يوميات شاب مصرى فقرى معاصر لأازال يحلم بالغد ويملاء السماء أفكارا وحكايات
الحمد لله حددت ميعاد قراية الفاتحة
واتبقي اعرف بس خاتم الكراتيه دا بيجيبوه منين 😂
بس هوا خاتم عليه ارنب بيجري وفي بقه ربطه سبانخ او كرفس لسه مش عارفين
دا من باب القلش
لما توصلني الصوره هسأل
بس الحمد لله لحد كدا حلو اوي
خاتم واحد حلو وسهله ولو اكتر والله الحمد لله ربنا مشاعد بشكل مكنتش متخيله
الحمد لله
وكان فضل الله عليك عظيما
ربنا معايا وسامعني وبيحققلي المعجزات وبيراضيني ويطيب خاطري
سامعني وبيساعدني
والله لو حد حلف لي علي المصحف ما كنت هصدقه ،
لكن النهارده ربنا كرمني اوي
وانا سعيد وشاكر فضلك يارب من كل قلبي والله
ومن تصرف بحولي وقوتي ألنت له الحديد
الحمد لله رب العالمين
- تيجي نرقص ؟
-تعالي
***
- تيجي نلعب لعبه ؟
-نلعب ايه؟
- عروسة وعريس
-مجنون
***
- حلو كدا
-اه، طعمه حلو ؟
-آهين والله ، سكررررر
زي الشمس لما تطلع الصبح وتصبح عليك وتقولك منور الدنيا وحشتني شوية النوم دول
زي نسمة الهوا لما تزورك وتشيلك في عز الحر لسابع سما وترطب علي قلبك
زي تلج المانيا لما يزورني وايديا بتشع نار ويلسع وشي ويحسسني بالحياة من جديد
زي الميه الي بتروي عطشي في ايام اغسطس القاسية بعد صيام يوم طويل
زي الحلم الجميل اللي بييجي بعد ايام اكتئاب كتير اوي
زي الدفا في عز الوحدة والوجع
زي ابتسامة حلوة وبوسة علي الراس والخد بعد يوم شغل طويل
زي حضن المطار لما الاقي حد مستنيني وبيحضني وفرحان بقلبي وبيا
زي زي زي فرحتي بالنجاح في امتحان دولي من الامتحانات الحلوة دي بعد ما اكون اتبهدلت تعب ومذاكره
زي مورنينج تكست وصوره حلوه في عز الزعل تقول مقدرش ازعل قلبك انت عندي غالي وحقك عليا
زي احساس انفاس حد علي رقبتك وهوا بيحضنك ويطمنك
زي طبطبة في وقت الخضة والبانيك اتاك
زي صوت حد بحبه بعد غياب بيقولي وحشتني وفينك
زي مقابلتي لحبايبي
زي فرحتي بدخول بيتي والفرحة بوجودي في وسطهم
زي اكله حلوه تعبت فيها طول اليوم وطلعت سكر واحلي من خيالي بعد صيام يوم او جوع شديد
زي مكالمة المدير يشكرني علي شغلي وتقدير شديد علي تعبي ومجهودي في الشغل
زي كل حاجة حلوه بتدفي قلبي وتطمني
زي طعم دموع الفرح علي خد بنت بتحبك وفرحانه وطايره بيك
زي الدفا اللي ملوش زي
زي الامان والفرحة
زي كل حاجة حلوه بدون حساب
زي قلبي لما بيحب وضحكتي لما بتنور وشي وزي نظره عيوني وانا مشتاق وفرحان ومبسوط وناجح وراضي
زي جمال الدنيا كلها لما يقف قدامك
زي زي زي
مفيش حاجة توصف
.jpg)
