الثلاثاء، 2 أبريل 2013

جهاد موسي فى ذمة الله


الله يرحمك يا جهاد

مش عارف أبتدي منين 

جهاد بنت من المنصورة مدونة وبتحلم ببكره ودايما بتقول يارب

متدينة و دايما مبتسمة وعندها طاقة أمل وشحنة من التفاؤل والفرح غير عادية

جهاد ماتت إمبارح الساعة واحدة الضهر فى جامعة المنصورة بسبب عربية صدمتها مرتين ..

أنا من إمبارح بحاول أكتب عنها أو عن الحادثة أو عن أي حاجة 

لكن للأسف دايما بفشل 

لا أملك إلا الدعاء لها بالرحمة والمغفرة 

وربنا عدالته أقوي بكتير من عدالة أهل الأرض 

عندي يقين إنك فى دار حق وإن ربنا هيرضيكي بعدالته ويرحمك لأنه أهل الرحمة .

أنا مكنتش ناوي أكتب لكن للأسف بعد نشر صور الحادث والجنازة حسيت إن لها حق عالأقل حد كان يعرفها من بعيد يكتب عنها ولو دعوة بالرحمة ويقول للناس تدعي لها .

 شاب فقري

هناك تعليقان (2):

افكار مبعثرة يقول...

يارب ارحمها و اغفر لها و ادخلها فسيح جناته يارب

Do3aa El_attar يقول...

أنا كمان حاولت أكتب عنها بس مقدرتش رغم إن هي أكتر حاجة مسيطرة عليا وسايبة جوايا حزن عميق مااعتقدش إنه هيختفي دلوقتي...

أنا للأسف مكنتش أعرف جهاد إلا بعد ما ماتت بس من ساعة ما عرفتها وهي مش راضية تروح من بالي .. حاسة إني أعرفها من زمن .. خلاتني افكر في حاجات كتيرة واحس إن الدنيا مش مستاهلة أبدًا

ربنا يرحمك ياجهاد .. وربنا يصبر أهلك وكل اللي عرفوكي