الثلاثاء، 10 نوفمبر 2009

المستقبل ... مجرد وجهة نظر


السلام عليكم ورحمة الله وبركاته
أرى البعض دوما يشخص بصره وينتقل إلى عالم آخر عند التفكير فى المستقبل
لا يدرك أن هذا المستقبل هوا من صنع ذلك العقل الصغير الذى يحمله على كتفيه ويفكر به الآن
يختلف البشر دوما في نظراتهم للأشياء وهذا هوا سبب التناقضات العديدة فى تلك الحياة
والسبب الرئيسى للحروب
فبعض الناس يرى الشىء بشكل خاص ومنهم من يرى الشىء بشكل آخر
ومنهم من يصنع منه نظرية عظيمة تدرس فى الكتب والجامعات وتعتبر مرجعا لكبار المفكرين
الذين يرون ويطبقون تلك النظرية من وجهات نظرهم الخاصة فقط
ولكن أكثر ما قد يجذبنى فى الدنيا هوا النفس البشرية وكيف تنظر إليها وتتعامل معها
لم أستطع دراسة الطب النفسى يوما لأنه يندرج تحت دراسة الطب التى بالنسبة لى تعتبر مستحيلا لا أريد تحقيقه ولا الوصول إليه
ولكن يظل شغفى قائما بالطب النفسى
فمن وجهة نظرى أن أعظم ما خلق الله فى هذه الدنيا هو الإنسان
وبالأخص العقل الإنسانى والنفس البشرية
يعتبر بالنسبة لى أعظم ما خلق الله فلا يمكن أن أجد شيئا آخر يجذبنى فى هذا الكون بالكامل مثل سبر أغوار النفس البشرية وتحليل
أدق التفاصيل فيها واصلا منها إلى أسرار الماضى بل وأيضا حكايات المستقبل قبل أن تأتى
هل تصدق هذا
يمكنك بقليل من التفكير أن تعرف مستقبل الإنسان
لا أريد أن أسمع منك قولا يفيد بأن هذا مستحيل وبأن هناك مثات الآلاف من الإحتمالات
ولا أريد من عباقرة الرياضيات أن يحسبوا لى إحتما أن يستيقظ الإنسان ما بين السابعة والثامنة بالتباديل والتوافيق
فأنا لا أنظر للأمر من تلك الناحية
حقا أنا لا أعلم صغائر الأمور فى ذلك المستقبل
لا أعلم حقا من ستتزوجين
ومن ستحب فى المستقبل يافتى
ومتى ستعمل وكيف ستعمل ولا أعلم راتبك
ولكن من شخصيتك وظروفك وما تمليه على نفسك البشرية
أرسم لك طريقا مبنى على كل ما رأيت
لا أرى إحتمالات للظروف
فحين ترى الأمر من كافة النواحى حقا لن تجد إحتمالا للظروف
فحين تدرك ابعاد الموقف جيدا لا يمكن أن تفاجئك الظروف أو تفاجئك العوامل الخارجية
فمن خلال طبيعتك البشرية وطريقة تفكيرك يمكننى أن أقول لك مواصفات فتاة أحلامك التى ستعشقها
وهل ستتزوج عن حب أم لا
ويمكننى أن أقول لكى وظيفتك المستقبليه ومتى سيفتح قلبك أبوابه للعشق
ومن ستصادق ومن سيظل معك حتى نهاية الطريق وحتى الرمق الأخير
إن الموضوع قائما بالكامل على إختياراتك وطريقة تصرفك فى حياتك اليومية
فاليوم واجهنى موقف أثناء العمل إن لم أكن متيقظا وسريع التصرف كعادتى لكنت الآن بين عداد الموتى
وكذلك أنت وكل شخص فى هذى الحياة
تصرفاته وتفكيره و أصغر الصغائر فى نفسه البشرية التى هوا مقتنع بها وبكل أفكاره ومعتقداته
هى التى تحدد ذلك المستقبل
فحين تذهبين مثلا مع إحدى صديقاتك لشراء قبعة أو حجاب للرأس
فأنتى تعلمين أنها تفضل مثلا اللون الأزرق وأنها لا تحب الرسومات الكثيرة وأنها تعشق النقش
ولهذا فأنتى تعلمين ذوقها الذى يتحكم فى شاء السلعة أيا كانت التى بالتالى تتحكم فى رزق شخص ما يبيع تلك السلعة
وبالتالى أنت تعلم جيدا هل أنت شخص تستطيع إقتناص الفرص وهل قادر على تغيير نفسك للأفضل أم لا؟
والعديد من تلك المبادىء البسيطة
الموضوع قائم على نتائج سهلة وبسيطة قائمة على مبدأ واحد
(( الحتمية ))
حقا إنه لمن الممتع أن أرسم لك مستقبلا وأراك تخطو فيه لحظة بلحظة كما رسمته لك
ملاحظة صغيرة للعلم : لم يخب هذا الأسلوب ولا مرة منذ أن إتبعته
ملاحظة : لم أقم بالرد على تعليقات البوست السابق لإنشغالى لأننى لم أجد ردا لشخص قد فهم البوست أو المغزى منه
وسأحاول الرد على الجميع الآن
شاب فقرى

هناك 8 تعليقات:

الشعب لابد له من حكومه تشكمه يقول...

كلنا طلعنا اغبيا..:) الحمد لله:)
علشان اكمل الغباء باه مش فاهمه حاجه من البوست ده:)
هروح اشرب بيبسى وارجع يمكن يمكن مش اكيد يعنى يمكن افهم..

على فكره لما يكون الاسلوب والكلام غامض مش من حقك تتهم الاخرين بعدم فهمك:)

هتقولى ايه الجمله دى اقولك انا كده لازم اتفلسف ..:)
هروح اجيب البيبسى يمكن اكون من النخبه اللى هتفهم كلامك:)

وعلى فكره انا مختلفه معاك فى نقطه انك لما تخطط لحد مسار بيمشى عليه ومش بينحرف او ان اى بنى ادم يقدر يخطط وينفذ مستقبله,
المستقبل شئ مجهول ومحدش يقدر يحط خط ويمشى عليه والا ميبقاش فيه احباط ولا حزن على عدم القدره على تحقيق شئ..
انت بتحلم وبتحاول تحقق.

شاب فقرى يقول...

شيما


انتى اكتر حد بيفهمنى هنا


بلاش تقولى كدا :$

اغبيا ايه بس

مش معنى ان الناس مفهمتش وجهة نظرى يبقى هما اغبيا

لاء طبعا

انا اللى معرفتش اوصل الفكرة

وابقى هاتى لى معاكى كرتونة كانز بيبسى :$

دعواتك معايه

انا كنت بتكلم عن انى بقدر اشوف الشخص دا لو اتحط فى اى موقف هيعمل ايه ويتصرف ازاى

بس كدا :)

صباح السكر يا شيما

شاب فقرى

نعكشة يقول...

اعتقد ان النظرية دية لا تنطبق عليا
ههههههه

اصل انا كل فترة بحال
و باراء مختلفة

بس على فكرة حضرتك فيه كت في علم النفس
مش لازم تدرب طب يعني
وبعدين حتىلو درست طب
فعلم النفس في خلال السبعسنين لااولانين
مجرد كتاب صغنتوت جداً

مممم

وجهة نظر تحتمل الصحة و الخطأ
وبعدين لازم شخص كما قلت انت سابقاً
يدرس الشخصية اللي قدامة من جميع جوانبها

لإن الشخص او اي شخص زي اي جسم على الاقل ليه جانبين إن مكانوش اكتر بكتير

بث كدهون

سلامٌ عليك

ponpona يقول...

انا موافقاك .. موفقاك في ان احنا ممكن نتوقع تصرف شخص معين في موقف معين بس دا بردوو بيعتمد علي مدي معرفتنا بالشخص ومدي معرفتنا احنا عن الموقف .. لأن الموقف بردو ممكن يبقي غريب او نادر .. يعني ممكن يبقي الموقف متركب من شويه حاجات داخله ف بعضها ... بس عارف بردو .. مهما كانت درجه معرفتنا بالموقف او الشخص فبردو هيبقي كل اللي هنتوقعه تحت بند الاحتمالات .. احتالات احتمالات .. والحتمالات يعني ممكن قوي مايحصلش اللي احنا متوقعينه ..
عارف ياكريم يعني ايه معرفة الغيب دي؟ ... يعني معرفه كل فتفوته صغيره عن كل حاجه حوالينا .. ودي حاجه مش ممكن تحصل عارف ليه ؟ لان احنا حتي لحد دلوقتي مش قادرين نعرف نفسنا تماما .. يعني حتي ببساطه مش عارفين الغقل البشري شغال ازاي ، تعرف 80 % بس من اجزائه معروف وظايفها والباقي لأ ... يعني احنا حتي مش قادرين نعرف الحاضر .. مش قادرين نعرف كل حاجه حوالينا ماشيه ازاي .. يبقي بالتأكيد مش هنقدر نعرف بصوره مؤكده ايه اللي ممكن يحصل
بس دا مايمنعش ان احنا كل ما عرفنا أكتر عن حاجه معينه نقدر بصوره اكبر نحطلها احتمالات تكون الي حد ما قريبه من اللي ممكن يحصل وممكن بردو ماتحصلش

بس انا في حاجه مش فاهماها "لم أقم بالرد على تعليقات البوست السابق لإنشغالى لأننى لم أجد ردا لشخص قد فهم البوست أو المغزى منه"
مافهمتش اي حاجه من الجمله دي !!

صباحك ورد بقي

:))

Cute Kitty **sookra يقول...

فقرى
انا حزينه اوى
تعرف ليه لانى حسيت انى حماره وموش بفهم حاجه
وكمان انا موش عارفه لااخطط لمستقبلى ولااحقق حلم من احلامى
من الاخر كدا خلاص يأست
منى ومن كل الناس
طلعنا زى شيما ماقالت اغبيا

شاب فقرى يقول...

نعكشة

هحاول اشترى كتب واقراها

لان حاليا مش لاقى حد استلف منه كتب

:)

هى طب فيها سبع سنين اولانيين ؟؟؟:|

يالهوى

دا انا كنت مستكترهم والله

بصى

لازم تبقى عارف الشخص من كل الجوانب

مش لازم

لازم تبقى عارفة الجوهر بتاع الشخصية دى او الشىء اللى بيحركه

فاهمة قصدى طبعا

جوهره ودرجة احتماله وجنونه
حتى الجنون احيانا بيكون له قواعد

زى اما بنلاقى واحدة قتلت جوزها

هل دا كان متوقع ان الست الطيبة جارتنا تعمل كدا

تبعا لاسباب العقل والمنطق

فممكن

لو فهمنا الجوهر اللى بيحركها ايه
ولو فهمنا قدرة احتمالها :)

نورتى المدونة :)

بالرغم من طول الغياب

الا انه ولكم :)


شاب فقرى

شاب فقرى يقول...

منى سلامة

صدقينى والله

مفيش اى احتمال هيكون غايب عننا

كله بيكون واضح قدامنا جدا جدا جدا

بس المهم العقل البشرى يقدر يفكر ويدركه

انا مش بتكلم فى معرفه الغيب فى اشياء خاصة

فزى ما قلت ممكن واحد بتاع رياضيات يحسبلى احتمال انى اصحى بدرى ساعة تطلع مليون احتمال

فبلاش نقول الغيب لاننا منقدرش
لكن بنتكلم فى معرفة الطرف التانى حتى فى اصغر الصغائر

صباحك زى الفل:)
نورررررررررررررررررررررررررررررررتى :) :) :)
شاب فقرى

'' حطام (ك) بقايا '' يقول...

بص هو الموضوع محتاج تركيز عالي
وبما اني مش مركزة
فلما كنت بقراه مستوعبتش جمل كثير او بمعنى اصح استنكرتهم
هبقى بعدين ارجع اقراه كويس

بس في جملة انا اؤمن بيها اوي
ان مستقبلك بيبتدي من حاضرك من دلوقتي

تصبحوا على خير D: