الخميس، 22 أبريل، 2010

حتطلع حتنزل حجيبلك جمال





ياشعبي حبيبي ياروحي يابيبي ياحاطك في جيبي يابن الحلال

ياشعبي ياشاطر ياجابر خواطر ياساكن مقابر وصابر وعال

ياواكل سمومك يابايع هدومك ياحامل همومك وشايل جبال

ياشعبي اللي نايم وسارح وهايم وفي الفقر عايم وحاله ده حال

احبك محشش مفرفش مطنش ودايخ مدوخ واخر انسطال

احبك مكبر دماغك مخدر ممشي امورك كده باتكال

واحب اللي ينصب واحب اللي يكدب واحب اللي ينهب ويسرق تلال

واحب اللي شايف وعارف وخايف وبالع لسانه وكاتم ماقال

واحب اللي قافل عيونه المغفل واحب البهايم واحب البغال

واحب اللي راضي واحب اللي فاضي واحب اللي عايز يربي العيال

واحب اللي يائس واحب اللي بائس واحب اللي محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كوره وفيلم ومقال

واحبك تأيد تعضض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغلي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها حجيبك لايمكن اسيبك وراح تبقى عبره وتصبح مثال

حبهدل جنابك واذل اللي جابك وحيكون عذابك ده فوق الاحتمال

وامرمط سعادتك واهزأ سيادتك واخلي كرامتك في حالة هزال

وتلبس قضيه وتصبح رزيه وباقي حياتك تعيش في انعزال

حتقبل ححبك حترفض حلبك حتطلع حتنزل حجيبلك جمال

شعر : أحمد فؤاد نجم
غناء : سامح هاشم

هناك 22 تعليقًا:

ستيتة حسب الله الحمش يقول...

اه انا واثقة انه ها يجيب جمال
إلا ان يشاء الله
سبحانه يغير الأحوال بين عشية وضحاها
تحياتي يا كريم

شاب فقرى يقول...

منورة يا دكتورة

خالص تحياتى لوجودك

يارب يستر

انا عايز حاجة أجمل مش جمال وبس :)

نورتى

شاب فقرى

من كل بستان زهرة يقول...

يا الله

جمال يحكم مصر
هي دي النهاية


احنا نقصين وجع وألم وحسره
ياااااااااااارب

شاب فقرى يقول...

ربما ليست النهاية
ولكنها طريق آخر
قد لا يحبه البعض
ولكنها ليست النهاية

نورتى يا من كل بستان زهرة

شاب فقرى

شمس النهار يقول...

:)
اختيار في السليم السليم يعني
وخصوصا اليومين دول

ازيك يارب تكون بخير
واخبار الحياة معاك ايه؟

سلامي

emymony يقول...

اهاا دى اخرتها فعلا
بيلفوا ويدوروا على حلقه معروف اولها
بس بيحللوا انها هى دى الديمقراطيه
انا باعشق فؤاد نجم

فتاه من الصعيد يقول...

انا قريتها قبل كده :)

حلوه اوي

تحياتي

dr/shiko يقول...

حتقبل ححبك حترفض حلبك حتطلع حتنزل حجيبلك جمال

... بجد جميلة جدا وطبعا عمنا احمد فؤاد نجم هو ابونا الروحي وملهمنا الروحي للشعر المقاوم .. وربنا يستر ومايجبلناش جمال

هراء لا داعى له ..... يقول...

هو إللى يزهق من أمه يعمل إيه ؟؟

شاب فقرى يقول...

شمس النهار

نورتى والله

يارب دايما بخير

بقالى فترة مختفى وحاسس ان حضرتك برده كدا

يارب المانع خير

فقرى :)

شاب فقرى يقول...

emymony

يارب متكونش دى أخرتها

التاريخ بيقول كدا :)

إن النهاية مش لسه دلوقتى


نورتى
إحترامى

فقرى

شاب فقرى يقول...

فتاة من الصعيد

نورتى بعد طول غيبة

عمنا أحمد مش بيكتب حاجة وحشة :)

فقرى

شاب فقرى يقول...

dr/shiko

الله يرحم واحد اعرفه

كان على طول يقولى لما بقوله بعد الشر
ييجى يقولى الشر جاى جاى
أتمنى إنه يكون على خطأ

نورت يا دكتور

فقرى

شاب فقرى يقول...

هراء لا داعى له

اللى يزهق من أمه

يجيب لأبوه عروسة :D

يعنى يخلى أبوه يتجوز عليها

يعنى يجيب لها ضرة

الاجابة سهلة

يعنى تخلى قلبك يتقسم ميبقاش كله ليها

ودى فى حد ذاتها كارثة

يا خسارة

مفيش حل :(

نورت يا دكترة

فقرى

غير معرف يقول...

اولا انا زلعانة وهعيط هة بس اةةة يانى محدش سال عليا وانا غايبة كدة برضة اللة يسامحكم كان عندى ظروف واللة مش بفتح النت غير قليل اوى... اما عن جمال وابو جمال من اعمالكم سلط عليكم الشعب الظالم بيجيلة حاكم ظالم ...

شاب فقرى يقول...

غير معرف

أول ما أعرف مين

هرد على طول

عشان فى شخصية صديقة اختفت

وقفلت المدونة

يمكن تطلع إنتى والمسامح كريم :)
اللى هوا أنا :D

شاب فقرى

سلمى يقول...

فى الحقيقه لما بشوف المناظر دى بحس انى فى دنيا تانيه وعالم تانى
بس سؤال
هو احنا الشعب عايشين فى عالم والجماعه التانيه اللى هى الحكومه يعنى فى عالم تانى؟
اعمق تحياتى

منــار فايد يقول...

هيا الانتخابات هتخلص امتى؟؟؟

يعني ينفع اتقدم وارشح نفسي؟؟


اقول ايه
مش عارفه
مابين سخط ع الموجود وتشوق للغائب
مش عارفه ايه الصح

اتمنى ربنا يحافظ علينا

شعب وشكلا قدام البشر
واحتراما قدام نفسنا

قلم رصاص يقول...

أشك

إذن أنا دبوس

قصدي على جثة الشعب يعني

وبعدين القصيدة دي قديمه ياكريم
لازم تقلب المواجع يا اخي يعني
ههههههههههههههه

واحشني والله جدا
ظروف كانت واخداني من السؤال عليك

كلك زوق وتقدير ياصديقي

تقبل مروري وتحيتي

wasf_elahsas يقول...

حلو القلم الرصاص ال في الكليب ده

ياتري ده مصري ولا صيني ولا شو الماني

يلا جمال جمال

sony2000 يقول...

ههههههههههههه
بجد فظيعه
ربنا ياابني يسترها عليك:)

حنين القلب يقول...

روووووووووووووعه

احنا عارفين انه هيجيب جمال بس يا ترى الحال هيبقى ازاى
ربنا يستر

هى دى مصر