الجمعة، 19 أبريل، 2013

إختبار

عارف يارب 
أنا كنت عارف إن الإختبارات هتبقي صعبة أوي 
بس مكنتش متخيل إن يظهر لي حد من المفيش واللى معرفوش ويقولي الكلام دا 
ولا كنت متخيل إني يبقى رد فعلي كدا 
أنا قلت لاء النهارده مرتين وإنته اللى شفت وسمعت 
يارب إنت اللى عالم باللي بيجري وعارف إن ال قولة ال (لاء ) فى المرتين وجعت أوي 
بس كله عشانك 
يارب أنا نجحت فى الإختبار 
شكرا لأنك قوتني 
يارب الإختبارات بتزداد صعوبة 
وحاجات مش متوقعها ولا متخيلها 
يارب الإختبارات دي بتسيب ألم ووجع 
يارب أنا عارف 
أنا عارف إن الأحسن لي يبقي إسمي القاتل بدون قتل من إني أبقى قاتل خفي 
يارب أنا مبسوط لأنك بتخليني أشوف أكتر 
يارب أنا تعبان 
وبفكر أبعد عن كل حاجة فترة طويلة أوي 
يارب ممكن تبعتلي حد يقولي أي حاجة ؟
إن شاء الله يكح ويمشي 
يارب إختباراتك صعبة أوي 
وأنا تعبان أوي 
يارب إنت الوحيد اللى عالم أنا محتاج إيه ..
ممكن تساعدني لأن طلب المساعدة من غيرك مينفعش 
يارب 
***

شاب فقري

هناك تعليقان (2):

doaa elattar يقول...

رغم إن ما ينفعش أعلق على البوست ده لأنه حديث بينك وبين ربنا وكده هكون حشرية أوي .. بس عايزة أقول حاجة

"يارب الإختبارات بتزداد صعوبة"

عارف .. ربنا مش بيحطنا في اختبار غير لما يكون عارف إننا هنقدر نتحمله .. الاختبارات معناها "حب" حتى لو كانت صعبة فافتكر إن ده لأن ربنا بيحبك :)

وافتكر كمان " لا يكلف الله نفسًا إلا وسعها"

مادام حطك في الاختبار .. يبقى إنت قدها .. ولازم تنجح فيه :)

كن بخير ^ــ^

شاب فقرى يقول...

أنا سعيد بالكومنت دا بشكل يفوق الوصف ومش عارف ليه مش بتكتبي الفترة دي بس هحاول متدخلش فى الموضوع هنبهك بس إني بروح المدونة ومش بلاقى حاجة

طبعا مش تطفل ولا حشرية بالعكس طبعا
طبعا شفتي أمنيتي فى نهاية البوست لو حتي حد ييجي عندي ويكح حتي
مش ينطق حتي

يمكن ربنا بيطهرني من كل حاجة بعد ما حسيت إني سددت كل ديوني

انا راضي طبعا وبقول الحمد لله
وبفكر فى الموضوع كدا
برغم صعوبة الاختبارات الا انها بتخليني اشوف شىء فى نفسي يمكن مش شفته قبل كدا او بحاول أغض البصر عنه

هنجح ومازالت بحارب وبنجح فى الاختبارات

إدعيلي إنتي بس

وكوني بخير يا عزيزتي

:)

ومتقطعيش الزيارات كدا تاني

:)
شاب فقري