الاثنين، 21 يونيو 2010

هى النهاية



كنت زمان بسمع عن معبد أبو سيمبل من أثار النوبة
اللى تم نقله بالكامل لمكان تانى للتفادى من غرق المعبد أثناء إنشاء بحيرة ناصر
المعبد كان كله على بعضه جزء من الجبل منحوت فى الجبل
أنا شفت له صورة عالنت
تخيل معايه لما يبقى بيتنقل جبل بالكامل
وكل قطعة ليها مكان محدد ومن غيره مش هيتم الشكل
ولا هيبقى الجبل ولا هيبقى المعبد بقيت حاسس إنى زى المعبد دا كدا
أو الجبل اللى إتنقل بالكامل دا
أنا بقيت حاسس إنى مفكك بالكامل إلى قطع بنفس عدد القطع للجبل دا
كل واحد فى حياتى شارك فى دا من بداية حياتى
بس للأسف غير قابل للتجميع
عشان كدا أنا بقفل المدونة

عشان مينفعش أستمر وأنا كدا
ولا ينفع أقول حاجة وأعمل حاجة تانية
أو أبقى مؤمن بمبادىء مستحيلة
غير موجودة فى الحياة
موجودة فى عقلى أنا بس
يا إما أخالفها أو أمشى بفكرى الخاص اللى كنت بكتبه هنا واللى كونته بيها
أكيد أنا قلت قبل كدا إنى بحب أمشى بدماغى
حتى لو فشلت فأنا سعيد إنى مشيت بإختيارى وتفكيرى الخاص
لكن مش هتحمل مسؤلية حد تانى
أى حد تانى يمشى بتفكيرى أو يقرر يفكر بيه ويستعمله فى حياتى

فكرى الخاص هحتفظ بيه لنفسى وبس
أنا متأكد إن الفكر بيحرك شعوب
بيكون إيمان وبيكون إعتقاد وبيشارك فى حقائق

مينفعش حد يمشى بالفكر بتاعى اللى بنشره وإنه يتضر

أنا مسؤل عن نفسى

لكن مش مسؤل عن حد

ولحد ما أجمع الجبل دا
وأجمع نفسى وأعالج كل دا
السلام عليكم

شاب فقرى

هناك 6 تعليقات:

أسمعنى شكراًً يقول...

شكرا

ghada mOhsen يقول...

أكيد طبعا إنت حر في إختيارك

ولكل واحد طاقه محدده ...
بس بجد بتمنى إنها ماتكونش طويله أوي ...

ضروري نحاول نكون إيجابيين .. عشان نقدر نبني الجبل ونخليه متماسك ...

بتمنالك هدنه يملؤلها الصفاء والتفكير لشيء أفضل ...

ربنا يوفقك ويكرمك اللهم أمين

يارب ترجعلنا بسرعه أخي وماتكونش دي النهايه

تحياتي
... ;) ,,, ;) ...

خواطر شابة يقول...

كل منا هو هذا الجبل المفكك لست وحدك في هذا.
ايضا فكرة ان تقول لاأريد أن اتحمل مسؤولية احد يقرر ان ينتهج نهجي ليست منطقية فالله حبانا بعمة العقل والتمييز ومن اختار نهجك اكيد فعل لانه فكر وقدر وميز واختار لذا هو المسؤول في النهاية وليس انت
على العموم انه خيارك وقرارك وجدك وعلينا احترامه
تحياتي وودي

Eman يقول...

اللي بيقراك ده
هوا كمان بيفكر
لو حد مشي بالفكر بتاعك
مش هيمشي بيه الا وهو مقتنع
يعني اللي هيترتب على ده هوا بس
اللي هيكون متحمل مسؤوليته
واكيد لو اتضر مش هيقول كريم قال

من حقك تتكلم
ومن حقك تكتب
ومحدش ليه عندك حاجة

تحتاجُ لأن تجمع نفسك
لقوةمن داخلكَ
تمنح الحياة لقطعكَ المتناثرة
لا تسمح لها بالموت

تلكَ ليست النهايَة
أتمنى لكَ الخير
كل الخير
(=

غير معرف يقول...

ه اختيارك

بس اعذرني مافهمتش... دي مشكلتك ولا مشكله الليبيسمع كلامك وبيهتم يجرب اختياراتك

عموما منتظرين تجمع القطع

تحياتي

hend anwar يقول...

ان شاء الله هتكون اجازة كويسة
وهتقدر تكمل نفسك
جميل ان الواحد يعمل لنفسه زات
بالتوفيق