الأحد، 24 أغسطس 2014

ياريت

جاتنى مكالمة اليوم من رقم غير مسجل عالموب 
رديت لقيته محمد 
محمد قريبي ومعرفة وجدع جدا 
محمد كان المكالمة الاولى من سنينن لحد بيتصل يتطمن عليا 
أحوالك ؟ أخبارك ؟ عامل إيه ؟ هانت ... اصبر ... بدعيلك .. اما تخلص هتلاقيني مستنيك .. خلص انته بس ولا داعي للقلق 
باقي لك قد ايه ؟ المرة الجاية هنتقابل 
انت كويس 
بس خلاص 
المكالمة كانت أعظم أسباب سعادتي 
غيرت مودي وحسستني إن لسه فى خير وإن فى حد تربطني بيه صلة دم ومعرفة مهتم بالكلام معايه وبحالتى وباللى بيجري 

قد إيه حاجة تافهة وبسيطة وتكلفتها قليلة جدا ممكن تغير حالتك وتحسسك إن الدنيا لسه فيها خير وإنك هتبقى كويس وإن فى ناس واقفة بتساندك من بعيد 
ياريت كل حاجة سهلة وياريت الناس تفهم حقيقة حاجة بسيطة زي دي ممكن تعمل إيه 
ياريت ياريت ياريت يتفهم القصد
من الاخر سأظل مؤمن إن الناس اللى بتعقدها وإن معظم الحياة بسيطة بس إحنا غاويين تعقيد وكآبة

الموقف يستاهل التوثيق فى مدونتي 
لا يوجد ما يقال لمحمد سوي إني سعيد ويارب المكالمة تتكرر 
هسجل الرقم عالجهاز وبس ودا لأنه لما يتصل المرة اللى جايه واتفاجيء بيه هكون سعيد 
:)
كريم

هناك 4 تعليقات:

نيللي علي يقول...

ربنا يحفظكم لبعض، وتسألوا على بعض دايمًا.

Do3aa El_attar يقول...

"من الاخر سأظل مؤمن إن الناس اللى بتعقدها وإن معظم الحياة بسيطة بس إحنا غاويين تعقيد وكآبة "

أنا دايمًا بقول كده والله ياكريم .. ربنا يفرح قلبك كمان وكمان ويديم عليك نعمة الفرحة بالحاجات الصغيرة ^ـــــــــــ^

Do3aa El_attar يقول...

كل سنة وانت طيب ياكريم :)

ويارب تكون بخير ^^

Unknown يقول...

وجهة نظر رائعه ياكيمو