الخميس، 31 أغسطس 2023
الأربعاء، 30 أغسطس 2023
الثلاثاء، 29 أغسطس 2023
الاثنين، 28 أغسطس 2023
الأحد، 27 أغسطس 2023
الجمعة، 25 أغسطس 2023
الخميس، 24 أغسطس 2023
الاثنين، 21 أغسطس 2023
الأربعاء، 16 أغسطس 2023
الخميس، 10 أغسطس 2023
من كان يشتري نفسه
ربح البيع
اللي بيشتري نفسه ويمسح اللي فات
اللي عارف ان مفيش في حنيته
واللي عارف انه ملوش زي
وكان صعبان عليه الناس
الحمد لله
ربح البيع يا كيمو
ربح البيع لما تشتري نفسك وتنسي وتمسح اللي فات كله
انا سعيد وفخور بيك
سعيد بملاية السرير الجديدة وسعيد بكل حاجة اتمسحت واترمت في الزبالة
سعيد بالوعود اللي قلتها النهارده
سعيد بالبنت الحلوة اللي واقفة في ضهري
سعيد بيكي يا إس وانتي بتحاربي شياطيني معايا
سعيد ان لما الدوا بيقصر بتقفي جنبي ومش مقصرة
سعيد بوقفتك في وش النار عشان خاطري
سعيد بيكي يا اس عشان فاهمه دماغي ومش بتحاربيني في كل لحظة
وبسال نفسي سؤال سألته لنفسي زمان اول ما عرفت روءه لما كانت حنينة وفايقه وشحنة سعادة
هوا معقول الجنة موجودة علي الارض ؟
انا سعيد بكل يوم عيطت فيه وطبطبتي عليا
وسعيد بكل لحظة ضعف وقوة وضحكة بصوت عالي مالي المكان وغنا في الشارع وهزار وضحك وسعادة
وكل خروجة وكل لحظة حلوة
وكل يوم بنشوف القمر ونتفرج علي النيل سوا
سعيد بوجودك ومدرك دلوقتي للواقع
مدرك اني كنت بمنع نفسي اني اخف واتعالج من التعلق الشديد
سعيد بكل اغنية حلوة ومزيكا رايقة وصوره حلوه وضحكة صافية وكلام في ميك مكتوم واحنا بنغلس علي بعض
مفيش في الحياة احلي من انك تاقي حد يفهمك ويشجعك ويمكن النهارده بتكلم بشجاعه اكتر وقوة لاني تقريبا قدرت اتخطي وامسح كل انواع الضعف بكل شكل
والحمد لله رب العالمين
مش مهم الريحة اللي كنت محافظ عليها معادش ليها قيمة او تمن ولا مهم اي حاجة كنت فاكرها ليها قيمة ومسحتها ورميتها في الزباله النهارده
المهم
هو انك تعيش مرتاح البال ومتطمن
كل سنة وانتي طيبة يا إس ويارب ما يحرمني من نورك ابدا
حينما لا يكون هناك نور
ليلتك سعيدة وحلوة يا اس انتي وكيمو
ليلة حلوة زي عيونكم وسماركم ❤️
الأربعاء، 9 أغسطس 2023
حرية
النهارده حققت انتصار عظيم علي نفسي وبيتهيالي دا السبب اللي جينا عشانه الدنيا عشان نقوم انفسنا ونصلحها ونعالجها من شرور العالم والنهارده الحمد لله انتصرت علي نفسي
وغيرت ملاية السرير
بقالي سنة وشهرين خايف اغيرها
النهارده غيرتها وفرشت اللحاف وهستغطي بيه كله وهنام في السرير كله
النهارده اتحررت من قيد عظيم ومسحت حاجات كتير ومتاكد اني مش هندم علي كدا ، متاكد اني هبقي كويس جدا واللي عملته دا صح جدا
الحمد لله رب العالمين