الاثنين، 9 نوفمبر 2009

أتمنى أن أغفو قليلا


تتجاوز الساعة الرابعة صباحا بقليل
أحاول أن أنسى ما يدور حولى
أحاول أن أطرد شبح الموت بهدوء من حياتى
أغلق أبواب مدنى فى صمت
فلم يعد من المجدى أن تظل مفتوحة أمام من هجرها عامدا
يسود الصمت لدقائق
لا أحاول تجاوز تلك الحالة
فقط أريد أن أحياها المزيد والمزيد من الوقت
أمسك بهاتفى والسماعات الصغيرة
ينطلق صوت الأغنيات فى رأسى منبها جسدى
أضغط زى الإيقاف
أخرج إلى الشرفة وأنا أحاول أن أستمر فى تلك الحالة فى ظلمة الليل الهادىء
أنظر إلى السماء ولا أدرى ماذا أنتظر أن أرى
فها هنا لم تعد تظهر النجوم
تنتشر غيوم الدخان فى السماء وكأنها تشكل عتمة تمنع دفء القمر من الوصول لروحى
وأشعر و كأنها تتغلغل فى صمت محاولة أن تخنق أنفاسى
أنظر للمنازل من حولى
لا أجد ما يستحق النظر
أضغط زر تشغيل الأغنيات من جديد
تنطلق الأغنيات بين ثنايا عقلى محاولة إنعاشى وأن تجعلنى أعود مرة أخرى إلى ذاتى
أفكر فى صمت
أنتقل من تلك الوقفة وأجلس على حافة الشرفة
يزداد تلاحق أفكارى و رعشة البرد تضرب جسدى بقوة
أحاول معرفة ما أمر به
هل حقا أحببتها ؟
هل هوا مجرد إعجاب؟؟؟
لما تركت أبواب مدنى دون حتى أن تنظر لها؟؟
أفيق من أفكارى وتزداد رعشة البرد
هل حقا قد أغفو وانا على حافة الشرفة ؟
ترى إلى أى جانب قد أقع ؟؟
لو غفوت الان وسقط جسدى على الطريق
هل ستمر حياتى كشريط سينمائى أمام عيناى
ترى هل سأرى أحبتى كما كنت أراهم من قبل فى أحلام اليقظة يبتسمون فى صمت ؟
أغمض عيناى محاولا خوض التجربة
أتمنى لو أن أغفو قليلا
بالرغم من كل التعب والإرهاق والدوخة ورعشة البرد ولا أغفو
لا أدرى لماذا
ربما عقلى الباطن يرفض الموت بتلك الطريقة
أغلق عيناى مرة أخرى
أكرر أمنيتى بأن أغفو ولو لثوانى معدودة
تستمر الأغنيات قائلة
(( كل الحواس إتلغت حتى طعم الوجع ))
أبتسم متأكدا مما تقوله الأغنيه
وأعود مرة أخرى لأمنيتى الضائعة
أحلام ضائعة
شاب فقرى

هناك 36 تعليقًا:

سلمى يقول...

اول تعليق
للمره اولى
ربما يرفض العقل والجسد الخوض فى تجاربه يقترحها القلب
ليس كل شىء يقترحها العقل ينبغى ان تنفذها كل الحواس
حتما سترى حبيبتك قبل النهايه
تحياتى

الشعب لابد له من حكومه تشكمه يقول...

**اجمل حب هو الذي نعثر عليه أثناء بحثنا عن شيء آخر"
— أحلام مستغانمي

**ان الحب لا يتقن التفكير والأخطر انه لا يملك ذاكرة, انه لا يستفيد من حماقاته السابقة ولا من تلك الخيبات الصغيرة التى صنعت يوما جرحه الكبير"
— أحلام مستغانمي (فوضى الحواس)


**"الدوار هو العشق، هو الوقوف على حافة السقوط الذي لا يقاوم،
هو التفرج على العالم من نقطة شاهقة للخوف،
هو شحنة من الإنفعالات والأحاسيس المتناقضة, التي تجذبك للأسفل والأعلى في وقت واحد،
لأن السقوط دائما اسهل من الوقوف على قدمين خائفتينّ"
— أحلام مستغانمي (ذاكرة الجسد)

فهمت ولا نقول كمان؟؟؟؟؟

سيب الايام تمشى وشفها هتوديك فين..بس طبعا مع شوية عقل ,لكن انك تفكر وتحسب مش هتوصل لنتيجه لانك ببساطه بتتكلم عن شء لا يخضع لحسابات...

وزى مقالوا قبل كده:
ماينام الا خالى البال:)

ponpona يقول...

صباحك نور يا كريم عامل ايه ؟
بص .. أنا الساعه عندي دلوقتي 6 وربع الصبح بتوقيت اوضتي ولسه هابدأ يوم طويييييل بس انا هاجي وارد ع البوست دا .. دا بالذات .. مش عارفه ليه رغم انه مافيش ف دماغي ولا كلمه حاليا

بس تعرف ان اللقطه دي بتاعة "تي باج" مناسبة قوي هنا ، مش عارفه ليه يا أخي أنا في حاجه ف الشخصيه دي بحبها رغم عمايلها السودا طول الأربع أجزاء بتوع المسلسل إلا إني ساعات باحس انه لسه في شوية نور في روحه مانطفوش

سلام

------ يقول...

حرااااااااااام عليك

ياابنى ايييييييييييه

براحة عليا

واحدة واحدة

مش ممكن يوستين فى اليوم دا انتحار

انت عارف انى بقرأ الواحد بتدقيق كدا علشان افهم حكم السن بقى

لكن اتنين
يلا نروح نقرأ الاتنين

غير معرف يقول...

اذا لم تنتبه لمدينتك .... فهي ليست من يتمنى قلبك ان تحب .... حتى ولو توهمت انت ذلك

تحياتي

Aиgel يقول...


صباح الخير .. أو مساء الخير

أزيك يا كريم ؟؟

لا أحاول تجاوز تلك الحالة
فقط أريد أن أحياها المزيد والمزيد من الوقت؟؟ ليه ده أول سؤال

احتمال يكون ده الجواب واحتمال يكون السؤال التاني : أحاول معرفة ما أمر به
هل حقا أحببتها ؟
هل هوا مجرد إعجاب؟؟؟
لما تركت أبواب مدنى دون حتى أن تنظر لها؟؟


الواضح أنك في حالة ترنح ذاتي
والسبب في ذلك هو .. قد يكون الحب وربما مجرد إعجاب .. المسألة دي هتاخد وقتها بس إذا كان من طبعك البوح والتصريح عما يدور بداخلك فعبر لها ( مع أني معتقدتش أن ده من طبعك ) يعني صعب تعرفها أو تفهم منها .. بس هو تتبع الطريق المستقيم مجرد سؤال ويا هيكون الجواب بالقبول أو الرفض بس على الأفل هترتاح ولو هي في نفس حالتك يبقى أنت كمان ريحتها
مش عارفه أنا بقول كده ليه بس أنا اتعودت على سلوك الطريق المستقيم حتى في مشاعري ربما أتردد قليلاً في اتجاهه خاصة في مثل تلك الأمور

بس صدقني هترتاح

وأتمنى لك كل خير
Angel love

Cute Kitty **sookra يقول...

لماذا تركت ابواب مدنك مفتوحه وفى استقبال شخص لن يدخلها؟
انت المخطىء ياسير كريم
"عليك ان تردع نزعتك للحزن كما لجمت مع العمر نزعتك الى الغضب,ان تكتسب عاده التهكم والضحك فى زمن كنت تبكى فيه بسبب امرأه,او بسبب قضيه اوخيانه صديق"
"اضحك يارجل ,فالموت يمازحك مادام يخطئك كل مره ليصيب غيرك"
احلام مستغانمى .
ليه بنحاول نحيا حاله تعبتنا كدا
تخطى كل مواجعك فانت قلت
"كل الحواس اتلغت حتى طعم الوجع"

ابتسم ياصديقى فالاسوأ لم ياتى بعد
وبعدين بقى تعال هنا
فين مؤسس جبهه الجدعان الشعبيه ولا كلام على الكى بورد وخلاص

بيطرية ومش بايدى يقول...

يا حرام والله صعبان عليا
وبدعيلك ربنا يريحك دنيا واخرة
انا لسه ماقريتش البوست
بس انا والله كنت هاجاوب على بوست الصنعة ده فى مكانه بس مش عارفة ايه اللى لهانى
المهم انا هاقوله هنا وامرى الى الله
انا على فكرة مش معترضة اطلاقا بتاتا على اى حد يشتغل صنعة
بالعكس ده انا حاسة ان الايام اللى جتية دى محتاج الصنعة اليدوية
او اى حاجة بتعملها بايديك يعنى اكتر بكتير من وظيفة حكومية او قعاد على مكتب وتمضى حبة ورق ولا اى حاجة تانية

انا عن نفسى لو اتقدملى واحد بالمواصفات اللى انت قولت عليها
دى مش هيمنى بس لازم اخلاقة تكون فوق الممتازة ويارب الاقى واحد كده
انا شوفت تعليق ماما فاتيما على الموضوع ده وقريت تجربتها
بس معتقدش ان كل الناس زى بعض

عارف اقولك على حاجة بس ماتقولش لحد

Tamer Moghazy يقول...

يعني ده جزائي اني جيت ابص عليك يا فقري..؟؟
عاجبك كده...كنت ها تقع وتوقعني معاك..

Tamer Moghazy يقول...

تعرف فكرتني باغنية حلوة موووووت من زمان..الزمن اللي اتمنى اعيش فيه..
الاغنية بتقول:
"نامت عيون الخلق..تتهنى بالاحلام..
واللي في قلبه شجون..ازاي عيونه تنام"

Aиgel يقول...

تعرف اني عاجبني المود بتاعك
وبعدين بقى (: !!!

وبعدين مين سعيدة الحظ اللي حلمت بيها ؟ سؤال يطرح نفسه

well يقول...

دائما يوجد ما يستحق النظر اليه ..
هل حقا احببتها ..ليس انت من تقرر ولكنه قلبك ...وهو صامت

well يقول...

معلش دوست على نشر التعليق دون قصد علشان كدة هاخد تعليق تانى وببلاش برضوا ..
ربما عقلى الباطن يرفض الموت بتلك الطريقة...ربما فليس نحن من نحدد كيف نموت ولكنه القدر .
كل الحواس إتلغت حتى طعم الوجع...دى اغنية لمين ...شكلها راب ياريت لو تكتبلى اسماء المغنين الراب اللى بتفضلهم علشان ناوى اغير
فى مخيلت راسى اتخيل ان الحواس يمكن ان تتلغى عندما اكون فى مدينة كل ما فيها من دهب وان لمست اى شئ يتحول ذهب
حتى الان لا املك الذهب ..ما زلت اشعر بطعم الوجع ..
ولاننى لا املك الذهب سوف اذهب ..تحياتى

ليس فقيرا من يحب يقول...

فقرى انا وربنا بادخل اقرى كل بوستاتك بس الصراحه مش باعرف اعلق لانى مش بلاقى كلام
كميه الانفعالات والمشاعر فى كل مرة بتخلينى ملقاش ولا كلمه فى مخى ترد على كلامك
هاقولك كلمتين بس
ربنا يريح بالك وينولك كل اللى بتحلم بيه وييسرلك امورك
اللهم امين

ريمان يقول...

فى خيط رفيع بين الاعجاب والحب

بس فى الغالب الاعجاب بيمهد الطريق للحب


اسلوبك فى عرض الموضوع حلو اوى

خصوصا تشبيهاتك


تحياتى لقلمك

'' حطام (ك) بقايا '' يقول...

ممممم
مش عارفة ارد اقول ايه
بس سؤال كده جه في بالي دلوقتي
ليه دايما بنحب نخوض في متاهات لا نعلم نهايتها او نعلم نهايتها ولكن بطريقة سكحية و لا نرى النهاية البعيدة


احساس خوض تجربة الموت
من الاحاسيس التي انتابتني دات مرات لمجرد اشباع الفضول و الاستكشاف لما هو غير مباح على الاقل في الوقت الحالي


التفكير وحده يدل على /لن اقول الحب او الاعجاب/ و لكن ابسط الايمان التفكير و الاهتمام
و احب اشير اني مقلتش اهتماما ايجابيا فربما يكون سلبيا

تخيلت منظر السحب و الغيوم و هي تحيل دون بروز ضوء النجوم و سطوعها
و افتكرت في يوم كمان الساعة اربعة صباحا وانا اراقب السماء و بالضبط نجمة مضيئة تختفي حينا و تظهر مرة اخرى ولا اعلم لمادا رايت نفسي فيها من جهة خاصة

بالامس فقط بمنتصف الليل احسست ان السماء حزينة
ربما هي فقط كالمراة تعكس ما يحضر امامها


مش عارفة بحد دلوقتي انا كتبت عن ايه و لا قلت ايه و لا خارج الموضوع و لالاء
بس كلمات خرجت مني كده بدون تفكيير مسبق

نسيت اقولك ان اول ما شفت اسم التدوينة بتاعتك على مدونتي اول حاجة قلتها في نفسها
* و انا اتمنى ان اغفو الى الابد *
و لو اخدت بالك هتلاقي ان فعل اغفو متناقض مع الابد بطريقة خاصة

دايما ما تجدبني كلماتك ولا تسعني الا الخربشات العفوية كتعبير عن اعجابي بشكل عفوى و ضمني
اتمنى الا تكون ثقيلة على قلبك

تقبل خالص تقديري واحترامي

Asmaa mahaba يقول...

طيب اعدى عليك فى وقت تكون صاحى فيه:))
يوم ما تحب حد :
مش حتقدر تفكر غير فيه
لو مشيت فى الطريق مش حتشوف غير وشه فى كل الوشوش
لما تيجى سيرته قلبك مش حيبطل دق
ويمكن لما تشوفه متقدرشى تفتح بقك معاه
حتتعمد تروح اى مكان انت عارف انه بيتردد عليه
وانك مستعد تعيش معاه عمرك كله وان شكله مبيفرقشى معاك ...يعنى لما يكبر ويعجز ...ولما يمرض ...
..................
فى يوم حتلاقى نفسك خلاص حتموت وتصرح ليه بمشاعرك
قولهاله بكل جراءه متخبيش :) ومتتكسفشى من مشاعرك

قلم رصاص يقول...


اسجل حضور واجيلك بعدين

انت يومك مش معدي معايا

هههههههههههههههه

دمت على خير ياكرمله

حلو الدلع الماسخ ده ولا لأ

ههههههههههههههه

سلام مؤقت

شاب فقرى يقول...

غدا هرجع ارد عالتعليقات نفر نفر


لما اصحى بس

نورتونى واسعدنى سؤالكم واهتمامكم

:)

شاب فقرى

ponpona يقول...

بضحك وأفرح وأعيش وأقتنع نفسى إنى أنامبسوط ...:( :( :( :(

مش مرتاح ولا سعيد ولا مبسوط بأى حاجة:( :( :(


كريم انت كويس؟ .. شكلك كده مش كويس :(

يافقري/اسم مش تريقه
من يهجر مدنك عامدا فابتسم وأخبره أن صحبته السلامه ..
عارف ليه؟ لانه حد لم حاجته ومشي و قرر ببساطه انه مش محتاجلك اكتر من كده .. يبقي خلاص ، الحمد لله كده أحسن طالما حد شايف اني مش فارق معاه يبقي الأحسن انه مشي

أتمني أن أغفو قليلا .. أنا بردو ببقي عايزه أعمل كده .. بافضي شحنتي ف التفكير .. باخرج كل الحاجات اللي شاغلاني واحطها قدامي وف الأخر بانخلص من الحاجات السخيفه وارجع الحاجات الحلوه جوايا تاني .. ساعتها بس بحس ان انا أكثر هدوء
اعمل كل اللي انت عايزه ياكريم .. حط سماعات ف ودانك وعلي الصوت ع الآخر وغني مع الصوت كمان لو حبيت وماتبطلش تبص للسما .. أبدا أبدا ، مهما كانت مساحتها بقت ضيقه اصل بصراحه البيوت بقت عاليااا .. عاليه قوي ، بس عارف بردو حتي لو مساحة سما صغيره قد كدهو فهي بردو حته من السما .. والسما في من فوقيها ربنا وربنا كبييييير سامع وشايف كل حاجه .. اقعد اتكلم معاه شويه وامشي ولو ماعرفتش تتكلم بص للسما وخلاص ..هو عارف كل حاجه من غير ماتتكلم ..
بالنسبه بقي لفكرة انك عايز تقع الناحيه التانيه من الشباك .. مانكرش ان فكره الطيران ف الهوا ولو لمدة ثواني فكره مغريه جدابس عارف .. طيب مافي حاجات كتير هتبقي ممتعه لو عملناها .. بس ماينفعش نعملها .. عارف ليه لان أنا ساعتها أنا هاخد متعة دقايق واتخلي في المقابل عن حاجات تايه أحلي .. انا شكلي أخدت الحته دي بجد قوي ... صح؟ ..

ايها الشاب الفقري ..
الهي يارب يسعد أيامك ويروق بالك

سلام بقي .. كفاياني رغي لحد كده .. هو مافيش حد يوقفني يا جماعه !!

:))

Tamer Nabil Moussa يقول...

اكيد كل حاجة حلوة صعب نحصل عليها وعايز مجهود كبير ممنا

واكيد كمان البعيد بكرة يكون قريب لو كنا عايزين كدة وكافحنا من اجلة

ربنا يوفقك ويكرمك


مع خالص تحياتى

أبو العريف يقول...

ازيك يا باشا

اسلوب متميز ومدونه اكتر من رائعه

عجباني قوي الكلام بتاع احمد حلمي

تحياتي

الفراغ يقول...

مشكلة الحب انه بيريحك
وبعد لحظه ممكن يجرحك
ولحظه ثالثه ممكن يـجننك
وهكذا انت الان
ربنا معاك

shoshta_ joker يقول...

السلام عليكم....
اول زيارة ليا فى مدونتك وان شاء الله تتكرر.....معلش دخله على السريع فمقراتش البوست مش حعلق .....بس فى البداية مدونتك شكلها حاجة جامدة ربنا يوفقك.....دومت بخير....فى رعاية الله.
shemo

Lady E يقول...

حاجات كتير بتحكيها يا شاب بحس انك بتحكيها على لساني وكأن انا اللي قولتها

وصفك للجو المحيط بيك ولحالة التعب والتفكير اللي كنت فيها أكثر من رائعة ومتقلقش من الحالة دي هتمر بس هتاخد وقتها وهتمر لما توصل للإجابة على أسئلتك

حاول تسترخي وتغمض عينيك وتركز مع تنفسك وتفكر في أكتر مكان بتحبه وتشيل من دماغك أي أفكار هتزعجك ووقتها هتقدر تغفو

على فكرة انا كمان بحب جدا لما اكون مخنوقة او عندي امتحان او قلقانة اني افتح الشباك وأشوف السما والقمر والنجوم واحس بلسعة البرد اللي بتكون في الجو وبعدها بحس بتحسن كبير

ربنا يوفقك وكويس انك قولت في تعليقك عالبوست انك هترد عالتعليقات لما تصحى يعني هتغفو :)

ponpona يقول...

هو انت مش ناوي تحط بوست بقي ولا ايه؟

:(

الشعب لابد له من حكومه تشكمه يقول...

خرج ولم يعد:(
بعد مكان 24 بوست فى 24 ساعه.اختفىىىىىىىىى.عوووووووووووودى ياهاميس.قصدى عووووووود يا شاب.
ايه مكتئب ولا ايه؟؟؟؟؟
نفض هدوووووووووووووووووووومك وقف كده وقول انا جدع انت نسيت ولا اييييييييييييه؟

غير معرف يقول...

مخنووووووووق ليه

اول مره ازورك الاقيك مخنوق يعنى

ينفع كدا

ربنا يسعدك دايما ويفك كربك يارب

اسمحلى اضيف مدونتك عندى

حنين

Aиgel يقول...


المدونين المصريين والعرب
بيشجعوا شاب
(:
إيه يا فقري فينك وفين بوستاتك

P:

بستعبط

دموع كابر يقول...

مساء الخير
انا مدونه لسه نونو ويسعدنى انك تشرفينى وتزورينى

أميرة علي كوكب مهجور يقول...

كل مااجي مش الاقي جديد !!!هو في ايه انت كويس؟يارب تكون بخير

شاب فقرى يقول...

سلمى

بحب الاسم دا اوى ليه معنى عندى كبير

ان شاء الله اشوفها

نورتى

شاب فقرى
=============================
الشعب لابد له من حكومة تشكمه
جميل جدا كلام احلام مستغانمى
ربنا يسهل وأعرف أنام

لكن عذرا أنا لاأترك شيئا للظروف

:)

شاب فقرى
==============================
ponpona

يبقى انتى كدا اوضتك بعيده عننا ب ... بلاش شكلها بعيدة اوى :D

انا بحب تى باج جدا
وشخصيته عاجبانى وبشوف العيب فى اللى حواليه مش فيه
وأقدر أفسر لك كل تصرف هوا قام بيه من أول المسلسل
ما شاء الله الكاتب أبدع فيه

نورتى :)

شاب فقرى
==========================
همسات على ضوء القمر
بناء على طلبات الجماهير والمدونين فأنا قررت أن تغيب شمس التدوين الخاصة بيه وهنشر بوست كل كام سنة مرة

تحياتى
شاب فقرى
===========================
فتاة من الصعيد
أهلا بأحسن ناس
حقا لا يوجد من يهتم للمدينة
سأتركها للهدوء وأصبح أحد عابرى السبيل
شاب فقرى
===========================
الهادئة Angel
الحمد لله أنا بخير حال
أريد المكوث فى تلك الحالة أطول وقت ممكن لأنها لا تتكرر كثيرا
وأننى أشتاق لتلك الحالة بين الفينة والأخرى
لا علاقة بما كتبت فى البوست برأيك فى موقف الحب
خالص التحية والتقدير
فقرى
=============================
sookra
أهلا وسهلا
عساكم دوما بخير حال يارب
فعلا الموت اليوم كان يمازحنى وكان بينى وبينه قبضة يد
ليس كلاما وخلاص ولكنها حالة تستمر دقائق وتمر تلك الدقائق مثل مئات السنين
خالص التحية
شاب فقرى
============================
بيطرية

نورتى المدونة

رأيك يحترم بإنتظار تعليقك عالبوست

شاب فقرى
=============================
Timo..
توقع فين ؟؟؟

فعلا إزاى عيونه تنام ؟؟؟

تحياتى
شاب فقرى :)
==============================
Angel
أكيد كنت هكتب الحلم لو ينفع
بس مينفعش
المود بتاعى فكرة مبتكره
إتفضليها لو عايزه :)
خالص التحية

شاب فقرى
================================
well
كان نفسى اقولك كل مغنيين الراب
مرة أخرى لما هتكلم عن حكايتى مع الراب فى بوست لوحده
او لما اكتب لك تعليق ان شاء الله
انا لا احب الذهب
تخيلى انك فى مدينة كلها ذهب
فهذا معناه انه لا قيمة له فى تلك المدينة مادام متوفرا كالتراب فيها
قولك ذكرنى بقول يوسف السباعى على لسان أحد أبطال رواياته :
أنا لا أخشى الموت ولكن أخشى النهايات الدرامية له
خالص تحياتى وتقديرى
شاب فقرى

شاب فقرى يقول...

ليس فقيرا من يحب
إشتقنا إلى تعليقاتكم

لا تحرمونا من رأيكم

خالص التحية والتقدير

شاب فقرى
================================
ريمان
أحد القلائل الذين أدركوا جزء من مغزى البوست
تحياتى على تواجدك ورأيك وتأكدى اننا متفقون تماما
شاب فقرى
=================================
'' حطام (ك) بقايا ''

الغفوة هى إحساس رائع يشعر الإنسان وكأنه نام دهورا ولكنها فى الحقيقة دقائق وأقل من الدقيقة
ولكننا نستيقظ منها فى غاية النشاط
ربما أرى معك أمنية أننى أتمنى ان أغفو إلى الأبد
ولكن الغيوم فى مخيلتى كانت تحجب عنى دفء القمر
هل للقمر حقا دفء ؟
ربما دفء لا يستشعره إلا القلب
يسعدنى تعليقك فهذه المرة لمست جزءا خاصا جدا مما قرأتى
:)
خالص التحية والتقدير
شاب فقرى
=================================
سومة ... مجنونة فى بلد عاقل
حقا من كلماتك أدركت بأننى لم أعرف للحب معنى يوما

:)
شكرا لرأيك وتواجدك :)
شاب فقرى
=============================
قلم رصاص :)

مسمحولك ياباشا بكل أنواع الدلع
كراميللة وكوكو وكل حاجة :D :)
نورت وبإنتظار تعليقك

شاب فقرى
===============================
شاب فقرى
إيه الرخامة دى مش قلت هترد عالتعليقات مردتش ليه ؟؟؟
رخم فعلا
خالص التحية والتقدير
شاب فقرى
===============================
ponpona
أنا فعلا مش كويس ومش كنت راضى ولا اى حاجة حلوة
لحظة وعدت زى سنين
فاتت خلاص
والحمد لله
أوافقك الرأى فى أن أودعه قائلا صحبتك السلامة :)
لا أستطيع أن أفعل مثلك وأرتاح ساعتين وأجد نفسى متخلصا من كل همومى
فساعتين وقت كبير جدا
تكفينى لحظة يتغير فيها كل تفكيرى :)
ومشاعرى ومشاكلى وهمومى
فكرتك عن الطيران انا فكرت فيها كتير اوى
بس لقيت انها مش هتبقى دقايق
مجرد ثوانى عشان كدا رفضت الصفقة
ورفضت أنط
بالنسبة للفكرى وهى الإشتياق للموت وليس الطيران

اللهم آمين
ربنا يحفظك ويعزك
شوفى حد كدا لو حاول يوقفك هعمل فيه إيه :$
نورتى
شاب فقرى
==================================
Tamer Nabil
فعلا حاجة صعبه أوى عايز أحصل عليها

الموت

ربنا يكرمك عالتعليق :)

نورت وخالص تحياتى وتقديرى لمرورك

شاب فقرى
====================================
أبو العريف :)

أسعدنى جدا إنه عجبك

يارب بس متنساناش كتير أوى كدا :)

تحياتى

شاب فقرى
=====================================
الفراغ
أنا مجنون 10000000000% بالحب أو بدونه
خالص تحياتى وتقديرى لمرورك وتعليقك

شاب فقرى
====================================
shemo
يارب تكون المدونة عجبتك وتزورينا تانى :)
وانا هزورك عما قريب

شاب فقرى :)

شاب فقرى يقول...

Lady E

نورتى

:)

:)

الوصف حقيقة حسيت بيه وبأكتر من كدا كمان

الحمد لله لإحساسك بأن الكلام بيعبر عنك
بس فعلا لو بيعبر عنك هتبقى حالتك وحشة زيى بالظبط
بس انا هنا فى البوست فكرت الغفوة قايمة على فكرة الموت
يعنى مينفعش اغفو او تتحقق امنيتى :)

خالص تحياتى لك
شاب فقرى
===================================
ponpona
والله ما كنتش ناوى اكتب النهارده

بس قريت اخر تلات تعليقات فى البوست دا قلت لازم ارد عالتعليقات واكتب كمان :$

:$
شاب فقرى
==================================
الشعب لابد له من حكومة تشكمه
:)

والله زى ما رديت على دموع القمر

ناس كتير بتقولى براحة شوية

مش عارف اعمل ايه

بس لازم اقلل شوية بس مش هقدر

تنااااااااااااااقض

ياريت كنت مكتئب كانت خالتى هتبقى احسن بكتير ناو

عدت فى أمان الله :$
طبعا جدع :)

تسلمى لى يارب
فقرى
==================================
7annen
نورتى

مش حزين ناو

بس ساعة البوست دا كنت حزين

:)

اتفضلى ضيفيها ولا يهمك :)

بس لازم تعملى إشتراك فى المدونة هنا الأول
وتعملى كارنيه
وتطلعى استمارة ماضى عليها اتنين موظفين :)

ههههههههههههههههههههه

دمتى فى أمان الله
شاب فقرى
=================================
Angel

خليهم يشجعوا
أهوه كنت هموت النهارده

الموت بيضحك لى يا ولاد :)

==================================
دموع كابر

جارى الزيارة

على فكرة انا شاب مش فتاة :D
===============================
أميرة على كوكل مهجور
فعلا مكنتش كويس خالص
كنت شغال ومشغول
وكمان تعبان
وغرقان فى مشاكل
وكنت هموت الاسبوع دا تلات مرات :$
وإكتئبت مرتين
والناس بتنكد عليه وبتقولى إكتب براحة شوية وبطل تكتب ورا بعضه وبتقولى البوستات طويلة
يعنى الحالة تمام والحمد لله :)
ركزى فى الدعاء :)
خالص التحية والتقدير
شاب فقرى
:)

نعكشة يقول...

كذا مرة قفشت نفسي نمت وانا ساندةعلى الشباك و البلكونة :D

مش نمت يعني
اللي هوه
سَقَّطت

بمر بالحالة دية كتير

مش بسبب السبب اللي حضرتك ذكرته بس الحالة نفسها تجتاحني يعني ساعات

سلامٌ عليك

شاب فقرى يقول...

نعكشة

الحالة دى لو ركزتى فيها شوية

هتلاقي فيها قمة الالم

وقمة المتعه

تحياتى

شاب فقرى

:)

شكرا للاهتمام بالرد على كل دا :)