Coco واوا

 الاسبوع كان طويل اوي بس خلصت فيه كتير وكتير اوي كمان وكمان بجهز للامتحان الجاي ، الموضوع بتاع الامتحان دا لسه مفتحتوش بس عالاقل عشان اعرف ادخل الاجازة بمزاج حلو

الاجازة

اطول اجازه اخدتها في حياتي  بدون اي ترتيب مني متوصي علي الاجازه والناس الحلوة جهزوهالي بانا كدا كدا مبعرفش ارتب اصلا والحق يقال لكن اتحط الايام جنب ايام العطل الرسمية والويك ايند فاصبحت اكبر اجازه اخدها في حياتي 

من كتر الحاجات اللي في اللسته بتاعتي مش عارف اعمل ايه ولا ايه بس اللي متاكد منه اني هقضي يوم كامل نايم ومانتخ وحشني الراحة بشكل مبالغ فيه ، نفسي فيها اوي 

ولسه الكورس اللي اشتريناه قرب يخلص الاكسيس عليه ولازم نلحق نخلصه برده وامتحانه يخلص في اسرع وقت ، الموضوع ملعبك شوية 

الاسبوع  خلصت تقريبا كل شغلي في البروجكت وباحسن شكل ممكن والنهارده بالذات حرفيا استغليت كل لحظة قضيتها في الاوفيس مع زميلي وابدعت بكل شكل  وخلصت كل المطلوب وزياده الزياده الزياده الزياده كمان 

وكل شوية سامع زميلي مع الاجتماعات عمال يجيب سيرتي ويقولهم كريم نجح في كذا وكدا لاني بصراحة مقلتش غير للادارة بس 

المهم اني الحمد لله السوم خلص ونسيت اجيب ادوية وانا مروح والحمد لله فلتت من الاضراب 

اليوم كان طويل ومتعب جدا جدا  والجو كان برد شوية بس  المتعب اكتر كان مشوار امبارح والتعب بتاعه والاكل اللي وجعلي معدتي وصدري النهارده وامبارح حرفيا بيتقطع من غير كحة والحمد لله قدامي وقت كافي استريح فالبيت 

الوقت بيج ي بسرعة وطبقا للتايم بلان بتاعتي فانا كدا سابق الزمن وهعرف استعد كويس للامتحان الجاي قبل الاجازة واللي بعده بتاع البزنس 

الحمد لله

عرفت كمان اظبط طقم حلو علي بعضه شكله شيك جدا ودا اسعدني بشكل مبالغ فيه

بكره هقعد اشتغل من البيت واصحي براحتي ، والنهارده صاحبي في ميتنج مهم جدا جدا واحنا قاعدين دخل عليه ابنه بيبي عنده سنة تقريبا ووقعني من الضحك واسعدني جدا جدا ، اسمه فين

من كام يوم كنت رايح مشوار وعمال افكر في الحياة وبعدين فجاة لقيت واحدة المانية اربعين سنة كدا جت علي الرصيف في دوسلدورف وبتعيط في حرقة ولما حاولت افهممالها او اجيبلها الاسعاف عرفت انها بتموت والدكتور قالها كدا ، قعدت اكلمها براحة واهون عليها بس للاسف معرفتش اوي ولكني استقبلتها كرساله من ربنا وركبت القطر وهي كمان وسيبتها في حالها وبعدها نزلت وهي كملت ، حسيتها رسالة بجد ، الحياة احلي بكتير من خيالي ، واقصر بكتير من نظرتنا للمستقبل انه بعيد 

بكره هيبقي يوم رايق وحلو وهعمل فيه حاجات حلوة كتير وهقعد اشغل فيلم brave  

وهقعد افرح اوي زي كل مره في اخر الفيلم والبنت بتخيط القماش وبتقول التعويذة  وبتحضن امها 

في الخلفية كدا وعلي الهادي 

ومش هنشوف coco بكره

امي وحشتني اوي 

هشغل الفيلم عالهادي بكره 

ويمكن كمان اعمل جمبري ، جبت كتير من ليدل وبقالي فتره بشتري ومش بعمل 

متحمس جدا للاجازة ومتحمس اكتر لل لسته بتاعتي وكمان متحمس لعزومة الاسبوع الجاي اللي المدير عاملهالنا 

وفوق كل دا عيد الميلاد اللي اتعزمت عليه في فرانكفورت ودي حاجة مش لاقي لها تفسير بس هروح واتبسط واوريدي جبت هدية حلوة 

وغير كدا الطرد وصل امبارح المانيا بعد ما عدي علي اربع دول تقريبا وبعد ما جبت له كذا حد يشحنه وينقله ويسافر طيران وقصص ، الحمد لله اخيرا ، احلي هدية واحلي طرد واقسم بالله مش متخيل فرحتي بيه بس بكره هيتبعت بريد ويوصلني كمان يومين ولا حاجة ، مش متخيل ان هيوصلني والله ، صحيح انا تعبت علي ما اشتريت الحاجات وجبتها ونقلتها بس طاير من السعادة من الطرد الحلو دا ومن الهدية الرايقة دي ، بيتهيالي هتبقي احلي مفاجاة في التاريخ 😀

انا مخي مشغول اوي انا محتاج اقعد امسك ورقة وقلم

بس هنام الول قبل ما اعمل البلان

كوكو يا كوكو 

احلام سعيد يابو عيون احلي من سواد الليل و اروق من صباح يوم الاجازة وابتسامة احلي واصفي من السما

ولنستعد

الضحكة تشبه لنور النجوم

 فترة كانت طويلة شوية، مذاكرة اتنين ماتريال و امتحانين في يوم واحد ونجاحات في الاتنين و شهادات ، مشروع بنلمع فيه زي النجوم  ، ميتنج في اخر الدنيا ، وفندق وسفر و مكالمات وقرايب وكلام حلو وحاجات كتير ، معنديش طاقة وانا راجع من السفر اقعد اسجل بس بيتهيألي مش هنسي الحاجات دي كلها ، تقريبا ذاكرتي رجعت شارب تاني 

مكنتش عايز اسافر خالص والله بس الحمد لله عدت علي خير و حققت نجاح باهر في الميتنج ، الفكرة اني لسه مش عارف تحديدا نقط قوتي فين لان دا مش اول مره يحصل بس تقريبا عشان بسكت كتير في الاول ولما بتكلم باخد الجو وبنفجر بمعلومات كتير وتفاصيل وتخطيط وبكون مرتب ورقي كويس ، مش عارف 

*** 

الحمد لله مفيش حاجة تانية تتسجل غير كام جملة عشان حرفيا epic  

حاجة كدا اسطورية و مينفعش تتنسي ، الامتحانين في يوم واحد والستريس بتاع المذاكرة والنظام اليومي كان متعب في الفترة دي واكيد مش هيتنسي ، في حاجات قصرت فيها بس الحمد لله لسه في وقت نصلح كل حاجة من بكره وبعده  وهرتب وقت تاني لها بس المهم يعني نسجل الجملتين دول 

*

- انا عمري قلتلك اقفي ورايا في حاجة ووقعت او محققتهاش او خذلتك ؟ 

= لاء يا كريم

*

- السما حلوة اوي يا كريم وفيها نجم كدا بيلمع اوي شبهك لما بتضحك  ، بتنور زيه كدا 

*

- ودا ثقة ولا حب فيا ؟

=  الثقة حاجة والحب حاجة ، اكيد ثقة وحب والاتنين سوا يدوا امان ومن غير ثقة هيبقي في خوف فواثق فيكي للدرجة ، انتي عاملة زي الأم الحنون اللي بتحاوط مخي ، انتي كدا ، الطبقة دي من الطبقات اللي بتحمي المخ ، انتي عارفه تشريح وفاهمة مكانها ووظيفتها ، انا بثق فيكي للدرجة دي ، فأيا ما يكون الثقة موجودة ومنورة ، اديكي عرفتي واثق قد ايه

*

- خش وجمد قلبك وبص في اورتهم مش في عينيهم وركز كويس عايز تقول ايه وبعدين اتكلم

White Noise

 شركة المرعبين المحدودة 

Coco 

ودا دلوقتي بس لحد ما  نشوف حاجة تانيه تدلعنا في الخلفية 

يسعد صباحك يا حلو

 ❤️❤️❤️

تم التحديد

 الحمد لله حددت ميعاد قراية الفاتحة 

واتبقي اعرف بس خاتم الكراتيه دا بيجيبوه منين 😂

بس هوا خاتم عليه ارنب بيجري وفي بقه ربطه سبانخ او كرفس لسه مش عارفين  

دا من باب القلش 

لما توصلني الصوره هسأل 

بس الحمد لله لحد كدا حلو اوي 

خاتم واحد حلو وسهله ولو اكتر والله الحمد لله ربنا مشاعد بشكل مكنتش متخيله 

الحمد لله