بالامس والحمد لله قررت إنى أروح اللقاء التدوينى واليوم الخيرى اللى فى مستشفى أبو الريش اليابانى بالسيدة زينب
أنا صراحة كان عندى مشكلتين والإتنين أكبر من بعض
أولا : مكنتش أعرف المستشفى فين ؟
ثانيا : معدتى كالعادة أو كالطبيعى فى الفترة الأخيرة تتألم وتستغيث بشدة والوجع رهيب ولا يحتمل ... والألم زاد لما الدكتور قالى انى مريض فعلا وانا لسه مأخدتش دوا كأحد طباعى الجميلة فعايش فى ألم وكمان الخروج بالنهار فى رمضان مش حاجة محببه غلى قلبى وخصوصا إنى كل الشغل فى البيت وأنا لو خرجت بعانى لانى مبعرفش اعوض السوائل وانا صايم
المهم
عرفت فين المستشفى وظبطت نفسى كدا وقلت اخرج يا كوكو يا كوكو يا كوكو
وخصوصا إنى مقابلتش مدونين من ساعة لقاء نادى الزراعيين فى أول السنة
روحت وطلعت من المترو وكلمت أستاذ خالد وقدرت أوصل وعلى باب المستشفى لقيت اكتر شخصية تعرفنى بش مش بنتكلم كتير
لقيت منونة بس طبعا معرفتهاش فى الاول
لكن الاخت كيارا ربنا يحميها قالت لى معلومتين مهمية جدا : الاولى إن دى منونة والتانية : إنها مش جايه من الاسكندرية ...يعنى هى من سكان القاهرة
ودى حاجة طبعا حسستنى بالامان
ومحدش يقولى بتقلق ليه من الاسكندرانية
المهم
دخلت ولقيت استاذ خالد وداليا و سونى 2000 ومصطفى ابو زيد ومحمد متولى مونتانا والمزيد والمزيد من الناس
محدش يعتمد عليه انى اقول اسامى لانى فى حالة الناس الكتير اللى بحبهم
صراحة مش بركز فى الاسامى وبعيش الموقف واترك عقلى فى حاله
لأنه لو اشتغل هيقولى خليك لوحدك
زى ما حصل من قبل
المهم
طبعا لاحظت مجهود كل الناس فى قلب المستشفى
وفى التخطيط لليوم داخل المستشفى
وتوزيع الهدايا
طبعا لفينا كلنا على المرضى وكانوا مبسوطين بينا ومبسوطين بزيارتنا اكتر ليهم
بجد بجد بجد لاول مرة من شهور اكون مبسوط كدا
بالرغم من الحالات الصعبه للأطفال اللى شفناها فى مستشفى ابو الريش
لكن ربنا هوا الكريم وهوا الشافى ليهم يارب
كفاية اننا قدرنا نسعدهم ولو دقيقة من وقت ألمهم وننسيهم الألم دا بكلامنا معاهم أو بزيارتنا ومحاولة التعرف عليهم وعلى أهاليهم :)
وخلصنا دورنا فى المستشفى الساعة خمسة وبكدا إنتهى اليوم الخيرى
وانتقلنا للجانب الاخر من السيدة زينب
فى مطعم لا اذكر اسمه عشان نفطر كلنا
طبعا كنت فى غاية السعادة
الافطار مع المدونين او مع قلب طيب زى فاتيما (( شكرا فاتيما بجد ... أحسن معاملة شوفتها من يوم ما بدأت تدوين))
يساوى عندى الكثير والكثير والكثير
لانها هى ومنونة وكيارا وخالد وكيمو ووليد الدوغرى و ضياء بيتفول مايند
كل الناس دى هى اللى فتحت نفسى وخلتنى اكل لاول مرة من كام يوم :)
وخلصنا الفطار وطلعنا على كافتيريا إسمها البورصة فى وسط البلد
:)
كان يوم جمييييييييييل
واجمل من الجميل
وفى اليوم دا قابلت شخصيات انا سعيد بيها جدا
وهما عارفين هما مين ولا داعى لذكر أسماء لكن
شكرا لكم جميعا عاليوم الأكثر من رائع
تحياتى وإحترامى الدائم لكم
أنا صراحة كان عندى مشكلتين والإتنين أكبر من بعض
أولا : مكنتش أعرف المستشفى فين ؟
ثانيا : معدتى كالعادة أو كالطبيعى فى الفترة الأخيرة تتألم وتستغيث بشدة والوجع رهيب ولا يحتمل ... والألم زاد لما الدكتور قالى انى مريض فعلا وانا لسه مأخدتش دوا كأحد طباعى الجميلة فعايش فى ألم وكمان الخروج بالنهار فى رمضان مش حاجة محببه غلى قلبى وخصوصا إنى كل الشغل فى البيت وأنا لو خرجت بعانى لانى مبعرفش اعوض السوائل وانا صايم
المهم
عرفت فين المستشفى وظبطت نفسى كدا وقلت اخرج يا كوكو يا كوكو يا كوكو
وخصوصا إنى مقابلتش مدونين من ساعة لقاء نادى الزراعيين فى أول السنة
روحت وطلعت من المترو وكلمت أستاذ خالد وقدرت أوصل وعلى باب المستشفى لقيت اكتر شخصية تعرفنى بش مش بنتكلم كتير
لقيت منونة بس طبعا معرفتهاش فى الاول
لكن الاخت كيارا ربنا يحميها قالت لى معلومتين مهمية جدا : الاولى إن دى منونة والتانية : إنها مش جايه من الاسكندرية ...يعنى هى من سكان القاهرة
ودى حاجة طبعا حسستنى بالامان
ومحدش يقولى بتقلق ليه من الاسكندرانية
المهم
دخلت ولقيت استاذ خالد وداليا و سونى 2000 ومصطفى ابو زيد ومحمد متولى مونتانا والمزيد والمزيد من الناس
محدش يعتمد عليه انى اقول اسامى لانى فى حالة الناس الكتير اللى بحبهم
صراحة مش بركز فى الاسامى وبعيش الموقف واترك عقلى فى حاله
لأنه لو اشتغل هيقولى خليك لوحدك
زى ما حصل من قبل
المهم
طبعا لاحظت مجهود كل الناس فى قلب المستشفى
وفى التخطيط لليوم داخل المستشفى
وتوزيع الهدايا
طبعا لفينا كلنا على المرضى وكانوا مبسوطين بينا ومبسوطين بزيارتنا اكتر ليهم
بجد بجد بجد لاول مرة من شهور اكون مبسوط كدا
بالرغم من الحالات الصعبه للأطفال اللى شفناها فى مستشفى ابو الريش
لكن ربنا هوا الكريم وهوا الشافى ليهم يارب
كفاية اننا قدرنا نسعدهم ولو دقيقة من وقت ألمهم وننسيهم الألم دا بكلامنا معاهم أو بزيارتنا ومحاولة التعرف عليهم وعلى أهاليهم :)
وخلصنا دورنا فى المستشفى الساعة خمسة وبكدا إنتهى اليوم الخيرى
وانتقلنا للجانب الاخر من السيدة زينب
فى مطعم لا اذكر اسمه عشان نفطر كلنا
طبعا كنت فى غاية السعادة
الافطار مع المدونين او مع قلب طيب زى فاتيما (( شكرا فاتيما بجد ... أحسن معاملة شوفتها من يوم ما بدأت تدوين))
يساوى عندى الكثير والكثير والكثير
لانها هى ومنونة وكيارا وخالد وكيمو ووليد الدوغرى و ضياء بيتفول مايند
كل الناس دى هى اللى فتحت نفسى وخلتنى اكل لاول مرة من كام يوم :)
وخلصنا الفطار وطلعنا على كافتيريا إسمها البورصة فى وسط البلد
:)
كان يوم جمييييييييييل
واجمل من الجميل
وفى اليوم دا قابلت شخصيات انا سعيد بيها جدا
وهما عارفين هما مين ولا داعى لذكر أسماء لكن
شكرا لكم جميعا عاليوم الأكثر من رائع
تحياتى وإحترامى الدائم لكم
شاب فقرى
هناك 32 تعليقًا:
تعرف اني كنت هروح :)
بس معرفتش الغي الدروس ولا بابا وافق اني ازوغ ويفوتني حصص مش هعرف اعوضها
اجمل حاجة انك تخفف تعب حد ببساطة بمجرد ابتسامة وانك تعمل فرق
تعرف بقى انك كده سبت بصمة ف الحد اللي دخلت جوا قلبه السعادة ولو حتى ميعرفش اسمك ...
حقيقي انا مبسوطة برغم اني مروحتش بس كويس انك انت رحت..اهو تغيير حبة
كنتى هتنورى الحضور يا مقهورة :)
معلش تتعوض
وانتى زياراتك للمستشفيات اكتر مننا كلنا متجمعين :)
ربنا ما يقطع لك عادة فى الخير ابدا يارب
ويقدرك عالحياة والنجاح والتفوق وتبقى احسن
نورتى يا مقهورة
الفقرى
يا لهوى علييييييييك يا كريم
ليه كدا يا بنى بس ؟
انتا تستاهل احسن معاملة
علطول و دايما
احنا اخواتك يا بنى
انا انبسطت جداااا انك قررت تكمل اليوم معانا و متروحش
صحيح فطرناك ع الواقف
انما الذكريات دى دمها خفيف برضو
بإعتبارك من ابطال اليوم
آه
انتا و خاطر و وليد و طبعااااا خالد و كلكوا رجالة و جدعان و كنتوا سبب ف جمال اليوم و غلاوته
و عقبال كل مرة
بس المرة الكاااااادمة
تكون معدتك بقت زى الفل
و كله تمام
و مالهم الأسكندارنية يا عم؟
متغلطش ف احسن مدونين ف الجامهورية
دحنا هنسافرلهم كمان شهر
و انتا جاااااااااااااى
ان شاء الله
مختلنيش ننضرب بقى على حسك
كل سنة و انتا طيب
يا سى كوكو
كلمة بس لطالبة مقهورة درجة اولى
احنا كمان كان نفسنا
تيجى يا حبيبتى
و معلش تتعوض
ان شاء الله
واضح انو كان يوم جميل ع الكل
ربنا يجعله فى ميزان حسناتكوا جميعا يارب
والله مبسوطة ليكوا انكوا قضيتوا يوم جميل زى دا وكله خير :)
يااااااارب دايما متجمعين ع الخير
تحياتى :)
كويس جداا الخطوة دى
ربنا يجعله فى ميزان حسناتكم
...............
اتمنى ان ارى رايك فى اخر بوست ليا
دمت بخير
بصراحه ياكريم اليوم كان اجمل من اي وصف
وفرحت بيه جدا
الف اف مليووووووووون سلامة وخد الدوا بدل .....؛)
فاتيما
والله انا بقول الحقيقة وبس :)
انا بطل :|
؟؟؟
تسلمى والله على رفع روحى المعنوية
انا لحد الان
كل اللى عاملتهم من اليكس
بعيدا عن المدونين
تعبولى اعصابى
:D
انا مجبتش سيرة المدونين
انا بتكلم على اللى عرفتهم وعاملتهم وبس :)
نورتى يا فاتيما
:)
ربنا يخليكى لينا يارب
:)
الفقرى
سلفر
يارب يا سلفر
ان شاء الله تيجى المرة الجايه وتنورى الدنيا كلها :)
يارب دايما نتجمع فى الخير بيكى يارب :)
تحياتى لمرورك يا سلفر
فقرى
سن او فريدوم
جايلك يا عزيزى
حالا ان شاء الله
نورت :)
فقرى
كيارا
بطلت سجاير من ساعة ما روحت امبارح
:)
كلام جميل ومعقول وتمام اهوه
متقدريش تقولى حاجة عنه :D
الدوا لسه اما ربنا يكرمنى واروح للدكتور
لسه بدرى حاليا
دعواتك معانا بس :)
فقرى
الف سلامة عليك يا كريم .. انا كنت مبسوط جدا .. ربنا يجمعنا ع الخير و الطاعه دايما
اتمنى ان تشارك انت وزوارك فى الصالون الفكرى
http://qalbfars.blogspot.com/2010/08/blog-post_29.html
سلامتك يا كريم
علشان كده شكلك خاسس
و الحمدلله ان اليوم قدر يخليك تكون مبسوط و تاكل كمان
يعنى خلاص عرفنا علاجك :)
خد بالك من نفسك
لحسن المرة الجاية نخلى دكاترة المستشفى تتلم عليك :))
داليا
ربنا يخليكى لينا يارب
انا والله مليش غيركم
ولا كلت ولا نفسى اتفتحت عالحياة
الا لما نزلت وشفتكم وقضيت اليوم معاكم
ربنا يقدرك على فعل الخير يارب دايما يارب
نورتى يا داليا
كريم الفقرى
سلامتك يا كرملللة .. يا كريم انت زى الفل والله بس زى ماقلتلك
اللى يشتريك اشتريه واللى يبيعك
اصلا ماتفكرش فيه ؛) صح ولا ايه ؟
كل سنة وانت كرملة كده وعثول وطيب وبخير ومعانا ف اللمة الحلوة الجميلة دى
وعايزين نشوفك ع طووووول اوك
تصدق والله العظيم انا افتكرتك من اسكندرية من كتر كلامك عن اسكندرية ياراجل
تعالى نعتبر كلنا ان اول امبارح كان بداية صفحة جديدة ف حياتنا
ونرفع شعار لا للاكتئاب ولا للزعل والهم وكلنا نفرح وخلاص خلينا كل مانتضايق نفتكر اليوم الجميل ده لحد السنة الجاية نجدد الحب ف الله من تانى
ان شاء الله
كل سنة وانت طيب يا كرملة
لسه بقي مواظف علي منع السجاير والدوااااا يتاخد مش ليا دعوووووووووووه
منونة
والله يا منمن الحياة بتستمر ومش بتقف عند حد
وربنا هوا الحكم والعدل
دا اللى مخلينى مقتنع بالحياة وبعمل اى حاجة عشان اعيش مرتاح
ان ربنا هوا الحكم والعدل
:)
نورتى يا منمن
واكيد مش هنسى اليوم الاكتررررر من رائع دا :)
الفقرى الكبير
كيارا
والله بحاول
مع ان الدكتور لما روحت له من شوية ولسه راجع
حرق لى دمى
وخلانى اقتنع ان الدكاترة فى مصر ما هما الا ..... ولا بلاش
بس اهوه
بحاول أثبت على الدرب :)
نورتى يا كياااااااااارا :)
الفقرى
حرق دمك ليه بس
قالك ايه؟
كيارا
حسسنى انه عايز يخلص منى عشان ماخدتش الدوا اللى فات للاخر
وهوا الدوا اساسا مكانش له اى علاقة
وكمان استخسر يقولى اسم الطفيليات
وقالى هى طفيليات بس
مع ان دكتورة التحاليل قعدت تشرحلى ساعة
وقلبنى فى الكلام زى اما يكون عايز يرتاح منى باى شكل :((
ومش خدت الدوا ليه
بس مش فاهمه يخلص منك ازاي
كمان الدكاتره كلهم وقتهم من دهب يابني
بقى بزمتك دا كلام
اول مرة يقولى حالتك النفساوية
والمرة التانية يقولى طفيليات بدون توضيح
واقوله اجى لك امتى تانى
يقولى كمان شهر
عشان تعرفى بس بكرههم ليه
طيب في الشهر دا
ادالك علاج تمشي عليه ولا ايه
طيب شوف دكتور غيره يابني
كيارا
لا علاج ولا حاجة
ادانى مهدىء وحاجة تساعد عالهضم
وانا عارف ان فى مرض مش عسر هضم ولا الهبل دا
المهدىء بقى هيعمل ايه ؟
ولا الدوا التانى ؟
النهارده اول مرة يدينى دوا احتمال يكون فعال وليه لزمة
يارب يسهل لانى بجد
مش ناوى اعتب عيادات الدكاترة تانى فى مصر
احتمال اسافر امريكا مخصوص أكشف واجى
:((((((((((((
فى الالفية القادمة :(((
طيب بص غير الدكتور
اول رمضان كنت متبهدله ورحت لواحد مش عملي حاجه ورحت لواحد تاني ظبط الدنيا
كيارا
انا همشى عالدوا
لو جاب نتيجة اشطة نو بروبلم
لو مجابش بقى
هروح له اتخانق معاه الاول
واخد حقى منه تالت واتنين وتلاتين
وبعدين اروح لدكتور اجسن منه
دا لو لقيت
لان دا استشارى ورئيس قسم وكمان فى مستشفى مش عارف ايه الجامعة استاذ ورئيس قسم برده :((
ميغركش الالقاب
اللي ماما خفت علي ايده كان دكتور صغير والدكاترة الكبيره بوظتلها الدنيا
كيارا
همشى عالدوا بتاع الراجل الصالح دا
ويمكن يكون فيه الشفا
بس زى ما اعلنتها عالفيس بوك
من النهارده مفيش دكاترة
انا الدكاترة
أنا الدكاتررررررررة
:D
ههههههههههههه
ربنا يشفيك يارررررررب
ومحدش يقولى بتقلق ليه من الاسكندرانية
ايه اللي انا بقراه ده
:(
ليه كده بس...هتخلينا نرحب بيك بعد العيد ترحيب خاص..وهيبأه البحر من خلفك والاسكندرانية أمامك..
لا ما تخافش ..سماح المرة دي
ربنا يتقبل منك ومن المدونين زيارتكم المستشفى ويشفيك عن قريب
قصة الألم وألم القصة
صدقينى مشفتش اوحش من كدا معاملة من اهل اليكس
ياااااااااااه
تقريبا سبعين فى الميه من معارفى اسكندرانية
امال انا فقرى ليه .؟ ومعقد ومتشائم ليه ؟
بس اكيد مش كل صوابعك زى بعضها
وكل بلد فيها الحلو والوحش
ربنا يسهل وانتقل انتقال دائم إلى الأسكندرية
عما قريب
دعواتك معايه
فقرى
إرسال تعليق