الجمعة، 20 نوفمبر، 2009

حقا إمتلكونى


كلما إقتربوا منى
وهم يظنون العكس
وهم لا يعلمون
كلما وقفوا بجوارى
كلما لم يشعروا بأنهم يقدمون شيئا
بأن ما يفعلونه (( عادى )) من أجلى
أنه لا يوجد بشر آخر يقتربون منه هكذا
يضحون من أجله
يتعبون حقا
ولكن لا يشعرون
يظلون بجوارى
برغم أننى لا أعلن حالتى لأحد
برغم أننى لا أقبل قرب أحد
طالما إقتربوا ولو حتى مرة
وساندونى دون أن يدرون
دون أن يشعرون بأن هذا شيئا إضافيا
وأنه يجب أن يظلوا هكذا دائما
وأنهم لا ينتظرون أى شىء
فقد إمتلكونى
وإلى الأبد
سيجدوننى بجوارهم
حتى وإن لم أستطع أن أكون لهم صفة أمام الناس
فلا أنا صديق ولا حبيب ولا زوج ولا عشيق
أنا ما هوا أنا
كريم
وهم هنا فقط
دون أن يشعروا
فقد إمتلكونى
وإلى الأبد
وحتى يقولون (( إرحل فى سلام ))

شاب فقرى
ملحوظة : بجد شكرا
ملحوظة : البوست الجاى تاج هرد على كل اسئلة البوست الماضى

هناك 31 تعليقًا:

الشعب لابد له من حكومه تشكمه يقول...

ياربى على الصوره دى,كل الناس حطاها عندها على الميل:(انت اتعديت منهم:)

ثانيا:
طب ما انت عندك ناس بتحبك اهو اومال ايه باه..؟مش بقولك دور هتلاقى.:)

على فكره مش لازم يكون ليك صفه علشان تحب حد معين,ممكن تحبه كده اه صدقنى انا اوقات بحب ناس ومش بعرف اصنفهم فى حياتى بس مش بشغل بالى بالموضوع ده,:)ناس بتحب وجودهم فى حيات وبسسسس:)

عاوزه اقولك حاجه ومش قادره اسكت اللوك اللى فات مكنش عاجبنى خاااااااااالص وحش اوىىىىىىىىىىىى.اول لما دخلت ولقيتك رجعت للستايل ده تانى حسيت بلااحه نفسيه.حسيت ان ده انت اللى اعرفه.

حاجه كمان مش عارفه اناديلك باسمك:(
قلبى اسود يازعبولا,مع انى عرفته من زمااااااان من اول منزلت بوست ومسحته منه.بس علشان انت مخلتنيش اناديك بيه من الاول ومرضتش تقوله كمان,حسيت انى مش عارفه اناديك بيه.
قلبى اسود اوىىىىىىى صح:)

البوست اللى فات عصبنى بتاع التاج ده,مش دخلت سيبتلك كومنت قولتلك ليك عندى تاجين,:( المفروض اعمل ايه تانى اشيلهم واجيبهم.عموما هم 3 بوست وانت داخل عندى طواااااااالى,قول باه مش عارف الطرق.

شاب فقرى يقول...

شيما

صباح الفل

لاء انا مكنتش مخبى اسمى عنك وبس

فى ناس فعلا بتحبنى

لكن المهم انا محتاج مين جمبى وبحس بقرب مين ومين اللى بحس انه بيعمل كدا عشان لازم يعمل كدا ومين اللى بحس انه بيعمل كدا وفاكر انه بيعمل حاجة

ومين اللى بحس انه على طول بيلزقنى على قفايا

ايووووووون مفيش غيرك :D

بحس انك بتيجى تلزقينى كلمتين فى العضم وتمشى :)

بس بحب كلامك لانه بيفكرنى بحد كان بيتكلم زيك كدا قصده خير وبيتعامل بصفو نيه بس بيعرف يفوق اللى قدامه او يرشده صح

مفيش حد فى حياتى حاليا شبهك خالص
خالص
نوهائى :$

التمبلت اللى فات فعلا كان وحش

انا حسيت كدا برده

بالنسبة للصورة

انا مش بتعدى من حد او بتأثر بحد

أنا بأثر فى الناس بس

الناس كلها ماشية فى اتجاه وانا ماشى فى تلاتين الف اتجاه تانى

انا حطيتها لانى حسيت انها اقرب حاجة للبوست

قلبك مش اسود ولا حاجة

لانى فى النقطة دى بعمل زيك بالظبط

ولكن يا شيما

بقيت بقدر ظروف الناس او رغباتهم فى الوقت اللى بيبعدوا عنى او بيمنعوا عنى حاجة او بيدارو عنى حاجة

لان احيانا الحقيقة بتبقى وحشة ومرة وبنت ستين فى سبعين

بس برده بحبها

وسفير للواقع فى كل زمان ومكان

انا بهرب من الخيال للواقع

لانى بحب الواقع

لان الواحد يقدر يلمسه اكتر من الخيال

خرجت عن الموضوع

أكيد

إستحملى بقى مش أول تعليق :$

ههههههههههههههههههه

انا كريم

فى مرة كنت مرتبط بواحدة وكنا خلاص هنتخطب

فاول ما عرفنا بعض كنا قريبين من بعض اوى

فواحده صحبتها متدينه اوى زيها بتقولها ايه دا انتى بتمشى مع شباب

قالت لها فين دا
قامت قالت لها دا
دا كريم :D

فأنا صفتى هوا كيانى :)

هرد عليكى يا شيما طبعا قبل أى تاج تانى

إنتى أغلى عندى من شوكلاته مورو

وربنا اللى يعلم :)

صباح الورد يا ش ش

شاب فقرى

الشعب لابد له من حكومه تشكمه يقول...

روحت اغير جو فى البلكونه ورجعت, كل ده كومنت اكبر من البوست:) ماشى ياكرمله:)

وياسيدى على الثقه بتأثر فى كل الناس لكن انت مش بتتأثر باى حد.فكرتنى باحمد نظيف وهو بيقول اوعوا تفتكروا ان الاقتصاد المصرى بيتأثر برجال الاعمال الاجانب ,لأ احنا اللى بنأثر فيهم ههههههههه..

مكنتش اعرف انك شايفنى كده:( انا بديك كلام فى العضم:(
بجد والله مش بيكون قصدى وخلاص همسك لسانى بعد كده.:(

وفى انتظار التاج باه خلينى نعرفك بدل مكل شويه تقول محدش عارفنى محدش فاهمنى ناقص تغنى عبد الباسط انا مش عارفنى انا تهت منى :)

كرمله,صباحك سكر زياده:)

عيبى انى اقل حاجه بتصالحنى هههههههههه قعدت اد ايه مش بقول اسمك وفثانيتين قولته ,عاوزه اغير الطبع ده:))

شاب فقرى يقول...

حمدا لله بالسلامة من البلكونة

انا كمان كنت بغير جو

غريبة مش شفتك هناك :)

ههههههههههههههههههههه

على رأى اللمبى (( الحادثة مأثرتش عليه بالعكس أبسلوتلى ... أنا اللى أثرت عالحادثة ))

صباح الفل

ربنا اللى يعلم انا هجاوب عالتاج دا عشان خاطرك بس والله

الله .... صباحك عسل

مبعرفش أقول صباحك سكر لحد

بحس ان ليها وقت معين

:$

عبيط أنا صح ؟؟؟

انتى فاهمانى بس لو تركزى شوية

بالنسبة للطيبة اللى فيكى دى

دى احلى حاجة ممكن تكون موجودة فى انسان

انا مش بنسى اى حاجة حد عملها

بس فى اوبشن انى اسامح

لو حد يهمنى بس :$

مش تغيريه انتى كدا تمام التمام

بالنسبة للكلام اللى فى العضم

والله انا بحب اوى الناس اللى كدا

بيقولك كلمتين فى العضم يفوقك ويخليك رايق وتمام ويشعشع معاك العملية كلها

بجد بحب كدا

كانت خالتى الله يرحمها بتعمل كدا

كنت بحبها اوى اوى اوى اوى اوى اوى اوى

واكتر حد احتجت نصيحته فى حياتى كلها

بس مكانتش بتقول كلام فى العضم

كان كلام كله سكر وفى نفس الوقت كله قوة ومليان طيبة وحب

خلطة مش موجودة فى انسان

بس متواجدة فيكى :)

عشان كدا يهمنى رأيك طبعا ومش تمسكى لسانك طبعا

أنا هقوم أعمل رحلة إستكشافية وأغير جو فى الصالة :D

شاب فقرى

Isolde يقول...

اممممممم... طيب انا رخمة و مش هاقوللك ارحل في سلام، هع هع هع
رخامة مش كدة، انا عمري ما عملتلك حاجة اصلا، بس برده مش هاقوللك ارحل في سلام
:)

شوية جد بقي، ربنا يا سيدي يحبب فيك خلقه و دايما يرزقك باللي يقف جنبك عشان انت كريم مش عشان اي حاجة تانية

و صباح الفل يا سيدي
:)
و لو ان عندي الساعة 12 بالليل، اللي هو امبارح بالنسبة لك، انا لسة يوم الخميييييس

فتاه من الصعيد يقول...

ربنا يخليلك كل اللي بتحبهم

تحياتي

rony يقول...

مش لازم ان اللى يحس بيك ويقرب منك
تبقى له صفه او حتى مصلحه
واكتر حد ممكن تثق فيه وتحبه بجد
اللى يقف جنبك من غير ما يستنى مقابل
من غير ما تكون له صفه
هو بس المشكله ان النوع ده بقى نادر
شويه يعنى انت شاب محظوظ مش فقرى ولا حاجه
انت كاتب موضوع بجد برافووووو عليك
تحياتى

ponpona يقول...

كريم..
الذين بجوارك يبعثهم الله لأنه فعلا يحبك ، ومن فترة لأخري يمرر إليك رسائل بسيطه ويخبرك أنه هنا وأنه يعلم كل الأشياء..
من يساندك بصدق يفعل هذا بصدق أيضا ولا يحتاج مبررا أو حتي شيئا في المقابل وليس من اللازم أن تكون لهم صفة أمام الناس .. ليس هذا شرطا بالمره ..
الله خلقنا جميعا وبالأصل نحن لأم وأب وحيدين والمعرفه الانسانيه البسيطه قواعدها أبسط : مساعدة آخرين متي احتاجوا ذلك ومتي كان ذلك بامكاني

كريم
ربنا يوقفلك ولاد الحلال علطول ويكرمك

:))

جارة القمر يقول...

صبااااح الفل و الياسمين و البنفسج كمان عشان بحبه اووووى ... ايون بحبه مش عايزين تريقة :$

الصورة دى بجد بحبها اووووى يا كريم لانها بتفكرنى بانسان عزيز عليا جدااااا و من اقرب اصدقائى فشكرا لانك عدلت مزاجى و خلتنى اشوف حاجه بحبها

عارف ان فعلا فى ناس كدا بيعملوا حاجات مهمة اوى ليك و هما مش عارفين انهم مهمين ... الاغرب انك مش بتقولهم ان دا مهم عندك وانك يهمك انهم يفضلوا جنبك ... يمكن جربت تقول مرة و ماجبتش نتيجة فبطلت تقول تانى مش عارفة سيبك من كل دا عارف الاهم ايه انك تلاقى حد يحبك و فعلا يكون جنبك حتى لو هو مش عارف اهميته

حاجه فى سرك بقى بجد اتبسطت اوووووى انك نزلت بوست و حلوة موضوع البوست الدليفرى انا كدا هطمع فيك يا بنى انت لسه مش تعرفنى انا طماعة اوى فى الحاجات دى :D

صباح البنفسج مرة كمان سلالالالام يا طيب

ريمان يقول...

ربنا يخليك ليهم ويخليهم ليك



منتظرين البوست الجاى



تحياتى ليك وسعيده بمرورى هنا

sookra يقول...

صباح الشيكولاته
عندك حق فيه ناس بنحبهم من غير مانعرف نوصف مشاعرنا او نحط لها اسم
وكمان كتير بتبقى بس محتاج انهم يسمعوك ودا بيبقى حاجه كبيره جدا بالنسبالك مع انها ممكن موش تبقى بالنسبالهم اى حاجه
وبعدين طلع فيه ناس بتحبك اهو
طيب والله لو رجعت تقول كدا تانى وان مافيش حد بيحبك والحاجات دى ساعتها هاحرمك من كل الشيكولاته اللى هاجيبهالك دلوقتى
وعمرى عمرى عمرى ماهسامحك تانى
وعمرى عمرى عمرى ماهاجيبلك شيكولاته تانى
هههههههههههه
صباحك عسل ويومك سكر ياسكر افندى
ههههههههههه

http://t1.gstatic.com/images?q=tbn:HawN8zdO4dnHyM:http://farm1.static.flickr.com/140/334313741_acc26bc15a.jpg

نوسه وريمان فى هاكونا مطاطا يقول...

بوست جامد


ربنا يجمعك بمن احببت ولا يحرمك منهم


مع تحيات تيمون وبومبا

طوبه فضه وطوبه دهب يقول...

اكيد لازم يمتلكوك انك ان اكرمت الكريمنملكته وانت كريم طبعا واسما مش عايزهم ازاى يمتلكوك ربنا يكرمك ويحبب فيك كل من حولك اخى الكريم

donya يقول...

مساء الخير والرعب ياريس فقري
خصيمك النبي ياشيخ خاللي العفريت اللي علي اليمين وانت داخل المدونه ايوه ده اللي بعد البنزينه
ايوه هو ده اللي بيسأف لنا ده
ونبي قول له لما دنيا تدخل هنا ابقي اديها ضهرك

او ك

تحياتي

๓คภ๏ภค يقول...

ما اعتقدش حد يعرف صديق زيك ويقوله ارحل ف سلاااااااام

لانك بجد انسان جدير بالاحترام والصداقة وبجد جدع

وفعلا بتاثر ف الناس .. بس استنى ماترفعش الياقة بقه ومحدش هيعرف يكلمك تانى ولا ايه ؟ هههههههههههههههه

ربنا يكرمك ويوفقك ويكتر من احبابك كمان وكمان

بس عن تجربة ماتخليش حد يعدى حدوده لان فعلا كل شئ بيزيد عن حده بينقلب لضده

يلا سلاااااااااموز بقه هاروح الف ف جولة سريعة ع بقيت البشر

عايزش شوكولاته ولا حاجة ههههه

7annen يقول...

اللى بيحب بجد

عمره ما يقول ارحل فى سلام

ليس فقيرا من يحب يقول...

السلام عليكم

وهييييييييييييييييييييييييه

عرفت اسمك

ازيك يا كريم

حلوة الخاطرة دى جدا بس هما مين دول؟

هههههههههههههههههههه

ربنا يسعدك يارب وتعيش دايما

مع حبايبك سواء فى العالم الحقيقى

او العالم الافتراضى

ponpona يقول...

ممممممم ؟!!

شاب فقرى يقول...

ايزولد

صباح الورد

وماله قولى نو بروبلم وانا هفضل لازق برده :$

يا بختك لسه فى عندك يوم جديد

شاب فقرى

شاب فقرى يقول...

فتاة من الصعيد

اللهم امين يارب

تحياتى

شاب فقرى

شاب فقرى يقول...

rony
المشكلة فى ان المجتمع دايما بيطلب صفة

ودى اكبر مشكلة

تحياتى لردك:)

شاب فقرى

شاب فقرى يقول...

ponpona

منى سلامة ازيك

يارب تكونى بخير

اولا سعيد بردك

ثانيا
عجبنى اوى اوى اوى كلامك

وخاصة

الله خلقنا جميعا وبالأصل نحن لأم وأب وحيدين والمعرفه الانسانيه البسيطه قواعدها أبسط : مساعدة آخرين متي احتاجوا ذلك ومتي كان ذلك بامكاني

بعض الناس ينسى تلك الحقائق

:)

ربنا يحفظك ويعزك

شاب فقرى

شاب فقرى يقول...

جارة القمر

بيسعدنى دايما تواجد ورأيك :)

انا على استعداد تام لتوصيل كافة البوستات دليفرى :)

فقرى

شاب فقرى يقول...

sookra

سكوكرة :)

ربنا دوما يسعد صباحك

وبجد شكرا لكلامك :)

شاب فقرى

شاب فقرى يقول...

نوسة وريمان فى هاكونا ماتاتا

ربنا دايما يجمعنا باللى بنحبهم

من غير ما يبعدوا عننوا لو عرفونا كويس :)

أحلى دعوة دى

تحياتى واحترامى الكامل لاول رد ليكم هنا

شاب فقرى

شاب فقرى يقول...

طوبة فضة وطوبة دهب

والله ما جه على بالى المثل دا خالص لما كتبت البوست

ياريتنى افتكرت كنت رغيت كمان شوية :)

ربنا يحفظك ويعزك

شاب فقرى

شاب فقرى يقول...

donya

هخليه يبص الناحية التانية

الله

بس مش تعاكسيه بقى :P

هوا بيتكسف

هههههههههههههههههههههههههههههههه

شكرا لتواجدك

شاب فقرى

شاب فقرى يقول...

๓คภ๏ภค

عادى والله يا منونة

ياما حصلت ومشيوا من غير ما يطلبوا دا حتى

اختلاف وجهات النظر وتعددها على كوباية شاى

فما بالك بشخص كامل :$

متخافيش انا مش مغرور

انا ثقتى بنفسى بلا حدود بس


نورتى :)

شاب فقرى

شاب فقرى يقول...

7aneen

دى المشكلة

ان محدش بيحب بجد

كله بيحب وخلاص :(

تحياتى

شاب فقرى

شاب فقرى يقول...

ليس فقيرا من يحب

يارب يسعدنا كلنا

بس المرة دى حبايبى كلهم عالم حقيقى :)

ربنا يبعت لك زيهم :)

نورتى ودمتى بكل ود

شاب فقرى

شاب فقرى يقول...

ponpona


:)

:)


:)


:)

صباح الورد

فقرى