الاثنين، 12 سبتمبر، 2011

حبك فى فنجان القهوة




ألم أخبرك من قبل بأن القهوة هى عشقى الدائم فى هذى الحياة وأنها إن كانت أنثى لأصبحت عبداً لها منذ زمان ؟؟ القهوة ذلك المشروب الرائع الذى يتعلم الكثير من أيدى من أعده واللذى يترك فيه كل معالم عشقه أو كرهه... تعالى معى أكتب لك كيف تصنعين فنجانا من القهوة من أجلى
***
أولا وقبل أى شىء قبل حتى أن تحضرى الماء اللازم للقهوة فلا تنسى أنها مشروب روحى وأنها من السهل عليها خداعك حتى تهلك نفسها على نار الموقد , فالقهوة من المشروبات الإنتحارية الطبع حادة المزاج وشديدة الحساسية أثناء إعدادها فهى لا تقل جنونا عن اللبن أثناء غليانه , الذى دوما يخدعك فما إن تضعيه على النار حتى يحدث أحد شيئين إما أن تتراكم على عقلك كل أفكار الدنيا فتنسى اللبن على النار أو تتركى اللبن لتنامى وفى كلتا الحالتين ينتحر اللبن على نار الموقد ولهذا وجب لى أن أحذرك من جنون القهوة أثناء إعدادها فهى كما قلت إنتحارية الطبع
لا يجب أن تنسى أن نار الموقد تساهم بشكل كامل فى عملية الصنع وإلا فلما نشرب القهوة ساخنه ؟؟؟ , والآن تخيرى إحدى عيون المشعل على الموقد وتأكدى أن نارها هادئة وقليلة ولا يمكن أن تحرق البن قبل أن تذيبه فى القهوة وتأكدى أيضا أنها النار اللازمة لأنها إما أن تكون مثل المشاكل العمرية التى نمر بها قد تدمرنا وتشوه شخصياتنا وتصنع منا وحوش لم يهبط مثلها على ظهر البسيطة أو كالمشاكل العمرية التى تبنينا رجالا وتدفعنا نحو الأخلاق والمبادىء والدين وتقوى شخصياتنا حتى نصبح فى قوة الفولاذ لذا حبيبتى لا تستهينى أبدا بنار الموقد على قهوتى
والآن فلنبدأ خطوات الإعداد :
أولا أحضرى ربع كوب من الماء وثلاثة ملاعق من السكر وملعقة صغيرة من البن
ثانيا : ماء القهوة هوا كل شىء فهوا كالعشيقة والحبيبة والزوجة فى ذات الوقت ففيه يذوب البن وتضيع حباته فى الكوب وينسجم معه فى ذات الكوب ليصبحا شيئا واحدا جميلا ولذلك فلا تعامليه بقسوة وأذيبى فيه ثلاثة ملاعق سكر , ألم أخبرك من قبل بأننى من عشاق السكر فى القهوة ؟؟؟ فهوا كعشقك والحياة فأحدهما دون الآخر لا يكتمل للمرء عمرا أبدا , حاولى أن تقلبى السكر بهدوء فى الكوب حتى الذوبان التام ولا تتركى ذرة واحدة من السكر فى القاع فهى كالمشكلات فى عشقنا إذا تراكمت ستقضى علينا وتفرقنا ولذلك قلبى فى هدوء جيدا ولا تتركى أحد المشكلات عالقة فى قاع قلبك , أذيبى السكر ولا تفكرى إلا فى قلبى بين يديك لا تشغلى بالك بأى مشكلات فيكفى ما فى الحياة من مشكلات مرت علي حبيبك وتركته على هذا الحال الذى لا يقوى فيه على أن يعد لنفسه كوب من القهوة , دعى عشقك ينساب من بين أصابعك ليذوب مع السكر فى قهوتى ولا تشغلى بالك بشىء فعشقك فى قلبى ساكنا ما حييت
ثالثا :بعد أن تذيبى السكر جيدا فى الماء لا تنسى أن ترفعى الكوب وتأخذى منه رشفة لينتقل عبيرك ورحيق شفتيك إلى قهوتى ليجتمع فيها كل ما عشقته منك حتى الآن
رابعا : تناولى البن وتناولى ملعقة صغيرة وحمليها بكل ما يمكن من البن , أدرى أنها ستبدو كالجبل الصغير ولكن لابد أن يكون هنالك الكثير والكثير من البن , إنثريها على وجه الكوب وإنتظرى حتى تمتصها المياه تماما ثم إبدئى التقليب فى رقة وهدوء فالبن كالليالى الوحيدة التى قضيتها من دونك , حاولى أن تذيبيه فى قهوتى حتى يذكرنى كيف أحبك ومدى صعوبة نسيانك , حاولى أن تجعلى لتلك الليالى معنى وهى تذوب فى قهوتى
خامسا : بعد أن يذوب البن تماما فى سائل القهوة قومى بوضع الكوب على النار ولا تحركى ساكنا , صفى ذهنك , ركزى على كل ذكرياتنا الجميلة , تذكرى كيف كنا معا منذ الصبا , فكرى كيف تقابلنا ومتى كانت أول نظرة عشق لعيناك , تذكرى المرة الأولى التى قلت لك فيها ( هتوحشينى ) هل تذكرى المرة الأولى ؟؟؟ حين قلت لك ( هتوحشينى ليوم التلات ) ؟؟ فكرى فى تلك المرة وتذكرى يوم الثلاثاء , تذكرى المرة الأولى التى رأيتى فيها كلمة ( أحبك ) فى عيناى , تذكرى المرة الأولى التى نطقتها فيها وتذكرى كيف تركتى المكان بعدها بلحظات ومسرعة وكأنك تهمين بإخبار الدنيا كلها بأن هنالك من تمتلكيه منها ولك أنتى فقط , تذكرى متى قلت لك ( سنموت عشقا ), تذكرى كل تلك الليالى التى قضيتيها من دونى , أذيبى شوقك بعيناك فى كوب قهوتى , فالنار التى تعد القهوة وتصنعها ما هى إلا كشوقك , ولا تنسى أن تذيبى غيرتك الدائمة على , أدرك أنكى لستى ككل الناسء والغيرة لا معنى لها عندك ولكنك تشعرين بها حين تفكرين فى وتخافين على أن تخطفنى أى أنثى أخرى من بين يديكى , تخافين دوما من المستحيل حتى يصبح هاجسا على الرغم من أنه مستحيل , أذيبى كل الشوق والعشق والغيرة , إنقلى نار شوقك إلى قهوتى , عودى لذكرياتك الآن وتذكرى أننى أعشقك وأننى ملكاً لك وحدك دون نساء العالمين وحاولى ألا تفوح رائحة إحتراق البن فيكفى ما مر بقلبى من آلام الحرق من الأخريات قبل أن أعرفك ومن الليالى فى إنتظارك ومن عمرى من دونك .

سادسا : إرفعى الكوب من على النار قبل الفوران ... حركيه بيدك فى هدوء ثم صبيه بكل صبر وهدوء فى فنجانى... لا تصبى بعصبية أو بقلق فيكفى ما فى القلب من قلق وما مر به حتى اليوم ... وضعى بجوار الفنجان قطعتين من الشوكولاته فلا يوجد ما هوا أروع من أن يجتمع قطع الشوكولاته مع قهوتى ساعة الغروب
سابعا : إنقلى الفنجان إلى شرفتنا , مازلت أنتظرك بالروب الكاروهات وقت الغروب ولم أبدأ فى حكايتى لأحفادنا بعد ومازال الكرسى الهزاز فى إنتظارك .
ثامنا : أحبك ... وحتى نهاية الأيام .
كريم فقرى
ملحوظة : كتب هذا البوست على أنغام ( أنا بعشق البحر ) لمحمد منير

هناك 14 تعليقًا:

mira@ يقول...

مش لاقيه كلام يوصف اد ايه انا عشت معاها بكل جوارحي
بيني وبينك انا لما بلاقي حاجه طويله مش بقرأها
بس دي !!!
انا انسجمت معاها من اول كلمه لاخر كلمه
تصدق حببتني في القهوه
وفعلا دي اروع ما قرأتلك
نايس وورك يا كريم

mira@ يقول...

وبعد اذنك هشيرها

غير معرف يقول...

انت احيانا لما بتكتب بتبــــــــــــــدع .. معرفتش مردش
لانه مميز ومن بعيد مشوفتش ليك بوست دماااغ كده

شاب فقرى يقول...

أميرة
شكرا لرأيك بجد :)
ربنا يحفظك ويعزك
ويارب دايما تعجبك الكتابات فى المدونة ودايما كدا بتقولى رايك وتحسسينى انى عملت حاجة
اى خدمة
وطبعا تقدرى تشيريها
وأهوه عشان الناس تتعلم تعمل قهوة :D
نورتى جدا
فقرى

شاب فقرى يقول...

غير معرف
مش عارف مين
بس منور واهلا وسهلا بيك
وشكرا لرأيك
فقرى

صحيح : الدماغ على طول موجودة
بس الإحساس هوا اللى كان بيغيب لإنه كان إحساس كاذب
والآن وصلت لحقايق وأحاسيس حقيقية
فلازم تحس إنه حلو أوى كدا
:)
تحياتى لرأيك
فقرى برده

Lady E يقول...

ايه الجمال ده كله

ده احلى كلام قرأته عن القهوة والحب والحياة من فترة

مع اني على عكسك بشرب القهوة والشاي باردين وكمان لما ببقى مضطرة اني اشربهم بس وصفك للقهوة خلاني احس برائحة القهوة في الجو وطعم الحب كمان

عجبتني جدا تشبيهاتك للقهوة وبجد حسيت اني بقرأ لكاتب من كتاب زمان اللي كانوا بيكتبوا بأرواحهم وقلوبهم هي اللي بتتكلم مش حروفهم بس

sony2000 يقول...

ياااااااعممممم

انتا كدا هيتقر عليك وربنااااا:))

بجد بجد
ربي يخليكوا لبعض يارب

امين

غير معرف يقول...

ده حقيقى الاحساس الصادق هو اللى يخليك تكتب بصدق و تبدع كده
والاعتراف بعدم صدق اى احساس قبـــــــــله ده فى حد ذاته ابداااع برده
الصراحة فاجئتنى


بالتوفيق فقرى .. اه واللهى يا باشا بالتوفيق :)

غير معرف يقول...

بالمناسبة تعرف مين ليه اصلا .. وانت كده كده عارف :)

شاب فقرى يقول...

سونى
الله يحفظك
بلاش قلق هنا ...
انا مبخافش من الحاجات دى
ربنا قال إن الله لا يضيع أجر من أحسن عملا
فمش تتوقعى ابدا ان عشان نظرة حد ممكن حاجة تتلف او تبوظ فى حين ان ربنا راضى عنك

ما دام هناك في السماء من سيحميني...
فليس هنا في الأرض من سيكسرني....

بس كدا
اول مرة ارد عليكى اصلا الرد دا كله
بلاش قلق بقى :)
بيس

شاب فقرى يقول...

Lady E
بقالى زمان مش شفت لك تعليقات عندى
بس فرحت والله لما لقيتك معلقة عندى أو رجعتى تقرى هنا من تانى
قهوة بالشوكليت مش قهوة بس :)

بجد كلامك فرحنى وأسعدنى جدا
:)

نورتى جدا وتوقعى المزيد والمزيد قريبا جدا
وآخر جملة كتبتيها بجد أسعدتنى جدا :)

خالص التحية والتقدير والإحترام :)
كريم فقرى

شاب فقرى يقول...

غير معرف
مش عارف الصراحة حتى الآن مين برده
بس أهلا وسهلا بحضرتك وتقدر تقرالى فى اى وقت وتعلق كمان ... نورت يا سيدى


إممممممم
الإعتراف بصدق الإحساس ... وصدق الإحساس الحالى ... وصدق السابق .... وكدب الناس
بيتهيألى مش هقدر أفهم حضرتك
تقدر تكتفى بجمال الكلمات والبوست وتسيبك من حياتى الشخصية
لأنى مش هقدر أفهمها لحضرتك
:)
بس كفاية انى اقولك ان الحب يعنى إتنين بيدوا ... مش إيد بتبنى وستميت تيت تيت يهدوا
الحب يعنى براح فى قلب العاشقين للمعشوقين
يعنى لازم يكون فى طرفين
لو فى طرف كداب او فيه عيب جوهرى ولا يعتمد عليه يعنى مشاعره مش حقيقية
فى الحالة دى مبعتبرهاش قصة حب أصلا لأنها بتبقى مش كدا بالفعل
الحب يعنى إتنين مش واحد بس
لو واحد فيهم كداب يبقى مفيش لا حب ولا قصة ولا حياة ولا عمر مر أصلا
فهمت يا باشمهندس ؟؟؟

نورت ودمت بكل ود وأتمنى أشوف تعليقاتك تانى
فقرى

Sally Ahmed يقول...

ايه دة هوون ايه دة كلو بجد ماشاء الله تحفه تصورك لادق التفاصيل دة راائع ومش كدة وبس بتحلو كل حاجة الى حاجة حلوة قووى :))

انا قرايت قصه القمر الاول :)) فتقريبا منير قصر جاامد الاتنين بجد تحفه :))

Ahmed demo يقول...

روعه :D