العراف الأعمى

يوما ما ستطير فراشتك وتتركك وحيدا ...
لا تجزع حينها ولا تدعى الصدمة ...
فمنذ البداية وأنت تعلم أنها سترحل يوما ما
هذى هى سنة الحياة
فكر فى أن مصير الفراش هوا الطيران
وبأنها ستبحث عن النور فى مكان آخر ...
وأن عشقها للنور والطيران أسمى من عشقها لك ...
لا تبحث عن منطقيات لحبسها ...
ولا تبحث عن كلمات لمواساة نفسك
ولا تحاول إسترجاعها ....
فكر فى شىء واحد فقط
أنها هكذا ( هتبقى كويسة ) كما كانت تقول دوما ...

***

كل الأحلام التى حلمتها رسمت لى حياة أبدية مليئة بالسعادة والفرحة والحب ...
إن لم تتحقق أحلامى ....
يكفيها ( فرحة ) أنها كانت حلماً حقيقيا فى حياتى ...
ويكفيها ألماً أنها ( كانت ) ..
ويكفيها مكسباً ( أنها كانت مجرد أحلاما )

***

القاعدة الأولي للرحيل : " أحرق متاعك القديم"
القاعدة الثانية للرحيل : " ارحل دون إيضاح "
القاعدة الثالثة للرحيل : " ضع المغناطيس قرب البوصلة "
القاعدة الرابعة للرحيل : " دع التيار يجرفك "
القاعدة الخامسة للرحيل : " ضلل الآخذ بيدك "
القاعدة السادسة للرحيل : " لوح في الهواء لآخرين "
القاعدة السابعة للرحيل : " اذهب متي جاء القمر "
" أحمد العايدي .. أن تكون عباس العبد "

إبقى بجوارهم طالما كنت شمساً تمنحهم الدفء والنور والأمل كل صباح فى الخامسة قبل بدء اليوم ...
وإرحل طالما صرت نارا تمنحهم دفئا حارقاً لأجسادهم كل مساء ...
إرحل وإكتفى بالرحيل ...
لا تلقى باللوم عليهم ...
ولا تقذفهم بأوجاعك لتحرق قلوبهم ...
لا تتسول حبهم ...
إكتفى بالرحيل ...
لعل فيه اللقاء ...
فكما كنت تقول دوماً ( حتماً سنعود ) ...

***

من رأيى الشخصي : أن البصيرة لا تحتاج إلى بصر ...
لا فائدة من رؤية من تحب إن لم تكن تشعر به
ولا فائدة من متابعة الأحداث وتترك مشاعرك تقودك نحو الجحيم ...
حافظ على قلبك قدر الإمكان منهم ... يكفى أنهم علموا من أنت حقا و رضوا لك بكل هذى الجراح
لا فائدة من الإهتمام بمن يهوى إيلامك ,,, فلن يتعلم الآخرين يوماً أى شىء يجعلهم يشعرون بنا
إن لم يتحرك الآخرون ليتمسكوا بك ... فهم لم يكونوا لك من البداية ...

***

مازال قلبى يخبرنى بأنك ملكٌ له ...
مازال يعدنى بكل الأحلام ويزفر شوقه ألماً...
وينادى كل الفتيات بإسمك كلما ألتقى بإحداهن ...
مازال قلبى هوا قلبى ..
فأين أنتى لتضميه ؟؟؟
أم أنك تريدينى ان أتركه يموت ويمضى إلى العالم الآخر وينعزل عنى ؟؟ لأعود بالزمان أعوام وأعوام ...

***

ضميني في صدرك ..حتي اتنبأ

وأنا لا اكتب..أو أقرأ!!
قصيدة العراف الأعمى لأمل دنقل

ضع وشاحا فوق عينيك ...
إنسى أنك مبصر تستطيع رؤية الحق والباطل والخطأ والصواب ..
إنسى أنك فنانا فى رسم تفاصيل لوحاتك ...
إنسى أنك بعقلك تستطيع كل ما تريد ...
لا تنزع الغطاء من على عينيك لتراهم وتتألم ...
فقط إبتسم ودع الوشاح أمام عينيك ليخفيهم عنك
إغلق كل الأبواب التى يمكنك إلقاء نظرة منها عليهم ...
دمر صندوقهم فى قلبك ..
ألقه فى أعماق المحيط بين سواد محير كعيونهم ..
إستمتع بالظلام الذى وفره له العمى ....
ثم ...
أمسك عصاك وإلتمس طريقا وأنسى أى خرائط للطريق ....
إفقد الإتجاهات وإجعلهم هم من يبحثون عنك ...
ربما تستحق منهم هذا ...

( اليوم أغلق عيناى عن كل شىء وأترك قلبى يسير على غير هدى .... لن يتبع إلا نداء من أحبه حقا ... فمن سينادى اليوم ؟؟؟ )

***

اليوم راودنى حلم...
حلمت بك مستيقظا ونائما ...
لم أشعر إلا بقلبى يرتعش ويرفرف كجناحى فراشة برية ...
لم أشعر إلا بالنور داخلى يهدينى إلى عينيك ...
اليوم حلمت بك ...
متى تحلمين بى ؟؟؟

***

هل تعرفى لما لا تطير البطاريق ؟؟؟
مهلا لقد حكوت لك تلك الحكاية من قبل ...
هل تعرفى الفأر سمسم ؟؟؟
هذه أيضا حكوتها لكِ
هل سمعتى عن الملك شرارة ؟؟؟
حكوتها لك قبلا ...
هل حكوت لك من قبل حكايتنا منذ اليوم الأول ؟؟؟
حكوناها سويا من قبل ...
لقد حكوت لك كل الحكايات ..
ولكن مهلا مهلا ...
حكاية غبار النجوم ...
ولكن .. هل تظنين أن قلبا مكسورا قد يمكنه أن يطمئنك ساعة النوم ...؟؟
كيف يمنحك دفئا تبدد من أطرافه ؟
كيف يرسم على شفتيك إبتسامة لا يملكها ؟؟؟
كيف يضمك إن لم تمنحيه عطفا وعشقا لم يخلق إلا له ؟؟؟
أجيبينى وأعدك أن أحكوها اليوم لك ... وأعدك أن تنامين وعلى شفتيك ( خاتم سليمان ) تلك الإبتسامة التى لم يراها سواى ...
إنتظرى ... لن أساومك .
وسأحكوها لك اليوم ...
حتى إن لم أكن بجوارك ...
حكاية غبار النجوم ...
إغلقى شباكك وتدفئى كثيرا .. فالليلة تنامين قريرة العين راضية النفس

****

شاب فقرى

ملحوظة : منطق العراف الأعمى دا هوا الهدف من البوست كله ولولاه مكنتش كتبته ... هوا الأهم لأنه ببساطة بيقول ( غمض عينيك وإمشى بخفة ودلع .. الدنيا هى الشابة وإنته الجدع ) مفيش داعى من الجرى والمتابعة مع من لا يفهم معنى الحب أو مع من لا يحبك كما تستحق .... بس كدا ... كن أعمى وإستخدم إحساسك لتكون عرافاً لم يخلق مثله من قبل ... دع الدنيا تتحرك من حولك ودع قلبك يدلك ولكن ...إياك والنظر إليهم مهما حاولوا ..
ملحوظة كمان : فى البوست كام سؤال محتاجين ردود أفعال ... مين اللى هينادى ؟؟؟ أو مثال أوضح : زى مثلا مين حبيب بابا ؟؟؟ تلاقى أرخم عيل فى العيال بيجرى على أبوه ويقول أنااااااااااااااا ويبقى هاين عليك تضربه .. بس بتقول دا عيل وتسامح ... فاهمين ؟؟؟

النسخة الأصلية

النسخة الأصلية
كنت زمان بشتغل على ويندوز إكس بى
وبعد فترة إشتغلت على لينوكس ( سينتوس وفيدورا وكل اللى يخطر على بالك من توزيعات وإشتغلت وكسبت وبقى لى مصدر دخل وكنت محترف جدا مع اللينوكس وبإتقان تام ...) كنت بحب فى اللينوكس أكتر حاجة إنه مجانى وبجد حدود طموحك هى السحاب يعنى تقدر تعمل أى حاجة وكل حاجة فيه بس لو شغلت دماغك شويتين , والأروع من كدا إن اللينوكس كان كل نسخة بشتغل عليها ليها سلسلة نسب يعنى مثلا الأوبنتو تعتبر بنت ديبيان ومش كدا وبس ... تقدر بكل سهولة تحصل على نسخة أصلية وتوصلك بالبريد ولحد البيت , وفى وقت من الأوقات فى أول السنة وقفت شغلى وشركتى ووقفت اللينوكس ووقفت كل حاجة وبدأت أشتغل ويندوز سفن ... ولكن كان فى مشكلة ...
النسخة السفن مش أصلية ..
يعنى أنا حرامى ... وكمان إمكانياتها أقل وكمان مش هى الأصل .. الأصل برده له قيمته ووزنه وإحساس الشغل عليه ...
وفى خلال شهرين ركزت ووفرت وإشتغلت وقدرت أشترى نسخة سفن أصلية ملك للعبد لله وبسيريال خاص بيا ...
ومتتخيلوش فرحتى ... ( علما بانى من عشاق اللينوكس وضد مبادئى إنى أشترى برمجيات لانى مؤمن بإن العلم من حق كل الناس ومش من حق حد يبيعه أو يستغله ويضر الناس ) كنت طاير من السعادة بمعنى الكلمة ,,, إحساسى إن الشىء ملكى ولوحدى وبتاعى أنا وبس بعد الشقاء والعناء مع نسخ بتقع كل شهرين وكل تلات أسابيع .. ببساطة كنت فرحان
الخلاصة والهدف من البوست :
كنت بحب التقليد المتقن .. وبقدر أتعامل معاه وأشغله بس برده كان بيكون فى مشاكل ..
بس النسخة الأصلية تخطف الأنفاس .. بجد بجد يعنى
والنهارده شفت حلم وأنا صاحى ....
نسخة أصلية ...
أحلى من أى تقليد وأحلى من كل النسخ اللى قابلتها واتعاملت معاها فى حياتى .... أصلية بجد .... بيورررر
ممتعة ...

تحياتى

فقرى

النهارده عملت حاجة مش عملتها من سنين وسنين وسنين ..... ربنا يقدم اللى فيه الخير ويستر ...
ملحوظة : لو ركزت هتفهم ... لأن البوست له هدف بعيييييييييييييييييييد أوى

موعدنا بكرة

الصباح : تذكر نفسك بأن تستعد للقاءها اليوم لأنك لن تنتظر غدا أى شىء وستهرع إلى مقابلتها .
الظهر : تبرر لنفسك عدم وجودها بأنها ( مشغولة حبتين ) وتبرر عدم إتصالها ب ( زمايلها معاها )
بعد العصر : تفكر أى الكلمات التى تنوى قولها لها لم تقلها لها بعد لأن الغد يأتى فجأة .
الليل : ترخى أعصابك وتضع رأسك على وسادتك وتحلم بالغد وعلى شفتيك إبتسامة وتعد نفسك بأن تحلم بها قبل أن تراها غدا
الغد : تعيد تمثيل نفس المسرحية لأنه لم يعد أحد بجوارك بعد الآن ..

موعدنا بكره ... شو تأخر بكره .

Meredith : There's a reason I said I'd be happy alone. It wasn't 'cause I thought I'd be happy alone. It was because I thought if I loved someone and then it fell apart, I might not make it. It's easier to be alone. Because what if you learn that you need love and then you don't have it? What if you like it and lean on it? What if you shape your life around it and then it falls apart? Can you even survive that kind of pain? Losing love is like organ damage. It's like dying. The only difference is death ends. This? It could go on forever.

شاب فقرى

إنسحاب

But I know the rage that drives you. That impossible anger strangling the grief, until the memory of your loved one is just poison in your veins. And one day, you catch yourself wishing the person you loved had never existed, so you'd be spared your pain .

***

Tia Dalma: My sweet, you've come for me.
Davy Jones: You were expecting me?
Tia Dalma: It has been torture, trapped in this single form, cut off from the sea. From all that I love. From you.
Davy Jones: Ten years, I devoted to the duty you charged me. Ten years, I looked after those who died at sea, and finally, when we could be together again, you weren't there. Why weren't you there?
Tia Dalma: It is my nature. Would you love me if I was anything but what I am?
Davy Jones: I do not love you!
Tia Dalma: Many things you were, Davy Jones, but never cruel. You have corrupted your purpose, and so yourself, and you did hide away what should always have been mine!
[turns him to his untentacley human form]
Davy Jones: [caressing her face] Calypso.
Tia Dalma: I will be free, and when I am, I will give you my heart, and we will be together always... but if only you had a heart to give.
[turns him to his tentacley monstrous form]
Tia Dalma: [his crab claw arm reaches out and chokes her] Why did you come?
Davy Jones: [unable to pull his arm back through the bars, he walks through them] And what fate have you planned for your captors?
Tia Dalma: [angrily] The brethren court? All of them, the last thing they will learn in this life is how cruel I can be.
[Jones turns to leave]
Tia Dalma: And what of your fate, Davy Jones?
Davy Jones: [turns back] My heart will always belong to you.
[he leaves]
Tia Dalma: [smiles softly to herself as she hugs the bars]

***
أنسحب
وأعلن إنسحابى ...
لا لأنى أخشى الخسارة والألم ...
فأنا لم أخسر يوماً فى تحدي...
لقد تعودت على الألم حتى فى الفوز فلم أعد أعرف سواه ..
ولكنى أنسحب
لأنى لا أرضى لك بالخسارة ..
***
الأيام الجاية ...
ربنا يستر ...
فقرى
....

الخط

يسيران فى الطريق وكل منهما غاضب من الآخر ويملؤهم الذنب من ردود أفعالهم المجنونة التى كادت أن تفرقهم اليوم فهى متسرعة وتعيش فى عالمها الخاص وكبريائها يمنعها من الإعتراف بكل أخطائها المقصودة والغير مقصودة , أما هوا فقوى وقاسى وحاد الطباع ولكنه يملك قلبا يسكب الحب على العالم ولا يؤمن أبدا بفراقهم ودوما يحادثها قائلا : ( مهما إفترقنا هنجتمع ... عاملين زى مصر والنيل ... هوا ينفع يبقى فى مصر من غير النيل ؟؟؟ ) , تأتيه فكرة مجنونة ليقولها لها وعينيها مليئة بدموع اليأس والألم ...

هوا : شايفة الخط اللى هناك دا
هى : ماله ؟؟؟
هوا : هننسى كل اللى حصل النهارده وكل الزعل دا وكل الخناق دا لما نعديه وهنعتبر اننا مفيش بيننا اى مشاكل
هى : إزاى بس ؟ انته هتنسى ازاى اللى عملته ؟؟؟ وأيام الزعل والمشاكل .؟؟؟ وخناقة النهارده ؟؟؟؟
هوا : هوا كدا ... هتشوفى ... هاتى إيدك وتعالى
هى : يعنى هتعمل كدا بجد ؟؟؟
يمسك يدها ويخطو معها ليعبرا الخط فى هدوء
هوا : وحشتينى يا حبيبتى
تبتسم وتتعلق فى كتفه كطفلة صغيرة ليكملا طريقهما معا كما تعودا جنبا إلى جنب .

تمت ,,,

شاب فقرى

تعليق خاص : الحياة ممكن تبقى أبسط من كدا لو حاولنا بس نعيشها بأبسط من كدا ولو حاولنا نثق ونرضى ونسامح ونفكر فى بكره هيبقى عامل إزاى لو قدرنا على أحزاننا وصارحنا غيرنا بكل مشاكلنا وكنا واضحين بجد بدون كدب ... الحياة حلوة بس للى يقدرها واللى يفكر إنها مش لعبة وإنها مش مجرد حدوتة تتحكى فى كلمتين أو حتى تتنسى بضغطة زرار ... الحياة حلوة وبكره جاى جاى وجاى أحلى بكتير من أى حاجة .... أنا هكتب الكام سطر دول أفكر نفسى بيهم بس فى شهر تلاتة وبالذات فى أول أسبوع فى تلاتة وأول أسبوع كمان من شهر واحد ..وبفكر نفسى بإنى أقدر أسامح وأعيش وأكمل وأقدر أفتح مليون صفحة جديدة وكل مرة هقول يارب وحتى لو كل الدنيا وقفت قدامى ... الموضوع مفيهوش جديد ... مش هنسى أبدا إن ( خلق الإنسان فى كبد ) وبرده مش هنسى إن الدنيا دى إتخلقت عشاننا إحنا ... مش هنسى وهفكر نفسى عالأقل بالفكرة اللى كتبتها وعشتها دى ... هفكر نفسى بإن كل حاجة ممكن تتحل ... بس لو رضينا وحاولنا وتعبنا .. لان مفيش حاجة بتيجى من غير تعب ... بس كدا ...