ياشعبي حبيبي ياروحي يابيبي ياحاطك في جيبي يابن الحلال
ياشعبي ياشاطر ياجابر خواطر ياساكن مقابر وصابر وعال
ياواكل سمومك يابايع هدومك ياحامل همومك وشايل جبال
ياشعبي اللي نايم وسارح وهايم وفي الفقر عايم وحاله ده حال
احبك محشش مفرفش مطنش ودايخ مدوخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب ويسرق تلال
واحب اللي شايف وعارف وخايف وبالع لسانه وكاتم ماقال
واحب اللي قافل عيونه المغفل واحب البهايم واحب البغال
واحب اللي راضي واحب اللي فاضي واحب اللي عايز يربي العيال
واحب اللي يائس واحب اللي بائس واحب اللي محبط وشايف محال
واحبك تسافر وتبعد تهاجر وتبعت فلوسك دولار او ريال
واحبك تطبل تهلل تهبل عشان مطش كوره وفيلم ومقال
واحبك تأيد تعضض تمجد توافق تنافق وتلحس نعال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغلي مخك وتفتح جدال
وتبدأ تشاكل وتعمل مشاكل وتنكش مسائل وتسأل سؤال
وعايز تنور وعايز تطور وتعمللي روحك مفرد رجال
ساعتها حجيبك لايمكن اسيبك وراح تبقى عبره وتصبح مثال
حبهدل جنابك واذل اللي جابك وحيكون عذابك ده فوق الاحتمال
وامرمط سعادتك واهزأ سيادتك واخلي كرامتك في حالة هزال
وتلبس قضيه وتصبح رزيه وباقي حياتك تعيش في انعزال
حتقبل ححبك حترفض حلبك حتطلع حتنزل حجيبلك جمال
شعر : أحمد فؤاد نجم
غناء : سامح هاشم
غناء : سامح هاشم
هناك 22 تعليقًا:
اه انا واثقة انه ها يجيب جمال
إلا ان يشاء الله
سبحانه يغير الأحوال بين عشية وضحاها
تحياتي يا كريم
منورة يا دكتورة
خالص تحياتى لوجودك
يارب يستر
انا عايز حاجة أجمل مش جمال وبس :)
نورتى
شاب فقرى
يا الله
جمال يحكم مصر
هي دي النهاية
احنا نقصين وجع وألم وحسره
ياااااااااااارب
ربما ليست النهاية
ولكنها طريق آخر
قد لا يحبه البعض
ولكنها ليست النهاية
نورتى يا من كل بستان زهرة
شاب فقرى
:)
اختيار في السليم السليم يعني
وخصوصا اليومين دول
ازيك يارب تكون بخير
واخبار الحياة معاك ايه؟
سلامي
اهاا دى اخرتها فعلا
بيلفوا ويدوروا على حلقه معروف اولها
بس بيحللوا انها هى دى الديمقراطيه
انا باعشق فؤاد نجم
انا قريتها قبل كده :)
حلوه اوي
تحياتي
حتقبل ححبك حترفض حلبك حتطلع حتنزل حجيبلك جمال
... بجد جميلة جدا وطبعا عمنا احمد فؤاد نجم هو ابونا الروحي وملهمنا الروحي للشعر المقاوم .. وربنا يستر ومايجبلناش جمال
هو إللى يزهق من أمه يعمل إيه ؟؟
شمس النهار
نورتى والله
يارب دايما بخير
بقالى فترة مختفى وحاسس ان حضرتك برده كدا
يارب المانع خير
فقرى :)
emymony
يارب متكونش دى أخرتها
التاريخ بيقول كدا :)
إن النهاية مش لسه دلوقتى
نورتى
إحترامى
فقرى
فتاة من الصعيد
نورتى بعد طول غيبة
عمنا أحمد مش بيكتب حاجة وحشة :)
فقرى
dr/shiko
الله يرحم واحد اعرفه
كان على طول يقولى لما بقوله بعد الشر
ييجى يقولى الشر جاى جاى
أتمنى إنه يكون على خطأ
نورت يا دكتور
فقرى
هراء لا داعى له
اللى يزهق من أمه
يجيب لأبوه عروسة :D
يعنى يخلى أبوه يتجوز عليها
يعنى يجيب لها ضرة
الاجابة سهلة
يعنى تخلى قلبك يتقسم ميبقاش كله ليها
ودى فى حد ذاتها كارثة
يا خسارة
مفيش حل :(
نورت يا دكترة
فقرى
اولا انا زلعانة وهعيط هة بس اةةة يانى محدش سال عليا وانا غايبة كدة برضة اللة يسامحكم كان عندى ظروف واللة مش بفتح النت غير قليل اوى... اما عن جمال وابو جمال من اعمالكم سلط عليكم الشعب الظالم بيجيلة حاكم ظالم ...
غير معرف
أول ما أعرف مين
هرد على طول
عشان فى شخصية صديقة اختفت
وقفلت المدونة
يمكن تطلع إنتى والمسامح كريم :)
اللى هوا أنا :D
شاب فقرى
فى الحقيقه لما بشوف المناظر دى بحس انى فى دنيا تانيه وعالم تانى
بس سؤال
هو احنا الشعب عايشين فى عالم والجماعه التانيه اللى هى الحكومه يعنى فى عالم تانى؟
اعمق تحياتى
هيا الانتخابات هتخلص امتى؟؟؟
يعني ينفع اتقدم وارشح نفسي؟؟
اقول ايه
مش عارفه
مابين سخط ع الموجود وتشوق للغائب
مش عارفه ايه الصح
اتمنى ربنا يحافظ علينا
شعب وشكلا قدام البشر
واحتراما قدام نفسنا
أشك
إذن أنا دبوس
قصدي على جثة الشعب يعني
وبعدين القصيدة دي قديمه ياكريم
لازم تقلب المواجع يا اخي يعني
ههههههههههههههه
واحشني والله جدا
ظروف كانت واخداني من السؤال عليك
كلك زوق وتقدير ياصديقي
تقبل مروري وتحيتي
حلو القلم الرصاص ال في الكليب ده
ياتري ده مصري ولا صيني ولا شو الماني
يلا جمال جمال
ههههههههههههه
بجد فظيعه
ربنا ياابني يسترها عليك:)
روووووووووووووعه
احنا عارفين انه هيجيب جمال بس يا ترى الحال هيبقى ازاى
ربنا يستر
هى دى مصر
إرسال تعليق