الخميس، 11 نوفمبر 2010

ثانيه وسنين


البوست التانى فى 11-11-2010

هل فعلا فى لحظات فى الحياة بتعوض عن عمر بحاله ؟؟؟
لحظة حب صادقة ... لحظة نجاح ... لحظة لعب ...ساعة عالبحر ... ساعة ماشى لوحدك وعالبحر برده ... ساعة فى يوم راكب فيه مركب مع البنت اللى بتحبها ... لحظة ما بتقدر تحقق حاجة فى الحياة ؟؟
لما بتتحكى قدامى قصة عن شخص مات فى سن صغير وقبل ما يموت قدر يحقق حاجات مهولة فى حياته ... بقول يا هلترى دا لو كان عاش أصلا كان هيعمل إيه تانى ... يعنى إنته حققت كل حاجة فى حياتك يمكن لو عشت أكتر من كدا هتوصل لمرحلة من الملل من كل شىء لأنك وصلت للجوهر فى المتعة فى حياتك سواء بالحب أو النجاح أو حتى الربح أو أى حاجة
أنا واثق إن فى فعلا لحظات لما بنشوفها أو بنحس بيها بتمر زى سنين أو عمر تانى ... بتحس فيها إنك حصلت على كل حاجة من الحياة
وبيبقى نفسك تقول للدنيا ... خلاص ...وربنا وربنا وربنا كمان مرة ما عايز منك حاجة ولا حتى شر يضيع اللحظة الحلوة دى أو طعمها فى أفكارى أو خيالى أو أى حاجة جوايا ... وبتتمنى بجد توقف الزمن واللحظة تستمر لنهاية الزمان ... هوا أنا مؤمن جدا بالنقطة دى بأن فى لحظات بتعوض سنين وسنين وسنين فى العمر ... وأحيانا بتداوى جراح بطول العمر كله ... غريب الإنسان دا فعلا ... زى ما فى حاجات بسيطة أوى بتجرح أوى فى حاجات كمان بسيطة أوى بتقدر تعوض كل حاجة وتظبط كل حاجة فى الحياة
يمكن لو فى شخص إعتنى بيك للحظة واحدة بس فى حياتك ... بتحس إنك لازم ترعاه ما تبقى من عمرك لأنه فى لحظة قدر يداوى جرح عمره سنين أو بطول العمر كله ...
شاب فقرى

هناك 7 تعليقات:

غير معرف يقول...

الله بوست جميل قوووووووووووووووووووى
فعلا عندك حق،انا لسه مستنيه اللحظه دى

صمت المشاعر يقول...

اه فعلا في لحظات بتعوضنا عن عمر واحزان كتيره عدت

طرحت افكار فعلا واقعيه وعجبتني حتة ان حد مات في سن صغير ولكنه حقق كل ما يتمني اكيد هيحس بملل اوي لانه خلاص هيعوز ايه تاني ولو استمرت حياته اكيد كان هيقابل مصاعب ومصاعب تموت حاجات كتير حققها



دمت بكل خير

غير معرف يقول...

عندك حق
بس لما اللحظه الحلوه دي تروح بنتووووووجع قوي
بقالك مده بتكتب حلو قوي
بتكتب بقلب ما عدابوست واحد
مبسوط انك مبسوط :)

dina يقول...

دا كلام سليييييم جدا
فعلاً فى لحظات فى حياتنا بالعمر كله,فى لحظات لو خلصت حياتنا بعدها يبقى فعلاً خدنا من الدنيا كل اللى احنا عايزينه
و لسا حنشوف لحظات من دى كتيير طول ما أحنا عايشين و لسا أجملها ماعيشناهوش
تحياتى

خواطر شابة يقول...

معك حق في ان هناك لحظات في العمر بالعمر كله لكن جماليتها في انها متكررة حلاوة الحياة تكون في انتظار وترقب هذه اللحظات وفي احساسنا دوما ان ماهو قادم سيكون أجمل
دمت بود

شاب فقرى يقول...

غير معرف الأول
:)
نورت جدا ويارب توصل للحظة دى
----------
صمت المشاعر
بس نسيت اقولك ان الحياة دايما تحمل لنا مفاجات
يعنى لو كان عاش وكمل حياته
كان هيبقى فى كلام تانى وامانى تانية واهداف تانية وحاجات تخليه يكمل
:)
بس فكرتى حتى الان صائبه لانه حقق كل حاجة ومات
دمتى بكل خير
ونورتى جدا
فقرى
===============
غير معرف التانى
شكرا ليك جدا
وربنا يديم سعادتك :)
وعلى فكرة
كل اللحظات الحلوة بتروح
==================
dina
ما هى بتبقى عاملة زى الإبرة فى كوم القش أو منجم الفحم جوا حياتنا
ياترى هتلاقيها إزاى
بتيجى فجاة وفى وقت غير متوقع وبعد بحث مضنى واوقات صعبة اوى وفترات طويلة جدا ومتباعدة
:)
تحياتى لوجودك :)
فقرى
=============
خواطر شابة
الأمل
أكثر المشاعر الإنسانية تهور وأكتر ما فيها يدعو للحياة بعد فقدان كل شىء :)
بحبه على فكرة :)
فقرى

Sally Ahmed يقول...

:)))