الأربعاء، 24 أغسطس 2011

قمر مخنوق


حزين ولا أعرف السبب الحقيقى ولا أعرف على ماذا الحزن ولا ما يستحق الحزن حقا ... أشعر أن الصورة ينقصها الكثير من الأشياء ... ولكن .. أحاول أن أمنع عن نفسى المعرفة مجرد المعرفة ... أنتظر رسالة تطمئننى على حالها ولكن لا يصل شىء ... يقطع الصمت صوت رنين الهاتف ... أحاول أن أقسو قدر المستطاع ولكن .. لا أستطيع أن أمنع نفسى من الرد والإطمئنان عليها
هى : إلحق يا كريم
أنا : فى إيه ؟؟؟
هى : القمر مخنوق أوى ... هوا أنته زعلان منى للدرجة دى ؟؟؟
أنا : ما يمكن أنا مستنى تصالحينى
هى : ما أنا بسألك عشان أصالحك بقى
أنا : طيب صالحينى بقى
هى : الله ... هوا أنا مش صالحتك أهوه ... ولا هوا هتسمع صوتى وإنته مزعلنى وفاكر إنى أنا اللى مزعلاك كدا ولسه مستنى أصالحك ؟؟
أنا : ....
هى : خلاص بقى .. الله
أنا : خلاص
شاب فقرى

هناك 14 تعليقًا:

candy يقول...

حوار رائع :)

هو دا الحب الحقيقى
بيلتهم أى شىء فى سبيل المصالحة والحب

ولا يتشدق بمعانى الكرامة والكبرياء

بل يغرقها فى البراءة والتلقائية

kmhmhgfd يقول...

بحس ساعات انها مش تستاهل
وبقول تانية يمكن لو عرفتها صح وفهمتها صح مكنتش زعلت
ولا كان القمر بات مخنووق

غير معرف يقول...

:)

sony2000 يقول...

ربنا معاك يارب

زهرة يقول...

واقعيه .. بس جواها معانى كتير حلوة لكل واحد مستنى بس مجرد يسمع صوت التانى علشات يصفى من جواه

بحييك :)

بنت قلبى يقول...

بغض النظر عن الا فى البوست
انا جايه اسلم عليك يا كريم
واقلك كل سنه وانت طيب

شاب فقرى يقول...

candy

الاهم من وجهة نظرى الانسان يعرف يتصرف صح وهوا غلطان يقدر يتحرك ويصالح او يتصرف بشكل ميزودش الجرح
وكمان يقدر يتعامل مع كرامته بشكل مش يمنعه انه يصالح او يسامح
:)
واجمل ما فى الدنيا البراءة والتلقائية لانها بتحمل الحقيقة بين طياتها ومفيش اجمل من الحقيقة والصدق لانها هى اللى بتدوم
تحياتى
نورتينى واتمنى تزورينى دوما
فقرى

شاب فقرى يقول...

zay maTigy
ومين اللى قال انى مش عرفتها صح ؟؟؟
ومين قال انى مش فهمتها صح ؟؟؟
يمكن دا اللى خلانى أقبل أصالحها أصلا :)
تحياتى لوجودك
فقرى

شاب فقرى يقول...

غير معرف
إبتسامتك تعنى لى الكثير جدا
:)
إبتسامة الرضا من شخص قرأ وفضل أن يسعد من كتب ولو بإبتسامة
وربما تسعدنى لأسباب أخرى لا يعلمها إلا أنا :)
فقرى

شاب فقرى يقول...

سونى
يارب ياختى يارب

شاب فقرى يقول...

زهرة
:)
ياريت دايما الواحد يقدر يشوف المعانى الحلوة فى الحياة :) حتى لو فى وسط ألف شىء وحش
تحياتى :)
فقرى

شاب فقرى يقول...

بغض النظر عن طول غيابك
إلا إن ليكى وحشة
ربنا يفرحك ويديم سعادتك ويعوضك عن كل كرب ويسمعنى عنك أخبار حلوة دايما
:)
وكل سنة وإنتى طيبة يارب وبألف خير :)
فقرى

شاب فقرى يقول...

غير معرف اللى تعليقها مش إتنشر
بنتظر دخولك وتعليقك طبعا
وانا بحاول اكتب بسرعة لدرجة انى بنزل جزأين الفرق بين نزولهم إتناشر ساعة
ولا إيه ؟؟؟
الجزأين القادمين قربوا أوى
بس للأسف أنا بكتب فى حالات معينة
لما أحس بس باللى بكتبه
عشان اللى قدامى يقدر يحسه ويفهمه
دا اللى بحتاجه فعلا واللى بعمله فعلا
بالنسبة لموقف امانى فانا هترك رايى وتعليقى للجزء الاخير لان شخصيتها بالنسبة لى كبيرة ومهمة سواء كملهمة او سواء كبطلة قصة
فى كل الاحوال صدقينى مهما كان الظلم اللى واقع علينا فى امل او احتمال ضعيف اننا نتحرك ونتصرف صح
او عالاقل نرتب اولوياتنا فى الحياة
الموضوع سهل وبسيط خالص فى ارض الفكر
لكن فى ارض الواقع
احنا محتاجين بس ناخد قرار ونتعامل من خلاله ونثبت على موقفنا
بس عشان خاطر تواجدك وتعليقك هتلاقينى بحاول أقرب الأجزاء وأكتب ومش أقلقك على البطلة
تحياتى وشكرا جدا لزيارتك

بالنسبة للخطوبة
افتكرى قلت لك ايه
قلت لك المهم نعرف اولوياتنا ونرتب افكارنا وغير كدا كمان ناخد قرار قوى جدا
يعنى لو المهم بالنسبة لك الحب يبقى تفسخيها لانك مش بتحبيه
لو المهم بالنسبة لك الاستقرار وراجل وامان يبقى تكملى لو هوا فيه المواصفات اللى تمنحك كل دا
لو بيحبك فكرى
لو مش هتندمى عليه يبقى افسخى وان شاء الله ربنا يوفقك ويحفطك وتعرفى تاخدى قرار
وبلاش فكرة ان الانسان ممكن يموت نفسه دى
لانها فى حد ذاتها فكرة مجنونة لا تستحق الفعل فعلا حتى التفكير لا تستحقه والسبب لأنى من عشاق الحياة
تحياتى
فقرى

Sally Ahmed يقول...

:)))

كدة القمر فاهم صحابوه