صباحك سكر يا حلو

 ❤️❤️❤️❤️❤️

اسبوع و يوم

 كان اسبوع طويل ويوم اطول 

مطلوب تنفيذ ميت حاجة في نفس الوقت 

الماتريال مبتخلصش 

والدنيا متكعبله لوحدها من غير حاجة 

المفروض ان التلات ايام الجاين او الاربعايام تحديدا انجز حاجات كتير بمنتهي التركيز عشان اقدر اثبت نفسي 

انا زهقت من اللعبه دي والله فوق طاقتي حرفيا بس مفيش وسيلة غير اني اكمل الطريق 

الحمد لله النهارده عدي واسراء كانت بتذاكر معايا 

والفتره دي لطيفة جدا علي غير كل الحسابات بتاعتي لكني مستريح ان للطريق رفيق مهما كان الوصف او الفعل بس المهم هي الرفقة والطريق الحلو والسند 

ان حد يسندك في وسط ظروف فجائية زي دي فدي حاجة متتنسيش 

النهارده صحيت تعبان جدا برغم اني نايم بدري 

ظبطت كل حاجة الصبح لكن فضلت دايخ وتعبان ويمكن عشان كدا النهارده مروحتش الاوفيس 

خلصت متاخر وطولت في عمايل كل حاجة والنهارده جاي علي دماغي اسيب الشغل وكل حاجة واسافر او انقل او استقر في مكان جديد وشغل جديد 

ورايا حاجات كتير وبفكر لسه في موضوع امريكا ومش راضي ولا عايز اخد فيه خطوة دلوقتي خالص 

لسه عندي كتير يتعمل ولسه ورايا حاجات كتير وربنا يجعلها اخر فترات القلق 

كل حاجة في مكانها حاليا محتاجين مغامره كبيرة جدا وان شاء الله هنحقق نتايج حلوه بس علي الهادي ربنا يسهل 

انا محتاج اريح النهارده زي ما بتمني واريح اعصابي عشان بكره والكام يوم دول مهمين جدا فوق الوصف 

ربنا ما يجعل فيهم اي تعب ونقدر نركز ومفيش اي حاجة تشتت تركيزنا عشان الايام دي الغلطة بفورة

ربنا يسهل 

انا لازم اقوم اتدلع شوية وابقي اكتب بعدين

مكالمة

 ٢٨ ساعة متواصل 

وتقريبا هنوصل اربعين الصبح

شكلي هبطل أعد 

بس الايام اسهل 

وانك تعرف تتكلم وتتونس وتنبسط وترتاح فدا شيء عظيم جدا 

الحمد لله

شغل وكورسات ومذاكرة واكل وشرب وطبخ وشوبينج سوا 

من كام يوم كنت بكلم واحد صاحبي بشرحله ازاي يسيطر علي عقله ويركز فالشغل ويقدر ينتج اكتر بما اني جربت دا كتير ، ولسه بقوله نام بدري وبتاع لقيته بيقولي ياسطا بشوفك اونلاين للصبح وبتشير بوشتات قلتله معلش عندي ارق 

😂😂😂😂

الحمد لله رب العالمين ❤️

حلاوة المولد

 عايزه حلاوة المولد وعروسة المولد وملبن بحبل 😀😀

طيب انا ساحر مثلا ؟ 

هجيبهم وانا في المانيا وابعتهم ازاي في مصر ؟

طيب اطلب اونلاين ؟ 

طيب ابعت حد من صحابي 😂

سهلة ومحلولة 😀

عينيا حاضر 

نجيب ونودي وماله ❤️

لو

 لو لقيت حد حنين عليك وطيب ومتفهم وبيدعمك وبيشدك لكل حاجة حلوة وبيهتم بيك وبيقدرك ويحترمك 

فانت تقريبا وصلت الجنة

الدعم النفسي والتفاهم والحنية والمحبة 

حاجات 

هي أشياء لا تشتري 

شكرا ياجميلة

سهرة حلوة

 تعالي نسهر 

نشوف فيلم كوميدي 

وناكل عنب وتين شوكي وكوكي دوغ ايس كريم لطيف ولا احلي منه  ونقعد سوا نرغي بالساعات

وننبسط ونهرج ونفرح 

خليني افرح قلبك ❤️

وممكن اقوم اعمل اس حاجة تتاكل فالسريع جنب السهرة 

نشغل فيلم كوميدي سوا ونروق يلا 😀❤️

راحتك علي قلبي زي العسل والله

سبحان الله

 وألقيت عليك محبة مني ولتصنع علي عيني 

- بتحبيني ؟

- بحبك

- مش هتبعدي ؟

- مش هبعد ومش هقدر اسيبك لاء 

خدي بالك من نفسك عشان الحادثة مش شوية يا اسراء 

وعشان انتي مهمة 

وعشان تستاهلي كل خير الدنيا وزياده شوية

شكرا ❤️

اقعدي وارتاحي يا دكترة وسيبيني اخد بالي منك 

انا فايق ومركز و متزن وتمام والمرض خلاص راح 

دا دوري بقي اخد بالي منك ❤️

صباح الفل يا كيمو

تعبت وكلام كتير ميتقالش

 دلوقتي انا غير متزن خالص عشان اكتب واكتب هنا واكتب في موضوع زي دا ، بس مظنش ان في حاجة تتعمل تاني عشان تغير الحال 

تقبلت الخسارة وتأقلمت من فترة علي اللي حصل واللي بيحصل 

خسارتي كانت كبيرة في كل حاجة بس مفرقش معايا غير خشارة واحدة بس ، خسارة العشرة والسنين والذكريات 

مفرقش معايا العمر ولا فرق معايا هخلف امتي او هعيش حياة سليمة امتي 

ولا فرق معايا فلوس او شغل او ورق او اي حاجة 

صحتي اتدمرت تماما وبالعافية قدرت ابني جسمي تاني تحت ايد ناس متخصصة تراعيني وتراعي حالتي واكلي وشربي وحتي ساعات نومي عشان اقدر اعيش 

اثبت للعالم كله نجاحي سافرت اخر الدنيا خدت اعلي الشهادات درست في اروع واحسن الاماكن وقدرت احقق المستحيل حرفيا وانا مبتدي من تحت الصفر وقرت احقق كل اللي ربنا قدرني عليه عشان ابني حياة سليمة زمان او دلوقتي 

مش قادر انسي السنين والمحبة والعشرة ودي مشكلة لاني انا لوحدي بس اللي بفكر في الحاجات دي وبالنسبة لي كل شيء مقدس 

حاولت ابتدي حياة بالعقل والمنطق وفشلت لاني مش الشخص دا مش الشخص اللي يقدر يستغني عن السنين ولا عايز اعيش حياة عادية ولا انا الشخص اللي يقدر يعيش بدون محبة لان المحبة بالنسبة لي هي كل شيء وهي اللي تفوق علي اي شيء تاني 

ندمت وتوبت عن غلطي اللي متشاف غلط وبررت وشرحت واتكلمت وعملت مليون واسطة 

وفي ناس معاتيه كانوا في النص كانوا شمتانين مش اكتر ويقولوا لي روح اتجوز المانية ، مع اني مش عارف الناس دي ناقصها ايه بس يمكن عشان شافوني بحبها بجنون او حسوا ان مش في ايديهم اللي في ايديها من محبة فسخنوها عليا 

وفي ناس كتير مضانتش العيش والملحولا فرق معاها وبقالي سنة حرفيا لا سمعت صوتهم ولا شوفتهم ، فمعادش عندي استعداد احافظ علي صحاب واحد فيهم بيقولي ايه المشكلة ما المهاجرين اتجوزوا زوجات الانصار بعد ما طلقوهم والتاني اللي يقولي بعد ما عملت معاه كل خير : معلش يا كريم مقدرش اشكر فيك واقول حاجات انا مش شايفها 

كل واحد كان بيدور علي نصيبه من التورتة او امتياز شخصي لنفسه 

والتاني اللي كان بيقولي معلش مقدرش اتدخل 

محدش فيهم شافني بتهزق ولا حد شافني بستلف ولا بحارب عشان ابقي حاجة ولا حد شافني بتطرد او بتهدد ولا حد شافني حتي بنضرب او بتجرح وبتهزق علي الخاص والعلن 

لكن كل واحد بيفكر في نفسه ، هيروح بيته ويقفل علي نفسه ويدور علي اللي في ايده وينبسط بيه ويشوف يقدر يستفيد بايه وبس ، فين العشرة والعيش والملح ؟ مش مهم كريم ولا حياته 

دخلت مستشفيات سواء في المانيا او امريكا وتعبت ياما واتعالجت بكل شكل ممكن وكملت في رحلة العلاج حتي وانا مرفود وانا بترحل وانا مش قادر اقف علي رجليا ، حاربت عشان خاطر حاجة واحدة بس ، ان في احتمال او امل واحد في المليون الواحد يعيش حياة كويسة في يوم من الايام 

عايشين في وسط مجتمع ودواير من الفلاحين والعربجية حرفيا محدش فيهم يعرف لا في اصول ولا في خير ولا شرع ولا حتي الجمايل 

انا بعد ما كل حاجة خلصت عرفت غلطي سواء اني فتحت حياتي وبيتي او سيبت مكان لناس زي دي تبقي موجوده في حياتنا ، وهما مبيضمروش لينا غير الشر ، احنا عارفينك عشان معاك حد دمه خفيف وبتجيبه معاك ونضحك ونقضي وقت لطيف ، لكن معلش وقت المشاكل هنحمي نفسنا ونطنشكم 

سيبها لوحدها ، النصيحة دي اتقالتلي من الكل بما فيهم السماوية اللي في وبرها زن اللي قالتلي عارف لو اتخليت عنها ورميتها هي هتيجي وراك وهتفهم غلطها لوحدها سيبها هي دلوقتي مجروحة ومحتاجة وقت ومينفعش تحاول معاها ولا تكلمها عشان هتخسرها اكتر 

وسيبتها لوحدها وافتكرت الناس دي قلبها عليا فعليا وعلي بيتي 

وقلت كلمة والتزمت بيها : مش هرجعك غير برضاكي مش غصب هوا 

واحترمت دا وقدرته وشيلته علي دماغي حتي وهوا اصعب حاجة عليا في الوجود لكن عملته تقدير واحترام ومحبة والتزام 

دورت في الشوارع والمدن وكل حته عشان اوصل وموصلتش وانطردت من كل حته بكل شكل واتهددت سواء في العيشه او بعدها واترفع عليا قضايا فيها كلام باطل في الورق وصبرت واحتسبت وقلت اكيد مش هي ، هي مش هتعمل كدا 

ظنيت الخير كله وبقيت عايش طول الوقت علي بابها 

دورت ليل نهار علي اي حاجة توصلني بيها وملقتش 

وفي الاخر صبرت وكملت لحد ما قدرت ابقي حاجة واقولها اهوه انا قدرت احقق زي ما وعدتك جه وقت تشوفيني بدون ضغط وبدون مرض وبدون عوز وبدون فقر وبدون ديون وبدون حزن وقهر 

لكن مفيش سكة 

ومفيش طريق وكتبت في كل حته لو صعبه عليكي السكة شاوريلي وانا اجيلك 

حاولت بكل شكل 

كلام مع الاهل والناس وتوسيط ناس سواء كويسين او وحشين و مكالمات وصبرت علي اهانات واذي وتعب فوق طاقتي 

واستحملت اذي من مجتمع الفلاحين الوسخ دا برغم ااني يشهد عليا ربنا منعزل تماما عنهم ومفيش في حياتي غير كام صاحب يوصلي كلام من واحد فيهم ان في عيل وسخ انا اساسا مسحته من زمان لانه وسخ وشعره احمر جاي يقول لواحد صاحبي انا في واحد صاحبي هيموت ويتجوز طليقة فلان وبيكلمني عشان اتوسطله عندها لاننا صحاب ومعارف وشغالين سوا، يعني حتي الكلاب والرمم بيحاولوا يحرقوا دم الواحد حتي وهوا منعزل وفي حاله مش بيعبرهم ، قام صاحبي هزقه ومسح بكرامته الارض وقاله احفظ لسانك بدل ما اكلم كريم ييجي يقطعهولك 

دا غير الاوساخ التانيين لو قابلت حد صدفة ، اصلي قابلتها مع فلان اصلي مش عارف كلماها يوم مش عارف ايه اصلها قالتلي ايه ، اشكال وسخة كلها والحمد لله اني منعزل ومبديش فرصة لحد يتكلم اساسا

ودلوقتي 

الموضوع معادش مرض ومعادش فلوس ولا شغل ولا صحاب ولا اي حاجة

معادش عندي غير قلبي الطيب الحنين اللي مبينساش المحبة واللي اتخلق من حنين واللي بيقدر كل موقف وكل ذكري 

في تفاصيل كتير زي ليه عملت اللي عملته : عشان مخلفش عيال في بيت تايه وغير مشتقر وفيه الاب بيتهان و ملوش شخصية في وسط مجتمع زي دا 

في تفاصيل كتير اوي محدش يعرفها وكلام قد دا الف مره 

ودلوقتي مفيش قدامي اي حل غير الدعاء والصبر وفي اقرب وقت واقرب فرصة هسيب ايدي خالص وللابد واعمل زي ما بيقولوا 

Letting go 

مهما كان مشاعر الغضب والحزن اولقهر والتعب مني ومن اللي حصل معايا فاكيد في نقطة هيبقي فيها الاختيار واضح 

يا اما نتجمع يا نفترق 

لاني خلاص معدتش قادر اعيش كدا سواء بعقلي وبس او كاتم احساسي ومشاعري وافكاري 

مش قادر اسيب نفسي للحياة كدا 

لازم اخد وقفة واوقف كل وجعي وتعبي وانتظاري 

مفيش مكسب ولا حتي واحد في الميه ليا في اي حاجة غير المحبة 

وبس 

ان الذكريات والسنين الحلوة ترجع ويبقي معاها تقدير واحترام وتفاهم 

مفيش مكسب ليا في اي حاجة بكل شكل 

غير حاجة واحدة بس وهي المحبة 

فلو كل دا وكل السنين دي ملهاش قيمة 

فمظنش ان في حاجة في الدنيا هيكون لها قيمة

ربنا عمال يبعتلي احداث وعلامات في طريقي ، نجاح في كارير وجنسية وشغل وسداد دي ن ونجاح في شهادات ومرتب و ثراء وناس تتمني مني الكلمة

وانا باقي علي اللي عشته لحد النهارده

زمان كنت بدعي ربنا اموت وانا خمسه وتلاتين سنة عشان بترعب من المرض والعجز 

انا خلاص قربت اتم الخمسة وتلاتين ، مقدرش اضيع حياتي كلها عشان احساسي او قلبي وانا بحاول ادي كل حاجة بكل شكل ومحدش سامعني ولا فاهمني ولا حاسسني او حتي مقدر بق شاي شربه معايا او حتي حضن واحد وقت زعل او عياط 

مقدرش اعيش واضيع حياتي بالكامل عشان قلبي حنين او بشتاق 

معادش في عمر يضيع ، قلبي قلب طفل صغير وروحي شابه وجسمي هوا اللي بيتعب مع العمر 

مقدرش اضيع عمري كله عشان خاطر حبيت او وفيت واخلصت 

بشهد عليا ربنا نيتي خير 

ولا عايز غير اني ابقي فعلا مع اللي بحبهم واصلح علط الماضي واعدل في الحاضر واقول فعا انا مين في وقت انا اعصابي مستقره وقلبي فايق واحوالي مستقرة جدا 

انا معادش عندي كلام يتقال 

بس لو كل كلامي دا ملوش نتيجة ولا أثر بأي شكل علي ارض الواقع يبقي انا فعليا موهوم وعايش في وهم ولازم اصحي 

Sooner or later you always have to wake up 

 انا روحي غالية واغلي من الدنيا ، بس مش هسيب نفسي اضيع واستني الوهم 

يا اما حاجة تحصل في ارض الواقع بدل خيالي واحلامي دي يا اما فعلا هصحي لاني في وهم

وفي كل محاولاتي كنت مرعوب وخايف عليها من المجتمع والناس الوسخه اللي عايشين وسطهم وخايف عليها من مليون حاجة بس كل دا متفهمش 

خير 

كريم

عاد إلي منزله

 عاد الشخص اللي سدد كل ديون اليوم الي منزله وكان فضل الله عليه عظيما 

الحمد لك يارب 

سددت كل الديون 😀😀😀😀😀

باقي عليا حوالي ٦٠٠ يورو ودول سهلين ان شاء الله 

اول مره من ست سنين اعيش بدون ديون 

مش عارف الحياة هتبقي عاملة ازاي 😀

تم سداد كل ديون البنوك والاشخاص كلهم كلهم كلهم 

ولينا فلوس برا لو رجعت في ميعادها هيتبقي معانا ٥٠٠ يورو زياده كمان 😀😀😀😀

الحمد لله 

وكان فضل الله عليك عظيما 

احمدك يارب 

اخيرا هقدر اعمل حاجات كتير واتطمن اكتر واتعامل بطبيعتي بدون ديون وخوف وقلق وخطط سداد 

احمدك يارب 

بنلف في دواير

الدم ولا الحب ولا العشرة ولا السنين ولا ولا ولا 

نلعب اللعبة بأصولها ؟

ولا نمشي ورا دماغنا ؟ ولا ورا قلبنا ؟ وصلنا لفين ما بين دا ودا ؟ 

الحب وصلنا لفين ؟ جواز ومشاكل وقضايا وطلاق   ومرض وتعب والم مشتمر بنحاول نعديه ونهديه مع الوقت بدون اي فايده من اي محاولة باي شكل ، كل الابواب مقفلة ، طيب نحاول تاني ؟ حاولنا وفشلنا ، الحب مش المحرك اللي هيخلق الحياة منفعش وتمان تسع سنين راحوا في المفيش ، مهما كانت غلطاتي فانا كفرت عنها ومهما كانت ذنوبي فانا دفعت تمنها ومهما كان الطرف التاني عمل فكله انتهي والواحد سامح فيه وخلصت الحكاية ، ونشال تاني ؟ نحاول ؟ برده لا لان كل الابواب مقفلة تماما ، مهما كان عندي من حب وحنية وعلاج وهدوء وسلام وراحة وامان وشغل وفلوس ومستقبل حلو فكل دا ملوش قيمة ومش مطلوب وخلاص السكة مسدودةواي محاولة هتضرني وتأذيني ويمكن تقضي علي مستقبلي بالكامل 

دماغنا ؟ موصلتناش لحاجة ، مفيش مكان مستريحين فيه ، مفيش راحة ولا انجاز غير في الشغل وبس والباقي كله امور عقلية مش بتفيد ، العقل مش هيدفيك بليل ولا هيغير طبيعة حد يخليه احلي من احلامك

قلبنا ؟ برده مفيش فايدة

خلاص نلعب اللعبة بقواعدها ؟ نرضي بالعادي ونشتري اللي بنحلم بيه ، نروح نجيب شقة في الرحاب و عربية لطيفة وشبكة وفرح جميل ونتجوز ؟ دا هيبقي كويس ، نقبل بالمطروح عالترابيزه ؟ ولا نكمل ورا القلب والحب ولا نكمل ورا العقل ولا نعمل ايه ؟

  في كل الاحوال انا كنت اتمني مقعش في الأزمة دي وكنت فعليا راضي بحياتي 

بس المشكلة في مجتمع الفلاحين اللي عايشين فيه ونقل الكلام والخبث والتصرفات بتاع الناس ، قفلت دايره علاقاتي علي تلات صحاب  بقعد مع ناس معينه وباكل مع ناس محترمة وبدخل بيوت ناس والعب معاهم وابتسم في وشهم وبيسندوني عيله حلوة 

الحياة ابسط من كل العجن دا 

لو بتحب حد قوله بحبك واتخلي عن اي حاجة في مقابل دا ، لو عايز حاجة اختارها مهما كانت المشاكل تتحل ، كله سهل بس اتحرك وكله هيبقي كويس 

انا مش عارف ليه مش مستريح حاسس ان في حاجة غلط مش مظبوطة وحاسس ان في لخبطة ومش عارف احدد مصدرها 

في كل الاحوال في حاجات كتير لازم تتهد النهارده بدون اي اعتبارات لازم نقفل ابواب معينه للابد وبالذات باب اسراء 

وربنا ينجينا وخلاص  

عروسة جديدة

 انا تقريبا هتنقط او اتشل قريب من المواضيع دي 

كل شوية القريب والبعيد والصاحب والمعرفه جايبلي واحدة وجاي 

والمره دي من العيله 

ناس ثقة وكويسين وبنت جميلة وهادية ورقيقة زي الوردة

شغل وقيمة واصل وحسب ونسب وقصة

وهتحل مشاكل كتير بكل شكل 

خلفة وذرية واولاد و عيشه محترمة وراقية و ناس رايقة وبتضحك وتتشرف بيا وتسعدني 

بس تعبت

من كتر الوش 

بقولك ايه

 رسالة صغيره : 

عزيزتي إسراء 

عايز اكلمك عشان نتفاهم وعندي اقتراح حلو 

تحياتي 

- ايه هوا ؟

عزيزتي …

تعالي نبقي سوا وطز في العالم 

Fuck the world . All what we need is each other 

، انا مفياش حيل وتعبان ومرهق ويومي وحياتي بتبقي احسن بيكي 

ممكن نبقي سوا ؟

وفي انتظار الرد 

اتفاقنا ايه يا كيمو ؟

 نتكلم يا كيمو ؟

نتكلم 

فاضي دلوقتي ؟

فاضي 

يلا يا حب ؟

يلا ياصاحبي 

###

حياة وراحة 

احنا بندور علي ايه ؟ سواء مع الاكس او اسراء او اي بنت عرفناها ؟ 

احنا بندور علي الراحة والحياة الحقيقية ، انا عشت فرص كتير ولفيت كتير وجربت حاجات كتير وكسبت فلوس كتير اوي اوي كمان وخدت فلوس في ايام شغل في ناس مبتعرفش تعملها في شهر ، وخدت فلوس في شهور في ناس مبتعرفش تعملها في سنين والحمد لله ربنا كرمني من وسع في شغلي واقامتي وسداد ديوني وكل حاجة ، ايه اللي بدور عليه وجوهر الحياة ؟

مفيش مرتب كبير كل شهر او اقامه و فلوس او سفر تساوي راحتي في حضن حد بحبه كل يوم ، احساس الدفا اللي بيشع من جسمي في الشتا واحساس الامان ان في حد بيتدفي فيا واحساس الحب ان في حد جنبي حاضني وبيطمني مفيش حاجة تساويه ، مفيش شغل ولا فلوس ولا اي حاجة تساوي ولا حتي ربع الاحساس دا 

مفيش حاجة في الدنيا تساوي احساسي وانا تايه في السوبر ماركت مش عارف اشتري ايه وبكلم حد فالبيت يقولي ناقص كذا وكذا ، ورايح جري علي محل شاورمه في مدينه تانيه عشان اجيب اكل وابسط اللي بحبهم او بدوح محل حلويات عشان خاطر اجيب حاجة تبسط حد بحبه،  ، مفيش حاجة تساوي حضن الرجوع من برا و لقطة انا جبتلك حاجة بتحبها وانبسط ونور العيون في الضحة والفرح 

مفيش حاجة في الدنيا لا كلام الناس ولا غل ولا حقد ولا كره ولا رغي قرايب او تشكيك الصحاب او الجيران او الزمايل تقدر تغلب حلوة زي مسكة ايد او بوسه علي الراس  او حتي كلمة ساعه فضفضة او حتي تمشية بليل 

مفيش حاجة في الدنيا تساوي ان حد يبقي في حضنك ويقوم يجيبلك ميه واكل وحاجات حلوة عشان يفرح قلبك ويطمنك 

كل الحاجات دي واكتر عشتها وعشت اللي احلي منها وبدل المره ميت مرة كمان 

انا عارف ان الدنيا كدا ، الفلوس فيها رخيصة ، مش هناخدها معانا القبر ولا حتي الورق والشهادات ، اللي هناخده معانا وهنطلع بيه من الدنيا ، اللقمة والهدمة، ودا مش كلامي ، لكن انا شايف اللي هناخده كمان هي التفاصيل والاحداث اللي بنعيشها ، خد كل الفلوس واديني وقت اعيش فيه صافي البال مستريح ، خد كل الورق والسفر واديني وقت اعيش فيه مع حد بحبه وبيحبني بصدق ، مفيش حاجة في الدنيا تسوي ولا حتي الكرامة ، الكرامة مش هتدفيك بليل ولا هتاخدها معاك  ، اللي محتاجه بجد انك تعيش انسان بجد وزي ما كنت بقول لاسراء وغيرها ، انا اقدر امسح اي شخص في دقيقة لكني مختار اتالم واحس بقلبي لان دا اللي بيخليني بني ادم وغير كدا طيبة قلبي وحنيتي دي هي الكنز الرهيب اللي مش موجود عند حد ، لو هدفع تمنه شوية وجع انا موافق حتي لو اكتئاب وادوية 

انا عايز ايه ؟ 

عايز حضن دافي وحد حنين عليا وحد بيقدرني وبيلف في الشقة يشم ريحتي في كل ركن ويفرح بيها ، ولو لقي شعره من شعري عالارض يجمعها في علبه قطيفة من شدة المحبة ليا ، زي ما كنت بعمل مع الاكس وقعدت شهور خايف اغير ترتيب السرير او شهور مش عايز اشيل الحاجات اللي حطاها بايديها كن حتت في الشقة لحد ما قررت امسح كل حاجة وغيرت فعلا كل حاجة ، مش قسوة لكن عشان مش هقدر افرض نفسي علي حد مش عايزني ومهما كان حبي غالي ومهم وحلو بس طالما مش غالي عند الطرف التاني فخلاص 

عايز ايه ؟

عايز حد يسندني نفسيا ومعنويا يقدر نفسيتي ومرضي ويدلعني زي ما كنت بعمل مع كل الناس ومع اللي حبيتهم ، يستحمل عصبيتي زي ما بستحمل عصبيتهم ويراعيني ومش عايز حاجة بالحق ، عايز كل حاجة بالتفاهم والرضا والمحبة ، بس كدا ، مش عايز فلوس ولا مرتبات ولا ماديات ، مش عايز حد يشتغل ويديني ولا عايز اي حاجة من حد ، انا عندي اللي مكفيني وزيادة ، لكن مش عايز حد يستقوي عليا بفلوس او اي حاجة مش عايز احس اني في علاقة فيها طرف بيحارب فيك ، احنا مش في حرب ولو في حرب فدا ميبقاش بيت ، يبقي ساحة معركة 

عايز ايه ؟

حد يصدق ويآمن ويبقي كلمته الحلوة بتسوق معايا المركب ، مش عايز واحدة اكسرها او اهينها او اذلها او استبد بالقرار ، عايز واحدة في ضهري تقويني مش تكسر ضهري ، تقف جنبي وتسندني ، مش عايز واحدة امارس عليها سيطرتي لكن عايز حد يفهمني ويحن عليا و يصدق فيا ويآمن اني اقدر 

طيب هل انا اتساهل الايمان دا ؟

الحمد لله كل شوية بخطط وربنا بيكرمني وبنجح وبحقق حاجات كتير سواء في سفر او شغل او حياة ، عملت انجازات كتير طول الوقت وكل وقت وربنا قدرني اطلع نفسي من الهم والغم واطلع نفسي من قاع مصر والحمد لله وصلت لكتير وبفضل الله، ف آه شايف نفسي استاهل الايمان والتصديق والعذر وقت الفشل  

  حب  و حنية و اخلاص و رقة وطيبة ودلع ودفا وامان وتواجد وسند ولو بالكلمة ، مش عايز غير كدا 

الراحة الحقيقية مفيش حاجة توازيها في الدنيا ، وانا لما بلاقي لها فرصة بمسك فيها بايديا وسناني وبجري عليها زي المجنون 

###

قرارات وامان

انا مش عايز العمر يعدي وانا لوحدي ، كل يوم بنزعل فيه بيضيع مننا ، كل يوم بنكون فيه مع ناس وحشة او مش مناسبانا بنحرق في عمرنا وكل يوم مبنسمعش او بنتجاهل او بنبعد بنحرق في عمرنا وانا مش عايز احرق في عمري 

طيب العمر بيجري ، تفتكر نعمل ايه ؟ 

ولا حاجة 

just keep living  علي راي اقرب صحابنا 

مش هنخاف علي الخلفة وخلفنا امتي ولا هنخاف زي العبط علي اي حاجة متخصناش ، احنا ناس محترمة وعلي راي واحدة راجل محترم وجدع وقلبه دهب وطيب واحلي حاجة فيا حاجات كتير اوي مش موجوده في اي حته تانية 

اي قرار او فكره او خاطرة هتسبب لنا الالم مش عايزينها 

الفتره اللي تت فتحت قلبي وعرفت ناس كتير ، كان قدامي مليون فرصة بس اخترت اللي مختارني واخترت اسراء ، سواء كان صح او غلط او مناسب او لاء بس كانت الحياة لطيفة ، مفيش حاجة في الدنيا تساوي الراحة ولذلك  انا مش ندمان ولا زعلان ولا مدايق بالعكس سعيد باني قدرت افهم واشوف ان ليا فرصة في الحياة وان االحب موجود وان مسيري هقابل حد يبادلني الحب دا وان اي خساره بتعرضلها اكيد مش بتاعتي وان الالم والوجع مفيهوش مشكلة وان المحبة شرطها الجسارة ودا شرع القلوب الوفية 

مش محتاج علاقة جسدية ولا لمسة ولا سكس ولا اي حاجة غير اني الاقي محبة صادقة ودي اللي بتخلق كل حاجة تانية بتخلق حتي امنية الواحد انه يخلف ويعيش حياه صادقة ، ويمكن دا عندي بالدنيا ويسعدني مليون في الميه 

مش مساله عمر بيجري و حاجات كتير قد ما هي مسالة محبة وعشق حقيقي 

المحبة والعشق الحقيقي بيدوم والاختبارات اللي ربنا بيحطنا فيها احلي واهم من اي حاجة خلقها ربنا لانها بتخلينا نشوف الحقيقة والصح واللي المفروض نعمله ، انت عارف انا مش ندمان علي اي حاجة عشتها او عملتها او ضحيت بيها ومعدتش بفكر في السنين والشهور والتعب والايام ، بقيت بفكر في حاجة واحدة بس وهي بكره واني اعيش سعيد ومستريح ورايق والمحبة ربنا هيرزقنا بيها قريب وهنلاقي في يوم حد زي حالاتي كدا بيقعد يدور فالبيت عليا ويشم في ريحتي ويجمع شعري ، لو ملقتش محبة صادقة للدرجة دي مش عايز العيشة وانا ممتاز لوحدي وزي الفل 

جالي فرص كتير اوي الفترة اللي فاتت ، بدون حصر ، فرص للصح والغلط والحلال والحرام وكل حاجة خلقها ربنا ، جالي فرص للجواز كتير اوي لكني مش محتاج غير اني اكون مع حد بحبه او عايز وجوده او متطمن و حد مفضي له حياتي بالكامل وعايز وجوده يسعد القلب ،  

اصبح عندي كل حاجة ، الشغل والفلوس الكتير والبال الرايق والنجاح والاستقرار 

بلبس من امريكا وبشتري اغلي عطور و بجيب كل ما نفسي فيه وباكل احسن اكل وبالشكل اللي يريحني وبمزاجي وبعمل كل حاجة ملك، حرفيا الدنيا تركع قدامي ، معايا كل حاجة 

ولكن ناقصني الونس والمحبة الحقيقية ومش زعلان علي دا ومش ندمان طول ما انا مش لاقي مكاني المناسب فمش هندم علي حاجة 

زمان لما سيبت الاكس ووحشتني وجالي المرض والتروما والمشاكل ، عملت كل اللي في وسعي ، صبر ومكالمات وجري وتنطيط ونقاشات وكلام كتير مع كل الناس ومفيش شيء في طاقتي معملتوش لدرجة اني كنت بروحلها لحد البيت ، للدرجة دي كنت بحبها 

عشان كدا مش ندمان 

ودلوقتي في اللي بيحصل دلوقتي مش ندمان برده لاني قدمت كل حاجة 

اكتر حد وثقت فيه في الدنيا واكتر حد اهتميت بيه واديته طاقه ومحبة و صدق ومخبيتش اي حاجة ، بذلت كل ما في وسعي في الموضوع دا زي اللي قبله ، عشان كدا مش ندمان 

اندم ليه ؟ عشان كريم لوحده ؟ كريم اكرم له يكون لوحده من غير ما يكون مع ناس مش تناسبه او مش بتحبه بصدق او متنفعوش او مش متفقين مع بعض او مش مآمنين ومصدقين فيه 

انا مش ندمان ولا زعلان علي حاجة لاني بذلت كل ما في وسعي ، لو كان في حاجة معملتهاش كنت هندم لكني سعيد جدا والله والحمد لله

دلوقتي وانا معايا كل النجاحات اللي كنت بحلم بيها وبعمل اجتماعات مع عملا وبجيب تعاقدات بملايين و باخد مرتب كويس وبعمل حاجات بالهبل في لحظات ،انا مبسوط وسعيد حتي لو هعيش النجاح لوحدي ، عالاقل ملك مملكتي السعيدة ومستريح نفسيا من اي حاجة وحشة

البوست دا للذكري وللتاريخ 

وبكرر فيه بكل شكل : اني بقدر قيمة الاشياء وان مفيش حاجة تستاهل موتي واني بدور علي السعادة ولسه عندي امل 

مناقشتي معاك يا كريم اسعدتني ، اتطمن يا حبيبي ، بكره حلو وهنلاقي اللي بندور عليه 

وهنوصل للي بنتمناه 

والفراق مش هيموتنا مش اول مره ❤️

والحمد لله رب العالمين

نكمل كلام بعدين 

موافق نتكلم يا كيمو

 فاضي امتي ؟

بكره 

نقعد نحكي ؟

اه

جاهز ؟

اه ياصاحبي 

مستنيك بكره ياصاحبي 

تيجي نتكلم؟

فخور بيك يا كيمو

 خمسة مليون يورو في قعدة

احا 

كنت محتاج حد يكتشفني والله

😂😂😂😂😂😂😂😂😂😂😂😂😂😂😂😂😂😂😂😂😂😂😂

الحمد لله رب العالمين 

ندوس بقي 

هعلقها علي الحيطة زي ما الراجل قالها 

Prima Eindruck Herr Zaida 

اروح اقعد مع عيلتي بقي واكل مسقعه ورنجة واروق علي نفسي ونلعب اونو 😂😂😂😂😂

سعيد سعيد سعيد احمدك يارب 

صباحك سكر يا كوكو

 كل حاجة خلصت امبارح  واعاصبي ارتاحت اكتر ، دلوقتي مفيش ضغط خالص ، دنيا مختلفه بدون قلق وتتتر ورغبة عارمة في التواصل او الكلام مع اسراء او اي حد ، يوم سعيد جميل رايق بدون ضغط بدون شد بدون قلق ، يمكن كنت اللي كنت محتاجه فعلا اني ارجع حر تاني عشان اقدر اعيش الحياة واتنفس براحتي 

امبارح كان صعب جدا اتعصبت كتير وكمان حادثة العربية وخوفي عليها وخناقاتنا ، يمكن دي اول مره نتخانق من يوم ما عرفتها ، الليلة كانت لطيفة لاني مسيعتش لاي انتصار ولا اهتميت اني افوز او انتصر باي شكل ، اصل مش فارق ، ايه هيتغير في الواقع وهسعي اغير حاجة في الواقع ليه دي اهم نقطة ويمكن حتي ملوش لزوم نسال ليه 

الاكل موجود وهيتعمل اكل حلو وايس كريم وحاجات كتير حلوه ، وحشني العب اونو مع عيلتي الصغيره بس مش دلوقتي ولا النهارده عشان شكله مش هينفع بس كفايه عليا احساسي دا باني ليا مكان في الدنيا احساس ان في حد هقابله في يوم من الايام واحب من جديد ، سعادتي بدا بالدنيا ، ايماني بان لسه في مستقبل 

كان زمان عندي طريقة بمسح فيها الشخص من حياتي في ساعه زمن واقل كمان ، يمكن رجعت استعملها تاني ويمكن هعيش بيها بعد كدا بس حتي الطريقة دلوقتي مبقتش زي زمان ، الموضوع بقي اسهل 

انا سعيد جدا جدا اني والحمد لله قدرت اعيش واحب وافرح حتي لو لوقت قصير لان دا كان مسببلي مشكلة وعقدة 

هيوحشني حاجة ؟ مستحيل مش هيحصل علي غير كل اللي عشته في حياتي بس انا مش هيوحشني حاجة تاني لاني شفت الحقيقة بعينيا 

رغي كتير وانا عايز انام وعندي كذا ميتنج النهارده وشغل ومذاكره وعايز اريح واقعد ارغي عالتليفون شوية و علي الشات 

يومك سعيدة يا كوكو ونهارك زي العسل 

نهاية المسار

 Esraa is officially over

العركة خلصت والحقيقة بانت

عشرة اشياء صالحة للنقاش الحاد

 بما ان النقاش وقف ساعه وهنكمل تاني فاحب عالسريع ارتب افكاري واعرف هعمل ايه

اول حاجة عشان دا يعدي علي خير وتفضل بعيد لاازم تنفذ الكلام دا 

اولا : متعيطش 

مفيش حد يستاهل انك تطلع مشاعرك لبرا وتحكي بدموع او تتقهر او حتي تدمع ، دموعك غالية ومش لها مكان في نقاش زي دا عشان في كل الاحوال انت قلت النتيجة واحدة

ثانيا : مهما كان الموضوع مؤلم حول متشغلش مشاعرك دلوقتي ، ممكن بعدين او كمان شوية 

قول انت عايز ايه ومش عايز ايه وان انت موافق علي القرار اللي خدتوه سوا واقعد في حالك ولوحدك احسن هتبقي احسن كالعادة بس هي الفكرة شوية تعب وبيعدوا كالعادة برده ، مفيش حاجة بتدوم يا كيمو 

ثالثا : متقبلش اعتذارات علي اهانات او جرح او ظن وحش فيك باي شكل 

احنا متبقاش عندنا غير القلب اللي بيحس وشوية الكرامة والانسانية والمباديء لو هنقبل ان حد يظن فينا ظن وحش او يفهم تصرفاتنا غلط يبقي احنا بنكرر غلطاتنا ، اشرح موقفك ونواياك بدون ما ترجع في قرارك او تقبل اعتذار من حد كنت بتعتبره اكتر حد قريب ليك في الدنيا 

رابعا : متفتكرش حاجات حلوة و مشاعر 

عشان دا هيعطلك وهيخليك حنين وحنيتك بتستغل ضدك يبقي ليه بقي هنستخدمها او نفكر فيها دلوقتي ،مش النهارده عدي عادي ، تعبنا شوية وعدي عادي ، بكره وبعده هيعدي عادي وانت عارف ان كل حاجة بتعدي ولو الدنيا زنقت خالص انت عارف الحل السريع لمسح اي حد في دقيقة ، لو مستعملناهوش دلوقتي ممكن نطلعه ونستعمله في اي لحظة بس مش هنعيش في تعب ولا صحتنا النفسية هتتاثر 

خامسا : فكر في الاولاد 

انت مش محتاج حد متبقاش مطمن علي ولادك معاه

انت محتاج حد تبقي مطمن له ميه في الميه بحيث تبقي امن تماما انت ونفسك واولادك وكل حاجة حد يقدر يحضنك وتحض بالدفا وتطمن ، حد يحترمك ويقدرك ويسعدك ويفرحك ويفرح بيك وكأن مفيش غيرك في الدنيا لان ببساطة دا اللي بتعمله

دا حقك ومن حقك وتستاهله زي ما بندي الناس ناخد يا كريم مفيش ظلم لا لينا ولا لغيرنا 

سادسا : حاول تبقي انت وبس بدون ما تسيب مشاعرك تنطلق علي الاخر في اي اتجاه 

مشاعر غضب او حزن او قهر او تعب من التخلي او الفراق او اي حاجة مش هتفيد ، مش هيفيدك دلوقتي غير ثباتك واحترامك لذاتك

سابعا انت عارف ان ليك مكان في العالم واكيد ربنا شايلك حد يستاهل الحنية والحب والقلب الحنين فمتشيلش هم وتتعذب علي حاجة انت عارف كويس ان كل رزق بأوان وان اللي ربنا كاتبه هيكون ومحدش بيهرب من قدره ونصيبه محدش بيقدر يتحدي ربنا يا كريم 

يعني خلي عندك ثقة ويقين بربنا 

ثامنا : مهما كان اللي بيتقدم او هيتقدم انت اهم مفيش غيرك يستاهل الحب والاحساس 

احنا مختارين من زمان الحنية والاخساس والحب والراحة مع الحب ودا قرار مش هنرجع فيه ومينفعش نبقي زيهم لكن منخليش مشاعرنا حد يستغلها عشان يفشخنا ، خليك شاطر خلي مشاعرك المتعبه لنفسك يابطل وهتتعالج مع الوقت في الوقت بتاعنا وهنلاقي في يوم خلق شبهنا 

بس اكيد يا كريم مش هنبقي قاسيين او بنخبي حقيقتنا او مش بنحس بحاجة زي الناس التانية 

احنا بشر وبنحب الحياة والحياة من غير احساس زي التيت فخلينا حلوين مع نفسنا وحب حياتك ونفسك عشان انت تستاهل ومتنساش في مليون حد يتمني وجودك بس انت قافل الباب ومش عايز تحضر ناس في حياتك ولا تعمل حاجة غلط 

تاسعا : حب نفسك واختيارك وقرارك 

عاشرا : انا بحبك اكتر يا كيمو ، والله بحاول بكل ما عندي ، خد بالك من نفسك ومهما كان هتخسر من ونس ، الاهم تعيش انسان متطمن 

النقاش داير

 النقاش داير والنتيجة واحدة

تحديات ولكن

 تحديات الشغل والبروجكت الجديد والكورسات والامتحانات والتطوير المستمر 

تحديات الونس والوحدة

تحديات الذكريات والحنين والوجع 

تحديات المكالمات اللي بنلعب فيها تنس ومحدش راضي يعترف بشوق او حب او افتقاد 

تحديات المشاوير للاوفيس بكره 

تحديات الصداع اللي بييجي وتعب العين اللي بيحصل من كتر الضغط والمذاكرة 

ولكن 

معادش حاجة هي اللي بتتحكم فينا ، لا شغل ولا غيره 

معادش الحنين هوا اللي بيسوقنا 

معادش التعب تقيل علي روحنا 

معادش الحب بعيد عن قلبنا بعد ما عرفنا ان اكيد في حد مناسب لينا في الدنيا 

تحديات ان الوحدة معادتش هي المنفذ الوحيد 

تحديات الفرح بالحاجات البسيطة والطبخ وعرفنا ان السعاده بتيجي من مليون حاجة 

تحديات المرض والدوا وان كل حاجة لها نهاية

معدناش زي زمان 

 عرفنا نرسم الضحكة من يوم بنشوي فيه ونقعد مع عيلتنا الصغيره نلعب اونو في الويك ايند 

عرفنا نفرح بكل حاجة بسيطة او كبيرة

عرفنا نعمل روابط جديدة وربنا بيحبنا وبينجينا من كل نوبة تعب 

عرفنا نتخلص من اشواق ومحبة ونبعد عن اسراء وهي كانت عارفه ازاي نفرح وننبسط 

عرفنا نعيش مع نفسنا 

مينفعش تدور علي حد يسعدك او يمل وحدتك لازم تعرف تعيش مع نفسك الاول عشان ميبقاش سعادتك وفرحتك مرهونه بشخص 

والحمد لله 

كنا فين وبقينا فين

وان شاء الله كلها كام يوم ونخلص من اكبر هم ومصيبة تقيلة علي قلب الواحد 

خلاص هعرف انام مستريح 

هانت 

مكانش سهل يا إسراء

 مكانش سهل اقول سلام

مكانش سهل اقفل صفحة حلوة

مكانش سهل احط اعتبارات كتير واختبارات اكتر 

مكانش في حاجة سهله

هيوحشني حاجات كتير اوي 

اجازه مصر والاكل والخروج

الكلمة الحلوة والامان والدفا 

هيوحشني الصمت والهدوء 

هيوحشني التراصل 

والرغي والراحة في الكلام 

هيوحشني حاجات ميساعش المدونة هنا الكلام عنها 

بس هي الحياة 

وكل واحد يختار طريقه 

بس المره دي هكمل بدون ما ابص ورايا 

هفتقدك جدا والله

ياريت كان ينفع تشوفي الكلام دا او ابعتهولك 

بس النهارده لما اخدت القرار وانتي كمان

كان الموضوع يبان صعب 

بس هوا كان مستحيل 

مش هقرالك جوابات حلوه ولا هحكي حواديت ولا هقعد ارغي بالساعات 

هفتقدك جدا لان مفيش حد شفته او عرفته او سمعت عنه حتي زيك

بس هي الحياة

النهارده اتوفقت في حاجات كتير 

بس الايام بقت طويلة اوي 

وهتوحشيني اوي 

حتي لو مش هقولك كلامي ولا اقرالك ولا احكيلكولا هتعرفي تشوفي كل دا ولا تقري كلامي 

بس مظنش اني هرجع في قراري 

معدتش بمسك بجنان

بقيت عاقل ومتزن 

معديتش علي دا كله عشان اتالم تاني او احبم تاني بوهم واعيش فيه

احلام سعيده يا كيمو 

انت تستاهل يا حبيبي 

صباحك

 تاسك جديدة فجاة ، عميل جديد فجاة ، ضغط فجاة 

صباح الفل والروقان 

نحن لها يا عينيا

الايام الطويلة اوي

 النهارده كان مذاكرة كتير و اوفيس وحاجات كتير ، النهارده كان يوم طويل وتعبت من طول اليوم 

هي الايام الطويلة مبتخلصش بسرعه ليه ؟ 

ايه بيخلي اليوم طويل 

من اول دقيقة من ساعه ما صحيت 

مش عارف ليه صحيت بدري بس متحركتش غير سبعه وعشره وكان في وقت طويل اوي وكمان نزلت بدري عشر دقايق ووصلت بدري 

حسيت ان اول ساعه فاليوم طويلة وبعدها كل حاجة كانت طويلة اوي اوي اوي 

انا تعبان اوي النهارده ارهاق جسدي ورغية في النوم 

الحمد لله ان بكره هوم 

هصحي براحتي واعمل اي حاجة براحتي

انا محتاج انام

ونكمل بقية الكورس عشان لسه في حاجات تانية ننجح فيها 

والله خير معين 

تعبان

نسأل بقي

-بتحبيني ؟

- بحبك

- حتي لو مش هكون معاكي ؟

- عمري ما هكرهك ، انت عمرك ما اذيتني 

- بتعيطي ؟ متعيطيش 

- ليه؟

- عشان كدا هتخليني ابوس عيونك ودموعها من علي وشك

نجحت

 الحمد لله رب العالمين 

يُرِيدُونَ أَن يُطْفِئُوا نُورَ اللَّهِ بِأَفْوَاهِهِمْ وَيَأْبَى اللَّهُ إِلَّا أَن يُتِمَّ نُورَهُ وَلَوْ كَرِهَ الْكَافِرُونَ 

اي مشكلة في الدنيا

هي : إزاي  الحياة عندك سهلة كدا يا كيمو وبسيطة وبتخلي كل مشكلة تتحل بسهولة ؟

انا : - الموضوع  بسيط بس الناس بتصعبه يا عينيا ، هاتي حاجة سخنة ونقعد نتكلم واي مشكلة في الدنيا تتحل ، ضيفي عليها حضن دافي واحساس صادق وكلمة حلوة وهتبقي الجنة حرفيا ، بس كدا هي الصراحة والصدق يا عينيا والوضوح والكلام ، ويمكن دا اللي مخلينا مستريحين ومخليني رايق 

30 الف

 - تلعب ؟ 

- العب 😎

Promise ?

 - promise me kareem ?

-Promise my Love, i never broke a promise and i’m the man of my word and i say what i mean and i do what i say , الوعد كلمة بس الوفاء علي الحر وإنا لها لحافظون 

خليك هنا

 - ذاكر وانا جنبك ، هحرسك واخد بالي منك ومن اعصابك وتركيزك

- مصدع

- معلش ياحبيبي هتاكل وتبقي كويس وانا معاك اهوه 

- خليكي هنا حتي لو ساكته

- حاضر روق انت بس 

اول حد في الدنيا تهرب منه شياطيني 

Sweet dreams honey❤️

البلاغة هي مش اضافة ملايين التفاصيل علي الكلام عشان يبقي حلو لكن الجمال الحقيقي والكمال اللي اي فنان او كاتب بيسعي له ان اللوحة او النص مش مساله نزود له ايه لكن مينفعش نمسح منه حاجة لان اي حاجة لو اتمسحت هتضر المعني 

فلو بنتكلم عن صورة فتفاصيلها اللي مينفعش نمسحها ( لان اللوحة هتبوظ ) هي اللي بتخليها جميلة ولو بنتكلم عن نص فالكلمات اللي لو اتحذفت من النص هتخلي النص بلا معني ولو بنتكلم عن حياتي فانا لو خرجتك منها هتفسد تماما وكلية ، هيخرج منها احلي احلي حاجة فيها ومش هيبقي لها معني ولا طعم 

اهلا بيكي في عالمي الصغير البسيط ، النهارده بخرجك للنور ومن غيرك مكنتش وصلت لاي حاجة ولا قدرت اعيش اساسا ، ، انتي الشخص اللي لو خرج من حياتي مش هتبقي حياة 

مغازلتي بالمنظر دا تعتبر حماقة او غباء او مش كل الناس بتحب تسمع دا او محدش بيفهمه ، لازم قصة ومعني وشرح لكن المهم المعني ونظرتي ومحبتي وهذا يكفي

شكرا يا إسراء 

أهلا بيكي في النور ❤️

تصبحي علي خير 

كريم ❤️

إسراء

 - تتجوزيني ؟

باي

لا شيء يبقي

Up there

Excuses

م ج ب و

طبق سلطة

انجاز حلو ، ساعتين ونطير عالبيت 😎

اوفيس تاني بكره وشهر جديد باحلام وامنيات وانجازات جديدة والله خير معين

أنتخة الأحد بامية ورز ولحمة وكورس لطيف 😀 والقهوة لاحقا

ورق عنب وكرنب وسمان وكوتشينة وضمنا وصحاب حلوين ❤️

الويك ايند بط ومحشي مع الصحاب

صباح الورد يا كيمو

Sleep kimo

Weekend finally ❤️

ساعتين والاسبوع يخلص ونروح ، الحمد لله