الثلاثاء، 15 يناير، 2013

مبروك يا صديقي الأزهري

وصلنا نحن سمو حضرة جلالة عظمة فخامتي نبأ سار جدا فى مخطوط من طرق الملكة فاتيما
قال إيه يا ولاد أسامة الأزهري خطب 
وفجأة توقف الزمن وأنا تنحت فى الفراغ 
ياعيني يابني :D
لا حول ولا قوة إلا بالله :P
أنا صحيح كنت بدعي عليك 
بس مش عمري قلت يحصلك كدا 
لا إله إلا الله :D
سيخسر محاربو نون النسوة وستخسر افريقيا والعالم كله رجلا عظيما كان دايما مطلع عينينا جميعا 
ثورجي كبير 
بطل أكبر 
محترم أكتر 
شخصية عارفة ربنا 
نتكلم بجد شوية بقى 
أزهري خطب يا ولاد 
أزهري من الناس اللي بتشرف بصداقتهم 
يعني أزهري مش معرفة 
ولا واحد بقوله سلام عليكم كل لقاء وأشوفه بعدها بسنة ونص :D
أزهري صديق 
والشخص الوحيد اللى وقف جنبي وسندني لما الدنيا كلها خذلتني 
والشخص اللى قواني ومتخلاش عني برده لما وقعت وقعد يشجع فيا 
الشخص اللى شجع عنادي يعاند الحياة وخلاني انجح فى شغلي 
صديقي الأزهري 
صديقي أسامة 
أنا فخور بمعرفتي بيك (( دي حاجة طبعا إنته عارفها )) وألف مليار ( من أبو تسع تصفار دا )تريليون ( معرفش جنبه كام صفر بس هما كتير ) ترنيار ( دا رقم جديد من إختراعي ) مبررررررررررررررررررررررررررررررررررررررررررروك 


أنا سعيد بإنك قررت تتأهل وسعيد بإنك هتسبقني وهشمت فيك يا واد والله :D
:P :P :P
الزمن بيمر وإحنا بنجري فى كل إتجاه وبنحاول بمليون شكل 
بس ولله الحمد ربنا كرمك وقدرت تتحرك يا صديقي وتخطب وتاكل جاتوه وتشرب شربات
عقبالي قادر يا كريم لما أقدر أنا كمان 
مش أخطب 
لاء
 أبسلوتلي :D
أكل جاتوه  واشرب شربات فقط :D :D

ولذلك 
وجب الشماته فيك 
وللعلم أنا لسه مخدتش الجاتوه وناوي نية سودا لما أشوفك 
الجاتوه قبل أي حاجة يا حاج 
:D

ألف مليون مبروك يا حاج 
وعقبال الحبايب 
وعقبالي لما ألاقي بنت الحلال
والحمد لله علي نعمة السنجل يا ولدي :D
اللى بيتبطر عالنعمة بتزول :P
وبما اننا قريبين من سن بعض 
فألحق قبل ما الزمن يسرقني والقطر يفوتني :D
 هختتم البوست بقي قبل ما أقلبها دندرة :D

مبروك لصديقي أسامة الأزهري 
ولأختي الطيبة جدا جارة القمر ( مي )
بارك الله فيكما وبارك عليكما وجمع بينكما فى خير 
هدعيلكم لأن من الواضح والظاهر إني رجعت مستجاب الدعوة من تاني :D
أنا سعيد جداااااااااااااا فوق الوصف والخيال بالخبر دا 
ولن أتنازل عن نصيبي فى التورتة 
دورين عالأقل من كل طرف 
:D
الطمع حلو فى الامور اللي زي دي 
ولا أنا بروح عند دكتور السنان وأصلح سناني عشان تيجي تديني حتة جاتوه :D
عيب عليكم 
:D
مش عارف أقول إيه تاني 
بس بجد أنا مبسوط بيكم وبحبكم فى الله وربنا يجمع بينكم في خير ويتمم بخير 
أخوكم طبعا دائما وأبدا
كريم عبد القادر 


كنت هنشر اخبار حلوة اوى عني وعن مستقبلي
بس لاحقا بقى 
لما نفرح باسامة الاول 
 :D
 

هناك 12 تعليقًا:

الازهرى يقول...

مهما قلت
صعب أوفيك حقك

تسلم لى يا صاحبى

فاتيما يقول...

كلك ذوق يا كريم
وعقبااااااااالك
ان شاء الله
:)

شاب فقرى يقول...

والله العظيم مبسوط لك من قبل وفوق الوصف بجد

ربنا يسعدك يا صديقي

بجد ومن قلبي :)

شاب فقرى يقول...

جلالة الملكة
منورة :)

بعد الشر عليا سموك

لن يحدث :D

أنا أخدت مكان أزهري فى السنجلة والعزوبية :D


عقبال يوسف يارب
وربنا يخلينا علي بالك كدا وتفتكرينا بالخير دايما وتجمعينا فى الخير دايما

Amira Yusuf يقول...

كلاكيت اجين :D

الف الف مبروك :)))

جارة القمر يقول...

الله يبارك فيك يا كريم

ربنا يكرمك يارب و يرزقك من حيث لا تحتسب

و يرزقك الزووووجة الصالحه عن قريب يارب

sun of free dom يقول...

الف مبروووك ليه....

غير معرف يقول...

ماذا فعلوا بعينيك يا يوسف جزء من قصيدة لبورخيس
مينفعش تكتبه كده وخلاص

شاب فقرى يقول...

جارة القمر

مبروك يا عروسة :)

ربنا يستر عليا :D

لا الحمد لله انا مش ناوي وممتنع عن الزواج إلي أجل غير مسمي إن شاء الله :)

ربنا يبارك لكم ويجمع بينكم فى خير يارب :)

شاب فقرى يقول...

أميرة يوسف :)


الله يبارك فيكي يارب :)


شاب فقرى يقول...

sun of freedom

أبدا

زي ما قلت فى البوست كدا فى خطوبة

والعريس أعز أصدقائي إن لم يكن صديقي الوحيد

منورة طبعا :)

فقري

شاب فقرى يقول...

غير معرف :D


أنا حر يابابا

أكتبها مطرح ما أحب

هوا بورخيس إشتكي لك يا حاجة :D

يا ساتر يارب

:P


وبرده مش هكملها :D

:D