السبت، 23 يناير، 2010

حلم ليلة عيد الميلاد



السلام عليكم يا معشر المدونين

طبعا بعد كل التنبيهات وبعد كل أساليب الشحاته اللى عملتها هنا وهناك وعالفيس بوك وفى التعليقات فقد علم الجميع إن عيد ميلادى بكره يوم اربعة وعشرين يناير:D

وسبحان الله انا قلت أنام آخر كام ساعة فى السنة

عشان مش عايز سنة فى عمرى تتقفل بغم

بالرغم من إنى مش فاضى أرد حتى على تعليقات البوست السابق والله ولا فاضى أبص قدامى

ولكن نمت وقررت أحلم
قررت أعيش عالم جميل فى الحلم يشبه السنة الجديدة :)

قررت أكون متفائل زى ما بقول دايما وميكونش عندى دم وأقول للدنيا طز فيكى يا وحشة

قررت أكون قوى آخر حاجة زى ما شيما بتقول وأبطل أقع وأقوم أنفض الهدوم

قررت أكون عايش حياة سعيدة

قررت إن مفيش حاجة تحزنى أبدا وإنى عارف طريقى فين وهوصله

قررت إنى راضى بقضاء ربنا وبأى حاجة هتحصل بكره مهما كانت

قررت إنى هعمل اللى عليه فى خلال فترة زمنية ضيقة جدا

قررت إنى أبطل أتكلم عن السيوف المكسورة والأطفال الشريرين المسحورة والبطيخ المبسمر دا

قررت أعيش بجد


و... غمضت عينى ,,, وروحت فى النوم

وكانت المأساة

حلمت (( حدث بالفعل )) إن المدونة إتهكرت وإن المباحث والحكومة صادرتها

وإن إحنا معشر المدونين إتقبض علينا وإلتقيت مع الجميع فى لقاء تدوينى داخل (( بوكس )) واحد

ولن أنسى موقف صديقى أبو العريف فى البوكس :D

شفتم الأحلام الحلوة

بالزمة فى أحلى من كدا سنة جديدة

نوافيكم بالتفاصيل لحظة بلحظة وحتى دقات الساعة الثانية عشرة

وحتى يأتى بكره اللى هيبقى فيه بوليس وقبض وبلاوى


البوست الأول بمناسبة عيد ميلاد الفقرى

شاب فقرى

هناك 38 تعليقًا:

мαησηα يقول...

وربنا عقدتنى يعنى يوم ماتحلم يا كريم تلمنا ف بوكس الله يسامحك روح ياشيخ وتعالى بسرررررعة هههههههههه

كل سنة وانت طيب يا كرملة ويارب عقبال مليووووووون سنة وان شاء الله هتحقق احلامك كلها ماعدا الفقرية منها وخصوصاااااااااا الحلم اللى كلنا اتجمعنا فيه ده

أبو العريف يقول...

في البوكس

الجزء الاول

طبعا هنكمل الحلم في التخشيبه

الجزء الثاني



اولا كل سنه وانت طيب

تصدق انت واد فقري

يعني ماتحلمش بيا اللي في البوكس


اكيد طبعا الهمر اللي انا جايبهالك هديه ليها تاثير السحر

أبو العريف يقول...

نوافيكم بالاحداث

احداث ايه يا عم احنا كبار

عموما انا قاعد مستني مصيري المحتوم

ربنا يستررررررررررررررر

أبو العريف يقول...

علي فكره

هامر











يعني مطرقه

اوعي تفهم غلط

هو انت نجار يا معلم

أبو العريف يقول...

ال وانا فرحان ان الواد حلم بيا

يا خوفي

البوكس

اكيد بتحصل بلاوي في البوكس

من النهارده مفيش بوكس

انا البوكس

شاب فقرى يقول...

اعزائى المدونين

والله الحلم دا حصل بالفعل

يعنى مفيش اى مجال للشك

هيتحقق هيتحقق

انا من كتر ما كنت مقلق من الضرب عالقفا

كنت كل شوية بصحى

وانام اكمل الحلم

:D

أبو العريف

مش تقلق

هدافع عنك بروحى

بس هاتلى هامر

:D

منونة

يارب يسمع منك

انا محتاج دعواتكم اوى بكره يا جماعة :((

ادعولى
:$

شاب فقرى يقول...

ابو العريف

جايب لى شاكوش

ايه رايك بقى انى هبلغ عنك بنفسى

:D

مش هستنى يقبضوا عليك

لاء هبلغ عنك بنفسى

شاب فقرى يقول...

أبو العريف

واجه مصيرك المحتوم

:P

فى خلال ساعة الحلم هيتحقق

ادينا هنتقابل ياعم

شايف الحلم ليه بشرى حلوة ازاى

لقاء تدوينى خلف الأسوار :D

أبو العريف يقول...

كريم باشا

انا مش معاكم

الحلم ده في حاجه غلط في الحبكه الدراميه بتاعته

السيناريو فيه حاجه واقعه

والاخراج ركيك


انا ف السعوديه يا ريس

هقابلك ازاي في البوكس

انا هاجل نزولي مصر لحد ما حلمك يتحقق

وانا مش معاهم انا معاكي

( اقصد السعوديه هع هع )

شاب فقرى يقول...

هههههههههههههههههههههههههههههههههههههههههههه


ياعم البوكس يطلع من القاهرة النهارده
يوصل السعودية كمان تلات سنين

انته زعلان ليه :D

ههههههههههههههههههههههههههههههههههههههههههههههههههههههههههههههههههههههههههههههههههههههههههههه

ترجع بالف سلامة يا جميل

وبرده هحلم بيك تانى :D

أبو العريف يقول...

ماشي يا باشا

كل سنه وانت طيب

وربنا يسعدك يا رب وحققلك كل احلامك

وانا مستني سلسلة احلامك الجميله

حتي لو اتقابلنا في ايها حته تانيه

المهم اشوفك يا باشا

adel يقول...

كل سنة و انت طيب
وطبعا في القسم جابولك تورتة :)
هههههههههه

promise is promise يقول...

طيب نعمل ايه بس

الفقرى فقرى

فقرى حتى فى احلامك اعوذ بالله يا شيخ

عموما كل سنه وانت طيب واعد التفكير فى احلامك وفى اسمك الله يخليك يمكن الدنيا تتغير

شاب فقرى يقول...

adel

اكيد يا عادل يا صديقى :D

ههههههههههههههههههههه

وقالوا لى هابى نيو بيرزداى عيد سعيد كريم :D

هههههههههههههههههههههههه

وإحترمونى إحترام بقى مقولكش :P

شاب فقرى يقول...

ابو العريف

وانته طيب يا طيب

اكيد ان شاء االله هتشوفنى وقريب اوى كمان :)

إبتسم بقى :)

إن شاء الله خير

وانته طيب للمرة التانية

وعقبال عيد ميلادك :)


فقرررررررررررررررى :)

شاب فقرى يقول...

promise

حتى لو حصل ايه مش هغير اسمى :)


وانتى طيبة يارب وبخير :)

فقرى

هبقى اجيبلك حته من التورتة :)

promise is promise يقول...

واكيد كانت احلى بارتى مع الاخوه المدونين واحلى مكان فى مصر الساحره
واحلى صبحه المجرمين على المثقفين على النافعين على السياسين
ما احلى ناس تلاقيها جوه لانه اصحاب حق ومبدا

هابى بيرز داى فقرى مان

شاب فقرى يقول...

وانتى طيبة يارب يا بروميث

:)

ريلى ريلى ثانكس

عايز هدية :D

عاشقة القمر يقول...

كل سنه وانت طيب ربنا يحقق لك كل شي في بالك يارب

شاب فقرى يقول...

عاشقة القمر

نورتى وشرفتنى الزيارة :)


اسعد الله ايامك

وانتى طيبة يارب

فقرى :)

الشعب لابد له من حكومه تشكمه يقول...

كرمله كل سنه وانت طيب وينه جديده سعييييييده عليك يارب,وتحقق فيها كل اللى بتتمناه.
انا كنت معاك؟ طمنىىىىىىىىىىى,
:(

لو كده اعتبر ده تنبيه ورساله من ربنا انى مجيش لقاء المدونين يوم الجمعه ان شاء الله هههههههه.محدش ضامن برضه

سيبك انت احساسك ايه وانت يوم ميلادك بكره والجو بررررررد وعم خليل بيسقى الورد:)

شاب فقرى يقول...

شيما

هييييييييييييييييييييييييا

اكيد كنتى معايه

:D

لازم تبقى فى اى حلم فيه مدونين وبوليس وبوكس

مش انتى اللى بتشكمى الشعب :P

عقبال ما ربنا يكرمك كدا يارب وتشكمى الحكومة :P
بمناسبة الورد

واللقاء التدوينى الجميل

انا هروح

:)

ههههههههههههههههههههههه

المرة دى بجد

جهزى للفقرى هدية بقى

انا قلت لك اهوه

هدية حلوة كدا مش اى هدية وخلاص :$


:D

ان شاء الله تيجى والحلم مش يتحقق الجمعة الجايه :D

ربنا يستر يارب

تحياتى يا شيما

وانتى طيبة يارب

وكفاية كدا على عم خليل

خلينا نجيب جناينى غيره

الله

sookra يقول...

هههههههههههههههههه
تصدق ياشيخ
انا خفت من يوم الجمعه دا
عقدتنى ياعم
ايه السنه اللى بتبدأ فى بوكس دى امال اخرها هيبقى ازاى
الاقولى صحيح انا كنت معاكم ولامعاهم
طمنى ارجوك
انى اغرق اغرق اغرق
ياخوفى يابدران

sookra يقول...

صحيح نسيت اقول كل سنه وانت طيب وعقبال ماتم العشرين انشاءالله
هههههههههههههههههههههههههه
هابى بيرث داى تو يو

صوت من مصر يقول...

فقرى كل سنه وانا وانت طيبين والحدق يفهم

sookra يقول...

باقى من الزمن 13 دقيقه وتكمل موش عارفه كام سنه
كل سنه وانت بخير ويارب تحقق كل احلامك فى السنه اللى جايه
فقرى انت بتاكل تورته دلوقتى
طيب هاتلى حته

شمس النهار يقول...

يعني اعمل لك عيد ميلاد عني في المدونه وبرضه تحلم حلم وحش
وتلمنا كلنا في البوكس
سجن اخرتها سجن ياكريييييييم
طب ده انا تيته وحاجه وست كبيرة يرضيك اتسجن
ماشي ماشي
كله من الراجل اللي علي جنب ده
:)

طيب وحياة السنه الجديده من عمرك السعيد المديد

تشيل الواد اللي بيعاكسني الشراني ده اللي بيسقف علي جنب
شيله يمكن ربنا يكرمك ويكرم البلوووووجر
قادر ياكريييييييييييم

كل سنه وانت طيب وبخير وصحه وسعاده
والسنه الجايه احسن واحسن
ومحقق كل احلامك
:)

واروح اشوف المشاغب التاني واعيد عليه
سلامي

روح بلا فرح يقول...

السلام عليكم و رحمة الله و بركاته
و أنا معاكم ف البوكس على الأقل مش هدخل امتحان بكره
كل سنه و أنت طيب يا كريم

sookra يقول...

دقيقه
بووووووووووووووووووووووم
كل سنه وانت طيب

Just Smile يقول...

ههههههههههههههههههه
ههههههههههه

كل سنة وانت شرير ..ايوه شرير عاوز تقولي ان فيه حد طيب يحلم يوم عيد ميلاده بالبوكس..

انا في عيد ميلادي هحكيلكوا حلمين..انا اصلا احلامي افلام لوحدها
والله مرة حلمت اني بأكل الدولفين كشري هههههههههههه

كل سنة وحضرتك طيب وطبعا انا معزومة على البيرذداي بارتي مش محتاجة دعوة (احب انا البلطجة جداااااا)

شاب فقرى يقول...

سكرة

طيب وحياة طنط
وحياة طنط
وحياة طنط

انا كنت بتعشى
وكاتب فى البوست الجديد انى كنت بتعشى

عيب يعنى

كل سنة وانتى طيبة وبتسالى عليه :)

جزاكم الله كل خير

فقررررررررررررررى

شاب فقرى يقول...

كوكو حبيبى


كل سنة وانته طيب يا مان


منور وربنا :)

شاب فقرى يقول...

شمس النهار

انا شيلته عشان خاطرك والله الواد دا

مع انه من معالم شخصيتى
انا مبسوط جدا بالعيد ميلاد وكل المناسبات الحلوة دى

يارب يسعدك

انتى فرحتينى بجد

ربنا يكمل فرحتى باللى هيحصل بكره بقى :)


طبعا مرضاش بان البوكس ييجى الجمعة الجاية

ان شاء الله خير يارب

انا رايح اللقاء يوم الجمعة الجاى بعون الله :)


شاب فقرى :)

شاب فقرى يقول...

روح بلا فرح

هيجيبوكى من الامتحان

وتيجى تطفى الشمع معانا فى القسم :P


ههههههههههههههههههههههههههه


نورتى والله

ومبسوط جدا بردك وتهنئتك :)

شاب فقرى

شاب فقرى يقول...

Just smile

الطبيعى بتاعى انى ابقى طفل

العادى فى زمننا دا انى ابقى شرير

:)

اسرار تذاع للمرة الاولى وانفراد وحضرى ردا على تعليقك :)

وزعلانة عشان حلمت بالقسم والبوكس

يالهوى

كشرى

والدولفين جرى له ايه ؟.؟؟؟

على فكرة انا بعرف افسر احلام


:)


وانتى طيبة يارب

اسعد الله اوقاتك وايامك :)


شاب فقرى :)

Just Smile يقول...

ليه انفراد وحصري..

مش انفراد ومش حصري طبيعي ان كلنا جوانا روح طفولية حتى لو مش بتبان كتير وثانيا انت مش شرير انا كنت برخم عليك بمناسبة عيد ميلادك يعني

ثالثا ...كويس انك بتعرف تفسر بس انا للأسف مش هبقى زبونتك لأني احلامي بتتحقق لما بحكيها فبسكت عشان حتى لو اتحققت اكون نسيت :)
ذكاااااء طول عمري متقدة الذكاء ميرسي ميرسي متمدحش فيا بقى الله

هههههههههههههه
هروح ارد ع البوست التاني

صيدلانيه طالعه نازله يقول...

هههههههههههههههه
كل سنه و انت طيب يا كيمو

و ياريت تبقى تتغطى كويس و انت نايم

عشان احلامك بقت متطمنش خااااالص

wella يقول...

ياااااااااااااه البوست دة قديم اوى دة من السنة اللى فاتت احنا دلوقتى فى 2010 فى 1/2

يلا نقوللك بالمرة كل سنة وانتى طيب ياعسووووووووووووول

انا مش عارفة اية السر اللى بيخلينى اعد اقرى مدونتك واقرى فى البوستات اللى فاتتتنى

ماعلينا عيد ميلادك 24 وعيد ميلاد مامتى حبيبتى هيكون 25 يعنى بعدك بيوم يعنى هبقى افتكرك ديما لما افتكر عيد ميلاد امى يعنى لما يجى يوم 24 هقول دة عيد ميلاد الواد كيمو الله يمسية بالخير


كل سنة وانتة طيب معلش متاخر وان شاله تكون سنة حلوة عليك نحقق فيها اى امنية من امنياتك الكتير دول
:D