الثلاثاء، 18 أكتوبر 2011

الأصل والتقليد

بما إن مفعول المسكن القوى لسه شغال وأنا لسه فايق فبالتالى هكمل كتابة ... هاف فن بالبوست الجديد

كل حاجة فى الدنيا فيها الأصل والتقليد حتى المشاعر والإيمان والحب وكل حاجة ... حتى فتاة الأحلام وحتى إحساسك بالطرف التانى وحتى ضحكة الطرف التانى أو حركته أو كلامها أو وهى بتتنهد أو بتضحك او بتهزر أو بتواسبك ... دايما فى الأصل وفى التقليد ...
الأصل بيكون حاجة طبيعية ومش مزيفة وبمعنى أصح بيحمل توقيع الخالق ذات نفسه ... وبالذات فى المشاعر وفى البراءة وفى الإبتسامة وفى كل حاجة ... كل حاجة بتحس إنها أصلية إنها مش مجرد إفتعال عشان تجذبك وتاخد منك حته ...
التقليد بيكون زى الأصل بالظبط مع الإختلاف ... إن الحركة بتبقى مقصودة لدرجة إن التزييف بيبان فى الإلتزام والموقف والكلام وحتى الآهات ...
أوووووووووووبس ... بدأ الصداع ولازم أقوم ويمكن أكمل البوست فى وقت تانى بس آخر جملة قبل ما دماغى تتفرتك ...
الأصل دايما بيكون إحساس حقيقى بيرعش قلبك زى جناح الفراشة وأحيانا بيزلزل مملكتك زى الزلزال ...
التقليد دايما بيكون مجرد تقليد وبينكشف واللى بيقلد بيلاقى نفسه فى الآخر لوحده أو فى حكاية لا تحمل سوى المعاناة ...
تحياتى وأراكم بعد الغدا والمسكن ... دا لو جاب نتيجة لأن قوى المفعول إنتهى ومش هينفع أجيب منه تانى لأنه قوى حبتين ... هروح أتغدى وأصدع وأشوفكم على خير لاحقا ... بوووووه مش هعيد الكلام ... بيس ناو
فقرى
ملحوظة : الحمد لله عالأصل اللى فى حياتى واللى مش تقليد ... واللى عرفنى إزاى أدعى .. الحمد لله ... دمتى لى :)

هناك 8 تعليقات:

sony2000 يقول...

ربنا يخليكوا لبعض
ويشفيك يارب

امين

شاب فقرى يقول...

سونى ...
إشطة وبيس
منورة
:)

شاب فقرى يقول...

غير معرف المتعرف والتعليق الغير منشور :)
هقولك حاجة واحدة بس
:P
حبيبتى أحلى من شعرى وأحلى من الحروف كمل
:)
إفتكرى بقى بقيت القصيدة لوحدك :P
الله يسلمك
خدى وقتك وأنا مستنى :P
كريم عبد القادر

rona ali يقول...

حلو اوى اوى الصداع عمل نتيجه حلوة

:):) انا دايما كنت بقول ان جميعآ نستطيع ان نكون نسخ مقلده ومتى سنصنع نسختنا بانفسنا

اعتقد انت كملتها بانك هتصنع نسختك حينما تجد الاخرين يقلدونك انت :)

تحياتى مستنيه باقي الموضوع

والف سلامه عليك وربنا يديم عليكم المحبه :):)

الجنوبى يقول...

بص يا حج

انا اول مرة اعدى من هنا ومش عارف ادعيلك ولا ادعى عليك


انت فعلا ضربتنى على دماغى



اى

شاب فقرى يقول...

الجنوبى
الضرب بيفوق
( حقيقة )

منور جدا ولازم تزورنا تانى
وتقول رايك فى الضرب بشكل مفصل يمكن أنضرب أنا كمان
:)
سلامتك
فقرى

شاب فقرى يقول...

رونا
كلامك كدا جه فى مكان مخالف
ولكنه قال حاجة انا بقولها دايما لنفسى

(( هخلقك حتى لو مش لقيتك ))
بفكر نفسى بالجملة دى
بس بقابل نسخ مقلدة اكتر مما تتخيلى
لو كتبت كل اسم فى صفحة محتاج سنة ونص عشان اخلص :$

بالنسبة للذات
ففى ناس كتير بتتأثر بأفكار أو صور أو مجالات أو أشخاص
أنا مش منهم والحمد لله
أنا نفسى
الأصل الوحيد :)
منورة
:)
وجدا
فقرى

Sally Ahmed يقول...

الف سلامة يا كريم .... يارب تكون احسن :)

بالنسبه للتقليد والمزيف وبيبان حتى طعم التقليد بيبان يبقى فى مرارة كدة وبتحسوه اصلها بتتحس

عجبيتى قووى (( هخلقك حتى لو مش لقيتك ))
سلامتك يا فقرى