الجمعة، 11 فبراير 2011

تحيا مصر وتحيا الثورة

مش عارف أقولكم إيه .....
مبروك علينا ... مبروك لثورتنا
أبطالنا اللى إستشهدوا .... الناس اللى بيتت فى الشوارع ... الناس اللى خرجت وقالت لاء .... الشباب اللى مخافش من الموت ومخافش من الإعتقال والحبس ..... شباب مصر الرجالة بجد
إن شاء الله ثورتنا وكفاحنا دا يكون نور لغيرنا .... يكون دافع لكل الشعوب العربية إنها تتحرك وتقول لاء لظلم الحكام ولاء للفساد
جوايا كلام كتير أوى بس مش هقدر أكمله .... عندى مشوار مهم ... للأسف سيبت الميدان الصبح وراجع له دلوقتى أحتفل مع كل المصريين برحيل وتنحى الظاغية ....
ألف مبروووووووووووووووووووك لمصر
الصورة دى أنا بعتز بيها جدا من يوم 25 يناير وبزى الأمن المركزى :D
بعد ما إتضربنا بالطوب والقنابل المسيلة للدموع وإتبهدلنا ....
الحمد لك يارب
الحمد لك إن تعبنا وشهداءنا ودم أهلنا مراحش هدر ....
غدا تشرق شمس الحرية

مبروك تانى وتحياتى لكم جميعا
مش هقول شمتان فى اللى قالولى مش هتغير حاجة أو فى اللى إتريقوا على الثورة وعلى دم اللى ماتوا فيها .... اليوم ننسى كل شىء ... اليوم كلنا مصريين
فلتحيا مصر
شاب فقرى


هناك 14 تعليقًا:

قلم رصاص يقول...

ألف مبروووووووووووك ياكريم علينا جميعا

وتحيا مصر والمصريين

^^

Humman being يقول...

مبرووووووووووووووك ألف مبرووووووووووك
مصر كانت تستاهل الحرية دى من زمان بس الحمد لله كل شىء بأوان
الحمد لله

الحياة الطيبة يقول...

لقد أشرقت شمس الحرية الآن ولم تنتظر غداً ألف مبروك لشعب مصر المنظم والراقي صاحب الإرادة القوية ’حفظ الله مصر ,الدنيا كلها فرحت من فرحتكم ومبروك على ورد الجناين الجنة ,تحياتي .

GigiWorld يقول...

الف مليوووووووووووووون مبروك علينا كلنا
بحبك يامصر وياعشق مصر




ياه على عشقك يامصر

فى شعب بيحب بلده قدنا



بحباااااااااااااااااااااااااااك
جيجي والعالم

صدى الصمت - عاشقة الورد - يقول...

الحقيقة أنا مش هأكذب وأركب الموجة زى بعض الناس وهأقولك بكل صراحة إن أنا كنت من يومين بس بأقول كفاية لحد كدة وإرجعوا بيوتكم ونصبر شوية ونشوف الحكومة الجديدة هتعمل إية
لكن إكتشفت إمبارح بعد خطاب الرئيس الأخير إن لولا وقفتكم لغايت النهاردة ماكانش ممكن حاجة هتتغير وماكنانش ممكن يتنحى غير بعد الضغط الشديد عليه
فعلاً عندك حق اليوم كلنا مصريين وكلنا عشنا نفس اللحظة وكلنا هنتنفس هواء جديد وحياة جديدة
تحيا مصر وربنا يعدى الأيام الجاية على خير ومايحصلش عدوان على حدودنا يفسد الإحتفالات العظيمة دى
تحياتى

غير معرف يقول...

مبروك مرتين على مصروالثورة ...وعلى الجواز مبروك................وداعا

موناليزا يقول...

مبروووك لمصر:)

همسات وبحــ الحياه ــر يقول...

مبرووووووووووووووووك يااحفاد احمد عرابى

shoshta_ joker يقول...

السلام عليكم.........

مبرررررررووووووووووك مبررررررررررروك ياراجالة مصر مبرووووووووووك يالى رفعتوا رسنا مبروووووووووو ك
وربنا يكمل فرحتنا ع خير يارب


الحمدلله دم الشهدا مرحش هدر...

وشوفت بقى انك مش فقر زى ما كنت فاكر
مش نزلت معاهم والحمدلله نصرتونا ههههه

دومت بخير
فى رعاية الله.
shemo

شمس النهار يقول...

الف الف الف مبروووووووووك

KEBLAWYAT يقول...

الف مبروووووك

الحمد لله

الوردة السوداء يقول...

الحمد لله الذي هدانا لحظات استنشاق الحرية على أرض كانت من بعيد الأمد بصيص نور وستبقى ن كادت تفقد ذاتها إلا ان الله اهداها شبابا لم لم تعلم لهم مثيلا من قبل...

وكفانا لحظات سعادة بداية صنع التاريخ...

مبرــــــروك علينا كلنا :)

R-H-S يقول...

ليك حق ياعم تلبس الخوذه بتاعته العسكري اللي قتلته ههههه
مبروك ياكيمو

Eman يقول...

طُوبَى لكُمْ يَا رِجَالْ
فليشهَدِ التارِيخُ أننـّا
عُدْنـَا (:

تحيّة مِنَ الصّميمْ