يوميات شاب مصرى فقرى معاصر لأازال يحلم بالغد ويملاء السماء أفكارا وحكايات
النهارده سددت اكبر فاتورة في حياتي واكبر دين في حياتي بسبب دخولي المستشفي في امريكا حرفيا ١٢الف و ١٧٧ دولار
وميتتج حلو وتقييم حلو جدا للفترة السابقة
و اجازه اسبوع من اول اخر الاسبوع
علي قد ما الخطوة بتبقي صعبة الا انها بتحل مشاكل كتير وبتريح
الحمد لله رب العالمين
وطز في كلام الناس وآراؤهم وافكارهم المهم اللي بيني وبين ربنا وراحتي
- ماذا عن الطريق ؟
— الطريق سالك
- والعقبات ؟
— الله يساعدك في تخطيها
- والوحشة ؟
— الله يرزقك الونس والصحبة
- والناس ؟
—- ياعم طز في الناس المهم تبقي راضي عن نفسك قدام ربنا و مرتاح
مش مهم رأي الناس وموقفهم واللي بيقولوه واللي انا ذات نفسي قلته قدامهم
طز في الدنيا المهم راحتي ولا شيء آخر سيبقي سوي هذا
النهارده بكلم بنت معرفك وسالتها سؤال وردت عليا رد صدمني خلاني عاجز حتي عن التفكير في اي حاجة بقية اليوم
هوا الحقيقة واضحة وباينه اوي كدا ،البنت كملت كلام واستفاضت في كلامها عن حاجات كتير وقالت من ضمنهم ان انا عايزه اسافر بس مش اي طريق هاخده والسلام وعايزه لو هبتدي حياه حلوه هبتديها بالشكل اللي بتمناه ، حياة فعلا تستحق تتعاش ، حياة مع شخص بحبه ، اقدر اتطمن انه كويس ومبيكدبش وبيقول الحق ويراعيني ويبقي حنين عليا ومهما حصل من مشاكل مش هقول لحد ولا هحكي عنه غير بالخير لان الاصل بيبان وقت المشاكل يا كريم
وسكتت شوية وبعتت تسجيل صوتي
قالتلي فيه ان الحقيقة واضحة وظاهره لعيوننا في الحياة وان اصل الناس اهم من اللي بيقدموه وان مهما كان المشكلة بتتحل بالصدق والحنية والمحبة الحقيقية
البنت قالت كلام كتير متبعتر في دماغي بشكل صدمني
الحياة اسهل من كل العجن دا ومن كل التعب والارهاق اللي بيحابو الناس تلعب عليا وتستغلني وتضغط عليا عشان اعمله او اعيشه او اكون جواه ، الحياه اسهل بكتير من كل دا
الحياه سهله بس احنا اللي بنحرق ايامنا و حياتنا وفرصنا الحلوه بالعند واننا مصممين علي هبل ومش عايزين نتحرك بصدق ومنكدبش وبنحاول نطلع نفسنا شرفا وافضال واحنا في الحقيقة في الاول والاخر بشر
النهارده المحادثة دي تستاهل تتبروز والله
شكرا ياعزيزتي
.jpg)
