السبت، 28 يوليو 2012

فكرة وعجباني وقرار

صاحبي : هوا تعمد ولا كسل ولا فى حاجة منعاك ؟
أنا : أكيد كسل شديد ومبقتش فى اى حاجة بتمنعني خلاص
صاحبي : طيب تمام يبقى تصلي
أنا : بكسل وبتكسف من إني أقف قدام ربنا وانا لسه طافى سجارة أو عامل غلط
صاحبي : دى نقرة ودي نقرة ,وبعدين الصلاة لوحدها هتخليك متغلطش بس حاول
أنا : والكسل ؟
صاحبي : كسل مين يا حاج إنته بتنزل تجيب سجاير الفجر وبتروح تجيب علبة بطاطس من كوك دور فى ساعة عشان نفسك فيها وتروح تاكلها فى البلكونة , أنا عارف جنانك محدش هيقولي عليه
أنا : فكرة ,,, طيب يلا بقى ,
(وهنا فكرت وأخدت قرار فى لحظة واثق إن قرارها هيدوم )
صاحبي : أيوا كدا ... حسسني إنى إخوانجي
أنا : ههههههههههه إنته آخرك تبيع سبح :D

فقري

هناك 5 تعليقات:

غير معرف يقول...

اة هو دة اللى بنتكلم علية الكيل بمكيالين تعيش بوشين وبشخصيتين الازدواجية يعنى دة جانب ودة جانب دى نقرة ودى نقرة ياريت كل واحد يعيش بشخصية واحدة ويخلية فيها ويبطل يوعظ غيرة ولا علشان رمضان الوعظ مباح يلا بئا

شاب فقرى يقول...

مش معنى انك بتعمل اى غلط زي انك تدخن مثلا دا يمنعك انك تصلى لان الصلاة صلة بين العبد وربه
وانا مبوعطش حد على فكرة
والبوست ملوش أى علاقة برمضان
والمدونة اسمها يوميات شاب فقري
يعنى بسجل فيها يوميات وافكار
فلو مش اتفهم المعنى دا وانا عاملها ليه
يبقى ياريت متقريش بقى وتريحي نفسك من انك تتعبى وتعملى كومنت بقى وتيجى تقري البوست كله والحاجات المرهقة دى
وبعدين وشين إيه وإزدواجية إيه
ناقص تتهميني بالإمبريالية والعنجهية الرأسمالية .
ياريت التعليق يبقى فى إطار المكتوب مش فى اطار عملية تحليلية خيالية فى عقل حضرتك
بدل المرة الجاية ما تلاقي رد ميعجبكيش ...
رمضان كريم
وكل سنة وإنتى طيبة
وخدي بالك المرة الجاية
:)
شاب فقري

غير معرف يقول...

دة انتة ناقص تخدنى المين على وشى انتى متحبش الراى الاخر هو انا اعرفك علشان اتهمك دة مجرد راى والله انا ماعرفك اصلا علشان ترد عليا كدة وبعدين ميهمنيش رايك اصلا

شاب فقرى يقول...

أمال داخله تحلليني نفسيا على اساس ايه طالما مش عارفانى

بعد كدا قولي فى حدود معرفتك بقى

اتكلمي فى نطاقها مش تقولى حاجة مش تعرفيها

منورة ويشرفنى تعليقك
واهلا وسهلا بيكي فى اى وقت

تحياتي
شاب فقري

غير معرف يقول...

بطااطس فيرسكس مش كان اسمها كده برده ؟