الجمعة، 2 أكتوبر، 2009

وحشتينى !!!!


سكن فى قلبى الصمت
وحاولت أكتم شوقى ليكى
لكن يا روح القلب
مقدرتش أنكر إنك وحشتينى


أفضل فى دنيا الصمت
والدقايق والثوانى تمر
وتعدى زى سنين
ويكسر أى صمت
صرخة الشوق والحنين


خايف يا نور العين
متعرفيش حبيبك مين
وتبقى زى الناس
عاشت معايه سنين
ولسه معرفتش انا مين

وبرغم إنكارى لذاتى
فى حضن كلماتك الحزينة
مش هقضى عمرى ساكت
وهتيجى يوم وتعرفينى

وحشتينى
شاب فقرى

هناك 42 تعليقًا:

بيطرية ومش بايدى يقول...

ومعانا اول تعليق مش فقرى
ونقول الووووووووووو

بيطرية ومش بايدى يقول...

وكمان تانى تعليق
والمرة دى برده
الووووووووووو

مساء الخيييييييييير

بيطرية ومش بايدى يقول...

عم المسحراتى بيدحرج التماسى

وهيروح يقرا ويرجع تانى

بيطرية ومش بايدى يقول...

انطلقى ماجنم
فوووووووووووووووووووووووووووووووووووووووووووويش

بيطرية ومش بايدى يقول...

اولا الصورة تحفة جدا جدا
ثانيا البوست اتحف واجمل

مش قولتلك ف البوست اللى فات انها هى اللى هتعرفك

ربنا يجيبها بالسلامة

والله البوست تحفة وجامد اخر حاجة

دمتم مبدع ومش فقرى خااااالص

فى رعاية الله وامنه

شاب فقرى يقول...

منورة يا دكتورة
ما شاء الله عليكى
على طول سابقة سنك
دى كلها أحلامى وكلماتى أنا

محدش عرف حد لسه

دعواتك

شاب فقرى

THE illusionist يقول...

كلماتك حلوه قوى يا باشا
بجد من تاليفك دى
دى جميله قوى يعنى
بس انا قريتها مرتين بس
حبيبى يا ريس
انا عاوز ابقى اتعرف عليك
وانا غالبا ضيفتك يعنى
ابقى اقبل

دموع القمر يقول...

هاااااااااانت اهه

صدقنى زمنها جاية فى السكة

هى بس هتسمع كلمة وحشتينى
والكلام الجامد دا

هتقول انت كنت فين من زمان

انا بقالى ساعة مستنياك

ولو اتأخرت عن كدا بقى اكيد هتركب وتمشى ههههه

دموع القمر يقول...

خايف يا نور العين
متعرفيش حبيبك مين
وتبقى زى الناس
عاشت معايه سنين
ولسه معرفتش انا مين


انت مكتوب ليها وهى مكتوبة ليك من يوم الميلاد

فمتخفش جاية جاية

بس انت متتأخرش

اى والله شوفت الدنيا نورت الزاى :)
اول ماشلت عمو الفقرى اللى بيقول انا فاشل

Angel يقول...


شاب فقري ..
جميلة تلك النغمات الشجيه بين السطور
لــ نبضٍ كاد يغرق في عــــشقه..


سلمت الأيادي

Angel love

هــو..مش ..نـو يقول...
أزال المؤلف هذا التعليق.
هــو..مش ..نـو يقول...

هوهو هنا علي راحتي
هوهوه مالهاش مثيل ...
هو رايق مع حبيبه فقره
وأنا يلزمني عضمه وحته لحمه
عضمه في العضل ...يا بطل.

شاب فقرى يقول...

THE illusionist

نورت المدونة

فعلا من تأليفى وشكرا لرايك الجميل :)


غاليا مش ضفتنى لانى مش وصلنى حاجة :$

تحياتى

شاب فقرى

شاب فقرى يقول...

دموع القمر
انا شيلت ابو نضارة عشان قررت اغير حاجات معينه وفعلا دى منها

انا اقصد بموضوع خايف يا نور العين

انها تعرفنى وتقابلنى ومش تعرف حقيقتى

المهم الحقيقة مش الشكل والاسم

لو اتقابلتى مع حد ومش فهمك كويس يبقى كأنه معرفكيش

الدنيا منورة بوجودك

شاب فقرى

شاب فقرى يقول...

الهادئة Angel love

شكرا لرأيك :)

تحياتى

شاب فقرى

شاب فقرى يقول...

هو مش نو

نورت المدونة

تحياتى لتواجدك

ويارب تكون عجبتك الكلمات

شاب فقرى

آه وكفى يقول...

سٍيدي ياسيييييييييدي

شاب فقرى يقول...

اه وكفى

دا من بعض ما عندنا :$

نورت المدونة

آيوشة يقول...

سكن فى قلبى الصمت
وحاولت أكتم شوقى ليكى
لكن يا روح القلب
مقدرتش أنكر إنك وحشتينى

احساسها عالى جدا وبداية قوية جميلة تسلم ايديك بس الصمت مش حلو فى اغلب الاوقات لانه بيجب ندم فى الاخر الحب لما بيتملك من انسان مش بيقدر يخبئ بيان عليه حتى لو من غير كلام

شاب فقرى يقول...

آيوشة

الصمت لغة لا يجيدها إلا من تعبوا من أكاذيب الآخرين وأمنوا بصدق لغة العيون

وفعلا مشكلة حكاية يبان عليه دى ):

تحياتى لوجودك وردك

شاب فقرى

7akwena يقول...

وبرغم إنكارى لذاتى
فى حضن كلماتك الحزينة
مش هقضى عمرى ساكت
وهتيجى يوم وتعرفينى
~~~~~~~~
جميل اوى الجزء ده
بس يا ترى لو معرفتكش
هتفضل دافن نفسك فى كلماتك الحزينه
بسأل السؤال ده لنفسى كتير

شاب فقرى يقول...

7akwena
المعنى بيقول ((انا بنكر ذاتى فى وجودها عشان ميبقاش فى حدود قدامها وهى بتفكر
وفى نفس الوقت خايف مش تعرفنى تماما
))

القصد بالمعرفة هوا المعرفة السليمة مش اعرف ان فلان دا بيحبنى وخلاص يعنى تعرف الشخصية والفكر وكل حاجة

فاهمنى اكيد :)

نورت المدونة

شاب فقرى

adel يقول...

هو اللي في بالي يامرسي
ولا تكونش شوكولاتة

اه يا خلبوص

حسابنا بعدين

--
بالنسبة للكلام بما انك اخويا و محدش يعرف
سرك في بير يا ...
هههههههههههه

الكلام حلو بس بحسه عامي علي فصحي ده مش وحش
بس عاوز تمكن ..وانا اشاسا بتكتب حلو
عاوزك تزود بقي :)
وعاوز اكتب و مش عارف
اكتبلي انت بقي ياعمونا
حاجة عن الشحتفة في الحب :):)

شاب فقرى يقول...

أوبااااااااااااا

دا اللى انا عامل حسابه

عادل حكومة وصل يا رجالة

وجاى بقى يشردنى ويقول ان احنا صحاب من زمان :$ (( طبعا ياريس منور ))

زمان اوى

دا احنا متربيين مع بعض يا عادل :P

ان شاء الله يا جميل هنزود وهنكتب تانى

بس من غير إلهام مينفعش نكتب

حاضر يا عادل باشا إنته تأمر

أكتبلك عن الشحتفه فى الحب :$

وماله

مش عايز حاجة ساقعة كمان

دليفرى وغلاوتك :)

منور يا عادل

وإبقى زور مدونة أخوك

على طول

مش تعليق وبس :)

صباح الفل

شاب فقرى

طوبه فضه وطوبه دهب يقول...

الترجمه
كل شىء نصيب والدنيا لا تبقى على حال فان كانت اليوم مش موجوده بكره هتكون موجوده وان كنت تشتاق اليوم لرؤيتها غدا ستمل من الجلوس معها فتلك هى حياتنا ودنيتنا وكل لنا قدر له معاد ليقابل من كتب له قدره ان يكون النصف الذى يكمله وفى الوقت المحدد يكتمل النصفين ويمضوا معا ولو كان قدرهم ان يظلوا معا فان قوى الدنيا باكملها لن تقدر على تفريقهم وان كتب لهم ان يفترقوا فقوا الدنيا ايضا لن تستطيع تجمعهم فالموضوع باكمله اقدار نستمر فى حياتنا لنلاقى اقدارنا وقت قدر لنا اسلوبك حلو وشيق بجد

شاب فقرى يقول...

طوبة فضة وطوبة دهب

اهلا بيك فى المدونة

وشكرا للتشجيع الواضح من خلال كلامك :)

وشكرا لزيارتك والترجمة

وفعلا كل شىء قسمة ونصيب :)

تحياتى

شاب فقرى

well يقول...

مش هقضى عمرى ساكت
وهتيجى يوم وتعرفينى

...لأنى هوصلك
تحياتى لكماتك واحساسك

شاب فقرى يقول...

والله فعلا هى دى الكلمة اللى كانت ناقصة

لانى هوصلك

حلو رايك

ونورت المدونة يا ويل :)

شاب فقرى

صمت المشاعر يقول...

جميله اوووووووي كلماتك

وفيها احساس صادق

دمت بكل خير

شاب فقرى يقول...

صمت المشاعر

نورت المدونة

شكرا لك :)

تحياتى

شاب فقرى

ميرام يقول...

(:
طيب
....
بما اني ماتعودتش انافق .. ولا أجامل
وبما اني مش معتبرة التدوين مكان للتصفيق والمجاملات
ولأني بتمنى أي حد يقرالي ويشوف غلط ينقدني عشان أصحح ..
مش هكتفي بالمرور وعدم التعليق



هو كمعنى واحساس طبعا جميل ولا خلاف على ذلك
لكن في مشاكل في الوزن وقفتني كتير وماقدرتش أتابع الايقاع

ده طبعا اذا صنف كشعر
لكن لو اعتبرته خاطرة فانا هسحب كلامي
(:


تحيـــاتي

ميرام يقول...

قرأتها تاني
ورجعت تاني عشان أقول ان الجزء ده عجبني
وبرغم إنكارى لذاتى
فى حضن كلماتك الحزينة
مش هقضى عمرى ساكت
وهتيجى يوم وتعرفينى


تحيــــاتي

شاب فقرى يقول...

ميرام

أهلا وسهلا بيكى فى المدونة منورة كالعادة

بصراحة عندك حق

وبرده انا مقدرتش اعتبره شعر للسبب دا

لانى على طول فى الوزن بيقع منى حاجات كتير اوى

بس اهوه اولى المحاولات

ومنكم نستفيد طبعا

وطبعا هنا ساحة لإبداء الرأى والمهم هوا النقد وشرفنى رأيك كتير

أنا نفسى بعد ما كتبته وأنا بنسق البوست صراحة معجبنيش وكنت همسحه مسح وأنسفه نسف من الوجود كله

بس قلت نكتب ونتعلم والأيام تعلمنا اكتر واكتر
بالاضافة انى بحاول اقرا فى الاعمال الكاملة للشعراء اللى بحبهم ويارب اتعلم منهم ولو بسيط

تحياتى واحترامى الكامل على التعليق الاول :)

شاب فقرى

شاب فقرى يقول...

ميرام

هوا من وجهة نظرى الجزء اللى قلتى عليه هوا أهم جزء فى المكتوب كله

لانه من وجهة نظرى الناس لما بيتعارف بيبقى فى حدود كتيرة جدااااااااا جداااااااااااا

فعشان كدا انكار الذات أو عدم التمسك بالذات او التنازل عن العناد بيشيل اى حواجز بين الناس

وعشان كدا كتبت الجزء دا

لان الواحد المفروض يتنازل عن ذاته احيانا عشان الطرف الاخر ميبقاش قدامه حدود تصدمه اثناء محاولة المعرفه ويقدر يعرفه (( معرفه كاملة )) بدون ما يلاقى مصاعب او حدود او مشاكل وقواعد وقيود تدايقه وتخليه ينفر فجاة

بس كدا :)

نورتى المدونة

تحياتى

شاب فقرى :)

ميرام يقول...

جميل قوي تقبلك للنقد
شيء مشجع
غالبا لما بدخل أعلق عند حد تعليق غير واااو وهايل
التعليق مش بيتنشر
(:
(:



لان الواحد المفروض يتنازل عن ذاته احيانا عشان الطرف الاخر ميبقاش قدامه حدود تصدمه اثناء محاولة المعرفه ويقدر يعرفه (( معرفه كاملة )) بدون ما يلاقى مصاعب او حدود او مشاكل وقواعد وقيود تدايقه وتخليه ينفر فجاة


صعـــب قووووووي
حالة غريبة قوي
تعرف لو الناس عملت كده
هتبقى العلاقات بين الناس بسيطة قووي وعفوية جدااا
تخيل الناس تنزع الوشوش وتشيل الحواجز
ياااااه
ده عالم خيالي
(:


ده مجرد التفكير في كده يخلي الواحد ناقم على البشر ..(:
أنا هخرج بقى عشان أبطل تخيل

كل احترامي

شاب فقرى يقول...

ميرام

عارف ان دا عالم خيالى بين البشر

لكن هنا انا بذكر حالة واحدة بس

شخصية واحدة بس

الواحد معاها يتنازل عن كل حاجة

ينسى كل حاجة

يسيب كل حاجة

ميفكرش فى أى حاجة غير التواصل والفهم للآخر والمعرفة والحب للآخر

يعنى يشيل أى حاجو ممكن يمنع الطرف التانى

لأن البعض بيحب يكون غامض أو وحيد

ولكن بيتنازل عن كل جا لما بيلاقى فعلا الشخصية اللى روحه تتعلق بيها

إنما بقيت الناس

دى مستحيلة لأن الناس ساعتها هتبيع وتشترى فى الواحد

تحياتى لتواجدك

ونمتنى نشوف ردك دايما

هنا لا نمحو أى تعليق :)مهما كان وخاصة إذا كان يحمل قيمة أو نقد مهم من شخص يحمل المسؤلية لما يقول :)

تحياتى وإحترامى الكامل لكى يا ميرام

شاب فقرى

wella يقول...

وبرغم إنكارى لذاتى
فى حضن كلماتك الحزينة
مش هقضى عمرى ساكت
وهتيجى يوم وتعرفينى

وحشتينى




ااااااااااااااه بحب انا الكلام الحلو

كلام الحب والاشتياق

wella يقول...

نرجع تانى


مدونتك مش عارفة اقوللك اية انا اقعدت اقراها وانما مبسوطة
مع انى كنت نعسانة وعوزة اناااااااام اوى بس شدتنى كلماتك


بجد جميله


هبقى ارجع تانى واعلق على البوستات اللى فاتت
اقراها على روقاق انا قريت اربع بوستات تقريبا

wella يقول...

حلوة اوى انو حبيتك وحشتك من غير ماتعرفها



انا عوزة ارغى كتير بس خليها بعد بكرة على رواق كدة

شاب فقرى يقول...

wella

سعد جدا ان كلامك عجبك

وسعيد اكتر ان المدونة عجبت حضرتك وهتقراها

تنور فى اى وقت ان شاء الله تعجبك المدونة كاملة

هى وحشتنى من قبل ما اعرفها

ولما حسيت ان فى حد فى حياتى دلوقتى يستحق الحنين دا

الحنين زاد

بإنتظار كافة تعليقات حضرتك

مع تحياتى وإحترامى

شاب فقرى

بسنت يقول...

جميله اوى الكلمات دى

دمت بخير

شاب فقرى يقول...

بسنت


عفوا


تحياتى لتواجدك

شاب فقرى