.jpg)
- تيجي نرقص ؟
-تعالي
***
- تيجي نلعب لعبه ؟
-نلعب ايه؟
- عروسة وعريس
-مجنون
***
- حلو كدا
-اه، طعمه حلو ؟
-آهين والله ، سكررررر
الجمعة، 17 نوفمبر 2023
الخميس، 16 نوفمبر 2023
الثلاثاء، 14 نوفمبر 2023
Coco and koko
زي الشمس لما تطلع الصبح وتصبح عليك وتقولك منور الدنيا وحشتني شوية النوم دول
زي نسمة الهوا لما تزورك وتشيلك في عز الحر لسابع سما وترطب علي قلبك
زي تلج المانيا لما يزورني وايديا بتشع نار ويلسع وشي ويحسسني بالحياة من جديد
زي الميه الي بتروي عطشي في ايام اغسطس القاسية بعد صيام يوم طويل
زي الحلم الجميل اللي بييجي بعد ايام اكتئاب كتير اوي
زي الدفا في عز الوحدة والوجع
زي ابتسامة حلوة وبوسة علي الراس والخد بعد يوم شغل طويل
زي حضن المطار لما الاقي حد مستنيني وبيحضني وفرحان بقلبي وبيا
زي زي زي فرحتي بالنجاح في امتحان دولي من الامتحانات الحلوة دي بعد ما اكون اتبهدلت تعب ومذاكره
زي مورنينج تكست وصوره حلوه في عز الزعل تقول مقدرش ازعل قلبك انت عندي غالي وحقك عليا
زي احساس انفاس حد علي رقبتك وهوا بيحضنك ويطمنك
زي طبطبة في وقت الخضة والبانيك اتاك
زي صوت حد بحبه بعد غياب بيقولي وحشتني وفينك
زي مقابلتي لحبايبي
زي فرحتي بدخول بيتي والفرحة بوجودي في وسطهم
زي اكله حلوه تعبت فيها طول اليوم وطلعت سكر واحلي من خيالي بعد صيام يوم او جوع شديد
زي مكالمة المدير يشكرني علي شغلي وتقدير شديد علي تعبي ومجهودي في الشغل
زي كل حاجة حلوه بتدفي قلبي وتطمني
زي طعم دموع الفرح علي خد بنت بتحبك وفرحانه وطايره بيك
زي الدفا اللي ملوش زي
زي الامان والفرحة
زي كل حاجة حلوه بدون حساب
زي قلبي لما بيحب وضحكتي لما بتنور وشي وزي نظره عيوني وانا مشتاق وفرحان ومبسوط وناجح وراضي
زي جمال الدنيا كلها لما يقف قدامك
زي زي زي
مفيش حاجة توصف
الاثنين، 13 نوفمبر 2023
الحمد لله يا كيمو
الحمد لله اللي بيرزق
بالحنية
والدفا
والامان
والشفا
والعقل
والبيت
والراحة
والسعادة
والنجاة
والخلاص
والحب
والصبر
والقوة
الحمد لله
اللي بيريح القلب
وينفخ في الانسان من روحه ويرزقه النجاة
الحمد لله
اللي خلي الدم تقيل مش ميه
واللي خلي العشرة ولو حتي عالنت متقدرة
واللي خلي الصحبة دفا حتي لو علي بعد بلاد
واللي خلي المحبة رزق وينالها كل جسور بيقول الحق ويعافر ويكمل ويصبر
الحمد لله اللي خلي الشفا هدية
والخلاص حقيقة مش مجرد أمنية
الحمد لله اللي رزقني وسدد ديوني وعافاني ورزقني حياة
ورزقني النجاة والخلاص بعد طول صبر
الحمد للهاللي اداني الفرصة ابتدي من جديد واعيش واتنفس من جديد وافكر بهدوء بدون اندفاع وبدون عصبية او تهور
بدون مشاعر تايهه هوجاء وخلاني اتحكم فيها واسخر قوتها عشان احقق احلامي وابقي حاجة
بدون خوف وتوتر وقلق بياكل في جسمي زي النار بيخليني مش عارف اقعد مع نفسي ساعه علي بعضها
الحمد لله اللي شفاني وعافاني ورزقني صحبة طيبة وقلوب حلوة تفرح القلب وناس حقيقية
الحمد لله علي الحياة والخلاص اللي فتحلي بابه
كل حاجة هتنتهي قريب زي كل حاجة لها بداية لها نهاية وبتخلص
وبتبقي زي حلم بعيد
الحمد لله رب العالمين