السبت، 22 فبراير، 2014

يا سلام

لو الزمن طريق واحنا ماشيين فيه فى اتجاه واحد بس 
فالحاجات الحلوة حاجات فاتت بنفتكرها 
واللحظات الوحشة لحظات متعبة عايشينها 
ليه منقفش فى الطريق دا فى المكان اللى بنرتاح فيه ؟
طالما فى إرادة حرة وإختيار 
ليه منقفش عند اللحظة اللى حسينا قلوبنا بترتعش فيها؟؟؟ ليه فكرنا فى الوقت بيخلص وان لازم نمشي وحصلت كل المشاكل دى ؟؟
ليه منقفش عند اللحظة اللى حسينا فيها بفرحة لا نهائية وحسينا إن الهوا مطيرنا من عالارض؟؟
ليه موقفناش عند لحظة السؤال ( نمشي من هنا ولا من هنا ) ؟؟
ليه موقفش الزمن بينا فى لحظة حلوة من دول ؟؟؟
يكن عشان لازم نتعرض لاختيارات تنقي حياتنا من الشرور والمساوىء اللى فيها ؟
يمكن عشان لازم نتحط فى أزمات بشكل مفاجىء ؟
يمكن عشان لازم نكبر ونفهم اكتر مع الوقت ؟
طيب ليه نفهم أصلا لما الفهم حاجة هتضيع سعادتنا ؟
ليه يجري كل دا ؟؟؟
عشان نوصل للنقطة اللى احنا فيها يعني ويبقى إسنا إتكوننا وتعبنا ؟؟
هوا ليه مينفعش نسيب   الطفل فى محل حلويات لوحده ونحبسه طالما بيحب كدا ؟
لنفس السبب اللى بيخلي الزمن ميقفش 
لانك صغير ومش عارف مصلحتك ؟
طيب وهتفرق إيه المصلحة طالما فى اختيار حلو قمنا بيه ؟
بقالى مدة كبيرة أوي مفكرتش فى الفوارق ولا فى العشر دقايق الضوئية ولا فى الرغبة فى الهروب اللى بتراودني ولا فى اللحظات الحلوة اوى اللى عشتها من مدة طويلة 
طبعا فى حل 
الحل بسيط 
ان كل حد عشنا معاه لحظات حلوة يوعدنا يستمر حلو كدا وحتي لو بقى وحش لازم يعمل حاجات حلوة تخلي اللى جاي علي طريق الزمن حلو برده 
بس خلاص 
الموضوع إنتهي وانا خلصت كلامي 
بس خلاص
وختاما فى مشكلة كبيرة مع نفسي أتمنى متتسببش فى كراهيتي ليا 
شاب فقري

هناك 5 تعليقات:

قمر وليل وغيوم يقول...

ياريت نقدر نوقف الزمن عند اللحظات الحلوه اللى بنمر بيها وبنشعر بالسعاده
لكن سرعان.ما تمر هذه اللحظه واحيانا مش بترجع تانى
هى دى الدنيا
وكلنا عندنا مشاكل مع نفسنا لكن انت لازم تتخطى المشاكل دى بدون ان تكره نفسك لانك او.كرهتها هتقع فى دوامه مالهاش اخر
.

sony2000 يقول...

فقري
ازيك

الحياه
لحظه
مضيعهاش فأي حاجه
ولا فتفكير حتي

عيشها

Do3aa El_attar يقول...

طب ابدأ منين ؟
عايزة أقولك إن أنا وصلت لمرحلة اني مش خايفة أفهم .. لأن لما بفهم .. بتعب .. وكل مااتعلم ... أو أشوف .. مااعرفش ارجع لنفس النقطة اللي كنت عندها ..،
ليه مانفضلش عند نفس اللحظة اللي حسينا فيها بسعادة واننا طايرين؟
لأن ببساطة "لقد خلقنا الإنسان في كبد"
لو الحياة هي النهاية .. كنا استسلمنا من بدري .. لكن اللي مصبرنا إن في آخرة .. وان دي مجرد مرحلة :)

كن بخير ياكريم :)

غير معرف يقول...

الحب لها اكثر من طريق
وكذلك اكثر معني
طريق مشاعر
طريق احزان
طريق فراق

ههههههههه والطريق المشهور او المعتاد
احنا مينفغش لبعض

سؤال بجد نفسي اعرف اجابته
يعني ايه انا بحبك
بس لازم تتغير(انت عصبي,مستهتر,ماسك علي الواحده ......

بحبك يعني بحبك وبس بدون تعديل


لو كان خيار اختيار الطريق املكه لن اختار قبل ان اعالج نفسي من ازمه انتي صغيره
الصغير ليس صغير الجسم ولكن العقل



بص انا مش عارفه كتبت ايه بس مش هحذفه وهبعته كده وخلاص
الجيش عامل ايه
انا متاكده انك مهما كان طريقك هتعديه سؤاء كان صعب او مستحيل

انا واثقه فيك(GG)


Do3aa El_attar يقول...

على فكرة أنا علقت :(

هو الكومنت مااتسيفش ولا ايه :((((