حاجات ما

عزيزتي 

في حاجات مهمة عايز اقولهالك 

اثرها علي الارض واضح وقوي وشديد وهتفرقع في وشنا قريب وجدا كمان 

مقدرش احكيها هنا 

بيس

يمكن

 عارفة 

عارفة ان مفيش حاجة خلقها ربنا قدرت انها تضرني قد علاقتي بيكي ومحبتي ليكي ؟

مفيش مش موجود ، مفيش اي منكر ولا اي حاجة ممنوعة قدرت تضرني قد حبي ليكي 

دا اللي بيسموه ال 

Self destructing button 

زرار احمر كبير كدا بتدوس عليه وكل حاجة بتخرب في لحظتها 

مفيش بنت مفيش علاقة مفيش مع فة مفيش حاجةنهائي خلقها ربنا او شخص قدر يضرني للدرجة دي 

مش بتكلم عن الحكم بالسجن ولا القضايا كل دي حاجات حتي لو نفذت الحكم وحتي لو حصل ايه كلهيعدي عادي ، ست شهور ويخلصوا وابقي حر نفسي وحتي الفلوس ذات نفسها برده شوية فلوس بتندفع وشكرا مهما تاخد من وقت عشان اسددها بتخلص زي ما سددت ديون زمان 

حتي لو ملايين حتي لو ايه لها وقت بتخلص فيه ، حتي السجن ذات نفسه وقت وبيخلص حتي الحلول اللي قدامي نفسها وقت وهتعدي وابقي حر تفسي عادي تخيلي ؟ 

انما مفيش حاجة في كل دا ضرتني ولا  حتي واحد في الميه ، في اخر نقاش دخلته مع اهلي قلتلهم هي مضرتنيش هي كويسة هي بنت حلال وكل اللي بيحصل حبر علي ورق ، تصدقي بطلت اقول بتحبني ؟

انا مش زعلان ولا متضرر ولا مش واكل كويسة ففي اتاك قلق ولا اي حاجة ، انا الحمد لله كويس 

ولكن بشوية تفكير في حالي وفي اللي بيحصل في حياتي ، والله ما فارق معايا حاجةحرفيا فعليا ولا حتي بعد الف سنة حرفيا انا قد كل كلمة بقولها 

لكني في ضرر وبلاء عظيم لاني بحبك لان الحب دا بيجري في عروقي وبيبوظ كل حاجة في حياتي بيسممها حرفيا بيتعبني وبيضيع عليا سنين وبيضيع عليا الف حياة ممكن تتولد في الوقت دا ، بيخليني واقف مستني ، تفتكري انا صح ولا غلط ، تفتكري كل الانتظار دا اللي عامل زي النار بتاكل فيا انتي تستاهليه ؟ تستاهلي استني دا كله ؟ 

لو بتسعي لانتقام ف هوا حصل خلاص  فمحصلش في حياتي ان حد قدر يبهدلني او ياذيني او يذلني للدرجة دي 

مكنتش السبب في كل دا ولا الاساس ، مش انا اللي وافقت علي حد مش مناسبني انا كنت متخيل ان اللي قدامي مناسبني جدا

عارفة 

انا مش بدور علي اسباب وا تفسيرات لكني بحلم بالخلاص ، مش بس من الانتظار وان الواحد ياخد قرار او انك تاخدي قرار لكني عايز انا ذات نفسي يا الحب دا يبقي له قيمة  يا اما كل دا يروح 

انا عديت دا قبل كدا

لكني لسه بقدر العيشة والحب والحياة والحاجات الحلوة والذكريات والسنين ،تصدقي اني فاكر كل حاجة حلوة وبأدق التفاصيل 

؟

مفيش حاجة قدرت تأذيني او تضرني قد حبي ليكي ولا حتي شوية المثالية اللي بجري وراهم وا رغبتي واحلامي وقراراتي العاطفية اللي خلتني امسك في شوية صحاب رعاع ولا اي حاجة من دي 

مفيش غيرك وغير محبتي ليكي 

محبة وقلق وخوف وتوتر ، انا مختارك ومختار ابقي هنا ومش فارق معايا في الدنيا كلها غيرك 

معرفش ايه يفرق معاكي ، معرفش ليه مفيش نهاية ؟ المطلوب اني اموت ؟ اختفي وانتهي ؟ دا الطلب ؟ دي الرغبة ؟ ما مفيش اي داعي لاي حاجة بتحصل غير ان يكون نهايته موت ، عايزاك متكتف بتعاني الابدية في حبي عشان سيبتني ، طيب ما ندمت ، وكفرت عن ذنبي وحاولت وعملت كل حاجة ، هل لازم اموت ؟ دا السؤال الاهم ، اموت عشان حبيتك للدرجة دي ؟ 

لا مش هينفع للاسف 

هل من العقل ان الواحد يسمح لنفسه ولعناده وافكاره تأذي حد للدرجة دي ؟ تضر حد للدرجة دي ؟ ومين بقي ، اكتر حد حبه ووقف جنبه في حياتي 

انا واثق ان مفيش خسارة ممكن تخسريها في الدنيا قدي ومفيش نجاة ممكن اوصلها قد ان ربنا يرعاني واتحرر من الحب دا اللي حرفيا خلاني بالشكل دا دلوقتي ووصلني للنقطة دي 

تخيلي انتي مش شايفه ايه

ليه نسمح بكل دا ؟ ليه كل دا ؟ ومع مين ؟ معايا انا اللي حبيتك ؟

لو الموضوع فلوس فانا هتصرف كالعادة

ولو الموضوع سجن برده هتصرف 

ولو الموضوع اعتذار فانا اسف 

ولو الموضوع عناد فانا حقي برقبتي وشكرا لحد كدا واسف جدا 

ولو علي كلمة اتقالت فربنا يسامحني 

بس انا خلاص 

انا مش قادر اكتب تاني النهارده 

وخايف اصلا انام حد يتصل بيا زي امبارح يكهربني ، ربنا يستر 

تصبحي علي خير 

نسيت اقولك اني نشرت نهاية الفيلم بتاع كلمنتين وجويل علي الفيس ، وهي بتقوله اوكي وبيرجعوا لبعض 

حتي لما نسيوا بعض فضلوا يحبوا بعض 

وعارفين هيحصل ايه بس مصممين يكملوا الموضوع 

تخيلي ؟

دي اصلا نهاية الفيلم 

انا حبيتك جدا والله اكتر من بنتي واكتر من الحياة نفسها 

بس خير 

سلام دلوقتي  عشان معدتش شايف قدامي 

النهارده وكدا

 عزيزتي وحبيبتي 

عشان منساش حاجة بس دا اللي ناوي اتكلم فيه ( سعدني - مكالمات الفجر - الصورم والتعلق والمرض  - الطريق ما بيننا - وصلوا لايه- وحشتي كل حاجة ) بس كدا عشان اصلا وانا بكتبهم نسيت 😂

اليوم كان طويل ابتدي منين الحكي مش عارف بس هبتدي وخلاص ، الشغل كان حلو ورايق الاوفيس حلو ونس كدا بيبسط القلب والبلكونة تجنن بتطل علي الميدان فمنظرها خطير ، اتمني في يوم نقف سوا هناك ، للاسف الشديد منفعش اكمل القعدة بعد الشغل في الباربكيو عشان كان كله لحوم مش كويسة فخدت بعضي وروحت ، البلد ناقصها كتير مش عارف حاسس ان بعد ما كنت مستني اشوفك في اي شارع زي ما حصل صدفة حاسس ان دا مش هيحصل مش عارف ليه ، بس بتمني والله عشان وحشتيني اوي 

شفت حلقة لواحد بيتكلم عن الوحدة وكان تفسيره في الاخر هوا مش غياب الناس ولا غياب الحبايب لكن غياب الصحبة اللي يكون فيها تفاعل حقيقي ، وحميمية حقيقية في الكلام ، ناس بتحبك بجد عايزينك كويس انت محتاجلهم وهما محتاجين لك ، الموضوع بصي صعب شوية وملخبط بس من الاخر الصحبة مهما كان في ناس بتجري حوالينا بيبقوا ملهمش لزمة بيبقوا لقطة حلوة ، لكن مش حقيقية مش بتروح الروح زي كلمة حلوة من حد بنحبه او فعليا حد حاسين وعايشين معاه بحب وصدق وندفع عمرنا كله عشان ينبسط ويبقي سعيد ، الحياة ابسط من كدا يا عزيزتي ، اه والله ، المهم يعني الحلقة عجبتي جدا وفكرت ابعتهالك بس افتكرت ان مفيش طريق فقلت نبقي نشوفها سوا بتقدير ربنا بقي 

حصل امبارح الفجر حاجة غريبة وانا نايم ، مكالمات كتير كتير كتير من رقم غير معروف ، صحيت مخضوض وانتي عارفة الموبايل صامت ، والله افتكرته انتي وقلت يا سلام وقمت مفزوع ، بعد عشر ميسدات قمت ، فتحت الخط لقيت صمت ، وبعدها صوت مبحوح بيقول الو ، اترعبت معرفش مين دا ولامين دي ولا انتي ولا مين ، قفلت وحسيت نفسي مرعوب بصراحة ، كان نفسي يكون انتي ، الصمت دام لما رديت حوالي نص دقيقة ، وبعدها الو الو ، ياتري كان انتي ؟ ياتري هسمع صوتك تاني في يوم ؟ معرفش  بس ربنا قادر علي كل شيء ، قادر يعمر ويصلح

الصورم : تفتكري لو حد صورمه ناقح منك هييجي يقولك ؟ هيعرفك ؟ هيكون صريح ويقولك انا بحقد عليكي عشان وعشان وعشان ؟ طيب تفتكري الناس اللي بصورم دول هيقولوا ايه ؟ هيقولوا عايزينك كويس وبخير وبنحب مصلحتك صح ؟ ويبعدوك عن اي خير ليك صح ؟ هيشجعوك باي شكل تمشي في اي طريق غلط او مش هيوصلك لحاجة عشان متبقاش احسن منهم ؟ دي قواعد الصورم يا حبيبتي مفيهاش جديد صح ؟ يعني ممكن يبقي في حد بصورم حوالينا وبيمثل  ويكون مش بس بيمنعنا عن الخير لكن كمان بيذكر في سيئاته وبيحكي عنه اي تاليف وبيقلب اي موقف خير لشر عشان يبعدك عن الخير ويقولك شايف هو وحش ازاي ؟ صح ولا انا غلطان ؟ لان ابو صورم لو اتكشف مش هيقدر يضرك ومش هيقدر يستنفع منك ومش هيقدر ياخد منك حاجة فاحسن حاجة يقدر يعملها هي ايه ؟ هي التنكر وانه يعمل بيحبك، وعشان احنا ملناش دعوة بنوايا الناس بنحكم بقلوبنا وعقلنا ، لما حد ييجي يقولي حاجة او يشجعني علي حاجة بفكر هو عايزلي الخير ولا الشر بفكر الحاجة اللي بيمنعني عنها دي كانت في حياتي خير ولا شر ، ساعدتني وخلتني احسن ولا خسفت بيا الارض ، ولو بيكلمني عن شخص بشوف الشخص اللي بيحكي عنه دا ساعدني ؟ كان بيحبني ؟ ضحي عشاني بالقول والفعل ؟ بشوف الشخص دا بيشتريني ولا بيبيعني ؟ بشوف وجود الشخص دا في حياتي هيحللي مشاكل ؟ طيب هل هيخليني احقق انجاز ؟ طيب هل هاخد بيه حاجة مش عند ابو او ام صورم ؟ الناس بتخش تبارك علي الطلاق وتخبب الزواج علي بعض وتفرق حتي بين الصحاب وتوقع بينهم وبين بعض ، والتساؤل هنا ، دا ينفع ؟ هل ينفع اسمح بوجود حد زي دا في حياتي ، تخيل مثلا قبل انفصالك وطلاقك عن حد بتحبه باسبوع لو ابو صورم جه يقولك دا وحش دا فيه وعليه او يباركلك علي الانفصال او يدعيلك بيه ، هتقوله ايه ؟ اكيد هتديله بالجزمة ، طيب ايه الفرق دلوقتي ؟ ليه بتسيب اي حد بيصورم يمنعك عن الحياة مع حد بيحبك بجد وكان في بينكم سنين من اول لحظة في الشباب ، ليه سايب كلام الناس وآراءهم و تشجيعهم ومعتقداتهم تمنعك عن حاجة فعليا هتسعدك ، ايوا الحاجة دي كان فيها عيوب مفيش حد مبيغلطش بس معلش يعني كان في حلو برده ، مش اللي بيحبك هيتمني لك بيت سعيد ؟ مش هيتمني لك اولاد حلوين وحياه مستقره ؟ مش هيتمني لك شغل حلو واستقرار ، في حاجات الفلوس مبتشتريهاش  ودي اللي اي شخص بصورم بيحاول يبعدك عنها ،اظن كلامي واضح كدا ، اللي عايزلك الخير بجد مش هيمنعك عنه ولا يخلي شكله وحش في عينك 

هل انا مريض ؟ لا كنت مريض واتعالجت وكان مرضي كله نوبات قلق شديدة ، طيب هل انا عندي تعلق ؟ برده لا، الحب اكبر من كدا ، في فرق بين شخص عنده تعلق وبين شخص بيختار بناء علي حب ومشاعر ومعطيات وبيدي اعذار ويسامح ويفتح الف باب ، في فرق شاسع والله ، انا بقدر الشخص وسنينه معايا وذكرياتنا وحياتنا ومشاعري واحساسي تجاهه ، وابسط دليل علي كدا هي حرية الاختيار اللي مآمن بيها وبمنحها طول الوقت للطرف التاني 

عارفة يا حبيبتي ، كنت زمان برده بفكر واقول ان الطريق ما بيننا ايام ما كان في بينا بلاد عباره عن لمسة مش بلاد ، لمسة بصباعك علي التليفون تكلمي كريم ، لمسة تشيل البلوك وتفتح ابواب ، لمسة تعمل قلب علي صورة او تبعت رسالة فيها كلمة حب ، مكنتش شايف البلاد والفيزا والغربة والناس اللي كانوا حواليكي وكل دا مانع او حاجز بيننا اه والله ، كنت شايف ان الطريق ما بيننا لمسة، لمسة علي الموبايل بتطلع اسمي وتتصل بيه، لمسة تانية بتبعت رسالة ولو حتي خناق او لوم او عتاب ، باي شكل من الاشكال ، تخيلي ؟ كلها لمسات بسيطة ، الفرق ما بيننا دلوقتي مش عارف ايه يمنعك ، كبرياء ؟ مش هتخسريه،طيب يكون كبر مثلا ، عادي دا نخسره عشان مش هندخل الجنة بيههيمنعنا من دخول الجنة ، طيب ايه تاني ، كلام الناس ؟ كان الناس نفعوا نفسهم ، اراء الناس ؟ برده كانوا نفعوا نفسهم ، اللي كان في ايدك في يوم وملكك كان اغلي من اي حاجة تانية ودا اتقالنا بدل المره عشره وبالصريح كدا في الوش ، ايه تاني ؟ ايه ممكن يمنع ؟ الناس هتقول ايه؟ يقولوا اللي يقولوه ، بحبه وعايزاه، او حتي بيحبني وهيعمل المستحيل عشان يراضيني ومش غلط اني ابقي معاه ، ايه يمنع بقي ؟ لسه هي نفس اللمسة اللي كانت حاجز ما بيننا زمان ، القرار اللي بيحصل في لحظة اللي بيغير مستقبل بالكامل وبيبني حياة بالكامل وبيحقق سعادة ودفا وحب كل يوم ، الحياة بسيطة خالص والله ، تخيلي لمسة؟ لمسة واحدة علي شاشة النوبايل او علي اي ابليكيشن ؟ تخيلي ، اه والله للدرجة دي بسيطة ، طيب وكل المشاكل والضغط والناس والحاجات دي ، كل واحد فيهم هيبني لنفسه جنته او هيعيش فيها ويسيبك لوحدك ، كبيره اوي مكالمة حلوة مساعدة لطيفة اي حاجة في اي حاجة والسلام ، عشان يفضل في حاله مش عايز وش ووجع دماغ وحد يضغط عليه ، الحياة بسيطة اوي يا… كنت هنده باسمك والله 😂بس الحمد لله يعني قلته بلساني ، المهم يعني كل الموانع في الدنيا تدوب قدام حد شاريك بجد وبيحبك بجد ، عديت عشانك بلاد ، ولسه بقول لو صعبة عليكي السكة شاوري لي وانا اجيلك ، ولسه عندي استعداد اعدي ، بس ياتري اللمسة دي صعبة عليكي للدرجة ؟ يمكن نتفق ، يمكن نتراضي ، يمكن اصالحك ، يمكن نبقي كويسين، دا انا بحبك وانتي عارفة

زمان كنت في اوقات كتير قبل ما اهتم براي حد او حتي اسمع رايه ( دا زمان اوي اوي يعني ) كنت اقول لنفسي بتساله ليه ؟ هوا عمل ايه في حياته اساسا ؟ وصل لايه ؟ ولا اي حاجة ، طيب معلش يعني اللي بينصحني دا انت مقوماتك ايه ؟ الموضوع دا فادني جدا لما جيت اشتغل ولما جيت اغير حياتي في حاجات كتير ، خلاني رفضت التدريب المهني وخلاني صممت ابقي مهندس وخلاني بنيت نفسي وكاريري ومهتمتش برايهم ، والله لسه فاكر راي واحد فاشل او كذا واحد فاشل كانوا بيقولوا لي مش هتفلح ومحدش هيرضي حتي يشغلك وسبحان الله ، ربنا خزاينه مبتفضاش واعطاني من وسع والحمد لله ، يقيني بالله ، عشان كدا راي الناس سواء خير او شر معادش فارق ، لحد النهارده لما حد يسالني اقول بحبها وهي بنت حلال وبنت اصول وجوهرة وفيها الخير وبميت راجل ، مينفعش اعيب في حد شال اسمي ، مينفعش اشكي ولا اقول حاجة وحشة ، مينفعش مبقاش انا ، لحد النهارده بقول بحبها عادي واقبل رجوع عشان بحبها ، حتي لو اللي قدامي حاول يسخني باي شكل ، سواء كرها او حقدا عليكي وفيكي او حتي عشان مش عايزني ابقي مستريح ، الناس ملهاش لزمة ، في وقت الجد بيجروا محدش بيكون حقيقي وبيتعب بالسنين وبيكمل الطريق لآخره غير اللي بيحبنا بجد ويسافرلنا بلاد ويتعب عشاننا بجد بالسنين مش بس موقف او زنقة شهر او كام يوم 

وعشان كدا بقول لنفسي ، هل لو سمعت دماغك وكلامك يا عزيزي ياللي بتنصحني هبقي زيك ؟ ما انا شايف اختياراتك زي الزفت شايف عاملة ايه في حياتك ومدمراها ازاي ، جاي تنصحني انا ؟ ، يعني انت موصلتش لحاجة وجاي تنصحني عشان ابقي زي حضرتك موصلتش لحاجة ؟

وحشتي كل حاجة في البيت ، وحشتيني ، كل حاجة فيا بتصرخ كل ليلة وتناديكي باسمك والله ، اوقات كتير باخد صور عشان اوريهالك بس واوقات تانية بسجل تفاصيل واكتب في بوستات عشان اطلعهالك ونقراها سوا وبستني اوريكي حاجاات كتير ، بستني احكي ليكي كتير اوي ، بستني كل حاجة منك ووالله كل حاجة بتنده ووحشتي كل حاجة والله واكيد كل حاجة هنا وحشتك ، اكيد ، اصل الشوق دا كله مش هيروح في الباي باي يعني ، اكيد واصلك والله وبتحلمي بيه كمان، وبكل حاجة بحكيهالك وانا ماشي في الشارع او بطبخ او بعمل اي حاجة ، اكيد والله 

اليوم كان طويل 

ببعتلك رسايل حب وكلام حلو ولمسات طيبة حنينة وقبلات مع كل نفس ومع الهوا والله ، عشان يعدي عليكي يحكي لك

وحشتيني اوي وهتوحشيني 

يارب يخليكي ليكي ويجمعنا علي خير ويردك علي خير ويجعل فيكي ومعاكي الخير ويارب يكتب اللي يراضينا ويرضينا بيه 

النهارده رايق وحليت مشكلة مستحيلة فالشغل ووحشاني جدا ، والمرة الجايه لو اتصلتي ابقي اتكلمي متقعديش علي الخط ساكته كدا 

هبقي اكتبلك عن تخيلاتي عن اول مكالمة بينا مره تانية عشان البوست دا طول اوي 

خدي بالك من نفسك والله قلقان عليكي جدا، 

وحشتيني وهتوحشيني 

المخلص دوما 

كريم

خلص اليوم

 كان طويل ، رغي كتير في الشغل ، الاوفيس كان وحشني وايسن كذلك ، الحمد لله علي غير المتوقع دخلنا في مناقشة طويلة وكنت علي حق والميتنج كان حلو وابتديت مخطط حلو وطويل هياخد عالاقل اسبوع ، وبرغم اليوم الطويل صاحبي وزميلي الالماني كلمني مكالمة طويلة وقعدنا نحكي وجاب ابنه يلاعبني في الفيديو وقدرت اضحكه ودي حاجة اسعدت قلبي جدا جدا جدا ، مش عارف بقي هي صدفة ولا ايه بس الحمد لله يعني دا راضاني جدا واتمشيت شوية وروحت بس طبعا تاخير ساعه ونص علي ما طلعت البيت ولسه مكلتش بس اليوم كان حلو اوي ، قعدت اتناقش مع صاحبي التاني وقت حلو ورغينا كتير واتمشينا سوا برده وكلنا وقابابلت ناس اعرفها رحبوا بيا جدا وكانت القعدة حلوة ، النهارده يوم رايق ، اينعم لسه مكلتش بس المكنة مبقتش بتعطل زي قبل كدا ولا الواحد بيتعب بشدة من حاجة زي تاخير الاكل معرفش بصراحة بس الحمد لله دي علامة كويسة ، احساس بالرضا غامرني معرفش مصدره ولا سببه بس الحمد لله 

وحاليا

رايق وهادي ومستقر ومستريح وقاعد مستني الاكل ، الحياة ابسط بكتير من كل حاجة بتحصل او بتجري ، بيت صغير وشوية دفا وامان وهدوء وراحة بال  وسجلني عندك في الجنة ياعم ، راضي وسعيد ومبسوط 

محتاج بس انام عشان انزل بكره الاوفيس تاني ، مش عارف بقي هنبسط في الباربكيو في التراس بكره ولا لا بس هقعد مع زمايلي شوية وكدا كدا اليوم خفيف علي القلب والدنيا حلوة ، يسعد ايامنا دايما يارب ويارب يجعل بكره احلي من النهارده ، سواء بالمشوار للاوفيس او بالباربكيو اخر اليوم في البلكونة في الشغل او باي حاجة 

الرضا حلو 

ربنا يراضيني ويكتبلي اللي يرضيه ويرضيني بيه

يارب 

أعذار

 عزيزتي وحبيبتي 

دايما كان في دماغي اليوم اللي هنتكلم فيه ، دايما كان عندي ثقة ان مشاكلنا كلها تتحل في قعدة واحدة بيني وبينك فقط ، لكن اليوم دا مبيجيش مبيحضرش مش بطوله مهما عملت وتعالي نراجع كدا عملت ايه 

مكالمات ليكي مبترديش وبلوك

ايميلات ليكي برده مفيش رد 

وساطة ناس خبثاء زي شوشو اللي قالت روح اتجوز المانية ودا من تاني شهر ( ومبعتش حد تاني غيرها) للعلم يعني 

وسطاء صحاب ، كان سنوفة فقط وبرده قوبل بالرفض واتضح بعد كدا انه عايز الدنيا تخرب لهدف معين

كلام مع الاهل والاخوات ، برده حصل ومفيش رد 

مشوار لحد الاهل والاخوات ، اترفض المقترح من خالتو بحجة انك غريب مينفعش تقابلهم

رسايل واتس لعبده بعتت وبرده قوبلت بالرفض والتهزيق 

مشوار لحد الاهل والخال في بنها ، برده عملته وجالي الرد بالرفض 

مشوار لحد باب بيتك برده اتعمل ومحصلش رد 

مشوار لحد مدينتك برده عملته وركبتي القطر ومشيتي وانا بشاورلك

ايه تاني ممكن يتعمل ؟ محاولات مكالمات من ارقام غريبة برده عملته

مكالمات مع الام نفسها عملتها وبرده استني كام يوم وبرده الرد لا 

كل دا مشوفتش فيه عيب ولا غلط ان واحد بيحاول يرجع مراته وحبيبته وطبيعي يحصل كدا واكتر من كدا 

كتابات وبوستات وتلميحات وجوابات وبرده حصل ومفيش رد 

وعمي ذات نفسه بعتلك رسالة ومرديتيش

وكل دا كان علي قلبي زي العسل بس الطرق خلصت ، 

ايه تاني ممكن يتعمل ، ايه تاني ممكن يثبت او يحل مشاكل ، دايما في ناس في النص ، لو الناس دي اتشالت لساعة واحدة بس هتتحل الازمة كلها واحنا هنبقي كويسين 

اتهامات ملهاش اساس من الصحة وبرده قبلتها واعتذرت عنها وعن غلطاتي وعن كل حاجة 

وقلت في الآخر خلاص طالما مش طايقاك ولا عايزاك حضرلها حقها واديهولها عشان اتفاجيء برفض من المحاميوانه بيتهرب وميردش والمحامية تكلمه وتجري وراه وبرده مفيش رد 

المفروض بقي اعمل ايه تاني ؟ 

عايزه تنهي الموضوع طيب ماشي موافق طالما مفيش حب ما انا مش هعيش حياتي مع حد بالعافية ، امال احترمت اختيارك ليه ؟ ليه مش بدور وراكي ولا بحاول اعرف اي حاجة باي شكل ؟ عشان كدا عشان لو الموافقة او التواجد مش منك مش هيبقي له لزمة اصلا اي حاجة تانية

طيب طالما كارهاني خدي حقك وامشي وربنا يوفقك ويوفقني 

طالما انا وحش اوي كدا سيبيني امشي وامشي انتي كمان ، ليه الموضوع متعلق ؟ ولا وجود الموضوع معلق له قيمة؟ 

فين المكسب ؟

سنين العمر بتقع زي ورق الشجر عندي وعندك وكل واحد لوحده ، انا متقبل الرفض ومتقبل اني ممكن اكون كنت وسيلة ومتقبل اني مش مهم ووحش ومش كويس ومنفعش وشرير وكل البلاوي اللي بتتقال عني ، قابلها كلها والله عشان خاطرك بس ، ومش بنطق ولا بتكلم ولا بحكي ولا بتناقش مع حد ، ايه المطلوب تاني ؟ 

نفضل معلقين ؟ 

خدي قرار ونفذيه، مش عايزاني مفيش مشاكل هتقبل دا وتاخدي حقك وتنتهي القصة 

عايزاني عندي استعداد اصالحك واراضيكي واقبل اي اعذار ( مهما كانت) واسامح في اي حاجة ( مهما كانت اعرفها او معرفهاش ) واعذار انا عارف انها واهية زي اعذار اول مرة وابني من جديد باي شكل وبكل طاقتي وبكل طريقة ممكنة وبعرف حياة احسن وكل حاجة احسن مليون مرة 

زمان كنت عبيط فاكر كل المشكلة في الفلوس فكنت بداري المشاكل وان مفيش واحاول اتحجج باعذار كتير عشان ميبانش في مشاكل لكن اتضح ان المشكلة مشكلة تقدير وتواصل وتفاهم وبرده قابل دا ، 

بس انا مش الشخص الشرير ومش هكون ولا اقدر اكون عشان دا مش انا ، انا واحد عايز يعيش وبس عايز يفرح ويحب ويتبسط وحتي بعد ما كل مشاكلي اتحلت وبقيت احسن برده في رفض ، مفيش مشاكل قابل والله بس ليه بقي التعليق علي الفاضي والبهدلة دي ؟ 

قبلت كل انواع البهدلة وكل انواع التهم من كل الناس وقبلت كل انواع الاذي وبحاول اعيش وبس وابني من جديد معاكي قبل اي حد ومش قابل ولا راضي باي حد تاني لاجل خاطرك ، وبرده الرفض عنوان والتعليق موجود 

ساعات بقول لنفسي كان زماننا سوا كان زماننا لفينا العالم كان زماننا خلفنا وكان زماننا عايشين في سعادة وكان زماننا مبسوطين وبنحقق حاجات كتير وسعداء لكن بقول لنفسي كل دا مستحيل لو هي مش عايزاه او لو هي مش مهتمة بيه اصلا عندها صورة عايزه تصدقها عنك وعندها بلان وحياة تانية عايزاها ومش عايزاك ودا برده مقبول ، بس ليه الفعل مش زي ما بيظهر ، مثلا مش عايزاك خلاص خدي حقك وكل واحد يروح لحاله ، ليه افضل متعلق طالما مفيش امل ولا حياة ، مش زعلان لو عندك حتي او عايزه حياة جديدة ، محدش امتلك حد لا انتي ملكي ولا انا ملكك وكل واحد حر في حياته ، اعملي ما بدالك كله يخصك 

انا كنت من اول يوم جد ومشيت الطريق وسافرت بلاد وعملت كل حاجة زمان ودلوقتي بكل شكل عشان اثبت اني كويس وامسح الصورة الوهمية اللي في خيالك واديكي عيوني بس ترضي ، بس ليه مضطر طول الوقت ادافع عن نفسي مع الانسانه اللي بحبها ؟ 

عشان لها صحاب وقرايب وجروبات ومسلسلات بتأثر عليها وبتصدق اي حد معدي في الشارع لكن مبتصدقنيش في حين اني حتي الواقع مبصدقوش عشان مشوهش صورتك في دماغي ولو حتي شفته بعيني ، ودا مش عبط والحب عمره ما كان عبط ، في ناس بتضيع حياتها كلها عشان تلاقي حد زي حالاتي او بيلتزم وبيكون كويس زي حالاتي 

دلوقتي قدامك الطريقين بكل بساطة واختيارك ، يبقي في باب مفتوح ونقعد علي ترابيزه واحدة ونتفاهم او كل واحد ياخد بعضه ويمشي وفي كل الاحوال مش هبطل احبك 

لكن عقلي خلاص مبقاش عبيط عايز يضيع سنين وشهور علي الفاضي ، نقطة نظام بس تحل كل دا ، كل واحد يعيش حياتهووعد مني بعدها هروح في حالي واشيل حبي جوايا بدون اي قرب او محاولة قرب منك باي شكل ولو عرفت انك ماشية في طريق رجليا مش هتعتبه،واشيل حبي وسنيني وذكرياتي وامشي بعيد في حالي بعيد عنك وهفضل احب بردهلان الحب مش بايدينا لكن اللي بيحصل دا ملوش قيمةولموش معني ولا فايدة 

قلت مسيرها يمكن تشوف الناس وتفهم حقيقتهم لكن برده مجيتيش

يمكن تشوف الدنيا وتعرف الحقيقة 

لكن ازاي حد يشوف وهوا مركب فوق عينه نضارة ومركز انه ياذي ويضر اكتر انسان حبه في الدنيا وبيتعامل بقسوة وبقوة مطلقة 

طيب وليه كل دا والتصرفات دي ما الحلال موجود والحب موجود والانسان اللي بيصدق وبينفذ موجود 

مفيش فايدة مهما كتبت انا عارف ومهما قلت ومهما اتحركت ، كله بدون فايدة وبدون داعي والحال مش هيتغير 

ومقداميش غير حل واحد بس دلوقتي هو اني اعتبر ان كل دا مش موجود وابطل اشوف ال mixed signals 

وابطل احاول افسر والاقي معني لكل دا ، عشان مفيش معني 

لكن العشرة والعيش والملح والعيشة والحب بيمنعوني مش اي حاجة تانية

مع العلم ان اي اتهام و تهمة او شيء منسب  ليا باني اذيت او حاولت ءاذي او عملت اي شر عندي اثبات بالرسايل والايميلات اني معملتوش وربنا يشهد عليا

معلش البوست دا فضفضة وفي وسط يوم طحن والشغل كتير فغصب عني طلع بالشكل دا 

هبقي اكتب بليل حاجة حلوة عشان عيونك الحلوة

بس كان لازم اقول الكلام دا واخلي ذمتي 

وختاما الشاعر كان بيقول 

ولا بلاش المرة دي 

وبالمناسبة بس : لو الموضوع انتقام فاتحقق بكل شكل ولو عقاب فاتنفذ بكل شكل ولو خصومة فزادت وكبرت بكل ومعادش في حاجة تاني ، خلاص لو دا مجرد رغبة في الاذي فانا برده اتاذيت بكل شكل وكنت بموت ، ولو علي السنين فضاعت ولو علي العيشة والبيت وخرابهم فدا حصلي بدل المرة كذا مرة ، يعني معادش في سبب كفرت عن ذنبي اللي مبيخلصش دا برده بكل شكل 

يومك سعيد 

وحشتيني وهتوحشيني 

المخلص دايما 

كريم

يوم طويل

 عزيزتي وحبيبتي 

اليوم ابتدي بداية حلوة وابتديت اشتغل علي حاجات كتير بس من الواضح انه هيكون في تسليم وكلام كتير واجتماعات و تطوير في حاجات كتير وشغل اكتر ، تقريبا كله اجتمع علي كوني لازم اخلص حاجات كتير اليوم ، هتوحشيني جدا ويوحشني عيونك ، مش هقدر اكتبلك الصبح كالعادة لهذا السبب ، اول ما يبقي في وقت واقدر اصفي دماغي واكتبلك الحلو كله هعمل كدا ، اتفقنا ؟ 

خدي بالك من نفسك واستمتعي بيومك واعرفي انك في وسط كل دا علي بالي 

افتقدك وبشدة والله 

يسعد أيامك يا عسلية ❤️😘

كان الشاعر بيقول " حمل الليالي خفيف لما يشيلوه اتنين " كان عنده حق والله ❤️

وجودك لوحده نعمة مش بس رضاكي 

وحشتيني وهتوحشيني 

المخلص دوماً 

كريم

أمسية من كتير

عزيزتي وحبيبتي 

 أمسية سعيدة ، النهارده كان آخر يوم في الاربع ايام كان زماننا راجعين من الرحلة بس مش دي القصة دلوقتي ، النهارده  ان يوم هادي ولطيف واتمشيت شوية ، حركت المكنة استعدادا للفترة الجاية ، وشغزت فيلم كرتون كوميدي بليل وكلت كويس الاكل كان حلو اوي ، ومستعد للاسبوع الجاي علي الهادي ، كان هيبقي جميل لو كنتي هنا ، الفيلم والاكل والسهرة وكل حاجة ، 

الفيلم كله سمك وفي صوت ويل سميث مدورتش صراحة في اسمه لكن شكله عبيط خالص وتافه كدا بس رايق ، يصلح لأمسية جميلة ، النهارده افتكرت بيت شعر لأمل دنقل كان بيوصف حبيبته فكان بيقول 

وعلي كتفيها يحط اليمام الغريب 

ومن راحتيها يغط الحنان 

بحب اشعاامل نق بحسه قريب مني واشعاره بتمثلني وبحسها فعليا الكلام اللي عايز أقوله ، النهارده جت في بالي خيالات كتيرة ولكن الحمد لله مخي كان رايق وصافي بعد كتابات الصبح ، بصراحة يعني  لاني قدرت انتج واكتب حاجة حلوة بجد ، وجه في بالي مليون خاطر بس زي ما انتي عارفه مش كل حاجة ينفع تنكتب  احيانا في حاجاة بتتقال وحاجات بتتحس ، بس مش دي القصة برده، الامسية سعيدة وهادية بصراحة ومستني بكره ورايا تاسكات كتير ناوي اصحي من بدري جدا وناوي انزل الاوقيس الاسبوع دا اكتر من مره كمان وناوي اقضي اسبوع طحن في الشغل ، هصحي بدري ابتدي قبل ميعاد الشغل واركز في اني ماخدش اي اجتماعات جديدة كفاية اللي عندي وغير كدا ناوي اعمل مج قهوة محترم في المج المفضل بتاعي حاليا بتفائل بيه ، حاليا بقيت بتفائل باي حاجة وافتحنفسي ولو الفكرة سودا بخليها حلوة برده بتشقلب بتكنيك معين عشان اخلي كل حاجة حلوة بكل شكل يمكن دا خلي اتي اتحسنت تيذر بقيت بع بكل ةا مش بس التكنيك دا ، النهارده سالت واحد صاحبي علي موضوع الشقة والموضوع لقيته صعب جدا في ارقام غريبة بالرغم من ان المكان معفن ومفيش قدامي اي حل غير التعامل مع الحيتان بس لا دا وقت ولا مكان مناقشة دا او كتابته ليكي ، المفروض بكتبلك مشاعر ايه كل الرغي دا ، يمكن كدا الواحد بيعرف ان حد وحشه بيبقي في كلام كتير متحاش ومتشال و بتنفجر بيه وتقعد تحكي بلا توقف بس الخلاصة يعني 

وحشتيني ❤️😘

مش كل كتاباتي ينفع تبقي باستايل وشكل معين انا بحاول دايما اطلع الحقيقة واللي حاسه واحساسي دلوقتي حلو وسعيد ورايق ولازم اشاركه معاكي ، كان نفسي تبقي هنا والله كنت هدلعك ، بس الحمد لله اكيد كل حاجة لها توقيت واكيد الرزق له ميعاد ، هبقي احكي بعدين بس ختاما يعني اليوم كان حلو بفكرة وجودك وحسنك اللي ملوش زي وعيونك اللي كانت قدامي طول الوقت و كل ما يخصك كان مطمني ، يارب يجمعنا علي خير 

احلام سعيدة يا حبيبتي 

وحشتيني وهتوحشيني 

المخلص دوما كريم 

High preasure

في ذكري جحيم الموت علي شواطيء بلادي ، غفر الله لهم و لنا : 

 Sounds 

مع كثير من الأشياء الأخري ، متعلقات مبعثرة علي صفحة المياه ، صرخات بلا توقف ، ندب يملأ الأفق ، وصفحة السماء مرهقة من تبديد الصوت في الفراغ ، تتلون تارة بلون الدم وتارة أخري بغيوم تعكس حزنهم، يبكون بلا توقف ، تمر الساعات ثقال ، ينتظرون بلا نجدة ، يرفعون أياديهم للسماء ، لا يعلمون أن السماء اليوم مغلقة ومغلقة دوما في وجوههم ، تركوا وصايا ربهم فلم يتبقي لهم شيء ولا حتي رب يستغيثون به ، يصرخ أحدهم يارب إرحمنا إنا مستضعفون فيرد عليه أحد الحاضرين ، "خطأنا لم نكافح بعنا أرضنا بالرخيص ، رضينا بالقهر " ، لا دلالة علي أن النجدة قادمة ، اليوم فقط نشكو سوء النصيبب وسوء القدر وسوء القضاء والبلاء العظيم ، إنا مبعثرون في غياهب الأرض ، ودعواتنا في غياهب السماء تطفو مثل الجثث فوق المياه وتظل هكذا بلا ميناء ولا شاطيء ، ، ، اللعنة علي هذي الأرض والحياة ، ليست فقط بلادنا ولكن كل البلدان ، كل ربوع الحياة تلفظنا ، كل شيء يحترق ، يهتف صوت في نهاية الرصيف " غدا تشرق الشمس ، وغدا ينهض جيل جديد يكونوا رجالا يأخذون كل الحقوق و يبنوا وطنا لأننا شربنا الذل للقمة العيش ، غدا تشرق الشمس ويملأ النور ربوع بلادي " 

****

الوقت اليوم يمشيء ببطء قاتل ، تهفو روحي إلي رحمة المولي ، ، لابد أن تخلق لنفسك متسعاً ومكاناً، علينا بالسفر ، بالخروج ، بالحفلات، بالفاتنات، ودعنا المرض منذ قرابة الشهر ، إنتهت كل العلاجات ووالدواء ، حالة إستقرار عام ، اليوم تملك حياتك ، وظيفة مرموقة يتمناها أي شخص وحياة مستقرة تماما بالكامل ، لابد من التعمق إذا في كل نواحي الحياة ، صحبة جديدة ، سكن جديد ، بيت جديد ، كل شيء جديد ولكن ليس الآن لم يبقي شيء بعد سداد كل هذي الأعباء وتصليح كل الأخطاء وإعطاء كل ذي حق حقه وأيضا محاولة إرضاء وجبر خاطر الجميع، لست ضحية لكني أسعي لتضميد جراح الجميع ، أبتسم في وجه الجميع وأعاون كل شخص علي طريقة وحياته ومذهبه وأسعي كالمجنون محاولا تصليح ما أفسده المجتمع واصدقاء السوء ووسطاء الشر في حياتي ، أحاول أن أكون واضحاً ، أسعي نحوها و أنادي بصوتها و الدماء في عروقي تهتف بعشقها ، أحاول تصليح كل شيء بلا فائدة ،الحزن يعتصر قلبي ويخبرني قلبي بأنه لا عليك يا كريم لقد فعلت ما في وسعك فأنا راض الآن 

بالأمس إستمعت إلي محاضرة بسيطة لأحد مدربي الحياة والحكماء ، حين قال : دايما في حاجة تتعمل ، ذكرني قوله بجملتي الخالدة : " كل مشكلة مهما كانت ليها حل بس احنا اللي مبنبقاش راضيين او عايزين الحل ، دايما في حل " هل كنت بهذا العقل وهذي الحكمة منذ زمن؟، لا أعبأ بهذا ولا يشغل بالي ، علي اليوم أن أتحرك كثيرا ، أسعي كثيرا ، أفعل كل ما في وسعي ، طعام الغداء جاهز ، كل شيء معد لإستقبالها منذ الأمس لكنها لم تأتي ، والكثير من المخططات لعيد الميلاد ، لمحت عيناها بالأمس وإبتسامتها وضحكتها وإلتفاتاتها ، رأيتها بجواري ضحوكة مستبشرة سعيدة زاهية براقة لكنها لم تأتي.

فكرت كثيراً في المضي قدماً وإستعادة ما تبقي مني ، فكرت بأن أعيد الساعة عشر سنوات للخلف، إعادة ضبط الوقت ، ليعود كريم المنطلق السعيد الذي يصادق كل يوم فتاة ويحب الأخري ويقوم بعمل تقسيمات لعلاقاته، كل يوم في حضن إمرأة جديدة ، المجنون بالحياة والمستكشف لأقصي الحدود ، ، ، الكثيرات حاولن إختطافي وآخرهن فتاة عشرينية صغيرة تبدو مثل قطعة الحلوي الطازجة ، تلمع وتبرق ولديها كل ما قد يحتاجه زوج في الحياة ، كل ما قد يتزوج بسببه الإنسان حتي وصايا سيد الخلق، وليست وحدها ، كثيرات مثلها ،لكني قد فكرت لوهلة منطقياً وعقلانيا ماذا لو قررت منحها كل شيء ، كل المشاعر و الأحلام والماديات والكل شيء ، لكنني فجأة توقفت ، وضعت الفكرة بأكملها قيد الإنتظار فليس هذا ما تهفو إليه روحي ، ولكن هذا لم يعد مهما بعد الآن ، المهم حقاً كما يقول الجميع أن تلحق بقطار الحياة ، أن تبدأ، أن تعيش، لكني علي الرغم من هذا رفضت المحاولات ووضعت كما قلت كل شيء قيد الإنتظار ، دعنا نتحدث الآن عن فلسفة المنهزم الذي عليه أن يقبل أي شيء وكل شيء مطروح علي الطاولة فهو كما قلنا من قبل منهزم لا يملك شيء ، لا يملك حتي فعلا أو قرارا ، منهزم من الحياة والحب  وأشياء أخري ، انت يا عزيزي لا بدائل لديك عليك فقط أن تقبل ما تمنحه الحياة ، فكما قلنا مسبقاً لا شيء يدعو للمزيد من الإنتظار ، وأنت قد قتل الإنتظار روحك بما يكفي 

لا أدري ما سأفعله الآن ولا ما قد أحققه ولا ما حتي يمكن تحقيقه ، أنا فقط علي قبول الحياة كما هي ، قبول الرفض من حبيبتي وقبول الوحدة والعزلة في حياتي وقبول الفرص التي أراها تستحق وتحقق شيء ما .لأنني فعليا قد حاولت كل شيء لإرضاء حبيبتي وحاولت في كل إتجاه لعودتها وكفرت عن كل ذنوبي ومنحتها مئات الوعود و حققت المستحيل لأجلها ، لكنها لم ترضي ولم تعد ، لا أدري ما علي فعله الآن ، هل أقبل المعروض والفرص المتاحة لبدء حياة أم أستمر في اللاشيء وحيدا؟ ولم يعد هذا خياراً متاحاً 

وختاما : من يحبك بصدق سيبتكر ألف سبب للبقاء ولو حتي كانت معروفا تمثل في شربة ماء ، من يقدرك ويقدر محبتك ووجودك سيستجيب ولو حتي فقط ليتشاجر معك فقط لمجرد أن يتواصل معك ، هنالك ألف ألف سبيل وقد قمت بالسير فيهم كلهم 

يكفي كتابة الآن علي أن أخرج وأري الحياة 

هدية ؟

 عزيزتي وحبيبتي 

قاعد بفكر انهي هدية مناسبة أكتر مش عارف لسه ، اجهز لحاجة دهب ؟ ولا اجهز لجهاز مثلا موبايل او لاب توب او حاجة قيمة تقعد معاكي سنين وتفرحي بيها ، مخي مشغول وبعدين افتكرت ان مهما كانت الهدية مش هعرف اوصلهالك ودي مشكلة ، لان دا هيسببلي مشكلة كبيرة جدا، فبالتالي مفيش قدامي غير كتاباتي دي وشوية امنيات ودعوات وبس ، بس جه في بالي حاجة تانية ، وهي اني امنحك اعظم حاجة في الوجود وهي اني اسيبك في حالك وكأني مكنتش موجود في يوم ولا كان في بيننا عيش وملح وعيشة وحياة 

وبعدين سالت نفسي معلش يا عم كيمو براحة خالص كدا ، هوا انت عايز توفر ولا ايه ؟ هوا مش انت عملت دا اوريدي من زمان وكل فترة كنت بتحاول تصلح الامور علي اساس ان الدنيا تبقي هديت او هي فهمت او شافت الحقيقة او اي حاجة ومفيش اتغييرذ لان اللي قا فالدنيا شكله احلي ملين مر من اللي انت بتقدمه، خروجات وفسح وصحاب ودراسة وجو لطيف كدا ومعجبين ليل نهار وناس بتجري لحد ما تلاقي قبول وتهرب ومحدش قادر يبذل مجهود عشانها ، ملناش دعوة بالنقطة دي بس مش انت يا حبيبي عامل دا اوريدي وسايبها في حالها تماما ؟ ولا في اي مضايقات ولا مراقبات ولا غلاسة ولا اي ضغط باي شكل ؟ امال ياصاحبي ايه اللي هتديها احلي حاجة في الوجود بانك تسيبها في حالها ؟  انت مش نزلت فلوس مصر عشان حقوقها خلاص ؟ انت مش مشيت في محاولات الرجوع والتزمت بالحدود اللي هي حطاها ؟ وبعدت او بمعني اصح وقفت بعيد عنها في حالك بكل شكل بدون اي محاولة خنقة او ضغط ؟ من الاخر كدا يعني مش هنقول انسحبت لكن هنقول خليتك في حالك وقاعد لوحدك ؟ امال ايه اللي هتديها هدية انك تسيبها في حالها ، ما هي اوريدي في حالها وانت منسحب بكل شكل وبتحاول تنهي المواضيع بكل شياكة  في ايه بقي ياسطا مستخسر في بنتنا الهدية ليه ؟

والله مش مستخسر وموجودة وفي اي وقت وبكل شكل ولو كنت اعرف لها طريق كنت بعتهالها بس خير ، هييجي يوم واجيبهالها ولحد اليوم دا مملكش غير دعواتي وامنياتي وكلامي المكتوب وشوية افعال جنتلة و ذوق من بعيد لبعيد، لان مفيش اي طريق او سكة 

كل سنة وانتي طيبة يا حبيبتي 

المخلص دوما 

كريم

صباح النور

 عزيزتي وحبيبتي 

تقديس النور طول عمري كان حاجة متعود عليها وملتزم بيها إلتزام تام ، لاشيء آخر بالنسبة لي كان مهم او ذو قدسية زي النور ، يمكن عشان زيه زي الحق كدا والعدل إسم من أسماء ربنا ، ويمكن هو زيه زيهم من أهم الحاجات في الحياة اللي تستاهل إتباعها ، وتستاهل الدفاع عنها بكل شكل من الأشكال ، عشان مش من السهل تلاقيها او تبقي موجودة في حياتك ، عارف الفلسفة الكتير بتاعتي بتتعبك ، يمكن فعلا بتتعبك ويمكن زي زمان بتحبيها زي افلامي او زي حاجات معينة في حياتي مهمة بالنسبة لك ، معدتش عارف بصراحة وبصراحة تاني معادش هيفرق اي حاجة وانتي مش موجودة ، مهما كانت الحاجات اللي بحكي فيها هنا او بتكلم عنها الا انك واقفة مكانك ، بتلفي الدنيا مكملة في حياة علي وضع الثبات ، معرفش إيه الممتع في كدا ، لسه مظهرش الحقايق ؟ لسه معرفتيش انا بحبك قد ايه ؟ او وحشتيني قد ايه؟ ولسه مخدتيش بالك مين من اللي حواليكي حلو او وحش ؟ يمكن انا اللي حاسبها غلط ومش شايف الحقيقة اني زي ما ناسركتير بتوسوس ليا كنت مجرد وسيلة او حاجة ملهاش لزمة في حياتك ؟ يمكن الإستغناء عنها ، مش عارف ومش مهم ومش هيفرق في حاجة دلوقتي خالص، اللي بيفرق يا حبيبتي هو الفعل والتصرف والتعب واللي اتعمل عشانك ، هوا دا الاثبات لكن ياتري الحب محتاج اثبات ؟ وعود ؟ اي حاجة باي شكل ؟ الحب مش محتاج كل دا ، سنين العمر بتجري وبتقع زي ورق الشجر واحنا بعيد ومفيش جديد 

اليومين اللي فاتوا خدت قرار اني ابقي مليونير في خلال سنة ، عرفت الطريق وابتديت احط بلان واشتغل علي المخطط ، بس مش حاسس برده ان دي البلان اللي لازم امشي عليها ، الحاجات دي مش بتدوم ، معروف طبعا ، كل الفلوس في الدنيا مش بتدوم بتضيع في لحظة ، انا عملت مستحيلات قبل كدا كتير وقدرت بتوفيق ربنا اغير امور كتير وابني اكتر من حياة وءاسس لها اساس حلو ودلوقتي بقالي شهور من غير بلان ، كانت البلان الوحيدة اني اوفرلنا ولاولادنا حياة سعيدة ومستقرة و اجهزلك الدنيا كلها ، ودلوقتي بعد ما حققت كل دا بقي تفكيري مش عارف يروح فين ، بقي كل حاجة تانية بالنسبة لي سهلة ولكني رافض المشي فيها ومن كرم ربنا عليا اني قدرت اجهز كل حقوقك بكل شكل وشايلها سواء النفقة او غيره مستنيه التسليم والمحامي بيتهرب ومحدش بياخد حاجة ولا يستلم حاجة ومش عارف ليه ودا ملوش اي تفسير واضح بس مش قصتنا برده مش دا الجواب المناسب لصباح العيد ميلاد وانا عارف اني هكتبلك النهارده كتير 

انتي بتخليني التزم اكتر واتبع النور بدون صبر عليه بدون خوف منه بدون ما اضيع في اي حاجة تانية ، وجودك بيطمني ويريح قلبي ويرويني يخليني عايز حاجات كتير ، كان نفسي اكلمك امبارح وكافحت نفسي ، كان نفسي اكلمك واقولك انتي فين واجي اخدك وافسحك وابسطك واوريكي حتت جديدة ومدن جديدة ودنيا جديدة ، كان نفسي اعملك عيد ميلاد حلو ، كان نفسي تعرفي وتفهمي ان اي فرصة لقربنا من حد بيحبنا بجد تساوي الدنيا وما فيها واكتر شوية ، كان نفسي والله 

كان نفسي اسمع صوتك ، كان نفسي اصحي النهارده الاقيكي جنبي واطمنك وافرحك واجيبلك ورد ونفطر برا وننبسط للماكسيمم، كان نفسي في ونسك في حنيتك ، كان نفسي تهدي وتفكري لحظة بالعقل وتبقي هنا ،  دا صعب ومستحيل بالنسبة لي يحصل عشان القرار في ايدك ، الاختيار كل حاجة في الدنيا بالنسبة لي ، لو مخترتنيش فملوش لزمة اجري وافرض نفسي عليكي علي مكالمة تليفون او علي مسنجر او واتس او ايميل او حتي قدام بيتك او قدام شغلك ، كل دا ملوش اي قيمة طالما انتي مش مختاراني ومش عايزاني ، لكن والله ربنا يعلم لو كان دا ممكن او ينفع يتعمل والله كنت عملته عشانك بكل نفس راضية ، لو كان في طريق كنت مشيت فيه انما مقدرش ابقي البني ادم اللزقة اللي تاعبك في حياتك ، واللي واقفلك في كل حتة ، لا روحي انتي وشوفي الدنيا واكتشفي حقيقتها وفي الاخر انا مش موجود في كل اللي حواليكي لو دا يريحك ويسعدك فدا كل همي واللي يرضيني انك سعيدة وراضية ، انما كريم مش وحش ولا رخيص ولا قليل عشان يفرض نفسه علي حد او يادي حد للدرجة دي ويبقي مسببله ضرر  بانه طول الوقت بيجري وراه ، ربنا يطمن قلبك ويسعدك ويراضيكي ويهديكي ويردك علي خير ويجعل فيكي الخير 

زمان لما افترقنا كان عندي قناعة ان ربنا كاتب عنده مين هيتخلق وعارف هيتخلق امتي ومن انهي اب وام ، وان معجزة الخلق دي وعلم الغيب بتخلي موضوع الجواز والخلفة سهل وبسيط وممكن لو ربنا كاتبلك زرية من واحدة برده تتجوزها وتخلف منها غصب عن الدنيا كلها ، عشان كدا اتطمنت وهديت وعرفت انك لو مكتوبالي هتبقي هنا تاني ، مازال عندي نفس القناعة بس بسؤال واحد اضافي : ليه عمرنا يضيع في بعد وفراق وزعل وخناق ؟  نفسي في لحظة من اللحظات تفتحي عينيكي وتشوفي الحقيقة ، نفسي والله ، كان كل دا هيتغير وكان زماننا سوا دلوقتي ، وبنقضي احلي عيد ميلاد وبدلعك بكل شكل ، يارب يجمعنا علي خير 

كل سنة وانتي طيبة يا حبيبتي 

في انتظارك 

وحشتيني وهتوحشيني 

المخلص دوما 

كريم 

هابي عيد ميلاد

حبيبتي وعزيزتي ونور عيني 

مفيش مجال لأي حاجة تتقال في وقت زي دا ، كل سنة وانت طيب يا جميل ياللي بتحلي حياتي ، كل سنة وكل ذكرياتنا حلوة وكل أيامك جميلة وانا في ضهرك وجنبك وبحبك وفي عينيا ، كل سنة وانتي الفرحة اللي بتمناها وبحافظ عليها ، كل سنة وانتي اغلي عليا من بنتي وحبيبتي وكل ما بحبه في الدنيا ، كل سنة ونظرتي في وشك بتفرحني وصوت قلبك بيطمني ، كل سنة وانتي منورة ورايقة وسعيدة وبتحققي احلامك وكل اللي نفسك فيه ، اتمني كل الشر يبعد عنك ، اتمني تبقي بكل خير واتمني تبقي اسعد واسعد وانجح وانجح واتمني تحاوطك عناية ربنا ورعايته ، اتمني تبقي بكل خير وفي رضا ربنا ومحبته ، اتمني لك اللي اتمناه لنفسي واكتر شوية ، ولو كل عيد ميلاد تبقي جنبي تبقي هدية من ربنا ، اتمني لك الفرح والرضا والقبول في كل حتة والمحبة في كل مكان ، اتمني لك  قوة البصر والبصيرة والحكمة والقوة اللي تخليكي احسن تاخدي بالك من نفسك ، اتمني لك من كل نبضة من نبض قلبي تنوري كمان وكمان وتحققي امنياتك ، اتمني لك كل الخير بكل شكل في كل وقت وأوان 

بيبقي صعب علي الواحد يكتب امنياته وتفاصيل مشاعره ويمكن من رحمة ربنا بيا اني بعرف اكتب شوية ، اتمني لك تشوفيني علي حقيقتي مش بكلام الناس اتمني لك تحسي ولو للحظة واحدة بحبي ليكي واتمني تفهمي وتقدري وتستوعبي ان الواحد مش رخيص ومش قليل وانه غالي ويستاهل ، اتمني تفتحي عيونك علي حياة حلوة تشرح قلبك ، اتمني لك سواء كنتي معايا او لا قدر الله بعيد الدنيا كلها تضحك في وشك وتراضيكي وتملي حياتك وقلبك شعادة ، اتمني لك الفرح بكل شكل وطريقة وبكل تفصيلة ، اتمني لك تحسي بقلبي وتبصي في اللي فات وتحكمي بالعدل وتتفهمي موقفي وتصرفي وكل ما مريت بيه ، اتمني تشوفيني يا حبيبتي علي الحقيقة ، الحقيقة الشيء الوحيد اللي يقدر يبني مستقبل ، اتمني كل مشاكلنا تخلص واتمني تصدقي وتفهمي محبتي ، اتمني بس تاخدي فرصة تتكلمي فيها معايا يمكن في حاجة تنور بصيرتك ، اتمني تسمعيني واتمني واتمني واتمني 

كل سنة وانتي طيبة يا حبيبتي 

ويارب كل سنة وانتي بكل خير 

اتمني لك اعظم واحلي حاجة في الوجود ، رضا ربنا وتوفيقه وعنايته ومحبته 

اتمني لك واتمني واتمني 

عيد مسلادك اللي فات حولت اتصل بيكي من رقمي لقيته لسه معموله بلوك فقلت يمكن ظهر عندها لكن بعدها اكتشفت ان البلوك مبيخليش الشخص يعرف حتي انك اتصلت بيه ، خير لعله خير اكيد ربنا كاتب الخير ، شوية ثقة ويقين في الله هتنور حياتنا والله ،مش هقول ياريت ولا أفتح في اي حاجة بس بعد ما كتبت النهارده عن بلان الاجازه عايز اقولك حتي لو مكنتش قدرت اعمل دا وارتبه اي سبب دلوقتي ، كنت هحضرلك تورتة حلوة وهدية احلي واراضيكي واطمنك واشيلك زي بنتي واحتويكي بمحبتي 

يارب كل مشاكلنا تخلص ، يارب تنوري دنيتي وحياتي قريب يارب يجمع شملنا ويطمن قلوبنا ويهديها كان نفسي والله يكون في بيني وبينك باب او طريقة في يوم نتكلم بيها ونتفاهم ونحل كل المشاكل دي ، كان نفسي يكون في اي حاجة في الدنيا تجمعنا ونتفاهم ، ياريت والله ياريت

مش عارف أقولك ايه تاني 

بس انا بحبك

ووحشتيني وهتوحشيني 

وروحي لسه ساكناكي 

يارب يارب يارب 

كل سنة وانتي طيبة يا حبيبتي 

كريم