الأحد، 4 نوفمبر، 2012

صفعة وصرخة


 هوا إيه اللي حصل
إزاي وأنا ماشي فجأة يحصل كدا ؟؟؟
طيب إزاي وأنا بعيد عن الكون كله فجأة يطلع لي دا من تحت الأرض وكأنه بيسحبني بعيد

من غير قانون هتبقى إيه ؟؟؟
هتبقى فكرة مستمرة عبر الزمن والفكرة محدش يقدر يوجعها ولا حد يقدر يكسرها ولا حد يقدر يقتلها
إزااااااااااااااااااااااااااااااااي

أنا منسيتش لما قالي إن دايما فى طريق
إيميليا بوند أكبر دليل وخير إثبات
ولكن ...
إيميليا لسه مقابلتهاش
يبقي انا بعمل إيه هنا ؟؟؟
أنا مع مين أو فين ؟؟؟
فكر فى اللحظة دي وبس
طيب وبعدين ؟؟؟
هما بيقولوا إن كلنا ملايكة وكلنا شياطين
ويت لحظة.. دا كلام مين ؟؟؟
دا كلام ليلي تورناي , بس ليلي تجربتها فشلت وإنتهت
يبقي تعرف تمشي إزاي ...
وتعلن بصراحة إن Laila Exprement Is Officially Over
 وتتصرف بقي
مش هتتحرق دلوقتى لكن فى لحظة الإنطلاق هتتحرق عشان تعلي فوق أوي زي الصاروخ

هوا انا قلت إيه ؟؟؟
فى حاجات بتاخد إستعداد سنين ويمكن ساعات ويمكن أيام عشان لحظة واحدة
والممتع هوا الإستعداد مش الحدث نفسه
لأنه بالتجريد فالحدث لا معني له
لكن ............
كهربااااااااا
إبعدي
هحرقك
طيب
قرار
فكرة
حركة

هما كلهم بيتخانقوا جوايا ليه ؟؟؟

محدش يقدر يتخطي قانوني
ملوش إستثناءات

إلا هوا
وأنا خايف يتحرك
أو يصحي
أو يفكر
أو يتمرد
لأن انا محدد له ميعاد
بس هوا دايما بيتحرك فى وقت غير الوقت
لأنه متمرد

هعمل إيه ؟؟؟

اللي يبهرك ...

صدق مين قال إن ما لا تعرفه لن يجرحك

إنته منين ؟
انا من الجحيم ويمكن السبب فى إشتعال النيران هناك


كلمتها .... فى مرة

قالت : أنا بدور علي نور ولو لقيته جواك هتشد لك اوي
قلت : متتعبيش نفسك
قالت : ليه ؟
قلت : عشان مفيش جوايا غير النار
قالت : مفيش حد إلا وجواه نور
قلت : انا الإستثناء الوحيد للقاعدة دي , ولأي قاعدة أو قانون ليكي فى حياتك , متدويش ومش تتعبي نفسك ومش تدوري ومش تتكلمي معايه ولا تعرفيني تاني

وسكتت وبعدين قلت سلام وقفلت

 فى لحظة هتيجي , هيتغير من بعدها التاريخ
بفتكر كلامهم : كل اللى مكتوب لي هشوفه
برد بقسوة  هقرا نصيبي
بتجنن وبقول بعدها : يمكن أكتب لي حاجة تاني أشوفها
بفتكر كلامها قبل ما تبتدي ترسم لي اللى طلبته منها وأنا بكلمها
i'm the master of my faith and the captain of my soul
وبعدين بترسم اللى حاسه وبتقولي بتمني يكون عندي واحد علي مليون من خيالك عشان مقعدش كل مرة أقولك أرسم إيه وأدور على فكرة وتفاصيل منك أرسمها عالورق
بقولها : My gift is my curse
وبسكت

بعدها بشوية

بكسر حاجز الزمان
ومن بعدي فليأتي الطوفان 




نفسي أملك الكون كله دقيقة واحدة بس
أصرخ فيها من قلبي
وبعدها فليأتي الطوفان

***
-عامل إيه ؟؟؟
- أنا كويس
- دلوقتى ؟
- أيوا كويس
- وقبل كدا ؟
- كويس
- وبعد كدا
- كويس
- دا بجد ؟
- آه , هوا ممكن انا عمري كله يفوت كدا وأنا عشته كويس ؟؟؟ زي السمكة اللي إتخلقت جوا صندوق زجاجي ؟
- مستحيل تكون منهم ..
***
كل دي عيون
وكل دول ناس ؟؟؟
هوا النيل مش هيفضي ؟؟؟ يمكن لما يفضي النيل إنته تبطل تقابل الناس دول
***
 تعرف إيه اللى يكسر ضهر أي مخلوق ؟؟؟ من الديناصور للنملة ؟؟
 القشة
ممكن يبقي يوم متعب جدا وإيدك تتعور كتير أوي أوي أوي
ويبقي فى مخلوقات كريهة حواليك طول اليوم
ويبقى فى أغبيا كتير بيحاولوا يفهموا الحاجات اللي مستحيل تتفهم
ويحاولوا يفسروا كل حاجة
ولكنك قوي ومن فولاذ ومن أقوي أهل الأرض
ولكن
تفضل تعافر وتحارب طول اليوم
مش عشان تبقى مبسوط لاء عشان تعيش
وفى الاخر
ممكن عيل صغير عنده أربع سنين لما يشدك من شعرك ويضربك تبقى عايز تجري وتروح تقول لأقرب الناس ليك زي طفل صغير إنضرب فى الحضانة وتعيط فى حضن الناس دول وتقولهم الواد دا ضربني و ساعتها بس هتبقى كويس

أهوه دا اللي حصل
بالرغم من إن العيل الصغير دا أكتر طفل فى الدنيا خلاني نفسي يبقى عندي أطفال وخلاني نفسي أعيش وحبيته أوي
بس ضربته وصفعته كانت زي القشة
***
مليش نفس أكمل كتابة

رايح أنهار علي جنب
وأبقي ىجي أكمله وقت تاني ...
أكيد هكمله
من كتر ما بفكر
آآآآآآآآآآآىه لو عقلي يبطل تفكير دقيقة واحدة أغمض عيني فيها وأحلم بمكاني المقدس فى الضلمة وسط الهدوء والضلمة والسكون المريح والأمان الرهيب اللي بيسيطر علي كل شىء فى نطاق قبور الناس اللى بنحبهم

تصبحوا علي خير
مش فاضي أنسق أم البوست

فقري


ليست هناك تعليقات: