الخميس، 22 أكتوبر، 2009

بطوط زوغنطوط

السلام عليكم
النهارده كنت بدور فى ميلى الشخصى
وبشيل كل الرسايل القديمة والمزعجة
لقيت رساله حلوة كنت كتبتها لحد غالى عليه زمان
ومر عليها وعلى تاريخ إرسالها سنين

((

السلام عليكم ورحمة الله وبركاته
ازيك يا نور
عاملة ايه
معلش لو كانت الغيبة طولت شوية
بس غصب عن الواحد
انتى عارفة الفترة اللى جاية الواحد مشغول فيها شوية لان الامتحانات 21-5
تصدقى والله انا بقول فين نور الواحد مش بيشوفها ليه
وكمان صاحبى بيقولى ايه فين نور ............. تخيلى
هههههههههههههههههههههههههههههههه
المهم يا نور انتى عاملة ايه
اه غباوة منى انى اسال للمرة التانية نفس السؤال والايميل اللى انتى باعتاه بيرد على سؤال
الواضح ان فى مشكلة فى حياتك
انا كدا مش بقول اخبار جديدة طبعا لان دا اللى قلتيه فى ايميلك
لكن صدقينى مهما كان حجم المشكلة او سببها فلها الف الف الف حل
ولكن الانسان علشان يوصل لحل منهم لازم يفكر ويفكر ويفكر
الموضوع مش بالساهل
مش معنى كدا ان الحكاية دى صعبة ولكن تقدرى تحلى اى مشكلة بالتفكير والتسامح والتساهل مع الغير
فكرى لو المشكلة دى مع شخص مثلا زى أخ أو حد قريب
والشخص دا زعلان منك او متغاظ منك فى حاجة
وانتى حاولتى تسمعى كلامه وتقربى له
وكل اما تقربى له ميعبركيش
جربى وقربى له تانى وتالت والف
لحد ما فى مرة هيتكسف من نفسه ويقول البنت بتحاول تصالحنى بقالها كتير وانا مطنش بكفاية غلاسه بقى
تخيلى لو ان انتى فكرتى فى المشكلة اللى انتى فيها والتمستى الاعذار للشخص اللى مزعلك او للاشخاص اللى مزعلينك
التمسى لهم اى عذر حتى لو كان تافه وعبيط
بس حاولى مش تزعلى منهم وعامليهم بكل حب ولطف
دا بالنسبة لو كانت المشكلة زعل مع حد
معلش يانور لكن احب اقولك متعيطيش
البكاء دا ساعات بيريح الواحد
لكن انا عارف انك متالمة اوى علشان كدا بتعيطى
اسمحيلى اقولك متعيطيش واسمحى لى اقولك قومى اغسلى وشك حالا
الضحك والهزار يا نور مش وسيلة وحشة للحياة
بس ياريت متهربيش من مشاكلك وواجهيها وخليكى شجاعة
وبالنسة لموضوع انا امتى على النت
انتى تقدرى تحددى اى ميعاد فى اى وقت وصدقينى والله هحاول اقعد واكلمك
وانا تحت امرك يا نور لان انتى فعلا انسانة محترمة وجدعة
ومؤدبة
وغير كدا وكدا شبه ناس غاليين عليا اوى
اتمنى انك مش تزعلى منى لو متكلمناش قريب
بس صدقينى
استعينى بربنا كالعادة وزى ما طلعك من مشاكل قبل كدا كنتى فاكرة انها مستحيل تنتهى
هو قادر انه يخرجك من المشكلة اللى انتى فيها
وقادر انه يصبرك عليها
سلام بقى لاحسن الفجر بياذن هنا فى مصر
هههههههههههههههههههههههههههههههههههههههههه
انا اكيد ان شاء الله هكلمك قريب
سلام يا نور
امضاء
بطوط صغنطوط
))
نطلع من الإيميل اللى أنا كنت باعته دا بكذا حاجة :
1- إنى كنت بحب المراسلة البريدية أوى زمان ومازلت.
2- إن الواحد كتب الميل دا قبل مرحلة ما يبقى فقرى.
3- إنى زمان كنت طيب أوى وتقريبا عبيط.
4- إن الناس بتنسى ومش بتقدر أى حاجة.
(( تحديث تم مسح رقم خمسة عشان الناس متفهمش غلط ))
6- إن مفيش حد يستاهل إسم نور.
7- الكهربا قطعت تلات مرات وانا بكتب البوست دا ... بس برده هكتبه.
تحياتى
شاب فقرى
----(( تحديث ))-----
الكهربا وانا بكتب التحديث قطعت تانى
بركاتك يا قاهررررررررررررة
بالنسبة لعنوان البوست والامضاء اللى فيه دا عشان انا كان عندى صورة حلوة بحبها اوى
مكتوب عليها (( بطوط صغنطوط )) بس راحت وطارت خلاص
فمحدش يقول بطوط بقى عشان معورش حد وقد أعذر من أنذر :P
الفقرى الكبير

هناك 31 تعليقًا:

الشعب لابد له من حكومه تشكمه يقول...

هههههههههههههههههههههههههههههههههههههههههههههههههههههههههههههههههههههههه اول مره اضحك جاااااااااااااامد فى المدونه ده.
واطلع من ده انى اول كومنت واستنى راجعالك تانى اوعى تروح فى اى حته:)

الشعب لابد له من حكومه تشكمه يقول...

اعتقد متأخرتش صح؟؟
ال وزعلان من زعبوله :)طب زعبوله احسن من بطوط اللى حسستنى فيها ان زيزى هتدخل علينا وميكى وحسيت انك بتتكلم زى بطوط عارف الطريقه دى:)

عاجبنى باه من دروسك المستفاده رقم 3 ههههههههههههه:)انت كان عندك كام سنه صحيح:)

تعرف سبحان الله انا كمان وقع تحت ايدى حاجه من ايام ثانوى مش عاوزه اقولك كمية هيستيريا الضحك اللى حصلتلى الواحد كان اهباااااااااااااااااااااااااااااااااااال:)))
.
صحيح فى حد يستاهل انه يكون نور:) لما تلاقى اللى هتنور حياتك دى هتكون نور او ممكن تسميها لمبه زى حلمى مقال لغاده عادل فى جعلتنى مجرما انتى لمبه:)

ومفيييييييييييش لقاااء انت نايم ولا ايه؟؟؟ هنعمل اللقاء لما نضمن انك تيجى واشوفك فى الحقيقه يازعبولا.حساك شبه الصوره اللى انت حاططها دى مش شكلا لكن توهانا هههههههههههه .

اقعد بالعافيه باه

موناليزا يقول...

:)

شاب فقرى يقول...

الشعب لابد له من حكومة تشكمه

ولكم انا هنا ومش هروح اى حته

نورتى

زعبولة حلو اوى على فكرة

:$

دا كان اسم ليه علاقة بحاجات كتير اوى

الدرس رقم تلاتة دا كان زماااااااااان اوىىىىىىىىىىى

بس المشكلة انى هنا مش ضحكت اوى على قد ما زعلت وطلعت بالكام درس دول

للاسف مفيش نور ولا بتاع حاليا

ولا حتى لمبة

الجو عتمه

(( ساعات نشوف فى العتمة وساعات نتوه فى النور ))

أوباااااااااا

إيه اللى لغى اللقاء يا ترى ؟؟؟؟؟


هوا فعلا توهانا وإستغرابا :$

ها مفيش لقاء ليه ؟؟؟؟

تحياتى

الفقرى الكبير

شاب فقرى يقول...

موناليزا

:)

مع انى مش فاهم

بس نو بروبلم

تحياتى

شاب فقرى

الشعب لابد له من حكومه تشكمه يقول...

اممممممممممممممممممممم لا اضحك ,حتى ولو كانت حاجه مش عاوز تفتكرها بس على الاقل وقتها كنت مبسوط فيها ومتنكرش:) وبعدين زمان اوىىىىىىىىىىىىىىىىىىىى ايه يعنى كنت 10 سنين مثلا:)

بيقولك لما تضلم اوى اكيد هتلاقى النور وبطل اكتئابك ده وبعدين مستعجل اوى انك تلاقى لمبه:) اما صحيح زعبوله:)
لا تقلق كل واحد وليه لمبته بس السؤال لو واحده ليها ايييييييييييه؟؟؟؟؟
اصل لمبه مؤنث طب انا مثلا ليا ايه؟ سؤال وجيه.:)

ما انت لو تخطف رجلك وتروح لحد البلوج هتعرف اللقاء اتلغى ليه.
عموما مينفعش يتعمل لقاء فى يومين لازم يترتبله من قبلها علشان الناس كلها تعرف وقبلها بفتره طويله زائد انك بتاخد مناقشات كتير جداا على متلاقى ميعاد يناسب الكل ,وانا كنت عارفه كده بس ياعينى بدراوى كان بيعيط عاوز يشوف مدونين المنصوره بس ياسيدى.

فانا ريحت نفسى وقلتلهم لما تباه تتفقوا فى الاخر خااااااااااالص عرفونى.:)

بس كده وياسلام يازعبوله:)
ال وزعلان انه شاف الحجات دى اومال اللى انا شفته فى ذكرياتى باه اللى اتكعبلت فيها ههههههههههههه دنا مستغربه انى كنت طايقه نفسى وعايشه كده وعماله اسأل مين دىىىىىىىىىىى؟
وكنت رومانسيييييييييييه ومسهوكه ايه ده يا اخى لا وكاتبه شعر وحجات يععععععع اوى:)
دى حصلت انى كاتبه شعر مسمياه سيدى الحاكم جئت اسألك باكيه,
الم تجد غيرى فى هذه البشريه ,
لتجرحنى وتقتلنى بتلك الهمجيه.
تقيدنى وتخبرنى ان القيود ذهبيه.
الخ الخ الخ الى ان نصل للنهايه اللى بتقول فانت لن تتغير ولن تترك مابك من نرجسيه
ايه ده يا اخى يعععععععع بجد:)
زمااااااااااان ايام مكنت بكتب شعر الغريب باه انى كنت فثانوى ههههههههههه وعامله فيها مجروحه ومتقطعه.خيالى كان واسع:)
يلا الحمد لله ربنا تاب علينا واعتزلنا الشعر من زمااااااااااان:)

اضحك كل متشوف ذكرياتك اضحك اوعى تزعل

شاب فقرى يقول...

لاء مش كتير اوى كدا

هبقى اشوف تاريخ الرساله واقولك

مش اكتئاب والله

بس فى حاجة اسمها الايمان بالطرف الاخر

يعنى ايه

يعنى الواحد يكون مقتنع جدا بالعقليه والتفكير

القلب والعقل

هوا دا الايمان بالطرف الاخر فى سطرين

بالنسبة للسؤال اللى طرحتيه فعلا محتاجين رد من فطاحلة اللغة العربية

ربنا يكرمنا بحد ييجى يقول المعنى فى حدود المعقول

خطفت رجلى وروحت وقريت بس مفهمتش حاجة

مش عارف بقى مفهمتش ليه

بس والله روحت وقريت :$

طيب اعملى اعلان وانتظرى النتايج المبشرة وقولى يارب

احلى حاجة بقى الذكريات الرومانسية دى

بس صراحة

الخطاب دا مش رومانسى من وجهة نظرى

وعلى فكرة الرومانسية الزايدة دى هى اللى بتهون علينا الحياة كتير اووووووووى

عجبنى اوى الشعر اللى كنتى كتباه مش استمريتى ليه بقى ؟؟؟؟؟؟؟؟؟

قال يععععععع قال

جامد والله

هوا فعلا الواحد بيكون مجروح ومتقطع وحالته بلاء بلاء بلاء

الواحد مش بيزعل

بس بيقدر وبيدى لكل واحد حجمه الحقيقى

مش تفرق

انا مش مسحت منه غير الاسامى بس

غير كدا كله بالنص كوبى باست

وربنا يسهل وتعملى اللقاء وتعزمينا بقى فى المنصورة
انا عن نفسى نفسى فى البط والوز والمحمر والمشمر و صنيه رز زى اللى كنت باكلها فى البلد
اتصرفوا لحد ما اجى

بس لو عملتوه هنا فى القاهرة

مقدرش اوعدكم غير بعلبة زبادى كل واحد

وكل واحد يجيب غداه معاه

نمشيها انجليزى مادمنا فى عاصمة الضباب :P

تحياتى

شاب فقرى

الشعب لابد له من حكومه تشكمه يقول...

ايمان بالطرف الاخر...اممممممممممم ممكن دى توجع بس للاسف انا محصلش انى امنت بحد فعلشان كده معنديش ذكرى توجعنى اوى:)

امممممممممم عارف زمان لما كنت رومانسيه فى مرحله ثانوى كنت بكتب اى حاجه بمعنى كنت اعيش الدور واتخيل انى اتجرحت واقعد اكتب او اتخيل انى عايشه قصه حب واكتب لدرجة انى اتفرجت مره على فيلم حبيبى دائما وكتبت بعده حاجه عليه:)كنت بنوته عايشه فى حلم:)
لما دخلت الكليه وجيت عندكو وعيشت لوحدى ولك ان تتتخيل بنت عن
ها 15 سنه فجأه تبعد عن بيتها وتيجى تدرس وتعتمد على نفسها وتشيل مسؤلية نفسها,كانت صدمه حضاريه بالنسبالى هههههههههههههههه.
لقيتنى بايت واقعيه جدااا ومعنديش وقت احلم دا غير انى كنت متخيله انى هلاقى حليم واعمل معاه ناديه لطفى ح.م وس.س:) مش بقولك رومانسيه.
اوم لقيت الحياة فى القاهره والشباب اللى معايا فى الجامعه مش ده النموذج ولا ده اللى كنت متخيلاه.واقدر اقولك انى وانا فى سنه اولى جيه مره زميل ليا وقالى شايفه البنت اللى هناك دى,بصتله وقلتله اه,قالى دى متراهن عليها بعلبة سجاير!!!!!!!!!!!!
اه والله زى مبقولك كده,عارف باه البنت دى كانت صاحبتى ومعايا فى السكن:(
وقتها معرفش ايه اللى حصلى صحيت فوقت الله اعلم بس وقتها قررت انى عمرى مسمح انى اكون كده .
ومن بعدها لقيتنى بطلت رومانسيه وبطلت اكتب.ولما اتخرجت باه واشتغلت بايت واقعيه بافترا هههههههههههه

وبسسسسسسسسسسسسسس ياسيدى:).

شاب فقرى يقول...

انتى مالك ومال شباب الجامعة

دول متراهن عليهم بسجارة واحدة مش علبه سجاير بحالها

يعنى وجهة نظرى ان صاحبتك كانت احسن منهم بكتير

المشكلة فى الناس اللى مبتفهمش
واللى مبتقدرش

عشان كدا بطلت أثق فى أى حد
الثقة ملهاش عندى معنى
لا من كلمة حب ولا من حد ولا حتى بنى ادم
غير شخص واحد لحد دلوقتى مش شايف منه غير كل خير
بثق فيه وبعدها بشك فى خيالى اللى ماشى جمبى

وما شاء الله شباب الجامعة دول فستك خالص
مش كلهم طبعا لانى اكيد كنت منهم بس مش زيهم اكيييييييييد

فى مدونتى السابقة كنت كاتب بوست عن الوحدة ايام الجامعة وكنت كاتب كتير اوى عن الموضوع دا لحد ما بقيت وحيد بشكل حقيقى ولا يحتمل النقاش

لحد ما ربنا خاليا فك الحصا وبعت لى صديق قاعد معايه فى البيت الضكتور محمد ولد خالتى

بصى فى مبدأ فى مرة قريته وعجبنى قوى

سمعته من واحد صحبى مرتبط بواحدة بنت حلال على حق ربنا
قالت له انا شايلة كل رومانسيتى وكل حاجة للبنى ادم اللى هرتبط بيه مستقبلا بعون الله

الكلمة دى عجبتنى قوى خليتنى ادعيلها واقوله كمل وربنا يوفقك

واهم خلاص قربوا يرتبطوا

يارب يا مسهل

شاب فقرى

أبــــو ضـــيــاء يقول...

نسيت تقول انك كمان كنت بتصلي الفجر في ميعاده , يا ترى لسه الكلام ده ماشي

ههههههههههههههههههه
بس بجد البوست ده زي العسل , كفاية انه يحمل ليك ذكريات قديمة بين ثناياه

همســات عــلى ضــوء الــقمر يقول...

صباااااااااح الخيييير

يافقرى

ايه العثل دا

اول مرة تعمل بوست صغنون

Saso يقول...

هيييييييييييييييه
انا جيت
انا خامس واحده
تحياتى
هاروح اقرأ وارجع اعلقلك على البوست
بس بعد الغسيل اصل عندى ماتش غسيل النهارده
ماتيجى تساعدنى

همســات عــلى ضــوء الــقمر يقول...

ايه الكلام الحلو دا

تخيلى لو ان انتى فكرتى فى المشكلة اللى انتى فيها والتمستى الاعذار للشخص اللى مزعلك او للاشخاص اللى مزعلينك
التمسى لهم اى عذر حتى لو كان تافه وعبيط
بس حاولى مش تزعلى منهم وعامليهم بكل حب ولطف

بس ياريت متهربيش من مشاكلك وواجهيها وخليكى شجاعة

جيت على الوجيعة ههههه
بحااول الله بقدر الامكان بس ساعات لما بكون شجاعة واواجه بهبب الدنيا اكتر وبدل مااكحلها اعميها

ههههههههههه
حلوة بطوط صغنطوط
دا كان اسمك قبل فقرى ولا اييع النظام

ههههه
مش انا قولت ياسلام :):):)
بس تصدق لايق كدا واسم رومانتيكى :)

زمان كنت طيب وعبيط
زمان دا من قد ايه يعنى ؟
هو انت بعد مااتحولت فقرى
بقى عندك فقر فى الطيبة ولا ايه

بس تعرف الطيبة حلوة بس ساعات بتتفهم غلط
انا كدا وبعانى تصدق والله صاحية الصبح بقول لنفسى انت عبيطة مش طيبة
اتجننت يابطوطة وبقيت اكلم نفسى هههه

هههههه
لا الناس عمرها مابتنسى ياجدع بس مبتقدرش
احنا دايما اللى بنقدر وبنسسى الزعل والاسية وبنسامح

دا انا اتشليت منهم
الاقى واحدة بتعاتبنى على حااجة من 5 ابتدائى ههههه وانا اقولها انا لا والله
هو انا فاكرة اكلت ايه امبارح
انا بنسى جدا لانى مبحبش اشيل المواقف اللى بتزعل يمكن وقتها بكون عاملة زى ...... والشيطان بيقعد يلعب فى دماغى بمفكين واقول ماشى ماشى ماشى هههه دا وعيد يعنى
بس ماسافة ماانام واصحى بنسى ولو الشخص اللى انا زعلانة منه كلمنى وكأن شىء لم يكن
تفتكر دا صح ولا غلط هههههه
انا لو بفتكر كمية المشاكل اللى صحابى عملوها فيا والمقالب متقولش دى هزار لا دى حاجات بجد وحاجات تودى فى ستين داهية وانا بسامح ههههه عبط صح

هههههههههه ايه الللى انت بتقوليه دا يابت

سيبك انت من الهبل دا

بس اسم بطوطة تحفة انا بعد كدا هقولك بطوطة

هى نور دى كانت بالنسبة ليك ايه بالظبط يعنى :):):)

لالالا كدا انا ازعل ليه محدش يتساهل نور
احنا كدا هنخبط فى الحلل هههه
نور دا اسمى اللى بحبه

ايا كانت نور
كفاية انها هتنور حياتك لما تتيجى ان شاء الله
ومهما طال الزمان هتيجى
ومهما كانت الدنيا ضلمه بكرة هتنور
ومهما كان اليأس مالى قلبك انك تلاقى نور
بكرة الامل هييجى

انا بحب اسم نور جدا
واتمنى ان بنتى تبقى اسمها نور واسيل
وابنى اسمه جهاد وسهيل

هههههههههههههه
الكهرباء قطعت لان نور مش موجودة :):)

دمت بكل خير يابطوطة

همســات عــلى ضــوء الــقمر يقول...

تعرف

احلى حاجة الذكريات انا بحبها جدا
وبحب الاميل لان خلانى اتعرفت على حد غالى جدا
يمكن عمرى فى حياااتى ماضفت اى ولد عندى فى الميل
لكن دا الوحيدد اللى ضفته
بس حسيت انها رسالة من ربنا تعرف ليه
لان ماما كنت دايما تقولى البسى الخمار

وانا اقول لا مش ممكن ولو جابتلى مين يقنعنى مش ممكن

ولما كلمت الشخص دا
غير فيا حاجات كتير فى صلاتى ولبسى وفى معاملاتى
خلانى اكمل حفظ قران
وبعد كدا طلب منى البس الخمار

تعرف انا اتغيرت ليه
لانه كان مسيحى واسلم
يعنى انا اللى اتولد مسلمه فيا حاجات غلط كتييير
وهو يتمنى اى حاجة تيقرب بيها لربنا اكتر
انا ساعتها فكرت ولبست الخمار ودعيت ربنا يثبتى والحمد لله
ههههه
تعرف بقى اول ما لبست الخمار
الميل بتاعى باظ وعملت واحد جديد
ومعرفش اى حاجة عنه خاالص
بس كل ماالبس الخمار ادعيله
وكل ماااراجع على القران ادعيله
وحبيت اسم نور علشان هو قالى نور
وحبيت اسم اشرقت علشان سمانى اشرقت
ههههههههههه

همســات عــلى ضــوء الــقمر يقول...

انا دخلت صحافة

هما مش راضيين يحولولى خاااالص

انا رحت حضرت مادة الطباعة اتعقدت ومفهمتش حاجة

ومش عارفة ولسه عندى امل فى التحويل برضو

اسكت بقى انا استخرت

اووم حلم بإيه خير الله اما اجعله خيير

انى حضرت لقاء لوباما وبعد ماخلص الحوار على اساس الديمقراطية يعنى
قال لو حد عنده حاجة على كلامى يتفضل
اوم ايه انا طلعت زى الدقرمة
ووقفت وطلعت ومسكت المايك
واديته فى جناابه
والناس استغربت بس فرحوا انى اول واحدة اعمل كدا ههه

وكماااان ايه بقى

ومرة تانية حلمت انى فى مركبة وكلها يهود وانهم نايمين
وانا دخلت وفضلت ماشية عليهم والعنهم وفجأه
لقيت واحدة قدامى وبتقولى انت ايه اللى دخلك هنا
وكانت هتعملى مشكله على اساس نى مصرية يعنى
لقيت رئيس التحرير فى وشى وطلعنى من الورطة دى
وقالى كلنا كانا كدا فى الاول بس خلى بالك البنت غير الولد

هههههههههه

ولا انى بقااااااالى شأن كبير بس عن طريق قصر الثقافة

ودى تبقى ازاى يابطوطة

يمكن نسلك طريقها

معلش بصدعك دايما

تحياتى لك

ليس فقيرا من يحب يقول...

السلام عليكم

ازيك يا بطوط وازى اخبارك

وايه البوست الجميل ده وايه كميه المشاعر الانسانيه الطيبه اللى فى الرساله دى وتفاؤل واكتر جزء اللى هو التماس الاعذار والاستعانه بربنا

ملحوظه كبيرة
اجمل حاجه انك تبقى طيب بعباطه
طيبه صافيه دا عمره مكان عيب او مشكله غير عند الناس اللى اصلا عندها مشكله

وبرافو عليك انقطاع النور مهدكش

هههههههههههههههههههههههههههههههه

يلا يا بطوط

اقعد بالعافيه

شاب فقرى يقول...

أبو ضياء

منور والله

بص هوا الواحد على قد ما بيحمل له ذكرى حلوة على قد ما بيحمل له وجع دفين وتفكير فى الناس اللى مش تستاهل او حد انا قدرته ووقفت جمبه وبرده باعنى

القصة الابديه

تحياتى لمرورك واتمنى نشوفك تانى فى المدونة

شاب فقرى

شاب فقرى يقول...

دموع القمر

صباح الفل

اى خدعة
بوست عالقد اهوه عشان تحلقى تقرى وتخلصى على طول

والله انا اول ما دخلت المدونة لقيت التعليقات زاجت مرة واحدة ست تعليقات قلت يبقى اكيد دموع جت هنا
ههههههههههههههههههههه

نورتى وهرد على تعليق لواحده

فاضى بقى النهارده :D

الفقرى الكبير

شاب فقرى يقول...

saso

والله للأسف أنا فى الغسيل ببهدل الدنيا

يعنى لو ساعدت حد مش هيبقى غسيل بس

هيبقى غسيل ومسح وكل حاجة لانى هبهدل الدنيا

منورة وبانتظار تعليقك :)

شاب فقرى

شاب فقرى يقول...

دموع القمر

ربنا يعلم من طريقة كلام ناس كتير فى التعليقات

بفتكر الشخصية اللى كنت كاتب لها الميل دا اوى

انا نزلت الميل دا لانه يدعو للتفاؤل

ما انا الشجاعه اللى اقصدها هى الشجاعة بالتفمكير والعقل مش الشجاعه اللى تودى فى داهية وتزعل حبايبنا مننا

لاء مكانش اسمى وهكتب تحديث بالخصوص دا

هى بس اللى كانت بتقول بطوطة دى

لانى كنت على طول صورتى فى الميل رمادية ومكتوب عليها كلمة بطوط وكنت سايبها عالميل ومش بغيرها فهى طلعت عليه من كدا

هوا انا مش اتحولت بس الظروف هى اللى طلعت الطابع دا

الفقرى شخص الظروف بتعانده
وبينجح رغم كل حاجة

زمان كنت طيب وعبيط
دلوقتى بقيت حذر وبشك فى خيالى ومستحيل حد يكدب عليه او يشتغلنى

الفرق بين العبط والطيبة شعرة على فكرة

تعرفى ان انا عندى مبدأ فى خصوص الزعل دا
بيقول (( كل واحد وله وقته وكل غلطة وليها تمنها ومشكلتى انى مش بعرف اسامح ))

الاتثناء بقى ان فى ناس بسامحهم بلا حدود بمعنى الكلمة
ودول بيبقوا شخص واحد بس فى حياتى مينفعش يبقى اتنين

نور كانت ايه فى حياتى

كانت صديقة لمدة سنتين

ومن الناس القريبين منى اوى

وبعدين كنت هخطبها وحصلش نصيب

دماغها اتغيرت وانا تعبت من اللى بيحصل وبعدت

هوا بالنسبة لى مش شايف حد يستاهل نور ويمكن جه تقديرى للاسم دا من ساعة لما كنت بندهلها بيه لان اسمها مكانش نور :D

بلاش بطوطة دى اللى هيقولها هعوره :$

وقد اعذر من أنذر

شاب فقرى مش بطوطة :$

شاب فقرى يقول...

سبحان الله ربنا يخليكى تقابلى الشخصية دى

انا لو هقولك قابلت كام شخصية عالنت اتعاملت معاها شباب وبنات مش هتصدقى

يكفى جدا انى ايميلى القديم عالياهو كان فيه 700 واحد كانوا صحابى وشغالين معايه شباب وبنات وكنا من اكبر الجروبات عالنت

عالعموم

الحمد لله انك لبستى الخمار وحفظتى القران ربنا معاكى

ويزيدك كمان وكمان
والحمد لله على نعمة الاسلام اللى فى ناس كتير أوى مش مقدرينها

هرد عالتعليق التالت بقى :D

شاب فقرى يقول...

دموع

على فكرة

الذكريات اول حاجة مهمة فيها ان الواحد يتعلم منها ويكتشف كل الاخطاء اللى فيها ويقدر يوصل لاصل المشاكل عشان مش تتكرر مستقبلا

مبروك قسم صحافة استهدى بالله
واحضرى وقولى يارب وهتفهمى

ان شاء الله تفهمى وتبقى تمام
والحلم دا تفسيرخه حلو اوى اوى اوى اوى

انا على فكرة بفسر احلام
بس للناس القريبين منى اوى
لانى ببقى عارف كل الظروف وفاهم الحلم كويس اوى

بس لفى حالتك انتى هكتفى اقول انه كويس اوى اوى

وكملى فى صحافة وذاكرى وربنا معاكى

لا سداع ولا حاجة

يشرفنى تواجدك

شاب فقرى مش بطوطة للمرة التالتة النهارده :$

شاب فقرى يقول...

ليس فقيرا من يحب

صراحة والله انا مش بطوط

كل علاقتى بالاسم دا هى صورة وبس

وكنت بحطها فى الميل وشيلتها والحمد لله لانها ضاعت خلاص

الحمد لله الواحد لسه طيب بس مش اوى زى زمان

صباح النور

:)

نورتى المدونة

شاب فقرى

Pink Dreams يقول...

ههههههههههههههههههههههه

لا بجد البوست دا مع انه فيه لمحه حزن بس بردو جامد

وكمان معلش يا عينى النور قطع وانت بتعمل البوست دا

هههههههههههههههههههههههههه

وكمان انا عاوزه اقولك على حاجه اعمل اللى عليك واتعامل مع الناس بنيه صافيه زى ما انت كدا

عشان زى ما بيقولوا كدا يا بخت من بات مظلوم وماباتش ظالم

تحياتى

فتاه من الصعيد يقول...

وانت ليه بتقول كنت عبيط

انا شايفه انك كنت بتحاول تخفف عن انسانه مشكلتها

لو شايف انها ماكانتش تستاهل الاهتمام ده ..... فيمكن عندها ظروف قطعت الاتصال بيكم

لو شايف ان كلامك كان غلط .... فلا النصيحه كويسه .... بس موش كل الناس تقدر تسامح او تعدي

تحياتي

رشا ashash يقول...

على فكرة انت ماكنتش عبيط ولا حاجة انت بس كنت نقي في دنيا كل شوائب وبعدين تراكم المواقف والحوارات الحياتية بتغير الانسان وتخليه زي الدنيا قلابة
دة طبعا على حد قراءتي للبوست دة

fnoonh يقول...

الدنيا زمان كانت حلوة والناس كانت جميلة بس الدنيا بتغير الواحد ومعاملة الناس الوحشة يلا ربنا يعينا ويخرجنا منها على خير

تقبل تحياتي

Saso يقول...

هاى ياشاب يافقرى
ولااقولك يابطبوطه
انا خلاص خلصت غسيل وعلى فكره انا كمان لما بغسل ببهدل الدنيا وبيبقى يوم طويل غسيل ومسيح وكل اللى تتخيله من شغل البيت
عموما نخلينا بقى فى البوست الرقيق دا
والله يابنى يابطوط الدنيا والناس زمان كانوا عسل وقشطه لكن دلوقتى بقى قليل لما تلاقى حد يستاهل انك تخلقله عذر ولو حتى عذر تافه
انا عاوزه اكتب حاجات كتير لكن اديا وربنا اتجزعت منى النهارده
اصلى عملت فيها ست بيت درجه اولى وادى اللى اخدته
ربنا يخرب كل البيوت اللى عاوزه ست بيت



اه نسيت اقولك بما اننا يابنات نسمى لمبه
اذا فانتم ياصبيان سنسميكم
كلوب
عارفه ولا لا؟
اوعى تكون ماتعرفوش هازعل واقول عاوز يعيش فى الريف ويكون ابن المدينه
ههههههههههههههه
تحياتى
يابطوط

๓คภ๏ภค يقول...

كل يوم ادخل هنا ع امل انك لقيت نصك الحلو يا احمد بص انا هاقولك حتى لو مش اسمك احمد انت بتفكرنى باحمد حلمى مش علشان الصورة بس والله بحسك زيه

المهم اقسملك بالله ماكان ف حد يأس من انه يلاقى نصه الحلو زى ولقيته الحمد لله ربنا يستر بس ويكملها ع خير

عارف الفكرة ف انك تلاقى حد يقبلك بعيوبك قبل مميزاتك وتلاقى فيه لا هو بيفاجاك بكل حاجة انت كنت بتتمناها فيه

والله هتلاقيها ان شاء الله وعارف بقه لو معزمتنيش انت حرررر

بستمتع بزيارتى هنا بجد وبدعيلك دايما ربنا يوفقك ويكرمك ان اشاء الله


وماتندمش ابدا ع حاجة كويسة انت عملتها زمان الناس بتنسى ماينسوا لكن ربنا مش بينسى واكيد هتتردلك الحاجات الحلوة دى ممكن مش من نفس الشخص من ناس تانيين

والطيبة عمرها ماكانت عبط بس خليك ناصح واعرف امتى ومع مين تبقى طيب

بقولك ايه اتفضل واحد شاى بالنعناع هيروقك هههههههههه

نعكشة يقول...

لأ قول بركاتك يا نور

يخربيت النور المشعشع
ههههههههههه

بحب انا ادعبس فى الحاجات القديمة قوي
يلا خير


سلام عليك

فراشة يقول...

ملحوظه كبيرة
اجمل حاجه انك تبقى طيب بعباطه
طيبه صافيه دا عمره مكان عيب او مشكله غير عند الناس اللى اصلا عندها مشكله
دا اقتباس من رساله ليس فقيرا من يحب

بس انا لحد دلوقتى طيبه الحمد لله
صحيح ببقى فاكرة الناس وهي مش فاكراني بتعب للناس وهم مش حاسين

بس احلي حاجه بجد انك تعمل دا وانت مبسوط ... ربنا بيجازي على كل الحاجت دي

والايميل بتاعك دا فكرني بنفسي
بس انا كدا لحد دلوقتى بحاول احل للناس مشاكلها لدرجة انى بنسى نفسي

بس بجد مدونة جميلة جدا
بارك الله فيك