الأربعاء، 25 أبريل 2012

طلاسم للحمقي فقط

تذكري بأن ...

إبتعدي فى كبرياء , إنسحبى من مدني فى عزة , إرفعي رأسك وأعلني أنك لستي لي , و أنك لم تعودي ها هنا , هيا  أخبريهم بمثاليتك , إضحكي معهم على حماقات العشاق و أخبريهم بأنك لم تعودي حمقاء , قفي فى صفوفهم , رددي آراءهم , إرفعي رايات عزتهم , إبتعدي قدر الإمكان ,
وتذكري
أن كبريائك صنعتيه من عشقى وولعي الشديد بك , و إنسحابك من مدني لم يكن إلا تحت سمعي وبصري ومسامحتى , وأن رأسك لم يقف عليها الطير إلا حين لمحتنى عيناك , و أنك لم تعودي ها هنا إلا لأني أفلتك , وأن مثاليتك لستي ترينها مثالية بداخلك , و أن حماقات العشاق كانت ذات يوم أفعالك اليومية , وأنك يا حمقاء كنتى ومازلتي لى الدنيا و كنت أعشق وجودك وصوتك وسكونك وهمسك وتلك الحماقة التى طالما وصفتنا نحن الإثنين بها , و أن وقوفك فى صفوفهم لن يزيدك إلا ضعفاً ؟؟ اتذكرين من وقف بجوارك يوما ليعلو بك عن الدنيا ؟؟ وليجعلك الأقوي وليجعلك ( أحسن بنت فى الدنيا ) , وأن راياتهم ليست إلا وجعا يرتسم على الوجه ليبدو إبتسامة لا يعرف مدى وجعها إلا أنا لأنها ترتسم على وجهى منذ غادرت , وأن بعدك لم يكن إلا لأننى أحببتك حتي صرتى أحب إلي من هذي الحياة
وتذكري فقط تذكري ( جملتي الشهيرة )
تذكري أنى أحبك لما ما بعد الممات وحتي تحترق النجوم



****

حديث العقلاء

هوا : أحببتك
هي : أحببتك وسأظل أحبك
هوا : تمسكي بي
هى : أبدا
هوا : أكبرياءك ؟
هي : ربما
هوا : أغرورك ؟
هي : من يدري
هوا : أهوا سعيك نحو الكمال ؟
هي : قد يكون
هوا : تمسكي بى ولا ترحلي
هى : أحبك حد الرحيل
هوا : يالحماقتك ؟؟ ما معني ما نطقتيه للتو ؟
هي : أحبك لدرجة أننى سأرحل عنك ؟
هوا : لمٌ ؟
هى : لأنى أنا ولست غيري
هوا : غرورك يعميك
هى : غباءك صور لك هذا
هوا : أنا غبى ؟
هي : ألم تعي من ردودي شيئا ؟؟؟
هوا : لا أريد أن أعي شيئاً طالما سيكون الشىء يحمل طابع الفراق
هي : إذن فلتصمت ولتدعني أرحل
هوا : ستندمي
هى : لا أندم أبدا
هوا : يوما ما ستتعلمين معنى الندم
هى : لا لن يحدث
هوا : إلى اللالقاء يا حبيبتى
هي : إلى رحيل يا عزيزي
وتركت قلبه مدمي وذهبت فى صمت وكبرياء .
تمت
***

كل يوم منذ رحيلك ...

كل يوم أستيقظ لأخبر وسادتي صباحك سكر وأفكر طوال اليوم حتى أعود لمنزلي فى الكلمات التى أريد كتابتها , كل يوم مساءا أجلس بجوار هاتفى لنتحدث فى صمت ويكتفي بالرد على كلماتي الصامتة ببعض الموت منه , من لا يعرفوا عن مدي عشقنا ( بما فيهم أنت ... لأنك لم تدركي كم أحبك بعد )  يستغربون كل أفعالي ,لم يفهموا بأني كل يوم أصنع هدية جديدة وأرسم لوحة رائعة , كل يوم أحادثك وكأنك ها هنا , أفكر فيك وأمارس طقوسي اليومية على ذكراك , حقا أفتقدك
وحشتيني ...
****
خط أحمر ملوش نهاية

وبيصحي تانى الحبر يكتب عالورق
ويرجع الشوق يشكى للنجوم والقمر
والعيون تنام بتبكي لأجل عطرك
اللى ما رضيتى يوم يزورنا
لأجل حبك
اللى ما ما مسك فى جدورنا
لأجل وجعك
اللى سبتيه ورحلتى
لأجل قلبى
اللى كل يوم بينتحر لأجل ما تعلي كمان
لأجل ما يسيبك تقسى
مرة تانية ومرة تانية ومرة تانية
عمري ما بنسي شىء
بس معاكي
نسيت حتى ترتيب الكلام
والعدد والحساب
نسيت الجراح
نسيت كل اللى إنكسر
لأجل ما إنتى تكوني إنتى
ومشيتي
ورحلتي
والآن
لازم أدوس على كرامتي ؟؟؟
آسف حبيبتي
المرة ديه
خط أحمر .
***

حكاية ملهاش نهاية

كنت زمان بسمع عن حكاية التلاتة اللى كل واحد فيهم طريق مختلف , حلم من أحلام حياتى إنى أقدر أكمل الحكاية دى للآخر أو إنى أسمعها قبل ما أنام , كل ما بفكر فى الحكايات لازم تيجى على بالي , مش لاقى حد يألف معايه ولا لاقى حد يهتم باللى نفسي فيه , تلات سكك وتلاتة وكل واحد فى طريق مختلف , ياترى هلاقى بقيت الحكاية فين أو هسمعها من مين ؟؟؟
معادش فارق ....
لأنى حالياً...
لا بعرف ولا بكلم حد ...
نهائى 
وصلت للمرحلة اللى بيسموها العزلة التامة ...
ولهذا : يارب اوعدك أول ما رجلى تخف وأعرف أتحرك بدون ألم , همشى مشوار من بتوع زمان 

شاب فقري

ملحوظة : البوست دا تجميعة لمجموعة بوستات تحت نفس الإحساس فى أقل من تلاتين دقيقة ...

هناك 4 تعليقات:

غير معرف يقول...

للحمقى فقط ؟؟

فوضى المشاعر دي متعبة و مرهقة نفسيا جدا ، اعاصير من كل المشاعر اللي ممكن تمر على الواحد و اللي كل احساس فيهم كفيل انه يستنفذ قواك كاملة ، و في ختام المعركة المشاعرية دي ، بتلاقي روحك خائرة القوى و مع ذلك لسه فيك طاقة تحس ، لساك عايش و بتحس

الوجع متجسد

مروه زهران يقول...

عجبنى أوى حديث العقلاء

شاب فقرى يقول...

غير معرف
الحمقى هم من يعشقون حتى الجنون
ويقدرون على فك طلاسم كلام غيرهم من الحمقى العشاق
لسا عايش وبحس
؟؟؟
لو ما أمر بيه إحساس ....
فأقدر أقول إن الإحساس ممكن يقتل فى اللحظة مليون مرة وتستمر فى الحياة برده كنوع من أنواع التنكيل بيك :(
أعرف آلامى جيدا وأدرك أن هذا لن ينتهي
هذا النوع من الوجع يصاحبك ما حييت
تحياتى يا غير معرف
فقرى

شاب فقرى يقول...

ميرو
:)
عقلاء جدا :(
تحياتى لوجودك ورأيك
وشرفنى جدا تواجدك :)
فقرى