخلفوا صبيان وبنات لاخر الزمان في سعادة وهنا 

خلصت الحدوته ، حلوة ولا ملتوته ؟

* والله انا بحبك 

- يارب ينور قلبك ويخليكي ليا

الطريق والهدف

 لا الطريق باين ولا الهدف واضح

الله أعلي وأعلم

الاثنين، 1 يناير 2024

يناير

 يناير ✅

الدهب ✅

الميعاد ✅

الترتيبات ✅

يارب يملي الحياة فرح وهنا ويعديها علي خير 

في يناير بتحصل كل حاجة حلوة 

يارب راضي قلبي وراضيني 

والحمد لله رب العالمين