غدا عرض ورشة بره الصندوق فى الفن ميدان فى تمام الخامسة إن شاء الله
تنورونا وتشرفونا وهاتوا معاكوا هدايا وورد كتير بقى وحركات من دي :D
فى فيديو للعرض فى البوست السابق وفى لينك للإيفنت كمان :)
***
صديقي المدهش يغادر غدا من مطار القاهرة
للأسف الشديد يعني كل شىء بينتهي
ولذلك فأنا حزين لفراقك يا صديقي
بس الأيام تتعوض سواء هنا أو فى السعودية أو فى اليمن
يوماً ما سنلتقي
كنت سعيد بصحبتك وبرغبتك فى ممارسة مهنة ( التباع )
وكنت سعيد أيضا بخروجتنا للدور السادس :D
كنت سعيد أيضا بوجودي معك وبصحبتك وبالصور الكتير :)))
وأكثر ما أسعدني تفاؤلك الشديد وتبسيطك للأمور .
***
فى وسط البروفات وفى وسط صاحبي مدهش وكتاب نقطة النور وكتب تانية محتاج أخلصها و كورس المحاسبة وندوات وسينما وحفلات وكتابة فى المدونة وناس بتتكلم بإنتظام فى الفيس مفيش وقت أكل فيه أو أنام بمزاج أتمني من المولي سبحانه وتعالي ان يرزقني بعزلة قوية جدا أعرف أنام فيها لحد ما أرتاح وبعدها بقى تبقى ترجع كل الزحمة دي , شوية بحس إن الزحمة جوايا أنا والصوت عالي جوايا وفى أحيان أخري بحس إن صوت الزحمة بيغطي علي كل صوت تاني جوايا , فى ناس بتقول الزحمة دفا , أو إحتواء للإنسان مهما كان , أنا من الناس دول , الزحام بيحتوي كل البشر مهما كانت إختلافاتهم بيتحولوا الحشد وبتحس أحيانا فى وسطهم بالألفة , طبعا فى ناس بتخاف , لكن من شوية وأنا فى الشارع فكرت هو أنا ممكن أخاف أمشي فى الشارع , ضحكت فجأة بصوت عالى وحلفت فى اليوم دا لأكسر بطاقتي :D
***
شاب فقري
هناك 4 تعليقات:
إزيك يا بايظ
عملت إيه فى دورة المحاسبة ؟؟؟؟
مبروووووووووك على العرض المسرحي .. كنت عايزة اشوفه إمبارح بس النت كان وحش جدًا لدرجة وحشة فمش عرفت أشوف حاجة :(
بس هفضل وراه لغاية مااشوفه ولغاية مااشوفه مبروووووك ^ـــ^
وعلى فكرة الزحمة من جوانا إحنا مش من الناس اللي حوالينا .. لأن كتير بيكون برانا زحمة وجوانا فاضي
دمت بخير وسعادة وفرح ونجاح وزحمة :)
الدورة شغالة يا ازهري والحياة نعناع ورايح بكره
بس يارب اعرف انام كويس النهارده
لانى بروح ببقى عايز اولع فى المحاضر
بس فى حاجات لازم تتعمل وخطط لازم تتحط
مهما كان الاتجاه لازم تعمل لنفسك قاعدة قوية تقدر تسندك لو بقية الخطط فشلت :)
واحشني يا صديقي
الله يبارك فيكي يا دعاء :)
دي حاجة بسيطة ولسه اللى جاي فيه شغل أكثر علواً وسمواً
الزحمة بتريح احيانا
نفسي انقل المفهوم دا للناس
بس الصراحة وبيني وبينك
عايز احتفظ بيه لنفسي
بعض الافكار والنظريات بنوصلها بنحب نطمع فيها لروحنا احنا وبس
ومش مهم اى حد تاني
ومش مهم اى شخص اخر يفهم
المهم اننا نعيش بافكارنا دي سعدا
دي منهم بقى :)
يارب دايما فرحانة ومبسوطة
ويارب انتقل فعلا من نجاح لاخر
:)
لاني داخل ورشة مسرح تاني :) :) :)
فقري
إرسال تعليق