الخميس، 21 أكتوبر 2010

إلى غير معرف


دوما كنت أتعجب من كتابات يوسف السباعى وغيره من الكتاب حول وصف عالم المرأة والأحاسيس المرتبطة بها بل وأحيانا قصص العشق والحب التى كان يكتبها فارس الرومانسية وأسأل نفسى هل حقا تعرف يوسف السباعى كل هؤلاء السيدات ؟؟ هل عاش كل قصص الحب تلك ؟؟ هل كان بهذا الفجر والفجور الذى يصف به بطلات بعض القصص القصيرة ويصف أجسادهن كأنه كان بين أحضانهن بالأمس ؟؟ .. ولكنى قرأت قصة حياته وما كتبه عن حياته الخاصة فى كل كتبه فلاحظت أنه شخص منضبط وملتزم وليس لديه مجرد الوقت لهذه الهراءات أو للعبث مع فتيات الليل
هل ياترى يستحق من يكتب حرفا أن نلعنه أفظع اللعنات ونؤلمه لأنه فقط قرر أن يخرج بأفكاره إلى النور ويحاول أن يوصل إلينا فكرة ما ...أو إحساس ما أو وصف لشىء ربما جربه وربما رآه وربما حتى سمع عنه عن صديق عن صديق عن الفاعل الأصلى للموضوع والبطل للقصة .. يا هلترى هل يستحق كل من يكتب حرفا أن نصدر عليه حكما بأنه يتميز بصفات بطل القصة ..فمثلا تلك القصة المكتوبة بالأعلى إذا قرأتها للوهلة الأولى ستشعر وأنك جالس مع (( حماده البرنس )) شاب يتعاطى الحشيش ويضاجع كل يوم فتاة تختلف عن اليوم الذى يسبقه وأنه يوميا يحدث الفتيات ولا يعرف فى هذى الحياة سوى المخدرات والجنس كمتعا فى الحياة وأيضا كشىء لا يمكن التنازل عنه ولا نسيانه بسهولة ؟
ولكن هل يستحق الكاتب هذا الإسقاط ؟
ترى هل هوا هذا الداعر الفاسق الفاجر ؟
ترى هل هوا فعلا قد أدمن من قبل الحشيش وبعض أنواع المخدرات التى تصنف كجدول أول فى يومنا هذا ؟

هل ياترى ما نراه منه هوا مجرد قناع براق وشفاف ويخفى تحته إنسان فى غاية القبح والقذارة والفجور ؟؟
الرد والجواب :
إنته مال جنابك ؟
لماذا دوما يحاول بنو البشر بأن ينصبوا أنفسهم آلهة ويحكون على الناس من واقع أشياء لا يعون مقدار ما تحمله لصاحبها
ربما تحمل قصة كتلك عبرة أو موقف مر بى أو حتى تجربة حياتيه ... كل ما يمكن أن تهتم به هوا رأيك فيما كتب وفى الفكرة والصياغة والرأى الأدبى والإجتماعى فيها ..أما فى شخصيتى ..فلا شأن لك بها فليس من حقك مجرد التفكير فيها أو مجرد محاولة الحكم عليها من واقع ما تقرأه من كتاباتى أو يومياتى
وكن على ثقة دوما أن هناك مبدأين لا يتغيران عند صاحب هذه المدونة :
الأول : مهما عرفتى فإنته لسه متعرفنيش ..فمتحاولش تعرفنى .
الثانى : إتفووووو على أم رأيك اللى هيخليك تشتمنى .

وطالما لا تعاملنى شخصيا فلا تحاول مجرد إسقاط حكما على مما تقرأه لى هنا ... وحتى ولو كنت على علاقة شخصية بى ؟
فهل رأيت منى غير الخير ؟
هل سببت لأى شخص الأذى أو الضرر فى يوم ما ؟
هل تجنيت على أحد وتسببت فى إحداث مشكلة من طراز (( هذا قال وهى قالت والجيران سمعوا وقالولى )) ؟
هل لم أكن معك شخصا محترما وملتزما بما أقول وعلى وعى وإحترام ؟؟

إسأل نفسك لما تتدخل فيما لا يعنيك ؟
ولما تسقط أحكاما على أناس لا تعرفهم ؟
ولما تحاول تشويه شخص لم تره فى يوم من الأيام ؟

إنتهى حديثى ...
إلى اللقاء مع بقيت القصة أو بوست جديد

***لما لقيت إن البعض معجبهوش بوست ...صوباع حشيش وإن البوست كان وحش وصعب ومستحيل وإزاى أكتب حاجة زى دى ... قلت أكلف خاطرى وأنقل اخر كام سطر فى البوست اللى واااااااااااثق إن محدش قراهم وأخليهم فى بوست لوحدهم .... وعلى الله الغير معرف يرد على ردى على البوست اللى قبله ... زى ما قدر يكتب تعليق بدون فهم ...يحاول يرد بعد ما قرا وشاف ...تحياتى
فقرى

هناك 19 تعليقًا:

رحاب صالح يقول...

كريم
الاول سلامتك الف سلامة وبعد الشر عنك ويارب تقوم بالسلامة
انا قريت كام بوست كدة وطبعا حسيت بحاجات كدة بس خليني اقول رأي في البوست ده فقط دلوقتي
انا تقريبا قريت كل ما كتبه يوسف السباعي واحسان عبد القدوس اللي دايما يقولوا عنهم انهم فاسقين ويتهمونهم بالفجور ...ولكن لا اعتقد ان حد كتب ولا هيكتب مشاعر واحاسيس زي ما كتب هو عن ابطاله في كل مشاعرهم ...ولا اعتقد ان كل كاتب مر بكل قصة كتبها ولكن من الممكن ان يكون فيها دوما جزء من الحقيقة ...ممكن ان تكون عن ناس عرفهم او سمع بحكايتهم ...واما ان يكتب بكل تلك التفاصيل فأنا اري تفاصيل تكتب الان في روايات اوقصص قصيرة مقززة لابعد الحدود وبعيدا عن الكاتب اذا ما كان فعلا يتمتع بالفسوق والفجور او هو ملتزم فانا هنا لا احكم عليه بنظره شخصية بل بنظرة فقط قارءة لكاتب اعجبت بكتاباته ...

همسات وبحــ الحياه ــر يقول...

لالالالا مش مصدقه ان كريم جه وزارنى هههههه
حمد لله على السلامه :):)
علفكرة بجد انا كل بوست باجى واقراه ساعات بعلق وساعات بكسل
لفت نظرى العنوان الى غير معروف
انا جبت البوست بالشقلوب هههه

إسأل نفسك لما تتدخل فيما لا يعنيك ؟
ولما تسقط أحكاما على أناس لا تعرفهم ؟
ولما تحاول تشويه شخص لم تره فى يوم من الأيام ؟
البوست اللى فات عندى واهو كان بيتكلم عن السيده عائشه مش حشيش ولا غيره
ولقيته كاتب كلام ليا مستفز لدرجة انى لو مش محترمة كنت شتمته
وبعد ماكتبت رد على تعليقه دخل وكتب تعليق مستفز اكتر
فأخذت قرار انى ادع الكلاب تعوى والقافله تسير ولا ايييييييه

ربنا يرحمنا من الناس دى بجد

اروح اكمل قرايه واجى
إنته مال جنابك ؟
هههههههه والله انت جبت المفيد

عارف انا نفسى كل واحد يخليه فى نفسه
ولو حد عنده كلمه ييخليها جواه ولو مأزماه قوى يدخل بكل جرأه ويتكلم
بس نعمل ايه

بحب جدا مقوله
سأكتب مايقوله الناس ضدى فى اوراق وسأضعها تحت قدماى وكلما زادت الاوراق كلما ارتفعت لاعلى

حمد لله على السلااامه كمان مره
لك منى كل الاحترام والتقدير
كل واحد
ونفسى ان الواح يكون جرىء ويدخل بإسم مدونته مش يتخفى ورا غير معروف
انا اتعلمت انى

Lady E يقول...

في الأول الف سلامه على عينيك والحمد لله على سلامتك من العملية انا اول مرة اعرف دلوقتي حالا لما قرأت البوست اللي قبل ده يارب متشوفش الا الخير في صحتك وفي حياتك

الكلام اللي قولته في البوست ده انا عايزة اقول منه كلام كتير في مدونتي للمعلقين اللي بيجرحوا او بيستظرفوا ولذلك انا هاخد اللينك وانشره عندي في البوست الجاي

دمت بخير وصحة وسعادة

promise is promise يقول...

ارفع لك القبعه

تحياتى

سؤال جامد جدا
عملته ستاتيوس عندى


لماذا دوما يحاول بنو البشر بأن ينصبوا أنفسهم آلهة ويحكون على الناس من واقع أشياء لا يعون مقدار ما تحمله لصاحبها

أحمد يقول...

إن سأل الشخص نفسه وأجابها فلا ضير ولا شأن لنا بذلك، أما أنه يسأل عن الآخرين ويجيب عنهم، فهذا مما يُخجل.
وإن من عيوب الشكاك والمصر على ذكائه، أنه يُتعب نفسه ويُتعب الآخرين معه.
أهنئك على أسلوبك الغير مهذب، والذي من خلاله نمنح لصاحبه بعض العذر على تحدثه بألسنة الآخرين، فكل يرى الناس بعين طبعه.

شاب فقرى يقول...

أحمد
أنا وضعت أسئلة وأفكار تتوارد فى ذهن الاخرين
ومن حقى الرد
وطبعا ليس كل ما يرد الى من تعليقات يتم نشره
حديثك غير متزن
ياريت تقرا البوست تانى
وتحاول تفهمه
لان من الواضح انك شايف ان اسلوبى غير مهذب
فى حين ان كل من يتدخل فيما لا يعنيه هوا اللى مش محترم
انته من حقك تقول رايك
لكن رايك مش لازم يجرح غيرك ولا يضره ولا يأذيه
ياريت تفهم النقطة دى
وتفهم المقصود من البوست
وطبعا كل الموجود مش تخمينات
دى تعليقات مستفزة من شخصيات تظن نفسها بالذكاء على انها تقوم باسقاط الافكار على كاتبها
وتقوم بالحكم على الشخص وبتنصيب انفسهم حكاما واصدار احكام عمياء عن الشخص
تعليقات مستفزة زى تعليق حضرتك
:)
شكرا لتعليقك اللى خرج عن المسار ولمحاولة فهمك للكلام الذى لم تستطع فهمه ولا فهم المقصود منه
تحياتى

أحمد يقول...

أولاً شكراً لاستقبالك لردي وردك عليه.
بالفعل حديثي غير متزن وذلك راجع لعدم اتزان البوست.
وصدقني أخ شاب فقري أن أي تعليق لي مش متزن هو عبارة عن تراكمات سابقة وطلعت على صورة تعليق مش متزن.
ومن حقنا أن نضع تخمينات لأفكار نحتمل نحن ورودها في أذهان الآخرين، لكن ليس من حقنا أن نطلق أحكاماً على الآخرين من خلال تخميناتنا! فتخميناتنا ليست إلا هواجس فلماذا نرى بأنها عين الحقيقة!
ولماذا نتوقع من الآخرين كل ما هو سيء، ومن أنفسنا كل ما هو نبيل وشريف؟!
واوافقك الرأي في أن كل من يتدخل فيما لا يعنيه هوا اللى مش محترم.
وصحيح أن تعليقي كان استفزازياً، لكن هل لك أن تبعث لي بالتعليقات المستفزة الأخرى؟! إن كان لا يمكنك فلا داعي من ذلك.

فقط أود أن أتقدم باعتذاري الشديد إن كان تعليقي السابق جارحاً، وصدقني لم يبدر مني ذلك إلا لأني قد عانيت من هذا السلوك و قد تحتم عليّ أن أبينه لصاحبه.

وتعليقي ليس إلا مجرد فضفضة لا يخل أبداً باحترامي وحبي لك.

تحياتي الطيبة

وجمعة مباركة

أحمد يقول...

أنا بس كنت أبغاكي تعرفي حاجة وحدة، أنا أحبك موووت.

غير معرف يقول...

هما الغير معرف دول بيعملوا ازمه دايما :)

تحياتي

غير معرف يقول...

هههههههههههه انا شايفة حاجة غريبة ان الاخوة المعلقين كلهم معاك مش دى حاجة غريبة انتة حر فى رايك وافكارك ونقل الكلام عن اى كاتب حتى لو كان مين ؟؟ لكن كلام هشام شلنات صعب اوى تقبل راى الاخر ومتستبدش برايك وتسخر من الاخرين وعموما مش حنزعلك تانى ولا يهمك كلامك جميل كلة وبلا استثناء

غير معرف يقول...

بص انا حقولك حاجة لو حد بينتقدك عادى لازم تسمعة مش بينتقدك كدة وخلاص من حقك تكتب ومن حقى اقول رائى لكن لو مش بتحب النقد مش حعلق تانى زى بوست ترمادول كنت مضايقة وانا بقرائة

Tears يقول...

التسلط مرض مزمن ينتشر كلما زاد التخلف و كلما استشرى الجهل

صوت من مصر يقول...

طلعت بتفهم يا كيمو
بس يا صاحبى ياريتك تفهم
حاجه
كلنا نفس الشخص الناقد دوما

The illusionist يقول...

من سكت عن جاهل فقد أوسعه

جوابآ،وأوجعه عتابآ.

حد قال كده انا معرفوش

بتتجادلوا عشان بوست فيه صواع حشيش
وواحد جاى يرد تانى ويقول رايى ورايك

ههههههههههههههههههههههههههههه

من سكت عن جاهل فقد أوسعه جوابآ،وأوجعه عتابآ.

زينيكال
وزنك هيطير
وبدون مبيد الصراصير

The illusionist يقول...

لالالا التعليق بتاعى ده غير مسئول بالمره

ممممممممممممممم

انا اسحبه

مممممممممممممممم

يلا بقى هسحبه وخلاص

اصلى كنت فاضى يعنى فقولت اعلق

غير معرف يقول...

رحت فين ؟؟؟؟؟؟؟؟؟؟؟انتا زعلان انا بعتذر بجد انا اسفة على التعليق فى انتظار بوست جديد انا اسفة بجد

غير معرف يقول...

الى صاحب التعليقين اللى فيهم مبيد صارصير يا متخلف الاعتذار مش عن راى فى البوست ياغبى لكن لصاحب المدونة انى ضايقتة بتعليقى وطالما فية تعليقات يعنى تقول رايك يامتخلف ...اما شاب مش فقرى لة كتابات كتير متميزة وبحب كتاباتة وان كان لا يقبل النقد لن اعلق مرة اخرى ولن ادخل مرة تانية ومتردش براحتك

شاب فقرى يقول...

غير معرف
تعليقاتك مقبولة طالما مبتغلطش فى حد
ولا بتغلط فى اى حد بيقول رايه
اليوشنست لما كتب مبيد صراصير كان يقصد التعليقات الجارحة اللى بتغلط فى الكاتب وبتعمل إسقاط عليه
شكرا لردك وللاعتذار
وزورنا كتير
فقرى

غير معرف يقول...

كل يوم لما بفتح الكمبيوتر اول حاجة بعملها انى افتح مدونتك واقرا ما تكتبة ...نادرا ما يعدى يوم من غير مافتحها بيكون فية سبب وبخاف اى حاجة تمسها باى كتابة دون مستواها...دمت مبدعا