الأحد، 7 فبراير، 2010

أنا حبيبتك










- آلو



- إزيك يا حبيبى



- الحمد لله



- وحشتنى موووووووووت



- طيب مين ؟



- نفسى أشوفك بقى



- إنتى مين ؟؟



- أنا حبيبتك



- حبيبتى مين ؟؟؟ أنا معرفش صوتك أصلا ولا أعرفك



- مش مهم ... هتعرف أنا مين بكره



- ليه ؟؟؟ هتتصلى تانى ؟



- يمكن ... مش عارفة ... بس فى المستقبل أكيد هتعرفنى



- وليه معرفكيش دلوقتى ؟؟



- لأنك متقدرش تعملى حاجة ولا تعمل لأى حد حاجة



- طيب



- يلا بقى سلام دلوقتى ... هتوحشنى أوى والله .. مش قادرة أستنى اليوم اللى هشوفك فيه



- ربنا يسهل



- أوعدنى لما أبقى جمبك مش هتسيبنى ... صح مش هتسيبنى ؟



- مش هسيبك ... أوعدك مش هسيبك ...لأن الناس هى اللى بتسيبنى وأنتى اللى هتسيبينى مش أنا .



- مستحيل وبكره الأيام تثبت لك



- بكره الأيام تثبت لك أنتى



- سلام



- سلام


(( من وحى الخيال ))

شاب فقرى

هناك 13 تعليقًا:

موناليزا يقول...

:) حلوة

Sam Sh يقول...

أستااااااااااااااذ
حلوة يا أبو كريم :)

promise is promise يقول...

ده مش خيال

ده كابووووووووووووس

البرد بيعمل اكتر من كده يا ولدى

سلمى يقول...

ان شاء الله الايام تثبت عكس اعتقادك

7annen يقول...

جامده مووووت

мαησηα يقول...

هههههه والله بحسب حصلك الموقف ده بجد وحد كان بيشتغلك الله يجازى شيطانك
لا بس جميلة الفكرة والله تسلم الايادى يا كرملة

قلم رصاص يقول...

اتغطى كويس يابني ونام
ههههههههههههههههههههههه

Just Smile يقول...

كريم..

جميل اوي البوست بس تعرف

أنت لو اخترت صح وحبيت وحبتك بجد اللي اخترتها مظنش عمرها هتسيبك

بيقولوا ان مفيش امرأة وحشة بس فيه امرأة غير مناسبة

لو اخترت صح ف يوم م الايام عمرك ما هتندم

ربنا يوفقك...

wella يقول...

مش هسيبك ... أوعدك مش هسيبك ...لأن الناس هى اللى بتسيبنى وأنتى اللى هتسيبينى مش أنا .




- مستحيل وبكره الأيام تثبت لك




- بكره الأيام تثبت لك أنتى




هنشوف الايام هتثبت مين الصح ومين الغلط!!


بس حلوة

أبو العريف يقول...

بحبك وانت مهيس ياريس

حلووووه بجد

اجمل ما فيها

الجمله الخيره

بس ان يارب تكون الجمله دي

هي محض ابداع ليس الا

تحياتي

مستخلص افندى يقول...

بصره يا عم كريم وده حال الدنيا.

حـــلـــم كــــان يقول...

لا
حلوه دى و جديده كمان

بـــــسمة انـــــــــور يقول...

رغم انها بسيطة
بس بجد رائعه