الخميس، 28 يونيو 2012

البرهان ببساطة


ملحوظة : البوست كتبته عالموبايل الأول ونقلته هنا فمش من الطبيعي إنك تفهمه أصلا ... لو فهمت يبقى ليك جايزة


ظلمت نفسى كتير أوي بس أكيد مش أكتر ما الناس اللى بحبهم أو بعزهم أو اللى بهتم بيهم ظلموني

ربنا سبحانه وتعالي له عدالة وأنا عن نفسي راضى بيها منتهي الرضا بس اللى بيوجعني منها إنها بتكون قاسية أوي على أى حد ظلمني أو جرحني فى حاجة .

الناس مبتظهرش على حقيقتها غير لما بتيجي تمشي والغريب إن كله زي بعضه

طز فى كل شىء

* * * * * * * * * * سوري بس السطر دا مينفعش يتنشر هنا

لما كان بيحصلي الموقف اللى شفته النهارده دا زمان كنت بروح وأعيط , كنت عبيط للأسف , ومازلت لأن الشخص اللى حصله صعب عليا أوي بس مكانش فى إيدي أى حاجة أعملها

كل ما بتوجع من الدنيا بتأكد إنى لسه طفل صغير وإن سنين العمر دى مجرد عداد أهبل ملوش  لزمة


قالي : أنا عملت كل دا بإسم ربنا ولربنا ولخدمة ربنا
رديت عليه : إنته ربنا مش إستخدمك , إنته اللى إستخدمته لأنك مفهمتوش وعملت حاجات غلط وظلمت ناس ووجعت ناس لأنك مجرد مش محدد رأي ومش فاهم ومش عارف ومش بتشوف برغم كل النظر اللى بتشوف بيه, والبصيرة اللى وهبهالك وعقلك اللى محروم منه ناس كتير

سامحتك , i forgive you

صحيح : ********************** دا كمان مينفعش يتنشر .

مبرووووووووووووووووووووك الف مليون مبروك .

ودا ببساطة كان مجرد البرهان الخاص بالفكرة اللى هتتحول وتبقى واقع .

من أروع القصص اللى قريتها فى حياتي قصة كتبتها أختي فى مرة عن موقف مريت بيه مليون مرة وتقريبا كان إسمها لا تكسروا أحلامي , واللى عرفته بعد مدة من قرايتى للقصة إن فى ناس بتقدر تكسر ناس بكل سهولة .

********* للأسف كمان سطر مينفعش يتنشر

أنا عندي حالة ملل وزهقان وتعبان وحالتي الصحية والنفسية صفر ولذلك كلمت ربنا وقلت له كل حاجة ووعدته إني مش هبطل أدعيله تاني مهما حصل .

كتبت صفحة كمان وهعلقها ورا الباب .
شاب فقري

هناك 8 تعليقات:

وحدانيه يقول...

الناس مبتظهرش على حقيقتها غير لما بتيجي تمشي والغريب إن كله زي بعضه

فعلا غريبه !! والاغرب انهم كلهم زى بعض وحشين؟ ليه الشر بينتشر اكتر من الطيبه؟ وليه سلسلة الظلم؟

تحياتى

مروه زهران يقول...

إن فى ناس بتقدر تكسر ناس بكل سهولة .

فعلا صعبة ومؤلمة جدا
بس اللى بيصبرنا ان ربنا هيرجعلنا حقنا فى الدنيا أو الأخر
ثق فى رحمة وعدل ربنا

شاب فقرى يقول...

غير معرف

سؤال واحد بس
انتى مين ؟؟؟؟؟؟؟

وبعدين هرد عليكى الرد المناسب جدااااااا اللى ينفع لك :)

شاب فقرى يقول...

رد على غير معرف :

بناء على خبرتك ؟؟

هوا انته مين أصلا عشان تتكلمي معايه بالاسلوب دا

أنا ليا تلامذة كتير جداويمكن إنتى من التلامذة الفاشلين جدا :)

بصي يا أخت chemist

عرفت منين حكاية chemist دا موضوع كبير وملكيش دعوة بيه
لكن الخلاصة :

الإيمان بالله وبالذات حاجة لو كنتى ركزتى فى اى مرة سمعتيني فيها كنتى هتلاقيها موجودة تقريبا فى تسعة وتسعين فى المية من كلامي والواحد فى المية الباقى بيبقى أكيد تكملة للنقطة دى . كنتى هتفهمي دا من نظرتى للحياة وتعاملي مع الآخرين :)

عملت حلو او وحش دى حاجة تخصني أكيد
ومش تخص تعليقك ولا تخصك لا بكتير ولا بقليل

جوايا شىء حلو

شكرا ليكي

كل واحد ونظرته لنفسه وللحياة
فى ناس بتعتبر مشاعر البني آدم شىء مهم وأفكاره كذلك
ولو انتى بتشوفى دا تفاهات فحضرتك مش بتفكري
ممكن احساسك ميبقاش حقيقى انما الحاجات دى مش تفاهات لان كل حاجة فى الحياة مبنية عليها من اول نزولك من البيت لحد ما ترجعى تحطي راسك عالمخدة بليل

وشكرا على الكومنت وشكرا على الكلام اللى لا بيجيب ولا بيودي

تحياتى
كريم

شاب فقرى يقول...

وحدانية

:(

سنة الحياة التغيير
مسير الموضوع يتغير معانا ومعاهم

مع الحلوين والوحشين ومع الكل

مع القاسيين واللى مش مهتمين واللى بيقولوا اهى هتمشى وتعدي ويهتموا فى مرة بينا او يهتموا باللى جواهم او يقفوا يحاربوا قصاد اى حاجة

نورتي جدا واسعدني تعليقك
خالص التحية والتقدير والإحترام
شاب فقري

شاب فقرى يقول...

ميرو

ونعم بالله

إيمانى بربنا أكبر من أى شىء تاني فى الوجود

:)

شاب فقرى يقول...

غير معرف
داخلة تقولى لى استاذ فاشل ومتتوقعانى ارد اقولك ايه ؟؟؟
هوا دايما كدا بتشوفى كل حاجة بمزاجك ؟؟؟؟

وحدي الله كدا وافتكرى الكومنت بتاعك قبل ما تقولى ردك ومش ردك ودا اصلا مش مكان للكلام

انتى قلتى بالنص ( اقل من ان يقال عليه تفاهات )

يعنى جاية توصفى مشاعرك بتفاهات ماشى
انما مش تتكلمى عليا انا لان انا عارف بكتب ايه وبحس بايه

ومرة تانية دا مش مكان للكلام

يارب انتى كمان تبقى بخير ونورتى
وانتى حرة تعلقى تانى او متعلقيش
بس لو علقتى او اتواجدتى باى شكل
ياريت تحترمي الكلام وصاحبه عشان مش تلاقى رد مش يعجبك

صحيح
موضوع chemist دا عارفه من زماااااااااان اوى وعادى يعنى
:)
لا دورت ولا تعبت ولا اى حاجة :)

نورتى كالعادة
فقري

Sally Ahmed يقول...

:)) على فكرة انت شبهى وشبه ناس كتتير

بس ممكن لمؤاخدة يعنى القصه بتاعت اختك علشان شوقتنى جداا اقراها