تاج

أنا نويت أجاوب على أى تاج إتوجه لى فى أى يوم

أى حد بعتلى تاج فى احد الأيام

أو عنده أى سؤال

يرد هنا ومعاه الرابط أو السؤال :)

وأنا هجاوب عنهم كلهم فى البوست الجاى

وآسف لو إتأخرت على حد فى الرد عالتاج

بس والله كنت محتار شوية

ومكنتش عايز أخلى حد يعرف فقرى

بس خلاص نويت أرد

بالإنتظار :)

وشكرا للكل بجد :)

شاب فقرى

الموت أرحم

الموت أرحم من فراق الأصدقاء والأحبه
الموت أرحم من إهانة من أقرب الأصدقاء
الموت أرحم من غدر الأصحاب
الموت أرحم من بعد من أحببنا
الموت ارحم من البقاء والإستمرار فى وحدتى
----
صراحة أنا متعود على كل دا
فالموت بالنسبة لى مش حل ولا أرحم ولا حاجة
ولكنى كتبت كدا من حزنى على اللى شفته الفترة اللى فاتت
الساعة اللى قعدتها عالنت هقوم متنكد
وفعلا الموت أرحم
خالص تحياتى

شاب فقرى

سر الغياب

بسم الله الرحمن الرحيم
يارب دايما كلكم بخير
إزيكم جميعا
أنا بقالى تقريبا تلات أيام مكتبتش حاجة ولا حتى أظهرت التعليقات
ولا رديت حتى عالموبايل على حد غير الناس اللى إتعودت أكلمهم وبرده عددهم قل وبطلت أرد عالموبايل
ولا حتى كنت برد عالميل غير عالناس القريبين منى بس والحمد لله عددهم فى نقصان
وإيميلى الشخصى كنت مش بفتحه نهائى
دا طبعا إيميل تانى غير بتاع المدونة

ببساطة كنت بحقق حلم قديم
بس معرفتش أحققه زى ما حلمت بيه بسبب أكتر من حاجة

- إنى ولله الحمد جالى دور برد من يوم الجمعة اللى فات كسر عضمى وهد حيلى وكنت بنزل الشغل وانا بتألم وأحيانا كنت بدوخ ومش بحس بنفسى غير وأنا على كرسي وبحاول أجمع أفكارى
- الحمد لله رب العالمين اليومين دول كان فى طحن فى الشغل اللى بشتغله برا (( فى الورشة اللى بتعلم فيها )) فكنت متبهدل وطالع عينى بجد
- الحمد لله إنى كنت مشغول جدا لدرجة إنى إمبارح والله ما كنت قادر أقف على رجليه
-مش كنت بدخل نت خالص غير كل يوم تلات أربع ساعات بليل من واحدة لحد اربعة الصبح
ولما ربنا كرمنى ودخلت قمت داخل ناقل السيرفر وبقيت عمال أرد على أى حد بيكلمنى بكلمة طيب ويت

تلخيص للحالة : ( تعبان - عيان - بموت - مفروم فى الشغل - مش بخش المدونة ))

حاجات كتيرأوى منعتنى من تحقيق حلمى ومن قربى منكم مش عارف أفتكر منها أوى

***
أقولكم بقى على حلمى القديم
هوا ببساطة إنى أختفى
حالة ما بين الموت والحياة
يعنى لا ميت ولا حى لا راغب فى الحياة ولا رافض ليها
لا أنا بحب الدنيا ولا أنا عايز أخش الجنة أو النار
ببساطة عايز أختفى كأنى مكنتش إتخلقت فى أحد الأيام
ومش عايز حد يطلع يقولى حرام والحياة كلها أمل وبتاع
لأنى والحمد لله عارف كدا وفاهم كدا كويس أوى وكمان اللى أنا فيه مش من ظروفى دى حالة نفسيه انا عايش فيها ومبسوط بيها أوووووى
***

===== ردا على تعليقات مستشار إبليس =====

بالنسبة للبوست السابق أعزائى المدونين
هشرح ببساطة المغزى منه مع إن دى أكتر حاجة تحرق دمى بس معلش هحاول
مستشار إبليس
يعنى إيه إبليس كرمز
بعيدا عن إنه مغضوب عليه ومطرود
ولكنه مخلوق مؤمن بوجود الله يعنى أحسن من بشر كتير أوى مش مؤمنين بوجود ربنا أصلا
النقطة التانية :
إنه ببساطة بيوسوس للناس
بيقرب منهم وبيعرف نفسهم فى إيه (( كل شيطان بيعمل كدا )) بيعرف يحرك البنى آدم من شهواته ورغباته وأحلامه
بيخلى الواحد يشوف حاجات هوا أساسا مش فى حاجة ليها على إنها حاجة مصيرية ومهمة فى حياته
بيوسوس له بعمل الشر أو الحاجة اللى الشيطان عاوزها
طيب يعنى إسه مستشار إبليس
ببساطة كدا وبهدوء وبدون نظرة دينيه أو نظرة منطقية متخلفة
هوا شخص بيقدر يفهم الناس أوى
وبيعرف هوا عنده إيه مقوماته إيه
وبيفهم إحساس الناس وتفكيرهم وطريقة تفكيرهم كمان
وبيعرف حتى ماضيهم من إحساسه ومن تصرفاتهم وكلماتهم البسيطة
شخص ذكى ببساطة
دايما معاه ورقة رابحة يقدر يكسب بيها الطرف التانى مهما كان
أنا طبعا حاولت أوضح دا فى أول كام سطر
على إنه شخص شرير وبيحرك الناس للشر
بس مش دايما مستشار إبليس بيحرك الناس للشر
لأن من وجهة نظرى أى واحد يعمل كدا بشوف إنه شخص مش كويس لانه بيحرك الناس وبيلعب بعقولهم
من الاخر إفتكرت كلمة قريتها فى فيلم أجنبى كان بيسأل طبيبة نفسيه بيقولها وظيفتك إيه
قالت له (( we Fuck people minds ))
ومسمعتش قبل كدا حد قال كلمة مستشار إبليس دى بس أطلقت إسم إبليس على أعز صحابى كلقب غلاسه عليه
وأصحابى الحلوين قلت لهم إنى أنا المستشا لأنه مش بيتحرك غير برأيى :$
أظن المعنى وضح وبقى زى الشمس
بالنسبة للنقطة الخاصة ب الرد عالتعليقات السابقة
أنا مش رديت مش عشان أنا وحش وعامل فيها مشغول
والله فعلا مشغول جدا جدا جدا جدا
ولما بقعد عالنت بحس إن مخى واقف وإنى إنسان آلى
ومش مركز فى حاجة
عشان كدا هطلع التعليقات كلها وهبقى أرد عليهم بعدين (( دا لو فى حد مستنى رد على التعليق بتاعه ... فرض جدلى يحتمل الصواب والخطأ ))

====================

فى الآخر أحب أوجه شكرى للشخص الوحيد اللى سأل عليه وكان متابعنى وبيسأل فى التعليقات :)

طبعا مكانش شخص واحد بس حسيت إهتمام بجد من شخصية معينه :$ ودا طبعا شىء يشرفنى

ومع خالص تحياتى

وإنتظروا إن شاء الله بوست تانى بس لما أصحى كدا وألف على كل المدونات وأشوف اللى بيحصل وأنا مش هنا

خالص تحياتى وتقديرى وإحترامى لكم جميعا

كريم
شاب فقرى

مستشار إبليس

أن تتمنى لو كنت قتلت نفسك ألف ألف مرة وشنقت روحك ملايين المرات
أو تلقى بها فى سعير جهنم لعلك ترتاح
أو تتمنى لو أن شخصك قد مات قبل ذلك اليوم
تلك هى حقا أمنية ضائعة ...
وتلك هى سطورها
.....

أصبحت فجأة مستشارا له
أقوم بما يقوم وأسعى معه فى مصائبه
أفنيت بلادا وبلاد
شاركت فى ذبح المئات
تمتعت برؤية ظلم الحكام
لم أترك إنسانا حيا إلا و أوحيت له بفكره
حركت له رغباته
حركت أطماعه
دفنت الخير فيه فى آبار النسيان
ومحوت الأحلام وكأنها دخانا هبت عليه الرياح
ولم أترك الإنسان إلا وأنا
دفعا له نحم المستحيل
جاعلا من كل أمانيه أمنية واحدة : يدفع عمرا فوق عمره ليحصل على ما ليس له
كيف صرت هكذا ... حسنا سأحكى لك ما حدث أو كما أتذكره...

جلست وحيدا أفكر فى صمت
ترى ما الذى جعل هذا المساء كئيبا على غير العادة
ما الذى منع ملائكة الأحلام أن تزورنى ككل ليلة
ما الذى جعل السماء ملبدة بالغيوم
ما الذى جعلها تقسو على حتى من نور القمر
ومن دفئه
لعلها تستكثر على حتى من أن أبحث عن لقمة فى ذلك الليل القارص البروده
لم يجد شيئا
حتى أننى لا أرى الطريق لألتمس فيه البحث عن لقمة فى مثل هذى العتمة
ولكن فجأة
ومن بعيد
لاح ظل شبح كئيب
بدأ سيره فى الطريق
لم يدرى من أين جاء النور ليرسم ذلك الظل على الأرض
وعند مرور الشبح فى أول الطريق
شعرت بأنه إختفى لثوان وعاد لمكانه ليكمل سيره فى الطريق فى هدوء
ثم سمع صوت صراخا فى أحد المنازل
صرخة إنسان وكأن هناك من يذبحه فى تلك اللحظة
إستمر الشبح فى المشى فى الطريق حتى إقترب منى
ظهرت ملامح الشبح تدريجيا عندما إقترب منى
كان كأقبح ما يمكن أن يكون إنسان
وجه شديد القبح ملىء بالندوب
وبدأ الحديث بيننا
أنا :أرجوك أعطنى لقمة أيها الشبح الغريب
إبتسم الشبح فى هدوء إبتسامة لاتنم إلا على من يلقى بالطعم لطير شارد
وكأنه سيمتلكه بتلك اللقمة وأخرج رغيفا من جيبه
أجاب الشبح فى هدوء : ولكنى لى طلبات يا بنى
تعلقت نظراتى بالرغيف صارخا :
ما طلباتك يا سيدى ... ءأمر تطاع ..
الشبح : إن الله لم يرزقنى بأبناء وليس لى من يشعرنى بالمودة والقرب
ليس لى من أشكو له وأستشيره
أنا : أتريدنى أن أكون ولدا لك
الشبح : نعم
تملكتنى السعادة لأن هناك من سيلتقطنى من الشوراع من نيران اليتم
وقلت فى لهفة : حقا .... أنت سيد كريم جدا ولكن ماذا ستعطينى غير هذا الرغيف
الشبح : الكون كله لو أردت
أنا : وهل تملك أنت الكون كله ؟؟
الشبح: أستطيع أن أسخر لك من يخدمونك ومن يأتون لك بطلباتك ومن يجيبونك وقت الحاجة
قلت فى إستغراب :
إذا كان لديك كل هؤلاء ففيما تحتاجنى وكيف تملك كل هذا ... هل أنت سيد لقطاع الطريق
الشبح : لاء ... أنا من يحرك قطاع الطريق وأنا من يلهم البشر ويحرك عقولهم
أنا أبتسم فى هدوء وأقول : إذن فأنت ملاك الوحى ولكن وجهك لا يحمل أى شىء من معالم الملائكة
الشبح : لا دخل لك فى وجهى
أنا : إذن أخبرنى من تكون
الشبح فى هدوء يبستم وتتسع إبتسامته قليلا قائلا :
أنا الشيطان يا ولدى :)
أنا : كيف هذا يا سيدى ؟؟ الشيطان نفسه ؟؟؟
الشبح : أترى هذا المنزل هنالك ...إنتظرنى دقائق وسأعود من أجلك
بالرغم من عدم فهمى لكلمة من أجلك إلا أننى رددت فى هدوء وغير مصدق ما يقول : حسنا

غاب الشبح لثوانى معدودة لم يمشى كما جاء
بل طار فى صمت وأنا أشهق من المفاجأة
لقد إخترق الجدار دون أن يكسره
وعاد بعد ثوان
الشبح : إنظر لترى
أنا : ماذا سيحدث الآن ؟
الشبح : إصبر وسترى
أنا : طيب
وفى لحظات رأيت رب المنزل يخرج برأسه من الشباك ويمسك برأس زوجته صارخا فيها
ويقطعها فى هدوء ويلقيها خارج المنزل ويترك الجسد بالداخل
ثم يغلق النافذة
الشبح يبتسم فى هدوء ويقول : أرأيت ؟
أنا : ءأنت من فعل هذا به ومن غير نفسه فى لحظات
الشبح : نعم هوا أنا
أنا أحاول أن أصرح وأنادى أى من أفراد الشرطة ربما جيران ذلك الشارع الضيق
ولكن أشعر وكأن صوتى يتوه فى الفراغ
وينظر لى الشبح وهو يبتسم قائلا :
يا ولدى أنت ملكى فأنا أراقبك من سنوات لا تصرخ فلن يفيدك الصراخ
ولا تبكى فلم يحن بعد وقت البكاء
وإقترب منى ولمس إصبعه جبهتى وشعرت كأن صيب من نار يخترق جسدى ورأيت روحى تفارقنى
والشيطان يتبع روحى الطائرة فى الهواء بنظره
رأيت روحى وهى تفارق جسدى ورأيت نفسى أموت وأنا أنظر له فى رعب
وعاد ليبتسم تلك الإبتسامة قائلا:
أخيرا صار لى مستشار
أنت الآن يا ولدى مستشارى العزيز
وهكذا صرت :
مستشار إبليس

تمت,,,

أحلام ضائعة
شاب فقرى

كسبنا والحمد لله

الحمد لله مر الماتش على خير وكسبنا

بعد طلوع الروح طول الماتش والتلات تبديلات بتوعنا

والتكسير اللى عملوه فينا

بس ربكم كريم ومنسيش المصريين وجبر بخاطرنا

والحمد لله الحمد لله الحمد لله الحمد لله الحمد لله كسبنا

الواحد بقاله كتير أوى مفرحش كدا

ربنا يفرحهم ويجبر بخاطرهم زى ما جبروا بخاطرنا

ومبروك يا شيما

وربنا يفرحك كمان وكمان ويفرحنا كمان وكمان

مصر .....
مصر .....
مصر .....

تى ترى تى تى
مصر
تى ترى تى تى
مصر
تى ترى تى تى
مصر