الأربعاء، 2 مارس 2011

لن أعيش فى بلوفر شفيق


أحمد شفيق بعد الثورة يتحدث عنها ويتمنى لمصر مستقبل أفضل وفى حديثه يشير إلى الثورة بأنها ثورتنا ...
ثورتكوا منين يا عم أحمد ؟؟؟
جبت الكلام دا منين ؟؟؟؟
ولا نسيت فى الأيام الأولى للثورة طلعت لنا عالتلفزيون ببلوفر جميل وقلت هذه ليست ثورة ولا يمكن إعتبارها هكذا ؟؟؟
وبعدين هى حكومتك خلاص إستنفذت كل طرق التواصل مع الشعب مبقاش ناقص غير الفيس بوك ؟؟؟
يعنى مكاتب إستقبال شكاوى المواطنين ضد الفساد وحليت مشكلة المصريين فى طرابلس وجبت حق اللى إستشهدوا فى المظاهرات
خلاص قدرت تحل كل مشاكل البلد فقلت تلبس البلوفر وتطلع فى فيديو لصفحة الحكومة عالفيس بوك؟؟؟؟
الفيديو دا بيفكرنى ب فيديو الدكتور الفاضل المحترم أحمد فتحى سرور بعد إنشاء صفحة محبيه عالفيس بوك قبل الثورة بكام يوم وإنضم لها حوالى متين وخمسين مشترك
أبسط ما يقال عن الفيديوهين أنهم مهزلة ....
ورجاء إعتبره وطنى أو شخصى أو مهلبية حتى : إرحل بحكومتك بالفاسدين اللى بتحميهم
وياريت الفيديو الجاى تطلع لنا كدا ومعاك الراجل اللى واقف ورا عمر سليمان وبتعلن فيه إستقالة الحكومة


*****
***
وهنا فى هذا الفيديو فى جمعة التطهير أحد المواطنين المصريين بيعبر عن رأيه ...
نازل ليه ؟؟
وليه بيطالب بإسقاط الحكومة ؟؟؟
وليه شارك فى الثورة ؟؟
وليه لسه بينزل وبيشارك فيها ؟؟؟
نموذج مشرف للمواطن المصرى الواعى



ومازالت الثورة مستمرة حتى تحقيق بقيت المطالب
وحتى يتم الله نعمته علينا ...
تحيا مصر
تحيا ثورتنا
شاب فقرى

هناك 5 تعليقات:

إيمان هلال يقول...

شفيق حاجه تيجى كده

KING TOOOT يقول...

من شب على شيء شاب عليه
هو كان وزير في حكومة نظيف و كان طول الوقت في صف النظام
أنا ضحكت قوي على موضوع ثورتنا دي
دا فاكر نفسه مع الثورة
KING TOOOT

الازهرى يقول...

طيب إيه رأيك فى جلباب بابا شفيق بدلا من البلوفر ؟

قلم رصاص يقول...

تم
حووووووووول
:)

غير معرف يقول...

انا عارفة انك robn99متظلمنيش بنتقابل صدفة كالعادة من غير ترتيب متظلمنيش تانى