الأربعاء، 23 يناير 2013

بمناسبة عيد ميلادي



بمناسبة عيد ميلادي ...

بمناسبة حياة بتتبني وبمجهود يتضمن (( تعب ووقت وفلوس وإرهاق وسهر وبرده وضلمة ووحدة ))


بمناسبة عمر عندي رغبة أعيشه وعندي أمل فى الحياة

بمناسبة إني بعلن فى لحظة زي دي عن إني سامحت وبشكل كامل وكلي ومن جميع النواحي كل الناس اللى وجعوني فى حياتي بأي شكل كان وإني أصدرت رسالة من العفو والصفح عن الجميع بلا أي إستثناء

بمناسبة والدتي اللى بتتصل بيا من أودتها بليل عشان أروح أقعد معاها ولسه بتحبني وبتدعي لي

بمناسبة إني حاليا لوحدي تماماً وكلية وبدون أى تواجد لأي حد فى حياتي وسنجل بشكل كامل

هقول (( كل سنة وأنا طيب وإنتوا كمان ))

وطبعا ليا طقوس خاصة فى يوم عيد ميلادي

شغل التورتة والحفلات دا مبياكلش معايه

أنا من المؤمنين بإن الحاجات الصغيرة والعبيطة والبسيطة ممكن تخليك أسعد إنسان فى الكون

متجبليش تورتة , هاتلي سندوتش شوكلاته نوتيلا أو مولتو شوكلاته لو مش فاضي وأنا هبقى مبسوط
متجبليش هدية كفاية رؤية حضرتك وإحساسي بإن فى حد مهتم بيا فى الوجود دا وبيقدر إني عايش وبيستغل كل لحظة أنا عايش فيها عشان يكون معايه ويسعدني ويقدرني
متجبليش ورد  , كفاية إبتسامة صادقة من القلب أو نظرة فى النوت بوك وإنته بتقرا حاجة حلوة كتبتها عشاني
متجبليش علبة فيها هدية بتنور وبتعمل صوت والحاجات دي , كفاية ترسم رسمة توصف بيها بتحس بإيه بقلم رصاص قديم أو بقلم جاف هربان من مقررات الدراسة
مش لازم أي شىء غير إنك تشغل موسيقي بحبها أو تفكرني بيها أو تغنيها أو تقولي إني كائن مهم فى هذى الحياة

بيقولوا إني بعرف أجيب هدايا بسيطة أوي أوي أوي بتخلي الناس مبسوطة والمفروض فى عيد ميلادي أجيب للناس اللى بحبهم هدايا ووالله العظيم هيحصل حتي لو هشيلها فى الدرج بتاعي :)

هستني اللى فاهميني بس يفهموا الصدفة الرائعة فى إن يوم عيد ميلادي يوم خميس

مش كدا وبس

لا دا خميس ببني فيه حياتي ومستقبلي

طبقا لطقوسي فأنا هكون فاتح كل الأبواب  وكل التليفونات وكل السكك بكل شكل ممكن

مفيش طلب هيترد بكلمة لاء

مفيش حد مش هيتسامح

مفيش حد هيطلب حاجة وهيتقال له لاء

كل الطلبات مجابة
من كل وأي شخص
وتسامح صادق ومن القلب
:)

مش عارف أعمل إيه تاني

بس مهما كان كريم هوا كريم والناس هما الناس

كريم دايما عبيط

وأنا سعيد بذلك :D

حد يقولي وصلت كام سنة ؟

هيكون ردي الوحيد : أنا سعيد إنك سألت السؤال دا :D

كرمللة :)


هناك 6 تعليقات:

P A S H A يقول...

كل سنة وأنت دايماً طيب وبخير وكريم وعقبال ميت سنة :)
بالنسبة للهدية سموك .. مممممم .. وبما إنك بتحب الحاجات الغريبة فممكن أقدم لك نظارة بلاستيك خضرا من اللي بيبقى فيهم مروحتين على الجناب وألزوق لك على العدستين بتاعتهم قلبين لونهم أحمر ونكتب على كل عدسة أول حرف من اسامينا K و SH
ونشغل أغنية تعالى نلضم اسامينا ونرقص سلو واحنا بنضرب حوواشي :))

شاب فقرى يقول...

حبيبي يا شررررررررررررررررررررررريف

هات لي يا حاج سندوتشين شاورمة الله يبارك لك


انا بطلت ارقص سلو

بقيت بشرب وبسكر بس :P :P :P
ههههههههههههههههههههههههههه

وانته طيب ياراجل يا طيب

وشكرا عالنضارة

هستناها :D

واهم حاجة المراوح :)

شاب فقرى يقول...

حبيبي يا شررررررررررررررررررررررريف

هات لي يا حاج سندوتشين شاورمة الله يبارك لك


انا بطلت ارقص سلو

بقيت بشرب وبسكر بس :P :P :P
ههههههههههههههههههههههههههه

وانته طيب ياراجل يا طيب

وشكرا عالنضارة

هستناها :D

واهم حاجة المراوح :)

حبات التوت يقول...

:) كل سنة وانتة بخير وطيب (مع انى شاكة انك طيب اصلا :)) )
يارب تحقق كل اللى فى باللك وكل اللى يحلاللك وكل اللى يسعد قلبك وروحك

اما عن هديتك خد منى دى فرقة حلوة بتغنى اغنية روعة http://www.youtube.com/watch?v=NSGEps7Wcr8

شاب فقرى يقول...

ويلا

:)


مش عارف اقولك ايه


شعر عنترة إبن شداد مرة واحدة :D


طيب مخدتيش بالك فى بوست افتتاح المدونة انى جيبت سيرته ؟؟؟

ونشرته هدية :D

الهدية بتدينك

مطلوب كمان واحدة :$

آه وربنا :)

فقري بقى :D

ولا اقولك

مشيها كريم بما انى مبسوط بجنون توداي او هذى اللحظة تحديدا :)

:)

افكار مبعثرة يقول...

كل سنة وانت طيب و ربنا يسعد ايامك
جايبة معايا هدية ايس كريم بالشوكولاته و البندق و شوية مكسرات ع الوش :)
تحياتي