الأحد، 21 يونيو، 2015

إزيك ؟

- إزيك يا بنتي ؟
-- أحسن منك
- أكيد وإلا مكنتش كلمتك
-- كنت هتكلمني غصباً عن
- طيب عاملة إيه ؟
-- قول أنت عامل إيه ؟
- عايزين نتقابل
-- إمتي ؟
- الأسبوع الجاي
-- ودا إزاي يعني ؟
- يعني شوفي اللى يناسبك بقى تنزلي القاهرة أو نتقابل فأليكس كالعادة
-- هفكر
- ياربي
-- لازم أغلس .. مقدرش مغلسش ولا ألامض دا فى تكويني
- طيب
-- مالك بقي ؟
-هتعرفي لما تشوفيني
-- أوك
- سلام
-- بقولك
- إيه ؟
-- إفتكر أنت مين وخليك أنت فى قوتك لأن محدش هيتحرك عشان يعملك حاجة ... إفتكر دا لحد ما أشوفك
- إشطة
--باي
- بيس يا جميلة

هناك 4 تعليقات:

غير معرف يقول...

مش فاهمه كنت اعرف واحد متطفل وعره زيك ازاي ؟

شاب فقرى يقول...

اما يبقى عندك الشجاعة انك تعرفيني بنفسك ابقى اتكلمي
و لو انتي الشخصيه اللي في بالي f فتحترمي نفسك عشان انا و انتي عارفين انتي عاملة ازاي
ومش مستني من حد زيك رأي أصلا ولا تعليق
ودا بدل ما نهد المعبد عاللي فيه
كريم

غير معرف يقول...

انت بتهددني يا سمبل ، كان زمان 😎 #سمبل_كحيان

شاب فقرى يقول...

:D
انا بنشر التعليق عشان يبقى السياح رسمي يا قطة :)
مكنتش أعرف إنك محروقة للدرجة دي :D
ولا تفرقي عندي أصلا بس كل واحد عارف نفسه كويس
يكفي ما وصلتي إليه :)
الناس مش مضطرة تقرا وساختك دي
وبعدين لو بالشجاعة دي تعالي كلميني :D
ومتجيش تستخبي تاني ورا تعليق يا هبله
وبعدين هوا مقالكيش عالاتفاق ولا إيه ؟
يلا إلعبي بعيد :)
Revenge is mine :D
هاف فن