وحتي آخر سنت

 إستيقظ الرجل الذي قام بسداد ديونه كاملةةةةةةةةةةةةةةة

ادفانسيا باي واخر قسط كان اليوم

ان سته وعشرين والانكاسو  باي 

باركليز والموبايل واقساطه باي  وبرده اخر قسط كان اليوم 

اشخاص باي 

مستشفي امريكا باي 

لقد قام هذا الكيمو الكوكو الرايق بسداد كافة الديون كاملة

لا وسحبت عشرة يورو وماشي رايق في الشارع 😀😀😀

الحمد لله  الذي تتم بنعمته الصالحات 

الآن أقدر اعيش بدون خوف بدون قلق بدون ضغط بدون ديون 

الان اقدر انام مستريح

يوم السداد عيد 

الحمد لله صليت ركعتين شكر ان ربنا قدرني 

ضاع سنين في الديون بس الحمد لله دلوقتي كريم يقدر يعيش علي طبيعته بدون حصابات مرهقه وخوف وقلق 

الف حمد وشكر لك يارب 

حاجة تستحق الكتابة في المدونة

ربنا ولك الحمد يارب والله ما أوتيته علي علي علم عندي ولكن بتوفيقك ورحمتك يارب 

الحمد لله 

خطوة

 النهارده سددت اكبر فاتورة في حياتي واكبر دين في حياتي بسبب دخولي المستشفي في امريكا حرفيا ١٢الف و ١٧٧ دولار 

وميتتج حلو وتقييم حلو جدا للفترة السابقة

و اجازه اسبوع من اول اخر الاسبوع 

علي قد ما الخطوة بتبقي صعبة الا انها بتحل مشاكل كتير وبتريح 

الحمد لله رب العالمين

وطز في كلام الناس وآراؤهم وافكارهم المهم اللي بيني وبين ربنا وراحتي 

The way

 - ماذا عن الطريق ؟

— الطريق سالك

- والعقبات ؟

— الله يساعدك في تخطيها 

- والوحشة ؟

— الله يرزقك الونس والصحبة

- والناس ؟

—- ياعم طز في الناس المهم تبقي راضي عن نفسك قدام ربنا و مرتاح 

رأي الآخرين

 مش مهم رأي الناس وموقفهم واللي بيقولوه واللي انا ذات نفسي قلته قدامهم 

طز في الدنيا المهم راحتي  ولا شيء آخر سيبقي سوي هذا 

كما كان

 كما كان كما سيكون كما سيظل 

قلبي واشباء اخري 

جملة حلوة

 النهارده بكلم بنت معرفك وسالتها سؤال وردت عليا رد صدمني خلاني عاجز حتي عن التفكير في اي حاجة بقية اليوم 

هوا الحقيقة واضحة وباينه اوي كدا ،البنت كملت كلام واستفاضت في كلامها عن حاجات كتير وقالت من ضمنهم ان انا عايزه اسافر بس مش اي طريق هاخده والسلام وعايزه لو هبتدي حياه حلوه هبتديها بالشكل اللي بتمناه ، حياة فعلا تستحق تتعاش ، حياة مع شخص بحبه ، اقدر اتطمن انه كويس ومبيكدبش وبيقول الحق ويراعيني ويبقي حنين عليا ومهما حصل من مشاكل مش هقول لحد ولا هحكي عنه غير بالخير لان الاصل بيبان وقت المشاكل يا كريم 

وسكتت شوية وبعتت تسجيل صوتي 

قالتلي فيه ان الحقيقة واضحة وظاهره لعيوننا في الحياة وان اصل الناس اهم من اللي بيقدموه وان مهما كان المشكلة بتتحل بالصدق والحنية والمحبة الحقيقية 

البنت قالت كلام كتير متبعتر في دماغي بشكل صدمني 

الحياة اسهل من كل العجن دا ومن كل التعب والارهاق اللي بيحابو الناس تلعب عليا وتستغلني وتضغط عليا عشان اعمله او اعيشه او اكون جواه ، الحياه اسهل بكتير من كل دا 

الحياه سهله بس احنا اللي بنحرق ايامنا و حياتنا وفرصنا الحلوه بالعند واننا مصممين علي هبل ومش عايزين نتحرك بصدق ومنكدبش وبنحاول نطلع نفسنا شرفا وافضال واحنا في الحقيقة في الاول والاخر بشر 

النهارده المحادثة دي تستاهل تتبروز والله 

شكرا ياعزيزتي 

وهذا يكفي

 كفاية كدا جدا

يارب

 ضهري واجعني النهارده تقريبا عملت كل حاجة عشان يخف ومش راضي 

يارب يعدي اليومين دول والاسبوع دا علي خير 

دعكت مرهم ومساج جن من عند حازم وكل حاجة وبرده لسه بيتقطع من قعدتي عالشغل كتير 

مش عارف اعمل ايه 

خير 

يومين ويعدوا مش اول مره 

Note :

 What holds you back?

Just fly

احكي لي حدوته

حاضر 

علي اي اساس ؟

 علي اي اساس ؟ 

اشرحلي وانا هتصرف 

عرفني علي اي اساس او قاعده او فكرة 

الحب ؟ الثقة ؟ الأمان ؟ 

وهم

حاجة كمان اهيه اتضافت لقايمة الاوهام 

الحمد لله رب العالمين 

ربنا يراضي قلبي ويراضيني ويفرح قلبي بكل حلو جاي 

علي قد

 احلام سعيده 

علي قد حنيتك، اللي بتساع الدنيا 

علي قد محبتك اللي بتطير لسابع سماء 

علي قد شوقك اللي بيعدي بلاد وبلاد 

علي قد صبرك اللي فاق كل الحدود 

علي قد نور عيونك اللي احلي من نور الشمس 

علي قد فرحتك اللي بتبدل الدنيا من حال لحال 

علي قد مصالحتك اللي بتنسي اي قسية وتراضي 

علي قد تعبك اللي حرك جبال وجبال 

علي قد مجهودك اللي غير حياتك انت وكل حبايبك

علي قد مراضيتك اللي بتطبطب وتداوي علي اي غلط او اي زعل

علي قد كل الحلو فيك يا كيمو وعلي قد أملك في بكره حلو بدون نكد حياة صافية هادية آمنة مع ناس تحبهم ويحبوك 

احلام سعيدة يا كيمو 

مكنتش هعرف انا عامل ازاي ولا فيا ايه حلو لو مكنتش اتكويت بكل النار دي 

النار بتنقي الدهب 

ودلوقتي انت طاير فوق في السماء فوق اي حاجة 

ولسه في احسن 

النهارده سالت اسراء علي حالي 

قالتلي انت حلو اوي كدا يا كيمو انت كدا ميه ميه 

ولسه في احسن وان شاء الله توصل لكل الحلو والاحسن اللي بتتمناه

هدايا

 في ناس مش فاهمه انا ازاي قدرت اتقدم ، بالرغم اني عايش في نفس المكان وبعمل نفس الحاجات وباكل في نفس الاطباق وازاي بتحب حاليا وسعيد مع حبيبتك ودا سالني فيه اكتر من حد من القريبين مني ازاي قدرت اتقلب ازاي قدرت اتحرك 

كان بصراحة اعظم حاجة خليتني اقدر اتحرك هوا بعدي عن مجتمع الفلاحين وناقلين الاخبار 

عرفت بلاوي كتير ودا خلاني لازم افوق من وهم القصة الكبيره والسنين والمش عارف ايه 

من كتر القسوة والجحود حتي اللي لقيتهم من اقرب الناس ليا حتي صحابي ، فجاة انعزلت وبقيت لوحدي ، في الاول الوضع كان مستحيل وكل يوم بانيك اتاك وكل يوم تعب وكل يوم عياط وقهر ، مع الوقت دموعي نشفت ومتبقاش غير القلق الشديد وبعدها اتبقي البانيك اتاك وبعدها اتبقي قلق خفيف وبعدها كل حاجة فجاة اختفت

انا بقيت مش مهتم غير بالناس اللي بتحبني بجد ، صحاب قليلين جدا ، تركيز عالي عالشغل وضع اهداف حياتيه مهمة زي التعليم وسداد الديون وبناء حياة مستقره نقاشات كتير بالساعات مع اسراء وناس تانية ساعدوني اقف علي رجلي 

ساعدوني اني اعرف افرق بين الوهم والحقيقة زي ما قلت ، استخدمت تقنيات كتير في التفكير وتقنيات تانيه عشان اقر افوق عقلي وقت ما يقع واعمل حاجة غلط زي مكالمة او لف في الشوارع وربنا ساعدني بانه بعد عني مصادر القلق والاخبار وانا قاطعتهم ، صحاب كانوا ساكنين جنبي ومشيوا ومتبقاش غيري ، معارف وقطعت صلتي بيهم والاعظم من كل دا الشلة المزيفة المقربة قطعت معاهم كلهم 

بقيت وحدي 

ومن هنا لما كل حاجة اتهدت ابتديت ابني ، ابتديت اهتم بحياتي وجسمي وصحتي واكلي وشربي ونومي وساعات المذاكره والفسح والشغل وكمان مبقتش مهتم افكر في الوهم بقيت عايش اللحظة علي حقيقتها 

زمان كنت بمشي في الشارع اقول يارب اعرف اعيش زي الناس الطبيعيين بدون قلق وبانيك اتاك وكنت بقول هي الناس دي عايشه ازاي ، ايه احساس انك تعيش متطمن 

دلوقتي عرفته 

بقالي كذا شهر عايش في دا 

ويمكن من اعظم الهدايا اللي منحهالي الناس انهم منعوا التواصل ، الناس دي لو بتكرهني فعليا مش هتعمل كدا ، لان ببساطة منع التواصل خلاني مش مشتني حاجة مش قاعد جنب الموبايل مش قاعد بتابع اي اخبار او اي حاجة ، خلاني عارف ان الواقع مش هيتغير وان مفيش غير طريق واحد بس هوا القبول ، خلاني عارف ان مفيش مكالمة او صوت او ذكري هتفكرني باي حاجة ، دا خلاني اقوي مع الوقت ، خلاني حرفيا نسيت سنين بالكامل ، حتي الشوق والحنين اختفي ، حتي الذكريات الحلوة بقيت بعدي في نفس الاماكن واكل واشرب واعيش وعادي مش بفتكر حاجة غير لو حبيت افتكر ، الناس دي فعليا لما قطعوا التواصل دا بناني ، بقالي فتره تحديدا ويمكن سنة ونص ، كل ما حد يراهن علي موتي ربنا بيكرمني واعيش وبيرزقني وبقف علي رجلي وبيحفظني وبيخلي اي خطوه تتعمل هدفها اذيتي اني ابقي احسن بيها زي موضوع التواصل دا ، لو كان في ولو حتي شباك صغير كان هياذيني  فشخ ويدمرني ويمكن دا اعظم هدية خدتها من اقرب صحابي ومن شلتي المزيفة ومن معارفي ، انهم كلهم اختفوا ، القرب بيعلق ولو حتي شباك صغير وبيديلك امل انما البعد والقسوة والجفاء بينسي وبيخليك اقوي مع الوقت ، انا صحيح مشيت الطريق الطويل عشان اشوف الحقيقة لكن كل لحظة كانت ممتعة عشان دلوقتي مالك زمام نفسي وامري بشكل تام ، مش تابع لحد ولا تحت رحمة حد 

النهارده سالت نفسي سؤال حلو ، هوا لو كنت لوحدي كانت العلاقات دي اتطورت بالشكل دا السنتين تلاته اللي فاتوا ؟ 

لقيت ان محدش كان هيسال فيك ، انت دمك مش خفيف ومش بتقدم لهم كتير ، هما كانوا عايزين القعدة الحلوه واخر اليوم كل واحد يقفل علي نفسه بابه ويعيش كويس  وانت مش مهم 

اللمة كانت عشان القعده الحلوه ، ربنا خلاني قاعد علي الجنب التاني من الترابيزه لسبب وعرفني علي اسراء وشفاني ولسبب ، وضحلي كل غلطاتي لسبب ، وراني الوهم من الحقيقة لسبب برده ودا اهم من اي حاجة تانية ، زي كل شركة دخلتها ومشيت منها وكنت بعدها باخد مرتب احسن وبعلي فالوظيفة وببقي احسن واحسن واحسن ، كل دا بركة ونعمه من ربنا وانا شاكر فضله عليه جدا جدا جدا 

والحمد لله اني وصلت للنقطة دي وخسرت كل الناس دي عالاقل دلوقتي بختار مين يدخل حياتي وبابي مش مفتوح لكل من هب ودب مش مفتوح لكل تريند ولكل موجة في جروب واتس او فيس ولا لناس متعرفش حاجة 

الحمد لله اللي سترني وعرفني بلاوي كتير ونور بصيرتي وفوقني من الوهم وخاني دلوقتي قادر اعيش زي الناس الطبيعيين 

النهارده كنت رايق وانا قاعد وسط صحابي وانا بلعب معاهم وانا مسيطر علي نفسي وعايش عادي رايق وانا رايحلهم بكل حب وانا قاعد اكل معاهم وبعملهم اكل وبنهزر ونضحك ، الحمد لله اللي حفظني وسترني 

اينعم عندي غلطات ومعترف بيها بس ستر ربنا كان اكبر من غلطاتي يمكن عشان كدا سترني وقدرني اسدد كل ديوني واقف علي رجليا في شغل واقامه وصحاب وحب واسره حلوة 

وان شاء الله مكمل 

الف حمد وشكر لك يارب 

Never played Games before

في كل الاحوال كل واحد بيبقي عنده كلام يقوله يطلع نفسه صح ومنتصر وناصح وان هوا ربنا نجاه وفلح وانه كان كويس فشخ وان الناس وحشة واشرار وان هوا فلح ونفع وان الناس عملت وعملت وعملت وعملت ويقعد يسرد في قصص من وجهة نظره تطلعه صح وكويس وابن حلال واتظلم

انا بطلت دا من زمان ، تقبلت الخسارة ، الوقت والتعب والمجهود والحب وكل حاجة بكل شكل ، كل الذكريات والمواقف الحلوه اللي مليانه تقدير واحترام ، بطلت تقبلت وتخطيت كل دا ، مش بنصايح ولا بجلسات نفسية ولا باي حاجة خالص غير مواجهة الواقع والتعامل مع المعطيات اللي قدامي عالترابيزه ، انا كنت صح في كذا كذا وغلطت في كذا كذا 

الواقع والحقيقة هي اللي بتخليك تتقدم ، المواجهة انك تقابل وجعك وتبتسم في وشه وتقابل عيوبك وتضحك في وشها وتقف علي رجليك وتقول العيب دا مش هيكون موجود تاني ، بتعاند النمط اللي اتعودت عليه عشان تنجو ، بتعاند نفسيتك وغضبك وبتعاند فقرك وظروفك 

معنديش استعداد ولا مقدرة ولا وقت ولا صحة اقعد احكي للرايح والجاي في لسته المظالم عشان ابان كويس وصح ، لان لو اللسته دي لها اعذار او مش حقيقة ، فالناس هتقف في صفي لكن هبقي عارف كل لحظة اني كداب واني غلطان واني بوهم نفسي عشان الواقع مكانش كدا والحقيقة مكانتش كدا وإني أفاق 

مهما كدبت علي الناس وعلي نفسك فانت في الاخر هتبص تلاقي نفسك بتواجه نفسك في الاخر ، اللي عارفه كويس كل حاجة ، عيوب ومميزات ونقط حلوه وذكريات جميلة ووحشة وتروما والم وعذاب وفي نفس الوقت بتواجه عيوبك والمك وندمك علي اللي فات 

مهما كدبت هتفضل نفسك تفكرك بالحقيقة ومهما ألفت وحكيت من وجهة نظرك عشان تبان مظلوم فبرده نفسك عارفه الحقيقة ، لو هربت من عيون الناس وبقيت مظلوم اخيرا وتستاهل الحب والحنان واتظلمت هتهرب من نفسك تروح علي فين ؟

هتضحك علي نفسك لحد امتي وانت عارف كويس ان كل حاجة كانت كويسة وحلوة وانك غلطت في كذا كذا كذا وان عنادك وكبرك هما اللي دمروك 

الموضوع بسيط 

واجه نفسك وغلياتك وواجه مصدر وجعك وتعبك وواجه اللي أذاك وقوله في وشه انا غلطت وانت غلطت وانت اذيتني في كذا كذا وانا كنت غلط في كذا كذا 

هوا دا الصح وهوا دا اللي عملته ، مقلتش علي نفسي ملاك ومثلتش علي نفسي صالح او كويس او فالح او ربنا نجاني 

لو كل الناس اقنتعهم انك صح بس تصرفاتك كلها وحشة هيفضلوا مقتنعين ؟ طيب لو اقرب الناس ليك برده شافك وشاف عيوبك هتفضل انت البريء ؟ طيب لو اقنتعهم هتاخد منهم نفس اللي كنت بتاخده زمان وهتعرف تتعامل معاهم بالحنية ؟

كل الاسئلة دي حاصرتني امبارح 

كل دا واجهني وقعدت فكرت ولقيت اني عملت الصح : 

- واجهت الشر والاخر - اعترفت بغلطي - مطلعتش نفسي ملاك - قلت كل الخير في اللي فات - - حاولت ادي كل واحد حقه - مفضحتش حد ولا اتكلمت وحش علي حد - حاولت اكمل حياتي بالعقل والمنطق والعدل 

لاني عارف انش مهما هربت مش ههرب من نفسي ، يبقي ليه الكدب ، واجه الناس والعالم وكون قوي 

متكدبش 

متضحكش علي نفسك

افتكر الحلو والوحش زي ما كان في وحش كان في حلو ومقدسات 

افتكر نفسك 

والتزم بالحق وفي الحق النجاة 

الوقت بيقول

 I think it’s the right time 

اول مره في حياتي اقابل حد صادق ، بيحبني بجد ، مبيخبيش عليا ، بيواجهني وبيتفاهم معايا ، المشكلة بتتحل بالتفاهم وبالصدق والحقيقة وبس ولا شيء غير ذلك 

دي اهم حاجة 

حنية ، صدق ، محبة ، احتواء دفا كل الحاجات اللي بدور عليها 

دا خلاني اسال نفسي اهم سؤال : هل تنفع ام لولادك ؟ 

من قبل ما اسال لقيت اني نفسي دا يحصل من كتر ما مصدق في الشخصية وفي صدقها وفي تعاملها الحقيقي معايا وانها مبتكدبش وبنت حلال واصيلة

في مليون تفصيلة كبيرة وصغيره تخليني افكر واقول دا الوقت المناسب اني اخد خطوة

اول مرة مبقاش مجبر علي حاجة عشان اختار ، مش مجبر اتجوز وا مجبر حتي علي قراية فاتحة دا اختياري الحر 

في وقت انا مظبط فيه اموري من ناحية الشغل والاقامة والجنسية علي الابواب ومادياتي حلوة واحوالي احلي وشغل اروق ودلوقتي مستعد استعداد تام ابني بيت 

مستعد استعداد تام ابقي مع بنت في بيت واحد واشتني تحمل وتفرح قلبي وتسعدني بدفا وعيله بتتبني 

الفتره دي معتبر نفسي خفيت تماما من كل تعب وخفيت من كل اللي فات ولاول مره من سنين اعيش طبيعي بدون ديون بدون سلف بدون تعب او ارهاق او نار بتجري في جسمي او حاجة مخبيها او حاجة مكسوف منها او حاجة محرج اثولها او حاجة مش عايز اجيب سيرتها 

لاول مره تقريبا دا انا 

كريم العسليه الرايق النزيه اللي بيصرف بدون حساب ويروق علي نفسه ويبسط نفسه ويبسط اللي حواليه بمزاج وروقان 

كريم اللي بيحب حلو وبيقول كلام حلو وحنين وبيحكي حواديت وبينام عالخط في هدوء زي الطفل مش بيخطرف ولا بيشخر ولا بيصحي مفزوع

كريم اللي بيحب الحياه وراسم احلام وخطط للعربية وارخ والجنسية وماشي في ميت حاجة في نفس الوقت وعقله متزن وصافي 

انا بقيت قادر اخد قرار 

عشان كدا بفكر اخد الخطوه في اقرب وقت

واقرا الفاتحة واعيش ايام حلوة في حياتي 

كفاية تعب وقهر وان اسيب نفسي اتهان او يتم استغلالي ولعب وتضييع وقت في المفيش  بسبب التعب 

الرؤية عمرها ما كانت واضحة زي دلوقتي 

الحمد لله

والرحلة بتحلي

احلام جميلة

 بسيطة 

جميلة

هادية

رايقة

بتضحك

مبتسمة

بتدعم 

ىتشجع 

وحاجات كتير 

بس المحبة زي ما بيقولوا قوية كالموت

يمكن عشان كدا زي الموت ما بياخد كل حاجة فينا 

لما بنلاقي حد بيحبنا بجد بيعمل كل دا وبيخلي كل حاجة كدا ولما بنحس بحاجة او محبة بننور اكتر 

وكل حاجة بتسعد الواحد 

حتي لو مكالمة خاطفة او مكالمة طويلة والواحد مركز وبيذاكر 

اقدر اقول في اخر ساعه شغل في الاسبوع 

ان الاسبوع دا حصل حاجات كتير اوي اوي اوي حلوه وانا سعيد بيها كلها بلا استثناء 

وكلها جابتلي احساس الدفاء 

حتي لما جالي اخبار حلوة وسجت فالشارع والناس متنحالي 

وحتي لما اتقالي كلام عمري ما سمعته في حياتي ويمكن احلي حاجة اتقالت 

الاسبوع بيخلص وهروق فالويك ايند بس هذاكر اكتر ، ربنا يسهل بقي قريب ونتدلع واللي نفسي فيه يحصل 

ساعتها هلف واتفسح واتبسط بالمناسبة السعيده دي 

يارب يحقق احلامي ويسدد خطايا ويبعتلي كل ما يرضي قلبي ويسعدني 

اكتر من كدا ؟

اه ربنا خزاينه مليانه وهيعطي ويبارك بدون حساب دا حاجة اكيدة وطلب الزيادة محبب للنفس 

بس يعني 

ويقولوا عليكي النور

 صحتي شغلي فلوسي نجاحي واي حاجة عملتها مكانتش هتبقي ممكنة الا في وجود نور حقيقي 

مكانش في حاجة هتبقي موجوده وملموسة علي ارض الواقع لولا وجودها 

النوم والراحة والامان والدفا والكلمة الطيبة والرغبة في الحياة 

امبارح لما جالي الخبر مكنتش مصدق نفسي مكنتش متخيل اني وصلت لكل دا 

زي حاجات كتير اوي حصلت السنة دي 

السنة دي كان كلها معارك لكن اهم معركة كانت نع نفسي وبس 

ويمكن هي دي الاهم 

التعافي والشفا ، الشغل عادي راحد واحد جه احسن منه بالف مره وكل مره بيحصل مشاكة في شغل ببقي عارف ان ربنا بيباركلي وبينجيني 

وصلت لمرحلة ميوصلهاش حد غير بعد عالاقل تلات سنين وكل دا في كام شهر 

ربنا لما بيبارك ويبعت ناس وشها حلو 

اثر اسراء في حياتي خلانس مستقر هادي عاقل متزن رزين ، قدرت اتعامل مع مشاكلي واحلها او اقدر حتي اسيطر علي شياطيني وهي بكلمتين بتنهي ازمات كتير جوايا ، النهارده كنت في المكتب وقاعد مع زميلي طول اليوم وجيت في اخر اليوم قعدت افكر ، هي النار اللي كانت بتسري في جسمي فين ؟ فين القلق ؟

طيب فين التوتر والتعب والارهاق الشديد ؟

فجاة حسيت اني وصلت لمرحلة انا ذات نفسي مكنتش مصدقها وهي من اول يوم مصدقاها 

سواء في الشغل او في الحياه او في التعامل مع نفسي واسعاد نفسي و تحقيق اهدافي 

كل حاجة في حياتي حتي اللقمة اللي بكلها وطعم الاكل اتغير 

مفيش حاجة مهما كانت فضلت زي ما هي 

النهارده كنت قاعد بفكر اني مكنتش هوصل لكل دا لولا تخلي اصحابي عني كلهم ولولا تعبي ومرضي وقعدت احاول افتكر اي حاجة من حيواتي السابقة ، من الكام الف علاقة عالمشوار الطويل ، فجاة لقيت دا كله مش موجود وببص لقيتني سليم وحته واحدة بفضل الله 

نجاحي وفرحتي حتي بالحاجات البسيطة وكل حاجة في حياتي حتي الفاكهة والعصير والشاي والنسكافيه

كل حاجة بقي لها طعم مختلف بقيت حاسس اني حاسس الحياة اوريجنال لاول مره من سنين احس اني عايش واني بني ادم وراجل محترم 

احساس مفيش حاجة في الدنيا تساويه

نحط فوقه بقي نجاح الفترة اللي فاتت ونحط عليه خبر امبارح علي التقدير علي عيشتي براحتي وبمزاجي وفلوسي و وقتي وروقاني 

اقسم بالله لو في حد كان حلفلي علي المصحف اني هوصل لكل دا مكنتش هصدقه ، مكنتش مصدق اني ممكن اخف او حتي المرض يقل والدوا يخلص والحياه تستقيم 

لكن من ناحية الشغل او التعليم او الحياه هنا مكنتش مهتم كنت ببذل اقصي مجهود ومش حاسس بيه بسبب التعب والوجع 

عمال افكر ازاي عشت الوقت دا كله مش شايف الدنيا وا حاسس مش عارف 

عامل زي طفل صغير مفيش في دماغه اي ذكري في جسم راجل محترم مهم ورايق 

مش عارف والله يارب انا استاهل ايه بس انا فخور بوقفتك جنبي وسعيد جدا وكله بسببها ويمكن ربنا جعلها سبب عشان اعرف قيمة الحياة واقف علي رجليا واتعالج واعيش سعيد ورايق ونبسوط 

معرفش 

في كل الاحوال انا راضي يارب 

المكنة طلعت قماش

 هييييييييه الف حمد وشكر لك يارب 

الحمد لله رب العالمين

هييييييييه

كل اللغات

عزيزتي وحبيبتي 

كل اللغات كدب 

كل الكلام تأليف 

الا العيون بتصدق 

شبابيك علي الروح

بتقول الصدق مبتحورش 

كل حاجة كدب 

الا الافعال 

الحنية بالقول والفعل 

الباقي كله مناسبات 

و افلامانات وحوارات 

وقصص ملهاش اول من اخر 

الحقيقة بسيطة 

تسأل قلبك 

يقولك مكانك فين

وكدا كدا محدش يقدر يهرب من نصيبه وقدره 

النهارده كان يوم حلو 

اكلنا ولعبنا وفرحنا واتبسطنا 

والحمد لله ربنا يعمر ما بيننا ويفرح قلوبنا كلنا

عرفت دلوقتي ليه الصحبة فارقة والصاحب ساحب والقعدة اللي فيها شر ميطلعش منها غير شر 

الحمد لله علي نعمة عدم الحوارات

الحمد لله علي نعمة الاهل والحبايب 

الحمد لله علي كل النعم 

اوعي تصدق غير العين والفعل والحنية 

الباقي كله مجرد كلام

يكفي

 يكفي اني عندي الحنية اللي ملهاش اول ولا آخر ، والأمان والثقة والإلتزام

نقوم نقضي الفايرتاج مع صحابنا وعيلتنا الصغيره ونعمل اكل وننبسط ونلعب اونو ونقعد ننبسط بالساعات

ربنا يسعد أيامنا 

ايه

 هوا انا بتعاكس من بنات جامدة فشخ في كل حته ليه ؟

اونلاين معارف صحاب قرايب 

احا في ايه

ندعي وندعي وندعي

 يارب يارب يارب 

طمن قلوبنا بكل محبة وأمان 

وإهدينا للي بنحبهم 

وأصلح لنا الشأن كله 

وإبعد عننا فلاحين الفكر والمرضي 

وساعدنا في الحياة بحكمتك وارزقنا الحكمة

وآتينا الصبر هبة نصبر بيه علي اي حاجة منفهمهاش 

وإرحمنا وإغفر لنا وإعفو عنا 

وساعدنا ونور بصيرتنا واملي حياتنا نور عشان خاطر اللي بنحبهم وبيحبونا 

وقدرنا علي الشفاء وساعدنا نكمل الطريق ووفقنا في الطريق وسدد خطانا وابعد عننا كل شر 

وإهدينا وإهدي نفوسنا 

وساعدنا نقف دايما ونقول كلمة الحق بدون خوف 

وإبعد عننا كل ضال وكل متصنع ود وكل كذاب وكل حاقد 

إليك السلام ومنك السلام 

قعدة الويك ايند

 قعدة حلوة ولعب اونو وسهره جميلة وفاكهة وضحك مجلجل مع إسراء 

الحمد لله

ومذاكرة حلوة ودلع وروقان ووقت جميل وتركيز مع المطلوب 

الحمد لله

ليلة جميلة