الأربعاء، 19 فبراير، 2014

فى وسط كل دا

فى وسط كل الحاجات اللى بتموت هناك وبعافر عشان أصحيها وأحييها كل يوم 
فى وسط كل القرف والهم والنكد والتعب والإرهاق وساعات النوم القليلة 
فى وسط كل حاجة بتضيع 
فى وسط المعركة 
يأتي السلام منك أنت ...

You Gave me Peace In The Time Of War




 
تقريبا بقيت بكتتب هنا ومحدش بيقرا 
ودا بيفكرني بحاجة مهمة جدا 
إني بكتب لنفسي وبس 
لأني عايز أكتب وأحكي وأتكلم 
هنا بحكي براحتي 
هنا بعيش أنا 
زي ما إنتي بس اللى بكون معاكي أنا 
My Doctor
ماي لايف
كل حاجة 

الحب مش محتاج برهان ولا دليل ولا هدايا ولا أي حاجة سوي إنه يكون حب 
مش فارق بقى مين يقرا ولا مين يتكلم ولا مين يقول 
أنا دايما هنا 
عشانك 
أول وش شوفته وشافني 
أول حياة 
مش مهم أي حاجة ولا أي حد تاني 
هكتب عشان أكون أنا 
عشان الناس اللى بحبهم بجد 
اللى هما إنتي يعني :)
كريم مبينساش
لكنه برده بيعرف يعيش من تاني ويفرح 
ويخلق مليون أول مرة لكل حاجة 
عشانك 
لأنك النور 
نوري أنا 

أحبك 
قبل
وبعد 
وللمنتهي 
وحتي بواب الجنة 
وعلي كل قد 
وقد اللى مقدوش قد 
بس خلاص
اليوم خلص
لازم أسافر 
:)

مش مهم حد يقرا 
مش مهم حد يفهم 
مش مهم حد يعرف يتعامل 
المهم إنك فاهمة من قبل ما أتكلم :)
بس خلاص
بيس

المحبة تحكم 
المحبة تستر 
المحبة سر :)

كل حب يتعلق بسبب يزول بزوال السبب
ما ينفع لسبب لأنه نفسه سبب الوجود 
الحبيب حبيب :)
حبيب وبس حتي لو منع أو بعد 





هناك 3 تعليقات:

قمر وليل وغيوم يقول...

لا ياعم انت مش لوحدك هنا
احم احم
نحن هنااااا
هههههههه
المهم ربنا يجعل ايامكم كلها حب ف حب
وحمد الله على السلامه

doaa elattar يقول...

"تقريبا بقيت بكتتب هنا ومحدش بيقرا
ودا بيفكرني بحاجة مهمة جدا
إني بكتب لنفسي وبس
لأني عايز أكتب وأحكي وأتكلم
هنا بحكي براحتي
هنا بعيش أنا"

لو كتبنا واستنينا رأي حد .. يبقى مش هنكتب ،، أو هنكتب واللي هنكتبه مش هيكون له طعم .. زي ماانت قولت " اكتب لنفسك وبس"

كن بخير :)

غير معرف يقول...

نكتب اوجاعنا ونحن نعلم بأن الكتابه ليست "سبيلا لمحوها"
ولكن وجع"مكتوب"
خيرآ من"وجع مكبوت"



لو استنيت من احد اهتمام
هتنام كل يوم زعلان(G)