الأحد، 5 ديسمبر، 2010

ما بين الحماقة والجنون



قريت جملة من شوية بتتكلم عن إن التفكير فى الماضى هوا حماقة وجنون وهوا مثل طحن الطحين ونشر النشارة وإخراج الموتى من قبورهم

مش هقول مستغرب ولا شىء غير طبيعى ولكن ببساطة هسأل إيه هوا الماضى ؟؟؟
الماضى هوا مجموعة من التجارب الحياتية والذكريات لأحداث عشناها و أشخاص تعاملنا معهم بالفعل وقد نكون فشلنا فى التعامل وقد نكون حققنا نجاح وقد نكون ظلمنا أو إتظلمنا ...
ياترى ليه الأمم بتهتم بالتاريخ وبالتوثيق ؟؟؟ مش ههتم بالإجابة لكن هقول إن الماضى هوا سلسلة من الأحداث فى حياة كل شخص وبما إن الوطن والأرض ليها ماضى فالشىء الأكثر قدسية منهم وهوا حياة الإنسان أهم بكتير وحياتك الشخصية كبعض التجارب العاطفية أو الحياتيه أهم إنك تفكر فيها ... طبعا الجملة المذكورة فوق للناس اللى بتنبش الماضى وتقعد تعيط جمبه مش للناس اللى بتقدر تبص وتحقق وتجمع ملاحظات وتفكر غلطت فى إيه وتتعلم من اللى فات ..أقدر أقولك ببساطة إفتكر حدث واحد بس فى تاريخك ودقق فيه كويس أوى أوى أوى أوى
وسيبه وإفتكره بعدها بكام يوم ... هتلاقى فى كل مرة من المرات فى عبرة أساسية وعبرات فرعية ... فى درس أساسى فى الحدث ودرس فرعى وملايين من التفاصيل ويمكن تلاقى إحساس فقدته من سنين
حتى الآن لا أذكر حادث فى الماضى منعنى عن التقدم فى حياتى وإنى أكون أحسن ... يمكن بعض الأحداث بتأثر علينا شوية يمكن ... ولكن ؟؟؟ هل دا يمنع إننا نتعلم منها عشان منكررهاش عالأقل ... نبص لها ونحقق وندقق فيها عشان منقعش فى نفس الغلظ تانى ونشرب من نفس الكاس أو عالأقل نمنع نفسنا من إننا نحسس حد بحاجة فيكرهنا عشانها ؟؟؟
مش هقدر أقول كل الأسباب اللى تخلى البنى آدم يفكر فى الماضى لأنى ببساطة إنسان لا يمكن إنى أري الشىء بشكل كامل أبدا ... لأن الكمال لله وحده .. ولكن هقول جملة واحدة بس
الماضى هوا معلم لا يمكن أن تتناسى دروسه حتى لا تتكرر أخطاءك مرة أخرى ولا يمكن أن تهينه ..لانك بهذا الشكل لن تدرك الفائدة من تجاربك وسنين العمر
تحياتى
شاب فقرى

هناك 6 تعليقات:

شمس النهار يقول...

اللي مايفتكرش الماضي مش هيعرف يعيش الحاضر صح
ولا هيقدر يبني مستقبل

هيكرر نفس الاخطاء
الشخصيه الحاليه هي نتاج ماضي بكل مافيه من احداث

بس مش معني ان ماننساش الماضي اننا نقعد نهري وننكد في نفسنا

نفتكر منه اللي يدفعنا الي الامام وننسي منه الاخطاء بعد ماناخد منها العبره والعظه والتجربه

ومش موفقاك علي ان الحاجه اللي حصلت كان ممكن انت من غيرها تكون احسن
علشان ربنا بيقدر لنا الاحسن
ولما يتقدم بك العمر هتعرف ان ده كان انسب شئ ليك

وعلي راي الاخ عمرو دياب مابالاش نتكلم في الماضي
:))

طالبة مقهورة ..درجة أولى يقول...

الذكريات السعيدة قد تجعلك حيا والتعيسة قد تقتلك

وساعات الذكريات اللي كنا بنتضايق منها نفرح بسببها

والحاجات اللي كانت بتفرحنا تزعلنا

دايرة الذكريات كبيييييييرة وواسعة..مينفعش تحكم عليها حكم عام لأن نظرتك للذكرى هيا اللي بيترتب عليها الرياكشن بتاعك..

حد زيك بيشوف الجانب الحلو في الماضي مش هيضايقوا الذكرى اوي زي حد بيتأثر بأقل حاجة ممكن توجعه

الموضوع نسبي ..

المملكة البيضاء لأمة اقرأ يقول...

في اعتقادي أن التاريخ يعيد نفسه لذلك ندور في فلك الماضي ونحن في الحاضر

حنين يقول...

السلام عليكم
حبيت امر على اخوانى واخواتى
واقولهم كل عام وانتم بخير
وعام هجرى سعيد علينا جميعا
حفظكم الله ورعاكم
تحياتى

اعقل مجنونه يقول...

ربنا خلق لنا الذاكره علشان كل لما نتقدم لقدام نقف شويه ونبص فى الماضى علشان نتعلم من تجربنا اللى فاتت لو النظر للماضى حماقه يبقى الذاكره مش ليه اى لازمه ام لو جنون فتأكد ان قمة العبقريه هى انك تكون جزء من الجنون

موضوع جميل....
تقبل مرورى

غير معرف يقول...

وأنا على اعتاب حياة جديدة.. ستاخذنى من كل ما مضى لاحياها فقط ..املك اعترافا اراه عبثا او جنونا لكنه اكبر حقيقة هربت منها..سامحنى ان قلت انك اصغر سنا وايضا اقل حكمة من ان تدركها ستكون مجرد تعليق تتباهى به امام نفسك التى مازلت تحت سطوة غرورك..وامام بطلات قصصك الكثيرة التى ارهقت قلبى كثيرا..

لا اعرف حتى الان ما هذا السر الذى جعلنى اسيرة لكلماتك حتى احتلت مكانا فى حياتى اكبر مما يجب..كلماتك ولست انت...نعم هناك فرق لا اعرف ايضا كيف استطاع قلبى ان يحدثه ليحيا القصة دون خسائر...نعم فقصتى كانت مع كلماتك
ظهرت بين ماضى اقوى من كل حاضر..وحاضر يجبرنى الان ان اكون له فقط واعترف انه يسعدنى..لكن بصمة وجودك فى عقلى وذاكرتى اجبرتنى على كتابة هذا الاعتراف لانه اصدق من ان يظل سجين ذاكرتى فقط..فهل تتسع ذاكرتك لان تتحمل معى هذا الاعتراف

اثق ان خيالك الان قد ملأه اسماء الكثيرات وقد اكون منهم واثق انك ايضا مهما استجمعت مما تملك من حس وعقل فلن تدرك وتشعر بما شعرت
كنت اتمنى الا تعاملنى بتلك الهمجية التى تتعامل بها عادة مع احداث حياتك الغامضةأو شخصيات يصعب عليها ان تفهمك..لكنك فعلت بحماقه لم تجرحنى بقدر ما ازعجتنى حاولت ان اتعامل معك بتلك الهمجية لكننى فشلت لاننى لست من تهدر مشاعرها فى حلبة الغرور

ما تعلمته..اننا نظن اننا نملك من الامر شيئا..لا والله لا نملك من امرنا شيئا والا ما كان.......

واتمنى ان تعلمك الحياة يوما هذا الدرس ان لم تعلمه لك كلماتى
ليس كل ما او من نفهمه عدو لنا

ليس كل ما ومن نفهمه صديق لنا